ಚೀನಾ ಅಗ್ಗವೇ? ತಿಂಗಳಿಗೆ 9.81 ಲಕ್ಷ ರೂ ಖರ್ಚು ಮಾಡುವ ಭಾರತೀಯ ಕುಟುಂಬ ಹೇಳಿದ್ದೇನು?

ಚೀನಾ,ಆ.18: ಇಂದು ನಗರ ಪ್ರದೇಶದಲ್ಲಿ ಜೀವನ ಶೈಲಿ ಅನ್ನೋದು ಬಹಳಷ್ಟು ದುಬಾರಿಯಾಗಿದೆ. ದಿನಸಿ, ಆಹಾರ, ಶಾಪಿಂಗ್ ಎಂದು ದುಡಿದ ಅರ್ಧದಷ್ಟು ಹಣವನ್ನು ಖರ್ಚು ವೆಚ್ಚಕ್ಕಾಗಿಯೇ ಇರಿಸಬೇಕಾಗುತ್ತದೆ. ಇದೀಗ ಚೀನಾದ ಶಾಂಘೈ ನಗರದಲ್ಲಿ ವಾಸಿಸುತ್ತಿರುವ ಭಾರತೀಯ ಮಹಿಳೆಯೊಬ್ಬರು 4 ಜನರ ಕುಟುಂಬದ ವೆಚ್ಚ ಏಷ್ಟಿದೇ? ಎಂಬುದನ್ನು ಶೇರ್ (Viral News) ಮಾಡಿಕೊಂಡಿದ್ದಾರೆ. ಪ್ರತಿ ತಿಂಗಳು ಸುಮಾರು ರೂ. 10 ಲಕ್ಷ ಖರ್ಚು ಮಾಡುವುದನ್ನು ಹೇಳಿ ಕೊಂಡಿದ್ದು ಬಾಡಿಗೆ ಮತ್ತು ಅಂತಾರಾಷ್ಟ್ರೀಯ ಶಾಲಾ ಶುಲ್ಕಗಳು ಅದರಲ್ಲಿ ಹೆಚ್ಚಿನ ಭಾಗವನ್ನು ಹೊಂದಿವೆ.

ವಿದೇಶದಲ್ಲಿ ವಾಸ ಮಾಡುವುದು ಅಷ್ಟು ಸುಲಭವಲ್ಲ, ಸುಮಾರು 10 ಲಕ್ಷ ಮೊತ್ತವು ಅವರ ನಾಲ್ಕು ಜನರ ಕುಟುಂಬದ ಜೀವನಶೈಲಿ ಮತ್ತು ಆಯ್ಕೆಗಳಿಗೆ ನಿಗದಿಪಡಿಸಬೇಕಾಗುತ್ತದೆ. ಅವರ ಬಜೆಟ್‌ನ ಹೆಚ್ಚಿನ ಭಾಗವು ವಸತಿ ಮತ್ತು ಶಿಕ್ಷಣಕ್ಕೆ ಹೋಗುತ್ತದೆ. ಶಾಂಘೈ ಡೌನ್‌ಟೌನ್‌ನಲ್ಲಿರುವ ಮನೆಗೆ ಕುಟುಂಬವು ಪ್ರತಿ ತಿಂಗಳು 25,000 ಯುವಾನ್ ಅಂದ್ರೆ ಸುಮಾರು 3.5 ಲಕ್ಷ ರೂ ಪಾವತಿಸುತ್ತದೆ. ಅವರ ಮಕ್ಕಳು ಅಂತರರಾಷ್ಟ್ರೀಯ ಶಾಲೆಗೆ ತೆರಳುತ್ತಿದ್ದು ಇದು ಪ್ರತಿ ತಿಂಗಳು 25,000 ಯುವಾನ್ ಸುಮಾರು 3.5 ಲಕ್ಷ ರೂ ವೆಚ್ಚವಾಗುತ್ತದೆ ಅಂದರು.

ವಿಡಿಯೋ ನೋಡಿ:

ಬಾಡಿಗೆ ಮತ್ತು ಶಾಲಾ ಶುಲ್ಕಗಳು ಒಟ್ಟಾಗಿ ಕುಟುಂಬದ ಮಾಸಿಕ ಖರ್ಚು ಸುಮಾರು 7 ಲಕ್ಷ ರೂ.ಗಳನ್ನು ಹೊಂದಿವೆ. ಕುಟುಂಬವು ದಿನಸಿಗಾಗಿ ಸುಮಾರು 5,000 ಯುವಾನ್ ಸುಮಾರು 70,750 ರೂ. ಖರ್ಚು ಮಾಡುತ್ತದೆ. ಗೃಹೋಪಯೋಗಿ ಕೆಲಸಕ್ಕೆ ಮಾಸಿಕ ಬಜೆಟ್‌ಗೆ 1 ಲಕ್ಷ ರೂ.ಗಳಿಗಿಂತ ಹೆಚ್ಚು, ಸಾರ್ವಜನಿಕ ಸಾರಿಗೆಗೆ ಸುಮಾರು 700 ಯುವಾನ್ ಸುಮಾರು ರೂ. 10,000 ವೆಚ್ಚವಾಗುತ್ತದೆ

ಅಷ್ಟೇ ಅಲ್ಲದೆ ಶರ್ಮಾ ಅವರು ಪ್ರತಿ ತಿಂಗಳು ಸುಮಾರು 1,500 ಯುವಾನ್ ರೂ. 21,230 ತಮ್ಮ ಮಕ್ಕಳ ಮನರಂಜನೆ ಮತ್ತು ಪಠ್ಯೇತರ ಚಟುವಟಿಕೆಗಳಿಗೆ ನಿಗದಿ ಮಾಡುತ್ತಾರೆ‌. ಕುಟುಂಬವು ಹೊರಗೆ ಊಟ ಮತ್ತು ಶಾಪಿಂಗ್‌ಗಾಗಿ ಸುಮಾರು 4,000 ಯುವಾನ್ ಅಥವಾ ರೂ. 56,650 ಅನ್ನು ಸಹ ಮೀಸಲಿಡುತ್ತದೆ. ಈ ವೆಚ್ಚಗಳನ್ನು ಸೇರಿಸಿದಾಗ, ಕುಟುಂಬವು ಪ್ರತಿ ತಿಂಗಳು ಸುಮಾರು ರೂ. 9,81,860 ಖರ್ಚು ಮಾಡುತ್ತದೆ ಎಂದು ಶರ್ಮಾ ಹೇಳಿದ್ದಾರೆ.

Viral Video: ಇಂಗ್ಲೆಂಡ್‌ನ ದುಬಾರಿ ಶಸ್ತ್ರಚಿಕಿತ್ಸೆಯಿಂದ ಬೇಸತ್ತು ಭಾರತಕ್ಕೆ ಬಂದ ವ್ಯಕ್ತಿ; ಜನಪ್ರಿಯವಾಗುತ್ತಿದೆ ದೇಶದ ಹೆಲ್ತ್‌ ಟೂರಿಸಂ

ಆದಾಗ್ಯೂ, ಕಂಪನಿಯಿಂದ ಬಾಡಿಗೆ ಅಥವಾ ಶಾಲಾ ಫೀಸ್ ಸಹಾಯಧನ ಸಿಗದಿರುವುದರಿಂದ ಕುಟುಂಬವೇ ಈ ಖರ್ಚನ್ನು ಭರಿಸುತ್ತಿದೆ. ಇದು ನಮ್ಮ ಜೀವನಶೈಲಿ ಮತ್ತು ಆಯ್ಕೆಗಳ ಆಧಾರದ ಮೇಲೆ ವೈಯಕ್ತಿಕ ಮಾಸಿಕ ಖರ್ಚು, ಇದು ಖಂಡಿತವಾಗಿಯೂ ಸಾಮಾನ್ಯ ಜೀವನ ವೆಚ್ಚವಲ್ಲ ಎಂದು ತಿಳಿದಿದೆ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಈ ಪೋಸ್ಟ್ ಬಗ್ಗೆ ಭಾರತೀಯ ಜನರು ಅಚ್ಚರಿ ಪಡಿಸಿದ್ದಾರೆ‌

ಶಾಂಘೈ, ಬೀಜಿಂಗ್‌ ನಂತಹ ಪ್ರಮುಖ ಮೆಟ್ರೋ ನಗರಗಳಲ್ಲಿ ಐಷಾರಾಮಿ ಜೀವನಶೈಲಿ ಅತ್ಯಂತ ದುಬಾರಿಯಾಗಿದೆ. ಬಳಕೆದಾರರೊಬ್ಬರು ಚೀನಾ ಅಗ್ಗವಾಗಿದೆ ಎಂದು ನಾನು ಇಲ್ಲಿಗೆ ಬರುವ ಮೊದಲು ಯೋಚಿಸಿದ್ದೆ. ಇಲ್ಲಿಗೆ ಬಂದ ನಂತರ ಎಲ್ಲವೂ ಎರಡು ಪಟ್ಟು ದುಬಾರಿಯಾಗಿದೆ ಎಂದು ಅರಿವಾಯಿತು ಅಂದರು.