ಕಷ್ಟಕ್ಕೆ ಮಿಡಿದ ಹೃದಯ; ಮಗುವಿನ ಚಿಕಿತ್ಸೆಗಾಗಿ ಎರಡು ತಿಂಗಳ ಸಂಬಳ ದಾನ ಮಾಡಿದ ಪೋಸ್ಟ್‌ಮ್ಯಾನ್‌

ಒಡಿಶಾ: ತಂತ್ರಜ್ಞಾನದ ಇಂದಿನ ಯುಗದಲ್ಲಿ ಯುಪಿಐ, ಡಿಜಿಟಲ್ ವ್ಯಾಲೆಟ್ ಹಾಗೂ ಸ್ಮಾರ್ಟ್‌ಫೋನ್‌ಗಳಿಲ್ಲದೆ ಯಾವುದೇ ಕಾರ್ಯವೂ ಸಾಧ್ಯವಿಲ್ಲ ಎಂಬ ಸ್ಥಿತಿ ಇದೆ. ಆದರೆ, ಕಷ್ಟದಲ್ಲಿರುವ ಒಂದು ಪುಟ್ಟ ಮಗುವಿನ ಜೀವ ಉಳಿಸಲು ಕೇವಲ ವಿಶಾಲ ಹೃದಯ ಮತ್ತು ಮಾನವೀಯತೆ ಒಂದಿದ್ದರೆ ಸಾಕು ಎಂಬುದನ್ನು ಒಡಿಶಾದ ಗ್ರಾಮೀಣ ಭಾಗದ ಪೋಸ್ಟ್‌ಮ್ಯಾನ್‌ ಒಬ್ಬರು ಸಾಬೀತುಪಡಿಸಿದ್ದಾರೆ. ಅಪರೂಪದ (Viral News) ಗಂಭೀರ ಕಾಯಿಲೆಯಿಂದ ಬಳಲುತ್ತಿರುವ 2 ವರ್ಷದ ತ್ರಿಷಿಕಾ ಎಂಬ ಮಗುವಿನ ಚಿಕಿತ್ಸೆಗಾಗಿ ತಮ್ಮ ಇಡೀ ತಿಂಗಳ ವೇತನವನ್ನು ದೇಣಿಗೆಯಾಗಿ ನೀಡುವ ಮೂಲಕ ಈ ಹಿರಿಯ ನೌಕರ ಇಡೀ ದೇಶಕ್ಕೆ ಮಾದರಿಯಾಗಿದ್ದಾರೆ.

ಒಡಿಶಾದ ಜಾಜ್‌ಪುರ ಜಿಲ್ಲೆಯ ಬಿಂಜಾರ್‌ಪುರ ತಾಲೂಕಿನ ಚಂದನ್‌ಪುರ ಸಬ್-ಪೋಸ್ಟ್ ಆಫೀಸ್‌ನಲ್ಲಿ ಗ್ರಾಮೀಣ ಪೋಸ್ಟ್‌ಮ್ಯಾನ್ ಆಗಿ ಸೇವೆ ಸಲ್ಲಿಸುತ್ತಿರುವ ಇವರು, ತಮ್ಮ ಬಳಿ ತಂತ್ರಜ್ಞಾನದ ಸೌಲಭ್ಯಗಳಿಲ್ಲದಿದ್ದರೂ ಮ್ಯಾನುಯಲ್ ಪೋಸ್ಟಲ್ ಬ್ಯಾಂಕಿಂಗ್ ಪ್ರಕ್ರಿಯೆಯ ಮೂಲಕವೇ ಈ ನಿಸ್ವಾರ್ಥ ಕೊಡುಗೆ ನೀಡಿದ್ದಾರೆ.

16 ಕೋಟಿ ರೂಪಾಯಿಯ ಇಂಜೆಕ್ಷನ್‌ಗಾಗಿ ಚಳುವಳಿ

ಜಾಜ್‌ಪುರ ಜಿಲ್ಲೆಯ ಧರ್ಮಶಾಲಾ ವ್ಯಾಪ್ತಿಯ ಮಗು ತ್ರಿಷಿಕಾ ರಾಯ್, ಸ್ಪೈನಲ್ ಮಸ್ಕ್ಯುಲರ್ ಅಟ್ರೋಫಿ (SMA Type-2) ಎಂಬ ಅತ್ಯಂತ ಅಪರೂಪದ ತಳಿಯ ಅಸ್ವಸ್ಥತೆಯಿಂದ ಬಳಲುತ್ತಿದ್ದಾಳೆ. ಈ ರೋಗದಿಂದ ಮಗುವನ್ನು ರಕ್ಷಿಸಲು 'ಜೋಲ್ಗೆನ್ಸ್ಮಾ' (Zolgensma) ಎಂಬ ಇಂಜೆಕ್ಷನ್ ನೀಡುವುದು ಅತ್ಯಗತ್ಯವಾಗಿದ್ದು, ಇದರ ಬೆಲೆ ಬರೋಬ್ಬರಿ ₹16 ಕೋಟಿ ಆಗಿದೆ. ಮಗುವಿನ ಪೋಷಕರಿಗೆ ಈ ಬೃಹತ್ ಮೊತ್ತ ಭರಿಸಲು ಸಾಧ್ಯವಾಗದ ಹಿನ್ನೆಲೆಯಲ್ಲಿ ಇಡೀ ಒಡಿಶಾದಾದ್ಯಂತ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಜನಜಾಗೃತಿ ಹಾಗೂ ಕ್ರೌಡ್‌ಫಂಡಿಂಗ್ ಚಳವಳಿ ನಡೆಯುತ್ತಿದೆ.

ಇಂದಿನ ದಿನಗಳಲ್ಲಿ ಸಾರ್ವಜನಿಕರು ಕ್ಯೂಆರ್ ಕೋಡ್ ಸ್ಕ್ಯಾನ್ ಮಾಡಿ ಅಥವಾ ಯುಪಿಐ ಮೂಲಕ ಹಣ ಕಳುಹಿಸುತ್ತಿದ್ದಾರೆ. ಆದರೆ, ಈ ಪೋಸ್ಟ್‌ಮ್ಯಾನ್‌ ಅವರ ಬಳಿ ಸ್ಮಾರ್ಟ್‌ಫೋನ್ ಆಗಲಿ ಅಥವಾ ಯಾವುದೇ ಡಿಜಿಟಲ್ ವಾಲೆಟ್ ಆ್ಯಪ್ ಆಗಲಿ ಇರಲಿಲ್ಲ. ಮಗುವಿನ ಜೀವ ಅಪಾಯದಲ್ಲಿದೆ ಎಂದು ತಿಳಿಯುತ್ತಿದ್ದಂತೆಯೇ, ಅವರು ತಕ್ಷಣವೇ ಬ್ಯಾಂಕ್ ಹಾಗೂ ಪೋಸ್ಟಲ್ ದಾಖಲೆಗಳ ಮೂಲಕ ಮ್ಯಾನುಯಲ್ ಆಗಿ ಪ್ರಕ್ರಿಯೆ ಪೂರ್ಣಗೊಳಿಸಿ ತಮ್ಮ ಇಡೀ ತಿಂಗಳ ವೇತನವಾದ 26,304 ರೂ. ಮೊತ್ತವನ್ನು ಮಗುವಿನ ಚಿಕಿತ್ಸಾ ನಿಧಿಗೆ ವರ್ಗಾಯಿಸಿದರು.

"ನನ್ನ ಕುಟುಂಬಕ್ಕಿಂತ ಈ ಮಗುವಿನ ಜೀವ ಮುಖ್ಯ" ಎಂದು, ಹೇಳಿರುವ ಅವರು, "ನನ್ನ ಬಳಿ ಸ್ಮಾರ್ಟ್‌‌ಫೋನ್ ಇಲ್ಲದಿರಬಹುದು, ಆದರೆ ಕಷ್ಟದಲ್ಲಿರುವ ಮಗುವನ್ನು ನೋಡಿ ಸುಮ್ಮನಿರಲು ಮನಸ್ಸು ಬರಲಿಲ್ಲ. ನನ್ನ ಒಂದು ತಿಂಗಳ ಸಂಬಳದಿಂದ ನನ್ನ ಕುಟುಂಬ ಸಂಕಷ್ಟಕ್ಕೆ ಸಿಲುಕುವುದಿಲ್ಲ, ಆದರೆ ಆ ಹಣ ಆ ಮಗುವಿಗೆ ಒಂದು ದಿನದ ಉಸಿರಾಗಬಹುದು" ಎಂದು ಹೇಳಿದರು.

ಸಾರ್ವಜನಿಕ ವಲಯದಲ್ಲಿ ವ್ಯಾಪಕ ಪ್ರಶಂಸೆ

ಸಾಮಾನ್ಯ ಪೋಸ್ಟಲ್ ನೌಕರರೊಬ್ಬರುಈ ಅಸಾಧಾರಣ ನಿಸ್ವಾರ್ಥತೆಗೆ ಭಾರಿ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಕೋಟ್ಯಂತರ ರೂಪಾಯಿ ಅಗತ್ಯವಿರುವ ಈ ಚಿಕಿತ್ಸೆಗೆ ಇಂತಹ ಸಣ್ಣ ಹಾಗೂ ಪ್ರಾಮಾಣಿಕ ಕೊಡುಗೆಗಳು ದೊಡ್ಡ ಬದಲಾವಣೆಗೆ ನಾಂದಿ ಹಾಡುತ್ತಿವೆ ಎಂದು ಸ್ಥಳೀಯರು ಹಾಗೂ ನೆಟ್ಟಿಗರು ಕೊಂಡಾಡಿದ್ದಾರೆ.

ಪ್ರೇಯಸಿ ಜತೆ ಮೊಮೋಸ್ ತಿನ್ನಲು ಬಂದ ಪತಿ: ರೆಡ್‌ಹ್ಯಾಂಡ್‌ ಆಗಿ ಹಿಡಿದ ಪತ್ನಿಯನ್ನು ಕಾರ್‌ನ ಬಾನೆಟ್ ಮೇಲೆಯೇ ಎಳೆದೊಯ್ದ ವಿಡಿಯೊ ವೈರಲ್‌

ಧರ್ಮಶಾಲಾ ಶಾಸಕ ಹಿಮಾಂಶು ಶೇಖರ್ ಸಾಹೂ ಅವರು ತಮ್ಮ ಸಂಬಳದಿಂದ 5 ರೂ. ಲಕ್ಷ ನೆರವು ನೀಡಿದ್ದರೆ, ಸಿನಿಮಾ ನಟ-ನಟಿಯರು ಹಾಗೂ ಸಾರ್ವಜನಿಕರು ಕೂಡ ಸಣ್ಣ ಮಟ್ಟದ ದೇಣಿಗೆ ನೀಡುತ್ತಿದ್ದಾರೆ. ಆದಾಗ್ಯೂ, ಯಾವುದೇ ಪ್ರಚಾರದ ಹಂಬಲವಿಲ್ಲದೆ ಸಾಧಾರಣ ಪೋಸ್ಟಲ್ ನೌಕರರೊಬ್ಬರು ನೀಡಿದ ಈ ಇಡೀ ಸಂಬಳದ ದೇಣಿಗೆ ಸಾರ್ವಜನಿಕ ವಲಯದಲ್ಲಿ ಅತ್ಯಂತ ದೊಡ್ಡ ಮೆಚ್ಚುಗೆಗೆ ಪಾತ್ರವಾಗಿದೆ.