ಕಳಪೆ ಫೀಲ್ಡಿಂಗ್ ಕಂಡು ಲೈವ್ ಸಂದರ್ಶನದಲ್ಲೇ ಮೈಕ್ ಎಸೆಯಲು ಮುಂದಾಗ ಪಂಜಾಬ್ ಕೋಚ್ ರಿಕಿ ಪಾಂಟಿಂಗ್
SRH vs PBKS: "ಪ್ರಾಮಾಣಿಕವಾಗಿ ಹೇಳಬೇಕೆಂದರೆ. ಈ ಋತುವಿನಲ್ಲಿ ನಾವು ಇಲ್ಲಿಯವರೆಗೆ ಬಹಳಷ್ಟು ಕ್ಯಾಚ್ಗಳನ್ನು ಬಿಟ್ಟಿದ್ದೇವೆ. ಹುಡುಗರು ಅಸಾಧಾರಣವಾಗಿ ಕಠಿಣ ಪರಿಶ್ರಮ ವಹಿಸಿದ್ದಾರೆ. ಶಶಾಂಕ್ ಹೋದಲ್ಲೆಲ್ಲಾ ಚೆಂಡುಗಳು ಅವನನ್ನು ಹಿಂಬಾಲಿಸುತ್ತಿವೆ ಎಂದು ತೋರುತ್ತಿದೆ" ಎಂದು ಪಾಂಟಿಂಗ್ ಹೇಳಿದರು.
Ricky Ponting -
ಹೈದರಾಬಾದ್, ಮೇ 7: ಸನ್ರೈಸರ್ಸ್ ಹೈದರಾಬಾದ್(SRH vs PBKS) ತಂಡದ ವಿರುದ್ಧದ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ತಂಡದ ಆಟಗಾರರು ಅತ್ಯಂತ ಕಳಪೆ ಮಟ್ಟದ ಫ್ಡಿಲಿಂಗ್ ನಡೆಸಿದಕ್ಕೆ ಪಂಜಾಬ್ ಮುಖ್ಯ ಕೋಚ್ ರಿಕಿ ಪಾಂಟಿಂಗ್(Ricky Ponting) ಮೈದಾನದಲ್ಲೇ ಆಕ್ರೋಶ ವ್ಯಕ್ತಪಡಿಸಿದರು. ಪಂದ್ಯದ ವೇಳೆ ಲೈವ್ನಲ್ಲಿ ಮಾತನಾಡುತ್ತಿದ್ದ ಪಾಂಟಿಂಗ್ ತಂಡದ ಆಟಗಾರರು ಸತತ ಕ್ಯಾಚ್ ಕೈಚೆಲ್ಲಿದ್ದನ್ನು ಕಂಡು ಮೈಕ್ ಎಸೆಯುವ ಹಂತಕ್ಕೆ ಮುಂದಾದರು.
ಇಂಡಿಯನ್ ಪ್ರೀಮಿಯರ್ ಲೀಗ್ 2026 ರ ಋತುವಿನಲ್ಲಿ ಪಂಜಾಬ್ ತಂಡದ ಫೀಲ್ಡಿಂಗ್ ಸಮಸ್ಯೆಗಳು ಮತ್ತೆ ಕಾಡಿದವು. ಕೂಪರ್ ಕಾನೊಲಿ, ಶಶಾಂಕ್ ಸಿಂಗ್ ಮತ್ತು ಲಾಕಿ ಫರ್ಗುಸನ್ ಅವರು ಸರಳ ಅವಕಾಶಗಳನ್ನು ಚೆಲ್ಲಿದರು. 10 ಓವರ್ಗಳ ಆಸುಪಾಸಿನಲ್ಲಿ, ಕಾನೊಲಿ ಮತ್ತು ಶಶಾಂಕ್ ಇಶಾನ್ ಕಿಶನ್ ಮತ್ತು ಹೆನ್ರಿಕ್ ಕ್ಲಾಸೆನ್ ಅವರ ಕ್ಯಾಚ್ಗಳನ್ನು ಕೈಬಿಟ್ಟ ಕೆಲವೇ ಕ್ಷಣಗಳ ನಂತರ, ಪಾಂಟಿಂಗ್ ಅವರನ್ನು ಪ್ರಸಾರ ಸಂದರ್ಶನಕ್ಕಾಗಿ ಕರೆತರಲಾಯಿತು. ಈ ವೇಳೆ "ನಾನು ಮೈದಾನದಲ್ಲಿ ಮೈಕ್ರೊಫೋನ್ ಎಸೆಯುವ ಹಂತಕ್ಕೆ ಹತ್ತಿರವಾಗಿದ್ದೇನೆ" ಎಂದು ಹೇಳಿದರು.
ಫರ್ಗುಸನ್ ಎಸೆದ ಎಂಟನೇ ಓವರ್ನಲ್ಲಿ ಕಿಶನ್ ಅವರ ಸುಲಭದ ಕ್ಯಾಚನ್ನು ಕಾನೋಲಿ ಬಿಟ್ಟರು. ಆಗ ಇಶಾನ್ ಕೇವಲ 9 ರನ್ ಗಳಿಸಿದ್ದರು. ಇದಾದ ಬಳಿಕ ಶಶಾಂಕ್, ನಂತರದ ಓವರ್ನಲ್ಲಿ ಡೀಪ್ ಬ್ಯಾಕ್ವರ್ಡ್ ಸ್ಕ್ವೇರ್ ಲೆಗ್ನಲ್ಲಿ ಯುಜ್ವೇಂದ್ರ ಚಾಹಲ್ ಬೌಲಿಂಗ್ನಲ್ಲಿ ಮತ್ತೊಂದು ಕ್ಯಾಚ್ ಕೈಬಿಟ್ಟರು. ಕಳೆದ ಮೂರು ಪಂದ್ಯಗಳಲ್ಲಿ ಇದು ಅವರ ಐದನೇ ಡ್ರಾಪ್ ಕ್ಯಾಚ್ ಆಗಿತ್ತು.
"ಪ್ರಾಮಾಣಿಕವಾಗಿ ಹೇಳಬೇಕೆಂದರೆ. ಈ ಋತುವಿನಲ್ಲಿ ನಾವು ಇಲ್ಲಿಯವರೆಗೆ ಬಹಳಷ್ಟು ಕ್ಯಾಚ್ಗಳನ್ನು ಬಿಟ್ಟಿದ್ದೇವೆ. ಹುಡುಗರು ಅಸಾಧಾರಣವಾಗಿ ಕಠಿಣ ಪರಿಶ್ರಮ ವಹಿಸಿದ್ದಾರೆ. ಶಶಾಂಕ್ ಹೋದಲ್ಲೆಲ್ಲಾ ಚೆಂಡುಗಳು ಅವನನ್ನು ಹಿಂಬಾಲಿಸುತ್ತಿವೆ ಎಂದು ತೋರುತ್ತಿದೆ" ಎಂದು ಪಾಂಟಿಂಗ್ ಹೇಳಿದರು.
IPL 2026 Points Table: ಅಂಕಪಟ್ಟಿಯಲ್ಲಿ ಮಹತ್ವದ ಬದಲಾವಣೆ; ಅಗ್ರಸ್ಥಾನ ಕಳೆದುಕೊಂಡ ಪಂಜಾಬ್
"ಎಡ ಮಂಡಿರಜ್ಜು ನೋವಿನಿಂದಾಗಿ ಅವರು ಒಂದೆರಡು ಪಂದ್ಯಗಳನ್ನು ತಪ್ಪಿಸಿಕೊಂಡರು, ಆದ್ದರಿಂದ ಅದರಿಂದ ಚೇತರಿಸಿಕೊಳ್ಳಲು ಅವರಿಗೆ ಸುಮಾರು ಒಂದೂವರೆ ವಾರ ಬೇಕಾಯಿತು. ದೈಹಿಕವಾಗಿ ಸರಿಯಾಗಿ ಆಡಲು ಅವರು ಕಳೆದ ವಾರ ತನ್ನ ಎಲ್ಲಾ ಕೆಲಸಗಳನ್ನು ಮಾಡಿದ್ದಾರೆ. ಅವರಿಗೆ ಕ್ಯಾಚಿಂಗ್ ಡ್ರಿಲ್ಗಳನ್ನು ಹೆಚ್ಚಿಸಿದ್ದೇವೆ" ಎಂದು ಪಾಂಟಿಂಗ್ ಹೇಳಿದರು.
ರಾಜೀವಗಾಂಧಿ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಟಾಸ್ ಗೆದ್ದ ಪಂಜಾಬ್ ಕಿಂಗ್ಸ್ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಇಶಾನ್ (55) ಹಾಗೂ ಕ್ಲಾಸೆನ್ (69) ಬೀಸಾಟ ನಡೆಸಿದರು. ಇದರಿಂದಾಗಿ ಆತಿಥೇಯ ತಂಡವು 20 ಓವರ್ಗಳಲ್ಲಿ 4 ವಿಕೆಟ್ಗಳಿಗೆ 235 ರನ್ ಗಳಿಸಿತು.
ಗುರಿ ಬೆನ್ನಟ್ಟಿದ ಪಂಜಾಬ್ ತಂಡದ ಪರ ಆಸ್ಟ್ರೇಲಿಯಾದ ಎಡಗೈ ಬ್ಯಾಟರ್ ಕೂಪರ್ (ಔಟಾಗದೇ 107) ಏಕಾಂಗಿ ಹೋರಾಟ ನಡೆಸಿದರೂ ತಂಡ ಗೆಲುವು ಕಾಣಲಿಲ್ಲ. ತಂಡವು 7 ವಿಕೆಟ್ಗೆ 202 ರನ್ ಗಳಿಸಲಷ್ಟೇ ಶಕ್ತವಾಯಿತು.