ಸೈಯದ್‌ ಮೋದಿ ಬ್ಯಾಡ್ಮಿಂಟನ್‌: ಪ್ರಶಸ್ತಿ ಉಳಿಸಿಕೊಂಡ ಟ್ರೀಸಾ–ಗಾಯತ್ರಿ

ಲಕ್ನೋ: ಭಾನುವಾರ ನಡೆದ ಸೈಯದ್ ಮೋದಿ ಇಂಟರ್ನ್ಯಾಷನಲ್ ಸೂಪರ್ 300 ರ ಮಹಿಳಾ ಡಬಲ್ಸ್‌ನಲ್ಲಿ ಹಾಲಿ ಚಾಂಪಿಯನ್ ಟ್ರೀಸಾ ಜಾಲಿ ಮತ್ತು ಗಾಯತ್ರಿ ಗೋಪಿಚಂದ್ ಜಪಾನ್‌ನ ಕಹೋ ಒಸಾವಾ ಮತ್ತು ಮೈ ತನಾಬೆ ವಿರುದ್ಧ ಮೂರು ಗೇಮ್‌ಗಳ ಹೋರಾಟದ ಗೆಲುವು ಸಾಧಿಸಿ ಪ್ರಶಸ್ತಿಯನ್ನು ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಆದರೆ ಪುರುಷರ ಸಿಂಗಲ್ಸ್‌ನಲ್ಲಿ ಕಿದಂಬಿ ಶ್ರೀಕಾಂತ್‌ ಸೋತು ನಿರಾಸೆ ಕಂಡರು.

ಅಗ್ರ ಶ್ರೇಯಾಂಕಿತ ಭಾರತೀಯ ಜೋಡಿ ಆಕ್ರಮಣಕಾರಿ ಪ್ರದರ್ಶನ ನೀಡಿ, ಒಂದು ಗಂಟೆ 16 ನಿಮಿಷಗಳ ಕಾಲ ನಡೆದ ರೋಮಾಂಚಕಾರಿ ಫೈನಲ್‌ನಲ್ಲಿ ವಿಶ್ವದ 35 ನೇ ಶ್ರೇಯಾಂಕಿತ ಜಪಾನ್ ಜೋಡಿಯನ್ನು 17-21, 21-13, 21-15 ಸೆಟ್‌ಗಳಿಂದ ಸೋಲಿಸಿತು. ಭುಜದ ನೋವಿಗಾಗಿ ಐದು ತಿಂಗಳು ವಿಶ್ರಾಂತಿಯಲ್ಲಿದ್ದ ಗಾಯತ್ರಿ, ಪುನರಾಗಮನದ ಬಳಿಕ ಆಡುತ್ತಿರುವ ಎರಡನೇ ಟೂರ್ನಿ ಇದಾಗಿತ್ತು.

ಇದನ್ನೂ ಓದಿ IND vs SA: 'ವಿಂಟೇಜ್' ವಿರಾಟ್‌ ಸೆಂಚುರಿ; ಬೃಹತ್‌ ಮೊತ್ತ ಪೇರಿಸಿದ ಭಾರತ

32 ವರ್ಷದ ಶ್ರೀಕಾಂತ್‌ ಅವರು ಜಿ. ಜೇಸನ್ ಎದುರು 16-21, 21-8, 20-22 ಅಂತರದಿಂದ ಸೋಲು ಕಂಡರು. ಶ್ರೀಕಾಂತ್ 2016ರಲ್ಲಿ ಈ ಟೂರ್ನಿಯಲ್ಲಿ ಚಾಂಪಿಯನ್ ಆಗಿದ್ದರು. ಈ ವರ್ಷದ ಆರಂಭದಲ್ಲಿ ಮಲೇಷ್ಯಾ ಮಾಸ್ಟರ್ಸ್ ಸೂಪರ್ 500 ರಲ್ಲಿ ರನ್ನರ್-ಅಪ್ ಸ್ಥಾನ ಪಡೆದಿದ್ದರು.