Grammy Award: ಗ್ರಾಮಿ ಅವಾರ್ಡ್‌ ಬೆತ್ತಲಾಗಿ ಎಂಟ್ರಿ ಕೊಟ್ಟ ಮಾಡೆಲ್ ಬಿಯಾಂಕಾ ಸೆನ್ಸೋರಿ; ಏನಿದು ಕತೆ? ವಿಡಿಯೊ ವೈರಲ್‌

ವಾಷಿಂಗ್ಟನ್‌ : ಅಮೆರಿಕಾದ ಲಾಸ್‍ ಏಂಜಲೀಸ್‍ನಲ್ಲಿ ನಡೆದ ಗ್ರ್ಯಾಮಿ ಪ್ರಶಸ್ತಿ 2025 ರ ರೆಡ್ ಕಾರ್ಪೆಟ್‍ನಲ್ಲಿ ರಾಪರ್‌ ಕಾನ್ಯೆ ವೆಸ್ಟ್ ಮತ್ತು ಆತನ ಪತ್ನಿ ಮಾಡೆಲ್ ಬಿಯಾಂಕಾ ಸೆನ್ಸೋರಿ ಮತ್ತೊಮ್ಮೆ ಗಮನ ಸೆಳೆದಿದ್ದಾರೆ. ಆದರೆ ಈ ಬಾರಿ, ಅವರು ಫ್ಯಾಷನ್ ಆಯ್ಕೆಗಳಿಗಾಗಿ ಮಾತ್ರವಲ್ಲ ಈ ಕಾರ್ಯಕ್ರಮದಲ್ಲಿ ಕಾಣಿಸಿಕೊಳ್ಳಬಾರದ ರೀತಿಯಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ವಿಡಿಯೊ ಸೋಶಿಯಲ್ ಮೀಡಿಯಾಗಳಲ್ಲಿ ಹರಿದಾಡಿದ್ದು, ಸಿಕ್ಕಾಪಟ್ಟೆ ವೈರಲ್(Viral Video) ಆಗಿದೆ.

ಕಾನ್ಯೆ ವೆಸ್ಟ್ ಎಂದು ಕರೆಯಲ್ಪಡುತ್ತಿದ್ದ ರಾಪರ್‌ ಯೆ, ಗ್ರ್ಯಾಮಿ ಪ್ರಶಸ್ತಿಗಳಲ್ಲಿ ಸುದ್ದಿಯಾಗುವುದು ಹೊಸತೇನಲ್ಲ. ಆದರೆ ಈ ಬಾರಿ ಆತನ ಪತ್ನಿ ಬಿಯಾಂಕಾ ಎಲ್ಲರ ಗಮನ ಸೆಳೆದಿದ್ದಾರೆ. ತನ್ನ ಅದ್ಭುತ ಶೈಲಿಯ ಉಡುಪುಗಳಿಗೆ ಹೆಸರುವಾಸಿಯಾದ ಬಿಯಾಂಕಾ, ಈ ಬಾರಿ ಪಾರದರ್ಶಕ ಉಡುಪು ಧರಿಸಿ ಈ ಕಾರ್ಯಕ್ರಮಕ್ಕೆ ಬಂದಿದ್ದಾಳೆ. ಈ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿ ಎಲ್ಲರ ಗಮನ ಸೆಳೆದಿದೆ. ಅನೇಕರು ಇದಕ್ಕೆ ಆಕ್ರೋಶದ ಪ್ರತಿಕ್ರಿಯೆಗಳನ್ನು ವ್ಯಕ್ತಪಡಿಸಿದ್ದಾರೆ.

ಬಿಯಾಂಕಾ ಆರಂಭದಲ್ಲಿ ಉದ್ದನೆಯ ಕಪ್ಪು ತುಪ್ಪಳದ ಕೋಟ್‌ನಿಂದ ಮುಚ್ಚಲ್ಪಟ್ಟ ಉಡುಪು ಧರಿಸಿದ್ದಳು. ಆದರೆ ನಂತರ ಅವರ ಬೋಲ್ಡ್ ಲುಕ್‍ನ ಉಡುಪನ್ನು ಪ್ರದರ್ಶಿಸಲು ಕೋಟ್‌ ತೆಗೆದಾಗ ಅಲ್ಲಿದ್ದವರೆಲ್ಲರೂ ಸಿಕ್ಕಾಪಟ್ಟೆ ಶಾಕ್‌ ಆಗಿದ್ದಾರೆ.

ವರದಿ ಪ್ರಕಾರ ಈ ದಂಪತಿಯನ್ನು ಕಾರ್ಯಕ್ರಮಕ್ಕೆ ಆಹ್ವಾನಿಸದಿದ್ದರೂ ಅವರು ತಾವಾಗಿಯೇ ಬಂದು ಇಂತಹ ಅಶ್ಲೀಲತೆ ವ್ಯಕ್ತಪಡಿಸಿದ ಕಾರಣ, ಅವರನ್ನು ತಕ್ಷಣವೇ ಆ ಕಾರ್ಯಕ್ರಮದಿಂದ ಹೊರಗೆ ಕಳುಹಿಸಲಾಗಿದೆ ಎನ್ನಲಾಗಿದೆ. ಹಾಗೇ ಇದರ ವಿಡಿಯೊವನ್ನು ಅನ್ನು ಸೋಶಿಯಲ್ ಮೀಡಿಯಾಗಳಲ್ಲಿ ಡಿಲೀಟ್ ಮಾಡಲಾಗಿದೆ.

ಆದರೆ ಈ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದಾಗಿನಿಂದ ಇದಕ್ಕೆ ಸಿಕ್ಕಾಪಟ್ಟೆ ಮಿಶ್ರ ಪ್ರತಿಕ್ರಿಯೆಗಳು ಬಂದಿದ್ದವಂತೆ.- ಕೆಲವರು ಬಿಯಾಂಕಾ ಅವರ ನಿರ್ಭೀತವಾದ ಫ್ಯಾಷನ್ ಆಯ್ಕೆಗಳನ್ನು ಶ್ಲಾಘಿಸಿದರೆ, ಇತರರು ದಂಪತಿಯ ಅನಿರೀಕ್ಷಿತ ಪ್ರವೇಶವನ್ನು ಟೀಕಿಸಿದ್ದಾರೆ.

ಈ ಸುದ್ದಿಯನ್ನೂ ಓದಿ:ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿ: ರಣಬೀರ್ ಸಿಂಗ್- ಅತ್ಯುತ್ತಮ ನಟ, ಪುಷ್ಪ-ಅತ್ಯುತ್ತಮ ಸಿನಿಮಾ

ಈ ಸಮಾರಂಭದಲ್ಲಿ ಕಾನ್ಯೆ ಅವರನ್ನು ಎರಡು ಪ್ರಶಸ್ತಿಗಳಿಗೆ ನಾಮನಿರ್ದೇಶನ ಮಾಡಲಾಗಿದೆ ಎಂದು ಉಲ್ಲೇಖಿಸಲಾಗಿದೆ. ವಲ್ಚರ್ಸ್ ರಾಪರ್‌ ಕಾರ್ನಿವಲ್‍ನಲ್ಲಿ ಟೈ ಡೊಲ್ಲಾ $ign ಅವರೊಂದಿಗಿನ ಸಹಯೋಗಕ್ಕಾಗಿ ತನ್ನ 25 ನೇ ಗ್ರ್ಯಾಮಿ ಪ್ರಶಸ್ತಿಯನ್ನು ಪಡೆಯುವತ್ತ ಗಮನ ಹರಿಸಿದ್ದರು. ಆದರೆ ಗೆದ್ದರೆ, ಅವರು ಪ್ರಶಸ್ತಿಯನ್ನು ವೈಯಕ್ತಿಕವಾಗಿ ಸ್ವೀಕರಿಸಲು ಕಾರ್ಯಕ್ರಮಕ್ಕೆ ಹಾಜರಾಗುವುದಿಲ್ಲ ಎನ್ನಲಾಗಿದೆ.