Vastu Tips: ನಿಮ್ಮ ಮನೆಯಲ್ಲಿ ಬುದ್ಧನ ಪ್ರತಿಮೆ ಇಡುತ್ತಿದ್ದಿರಾ? ಹಾಗಾದ್ರೆ ಯಾವ ಜಾಗದಲ್ಲಿ ಇಡಬೇಕು?

ಬೆಂಗಳೂರು: ಹಿಂದೂ ಧರ್ಮದ (Hindu Dharma) ಪ್ರಕಾರ ವಾಸ್ತು ಶಾಸ್ತ್ರ (Vastu Shastra) ಎಂಬುದು ಮನೆಯಲ್ಲಿ ಸಂತೋಷ ಮತ್ತು ಸಕಾರಾತ್ಮಕತೆಯನ್ನು(Positive Energy) ತುಂಬಿಸಲು ಇರುವ ಅತ್ಯುತ್ತಮ ಮಾರ್ಗವಾಗಿದೆ. ವಾಸ್ತು ಶಾಸ್ತ್ರದ ಪ್ರಕಾರ ಮನೆಯಲ್ಲಿ ಧನಾತ್ಮಕ ಶಕ್ತಿಯ ಗೋಚರ ಇದ್ದರೆ ಮಾತ್ರ, ಮನೆಯಲ್ಲಿ ಸಂತೋಷ, ಸಂಪತ್ತು ಮತ್ತು ಸೌಹಾರ್ದತೆ ಹೆಚ್ಚಾಗುತ್ತದೆ. ಮನೆಯವರು ತಮ್ಮ ಜೀವನದಲ್ಲಿ ಉತ್ತಮ ಫಲಿತಾಂಶ ಹಾಗೂ ಯಶಸ್ಸನ್ನು ಪಡೆಯುತ್ತಾರೆ. ಇದೇ ಕಾರಣಕ್ಕೆ ಇತ್ತೀಚೆಗೆ ವಾಸ್ತು ಶಾಸ್ತ್ರ ಪಾಲನೆ ಮಾಡುವವರ ಸಂಖ್ಯೆ ಹೆಚ್ಚಿದ್ದು, ಕೆಲವರು ಒಂದು ಪುಟ್ಟ ಗಿಡ ತರುವುದಾದರೂ ವಾಸ್ತು ಪರಿಗಣಿಸುತ್ತಾರೆ. ಇದಕ್ಕೆ ಗಿಡ ಮಾತ್ರವಲ್ಲ, ಮನೆಯ ಅಂದವನ್ನು ಹೆಚ್ಚಿಸಲು ತರುವ ಹೂಕುಂಡಗಳು, ಆಟಿಕೆಗಳು, ವಿಭಿನ್ನ ವಸ್ತುಗಳು ಹೊರತಾಗಿಲ್ಲ. ಅದರಲ್ಲೂ ವಿಶೇಷವಾಗಿ ಬುದ್ದ ವಿಗ್ರಹ - ಪ್ರತಿಮೆಗಳನ್ನು ಮನೆಗೆ ತರುವಾಗ ವಾಸ್ತು ನಿಯಮಗಳನ್ನು ಅನುಸರಿಸುವುದು ಅತ್ಯಗತ್ಯವಾಗಿದೆ.

ಹೌದು ಇತ್ತೀಚೆಗೆ ಬಹುತೇಕರಿಗೆ ಬುದ್ಧನ ಪ್ರತಿಮೆಯನ್ನು ಮನೆಯಲ್ಲಿ ತಂದಿಟ್ಟುಕೊಳ್ಳುವ ಹವ್ಯಾಸ ಹೆಚ್ಚಾಗಿದ್ದು, ಅದಕ್ಕೊಂದು ಗಾರ್ಡನ್ ಮಾಡಿಯೋ ಅಥವಾ ಹೂ ಕುಂಡಗಳ ಮಧ್ಯೆಯೋ ಇಡುತ್ತಾರೆ. ಆದ್ರೆ ಹೀಗೆ ಎಲ್ಲಿಬೇಂದರಲ್ಲಿ ಶಾಂತ ಸ್ವರೂಪಿಯಾದ ಈ ಬುದ್ಧನ ಪ್ರತಿಮೆಯನ್ನು ಹಿಡುವುದರಿಂದ ಸಮಸ್ಯೆಗಳ ಸರಮಾಲೆಯೇ ಎದುರಾಗಲಿದ್ದು, ತಪ್ಪಾದ ಜಾಗದಲ್ಲಿ ಬುದ್ಧನ ಪ್ರತಿಮೆಯನ್ನು ಇರಿಸುವುದರಿಂದ ಋಣಾತ್ಮಕ ಶಕ್ತಿಗಳು ಮನೆಯೊಳಗೆ ಬರುತ್ತವೆ ಎನ್ನುತ್ತಾರೆ.

ಹಾಗಾಗಿ ಮನೆಯಲ್ಲಿ ಸಕಾರಾತ್ಮಕತೆ, ಸಂಪತ್ತು, ಅದೃಷ್ಟವನ್ನು ಆಕರ್ಷಿಸುವ ಬುದ್ಧನನ್ನು ಸರಿಯಾದ ದಿಕ್ಕಿನಲ್ಲಿ ಇಡುವುದರಿಂದ ಅಭಿವೃದ್ಧಿ ಹೊಂದಬಹುದಾಗಿದ್ದು, ಇದರಿಂದ ಉಂಟಾಗುವ ಪ್ರಯೋಜನಗಳೇನು...? ಈ ಬಗ್ಗೆ ವಾಸ್ತು ಶಾಸ್ತ್ರ ಏನೇಳುತ್ತದೆ...? ಎನ್ನುವುದರ ಕುರಿತಾಗಿ ಇಲ್ಲಿ ವಿವರಿಸಲಾಗಿದೆ.

ಬುದ್ಧನ ಪ್ರತಿಮೆಯನ್ನು ಪ್ರಶಾಂತವಾದ ವಾತಾವರಣದಲ್ಲಿ ಇರಿಸುವುದು ಅತ್ಯಗತ್ಯ. ನಿಮ್ಮ ಮನೆಯಲ್ಲಿ ಧನಾತ್ಮಕ ಗುಣವನ್ನು ಹೊಂದಿರುವ ಸ್ಥಳವನ್ನು ಆಯ್ಕೆಮಾಡಿಕೊಳ್ಳಿ. ನಿಮ್ಮ ವಾಸದ ಕೊಠಡಿ, ಉತ್ತಮ ರೀತಿಯಲ್ಲಿ ಬೆಳಕು ಬಿರುವ ಪ್ರದೇಶ ಸೇರಿದಂತೆ ಉತ್ತಮವಾದ ಪ್ರದೇಶವನ್ನು ಆರಿಸಿಕೊಳ್ಳಿ. ಯಾಕೆಂದರೆ ಬುದ್ಧನ ಪ್ರತಿಮೆಗೆ ಶಾಂತಿಯನ್ನು ಹೊರಸೋಸುವ ಪ್ರಬಲ ಕೇಂದ್ರಬಿಂದುವಾಗಿರುತ್ತದೆ.

Vastu Tips: ದೇವರ ಕೋಣೆಯಲ್ಲಿ ಈ ವಸ್ತುಗಳನ್ನು ಇಟ್ಟರೆ ದುರಾದೃಷ್ಟ, ದಾರಿದ್ರ್ಯ ಕಾಡಲಿದೆ..!

ಇನ್ನು, ಬುದ್ಧನ ಪ್ರತಿಮೆಯನ್ನು ಪೂರ್ವಾಭಿಮುಖವಾಗಿ ಇರಿಸಿದಲ್ಲಿ ಅಲ್ಲಿ ಜ್ಞಾನದ ಉದಯ ಮತ್ತು ಹೊಸತನದ ಆರಂಭದ ಸೂಚಕವಾಗಿರುತ್ತದೆ. ಇನ್ನು ಸೂರ್ಯನಿಗೆ ಅಭಿಮುಖವಾಗಿ ಬುದ್ಧನ ಪ್ರತಿಮೆಯನ್ನು ಇರಿಸುವುದರಿಂದ ನಿಮ್ಮ ಬದುಕಿನಲ್ಲಿ ಹೊಸ ಭರವಸೆ, ಸಕಾರಾತ್ಮಕತೆ ಮತ್ತು ಹೊಸತನದ ಪ್ರವೇಶವಾಗುತ್ತದೆ. ಒಂದುವೇಳೆ ಪೂರ್ವಕ್ಕೆ ಅಭಿಮುಖವಾಗಿ ಬುದ್ಧನ ಪ್ರತಿಮೆಯನ್ನು ಇರಿಸಲು ಸಾಧ್ಯವಾಗದಿದ್ದರೆ, ಉತ್ತರಾಭಿಮುಖವಾಗಿಯೂ ಪ್ರತಿಮೆಯನ್ನು ಇರಿಸಬಹುದು.

ಮನೆ ಬಾಗಿಲು ಅಥವಾ ಕಿಟಕಿಗೆ ಅಭಿಮುಖವಾಗಿ ಬುದ್ಧನ ಪ್ರತಿಮೆಯನ್ನು ಇರಿಸಬೇಡಿ, ಇದರಿಂದ ಧನಾತ್ಮಕ ಶಕ್ತಿ ನಷ್ಟಗೊಳ್ಳುವ ಸಾಧ್ಯತೆಗಳಿರುತ್ತವೆ.
ಇದಲ್ಲದೇ, ಬುದ್ಧನ ಪ್ರತಿಮೆಯನ್ನು ನೀವು ಮಲಗುವ ಕೋಣೆಯಲ್ಲಿ ಇರಿಸುವ ತಪ್ಪನ್ನು ಎಂದಿಗೂ ಮಾಡದಿರಿ. ಪ್ರತಿಮೆಯನ್ನು ಎತ್ತರದ ಸ್ಥಳದಲ್ಲಿ ಇರಿಸಿ. ಮತ್ತು ಆ ಮೂಲಕ ಅದರ ಗೌರವವನ್ನು ಕಾಪಾಡಿಕೊಳ್ಳಿ. ಬಾತ್ ರೂಂ ಅಥವಾ ಅಡುಗೆ ಮನೆಯಲ್ಲಿ ಬುದ್ಧನ ಪ್ರತಿಮೆ ಇರಿಸುವುದರಿಂದ ಮನೆಯಲ್ಲಿ ಸಂಘರ್ಷಮಯ ವಾತಾವರಣ ಕಾಣಿಸಿಕೊಳ್ಳುತ್ತದೆ!

ಇಂದಿನ ಒತ್ತಡಯುಕ್ತ, ಸ್ಪರ್ಧಾತ್ಮಕ ಜಗತ್ತಿನಲ್ಲಿಮ ನಮಗೆ ಪ್ರತೀದಿನ ಧನಾತ್ಮಕ ಶಕ್ತಿ ಮತ್ತು ಸ್ಪೂರ್ತಿಯ ಅವಶ್ಯಕತೆ ತುಂಬಾನೆ ಇದೆ. ಹಾಗಾಗಿ ನಾವು ವಾಸಿಸುವ ಮನೆಯಲ್ಲಿ ನೆಮ್ಮದಿಯ ವಾತಾವರಣ ರೂಪಿಸಿಕೊಳ್ಳುವುದು ಇಂದಿನ ಅನಿವಾರ್ಯತೆಯೂ ಹೌದು. ಇಂತಹ ಸರಳ ವಾಸ್ತು ಟಿಪ್ಸ್ ಗಳ ಮೂಲಕ ನಿಮ್ಮ ಜೀವನವನ್ನು ಸುಖಮಯವಾಗಿಸಿಕೊಳ್ಳಿ.