M‌ohan Vishwa Column: ನಟೋರಿಯಸ್‌ ನಕ್ಸಲ್‌ ಮಾದ್ವಿ ಹಿದ್ಮಾ ಫಿನಿಷ್

ವೀಕೆಂಡ್‌ ವಿತ್‌ ಮೋಹನ್

ದೆಹಲಿಯಲ್ಲಿ ವಾಯುಮಾಲಿನ್ಯದ ವಿಷಯವಾಗಿ ಕೆಲವರಿಂದ ಪ್ರತಿಭಟನೆ ನಡೆಯುತ್ತಿತ್ತು. ಶಾಂತಿ ಯುತವಾಗಿ ಪ್ರತಿಭಟನೆ ನಡೆಸಲು ಪೊಲೀಸರು ಅವಕಾಶ ನೀಡಿದ್ದರು. ಸಂಸತ್ ಭವನದ ಮುಖ್ಯ ರಸ್ತೆಯ ಮುಂದೆ ಪ್ರತಿಭಟನೆ ಮಾಡುವ ಸಂದರ್ಭದಲ್ಲಿ ಪೊಲೀಸರು ಮತ್ತು ಪ್ರತಿಭಟನಾಕಾರರ ನಡುವೆ ಮಾತಿನ ಚಕಮಕಿ ನಡೆಯಿತು.

ಪೊಲೀಸರು ಮಾತನಾಡಲು ಮುಂದಾಗುತ್ತಿದ್ದಂತೆ ಕೆಲವರು ಮೆಣಸಿನ ಪುಡಿಯನ್ನು ಪೊಲೀಸರ ಕಣ್ಣಿಗೆ ಎರಚಿದರು. ಅದೇ ಸಂದರ್ಭದಲ್ಲಿ ಕೆಲವು ಪ್ರತಿಭಟನಾಕಾರರು ಇದ್ದಕ್ಕಿದ್ದ ಹಾಗೆ ನಟೋರಿ ಯಸ್ ನಕ್ಸಲ್ ‘ಮಾದ್ವಿ ಹಿದ್ಮಾ’ ಹೆಸರನ್ನು ಜೋರಾಗಿ ಕೂಗಿಕೊಂಡು, ಆತನನ್ನು ದೊಡ್ಡ ನಾಯಕ ನಂತೆ ಬಿಂಬಿಸಲು ಪ್ರಯತ್ನಿಸಿದರು.

ಸೇರಿದ್ದವರು ವಾಯುಮಾಲಿನ್ಯದ ವಿರುದ್ಧದ ಪ್ರತಿಭಟನೆಗೆಂದು ಬಂದವರು, ಅದಕ್ಕೂ ನಕ್ಸಲ್ ಮಾದ್ವಿ ಹಿದ್ಮಾನಿಗೂ ಸಂಬಂಧವೇ ಇರಲಿಲ್ಲ. ಅವರ ಹೇಳಿಕೆಗಳನ್ನು ಗಮನಿಸಿದರೆ ವಾಯು ಮಾಲಿನ್ಯದ ವಿರುದ್ಧದ ಪ್ರತಿಭಟನೆ ಕೇವಲ ನೆಪಮಾತ್ರ, ಉದ್ದೇಶ ಬೇರೆಯದ್ದೇ ಆಗಿತ್ತೆಂಬುದು ಸ್ಪಷ್ಟವಾಗಿತ್ತು.

ನವೆಂಬರ್ 18ರಂದು ಆಂಧ್ರಪ್ರದೇಶದಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ ಸತ್ತ ನಟೋರಿಯಸ್ ನಕ್ಸಲ್ ಮಾದ್ವಿ ಹಿದ್ಮಾನ ಪರವಾಗಿ ಮಾತನಾಡಲು ಟೂಲ್ ಕಿಟ್ ಒಂದನ್ನು ವಾಯುಮಾಲಿನ್ಯದ ಪ್ರತಿಭಟನೆ ಹೆಸರಿನಲ್ಲಿ ದೆಹಲಿಯಲ್ಲಿ ನಿರ್ಮಿಸಿಕೊಳ್ಳಲಾಗಿತ್ತು. ಆತನ ಪರವಾಗಿ ಘೋಷಣೆ ಕೂಗಿ ದವರು ಹದಿಹರೆಯದ ಯುವಕ-ಯುವತಿಯರು. ಅವರ ತಲೆಯಲ್ಲಿ ಆಳವಾಗಿ, ಅವನ ಪರವಾದ ವಿಷಯಗಳನ್ನು ಟೂಲ್ ಕಿಟ್ ಗ್ಯಾಂಗ್ ಪೋಷಿಸಿರುವುದು ಸ್ಪಷ್ಟವಾಗಿತ್ತು.

ಇದನ್ನೂ ಓದಿ: Mohan Vishwa Column: ʼರೋಮ್‌ʼನ ಭೂಮಿಯೊಳಗಿನ ಪ್ರಪಂಚ

ಆತನ ಪರವಾಗಿ ಘೋಷಣೆಗಳನ್ನು ಕೂಗಿ ರಾಷ್ಟ್ರ ಮತ್ತು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಆತನಿಗೆ ಸಹಾನುಭೂತಿ ಸೃಷ್ಟಿಸಿ ದೊಡ್ಡ ಸುದ್ದಿ ಮಾಡಬೇಕೆಂಬುದು ಟೂಲ್ ಕಿಟ್ ಗ್ಯಾಂಗಿನ ಉದ್ದೇಶ ವಾಗಿತ್ತು. 2019ರಲ್ಲಿ ಅಮಿತ್ ಶಾ ಅವರು ಕೇಂದ್ರ ಗೃಹ ಸಚಿವರಾಗಿ ಅಧಿಕಾರ ವಹಿಸಿಕೊಂಡ ನಂತರ, ನಕ್ಸಲ್ ಅಥವಾ ಎಡಪಂಥೀಯ ಉಗ್ರಗಾಮಿ ಸಂಘಟನೆಯ ಸಮಸ್ಯೆ ಕಾಶ್ಮೀರಕ್ಕಿಂತಲೂ ದೊಡ್ಡದಾಗಿತ್ತು.

ಸ್ವಾತಂತ್ರ್ಯದ ನಂತರ 1990ರ ದಶಕದವರೆಗೆ, ನಕ್ಸಲ್ ಪೀಡಿತ ಜಿಲ್ಲೆಗಳಲ್ಲಿ ವ್ಯವಸ್ಥಿತ ಅಭಿವೃದ್ಧಿ ಸಾಧ್ಯವಾಗಿರಲಿಲ್ಲ. ಕೆಲವು ಪ್ರದೇಶಗಳು ಪ್ರಗತಿಯ ವಿಷಯದಲ್ಲಿ ಹಿಂದುಳಿದಿದ್ದವು. ಇದನ್ನೇ ಮುಂದಿಟ್ಟುಕೊಂಡು ನಕ್ಸಲರು ಆ ಪ್ರದೇಶಗಳಲ್ಲಿ ಜನರನ್ನು ಹಿಂಸಾಚಾರಕ್ಕೆ ಪ್ರಚೋದಿಸಿದ್ದರು.

ಪ್ರಧಾನಿ ನರೇಂದ್ರ ಮೋದಿಯವರ ನೇತೃತ್ವದಲ್ಲಿ ಹಿಂಸಾಚಾರದ ಬದಲಿಗೆ ಅಭಿವೃದ್ಧಿಯನ್ನು ಮುನ್ನೆಲೆಗೆ ತರಲು ನೇಪಾಳದ ಪಶುಪತಿನಾಥದಿಂದ ಆಂಧ್ರಪ್ರದೇಶದ ತಿರುಪತಿಯವರೆಗೆ ವಿಸ್ತರಿಸಿ ರುವ ರೆಡ್ ಕಾರಿಡಾರ್‌ನಲ್ಲಿ ಅನೇಕ ತಂತ್ರಗಾರಿಕೆಯನ್ನು ಕೇಂದ್ರ ಸರಕಾರ ರೂಪಿಸಿತ್ತು.

ಗೃಹ ಇಲಾಖೆಯ ಸತತ ಪ್ರಯತ್ನದಿಂದಾಗಿ ಕಳೆದ ೧೦ ವರ್ಷಗಳಲ್ಲಿ ಸುಮಾರು 7500ಕ್ಕೂ ಅಧಿಕ ನಕ್ಸಲರು ಶರಣಾಗಿzರೆ ಮತ್ತು ಕಾಡಿನ ಒಳಗಿರುವ ಉಳಿದ ನಕ್ಸಲರನ್ನು ಶರಣಾಗತಿಗೆ ಒಳಪಡಿಸುವ ನಿಟ್ಟಿನಲ್ಲೂ ಪ್ರಮುಖ ಪಾತ್ರ ವಹಿಸಿದ್ದಾರೆ. ಕಳೆದ ಐದು ವರ್ಷಗಳಲ್ಲಿ 15 ಜನ ಉನ್ನತ ಮಟ್ಟದ ನಕ್ಸಲ್ ನಾಯಕರ ಕಥೆಯನ್ನು ಮುಗಿಸಲಾಗಿದೆ.

ಜತೆಗೆ ರಾಜ್ಯ ನಕ್ಸಲ್ ಸಂಘಟನೆಯ ಇಬ್ಬರು ಸದಸ್ಯರು, 31 ವಲಯ ನಕ್ಸಲ್ ಸಂಘಟನೆ ಸದಸ್ಯರು, ೫೯ ಪ್ರದೇಶ ನಕ್ಸಲ್ ಸಂಘಟನೆಯ ಸದಸ್ಯರನ್ನು ಭದ್ರತಾ ಪಡೆಗಳು ಹೊಡೆದುರುಳಿಸಿವೆ. ನಕ್ಸಲರಿಗೆ ಶರಣಾಗತಿಯನ್ನು ಮೊದಲ ಆದ್ಯತೆಯನ್ನಾಗಿ ನೀಡಲಾಗುತ್ತದೆ. ಶರಣಾಗದೆ ಜನಸಾಮಾನ್ಯರಿಗೆ ತೊಂದರೆ ನೀಡುವುದನ್ನು ಮುಂದುವರಿಸಿದರೆ, ಸ್ಥಳೀಯ ಜನರನ್ನು ರಕ್ಷಿಸಲು ಭದ್ರತಾ ಪಡೆಗಳು ನಕ್ಸಲರನ್ನು ಹೊಡೆದುರುಳಿಸಿವೆ.

ಎರಡು ದಶಕಗಳಿಗೂ ಹೆಚ್ಚು ಕಾಲ, ಛತ್ತೀಸ್‌ಗಢದ ಬಸ್ತರ್ ಜಿಲ್ಲೆಯ ಕಾಡುಗಳು ಭಯದಿಂದ ಪಿಸುಗುಟ್ಟಿದ್ದ ಹೆಸರು ಮಾದ್ವಿ ಹಿದ್ಮಾ. ಭಾರತದಲ್ಲಿ ನಡೆದ ಅನೇಕ ಮಾರಣಾಂತಿಕ ನಕ್ಸಲ್ ದಾಳಿಯ ಹಿಂದಿನ ಮಾಸ್ಟರ್ ಮೈಂಡ್ ಮಾದ್ವಿ ಹಿದ್ಮಾನ ಕ್ರೂರತೆ ಭಯಾನಕವಾಗಿತ್ತು. ಆದರೆ ಈಗ ಆತನ ಅಧ್ಯಾಯ ಮುಕ್ತಾಯಗೊಂಡಿದೆ. ಛತ್ತೀಸ್‌ಗಢ ಮತ್ತು ಆಂಧ್ರಪ್ರದೇಶದ ಗಡಿಯಲ್ಲಿರುವ ದಟ್ಟವಾದ ಅರಣ್ಯದಲ್ಲಿ ನಡೆದ ಎನ್‌ಕೌಂಟರ್‌ನಲ್ಲಿ ಸಿಪಿಐನ (ಮಾವೋವಾದಿ) ನಟೋರಿಯಸ್ ಗೆರಿ ಕಮಾಂಡರ್ ಮಾದ್ವಿ ಹಿದ್ಮಾ ಭದ್ರತಾ ಪಡೆಗಳ ಗುಂಡಿಗೆ ಬಲಿಯಾಗಿದ್ದಾನೆ.

ಅವನೊಂದಿಗೆ ಆತನ ಹೆಂಡತಿ ರಾಜಕ್ಕ ಮತ್ತು ಹತ್ತಿರದ ನಾಲ್ವರು ಸಹಚರರು ಹೆಣವಾಗಿದ್ದಾರೆ. ಜಾಗರಗುಂದ ಪೊಲೀಸ್ ಠಾಣೆ ವ್ಯಾಪ್ತಿಯ ಪುರವತಿ ಗ್ರಾಮದಲ್ಲಿ ಶಾಲೆ ಮುಗಿಸಿದ ಕೂಡಲೇ ೧೬ನೆಯ ವಯಸ್ಸಿನಲ್ಲಿ ನಟೋರಿಯಸ್ ನಕ್ಸಲರ ತಂಡಕ್ಕೆ ನೇಮಕಗೊಂಡು, ನಕ್ಸಲರ ಮಕ್ಕಳ ವಿಭಾಗವಾದ ಬಾಲ ಸಂಗಮ ಮೂಲಕ ಮಾವೋವಾದಿಗಳ ಗುಂಪನ್ನು ಸೇರಿಕೊಂಡಿದ್ದ ವ್ಯಕ್ತಿ ಮಾದ್ವಿ ಹಿದ್ಮಾ. ಈತ ಗೊಂಡಿ, ಹಲ್ಬಿ, ಹಿಂದಿ, ತೆಲುಗು ಮತ್ತು ಮರಾಠಿ ಭಾಷೆಗಳನ್ನು ಮಾತನಾಡು ತ್ತಿದ್ದ.

ಈತನಿಗೆ ಔಪಚಾರಿಕ ಶಿಕ್ಷಣದ ಕೊರತೆಯಿದ್ದರೂ, ನೂತನ ತಂತ್ರಜ್ಞಾನಗಳನ್ನು ಬಳಸಿಕೊಂಡು ಸೈನಿಕರ ಮತ್ತು ಜನರ ಜೀವ ತೆಗೆಯುತ್ತಿದ್ದ. ಯಾವಾಗಲೂ ಟ್ಯಾಬ್ಲೆಟ್, ಮೊಬೈಲ್ ಫೋನ್ ಮತ್ತು ಕೆಲವೊಮ್ಮೆ ಕ್ಯಾಮೆರಾ ಅಥವಾ ಲ್ಯಾಪ್ ಟಾಪ್ ಒಯ್ಯುತ್ತಿದ್ದ ಎಂದು ಅವನ ಸಹಚರರು ವಿಚಾರಣೆಯ ವೇಳೆ ಹೇಳಿದ್ದಾರೆ. ತನ್ನ ತಂಡದವರು ಗುಳ್ಳೆನರಿಗಳಂತೆ ಸೈನಿಕರ ವಿರುದ್ಧ ನಡೆಸು ತ್ತಿದ್ದ ಪ್ರತಿಯೊಂದು ಹೊಂಚುದಾಳಿಯನ್ನು ಈತ ಚಿತ್ರೀಕರಿಸುತ್ತಿದ್ದ.

ಹೊಂಚು ಹಾಕಿ ಬಂದೂಕು ಹಿಡಿದವನು ಕುಳಿತಿದ್ದ ಭಂಗಿ, ಬುಲೆಟ್ ನುಗ್ಗುವ ರೀತಿ, ಎಲ್ಲವನ್ನೂ ಚಿತ್ರೀಕರಿಸುತ್ತಿದ್ದ. ಮಾವೋವಾದಿಗಳ ಶಿಬಿರಗಳನ್ನು ಭಯಾನಕವಾದ ರಕ್ತಮಯ ತರಗತಿಗಳನ್ನಾಗಿ ಪರಿವರ್ತಿಸಿದ್ದ ನಟೋರಿಯಸ್ ನಕ್ಸಲೈಟ್ ಮಾದ್ವಿ ಹಿದ್ಮಾ. ಪೊಲೀಸ್ ದಾಖಲೆಗಳಲ್ಲಿನ ಈತನ ಏಕೈಕ ಭಾವಚಿತ್ರ 25 ವರ್ಷಕ್ಕಿಂತ ಹಳೆಯದಾಗಿದ್ದು, ಮಸುಕಾದ ಮೀಸೆಯೊಂದಿಗೆ ತೆಳ್ಳಗಿನ, ದುರ್ಬಲ ಯುವಕನಂತೆ ಈತ ಅದರಲ್ಲಿ ಕಾಣಿಸುತ್ತಾನೆ.

2010ರಲ್ಲಿ ದಾಂತೇವಾಡದಲ್ಲಿ ನಡೆದ ನಕ್ಸಲರ ದಾಳಿಯಲ್ಲಿ 76 ಜನ ಸಿಆರ್‌ಪಿಎ- ಯೋಧರನ್ನು ಹೊಂಚು ದಾಳಿಯಲ್ಲಿ ಹತ್ಯೆ ಮಾಡಲಾಗಿತ್ತು. ಈ ದಾಳಿಯನ್ನು ಅನೇಕ ಹಿರಿಯ ಅಧಿಕಾರಿಗಳು ಕಾಡು ಬೆಟಾಲಿಯನ್ ನುಂಗಿದ ದಿನ ಎಂದು ಈಗಲೂ ಕರೆಯುತ್ತಾರೆ. ಈ ನರಮೇಧದ ಹಿಂದಿನ ಮಾಸ್ಟರ್ ಮೈಂಡ್ ಮಾದ್ವಿ ಹಿದ್ಮಾ.

ಅಂದು ನಮ್ಮ ಯೋಧರ ಮೇಲೆ ನಡೆದ ಹತ್ಯಾಕಾಂಡವನ್ನು ವಿರೋಧಿಸದೆ, ನಕ್ಸಲರಿಗೆ ಸಹಾನು ಭೂತಿ ತೋರಿಸಿದ ನೀಚ ಎಡಚರ ಬೆಂಬಲಿತ ಪತ್ರಕರ್ತೆಯರಿದ್ದರು. 2013ರಲ್ಲಿ ಛತ್ತೀಸ್‌ಗಢದ ’ಜಿರಾಮ್ ವ್ಯಾಲಿ’ಯಲ್ಲಿ ನಕ್ಸಲರು ನಡೆಸಿದ ದಾಳಿ, ದೇಶದ ಇತಿಹಾಸದಲ್ಲಿ ಅತ್ಯಂತ ಆಘಾತಕಾರಿ ರಾಜಕೀಯ ಹತ್ಯೆಯಾಗಿತ್ತು.

ಮಹೇಂದ್ರ ಕಮರ್, ನಂದಕುಮಾರ್ ಪಟೇಲ್ ಮತ್ತು ಇತರರನ್ನು ಒಳಗೊಂಡ ಛತ್ತೀಸ್‌ಗಢದ ಕಾಂಗ್ರೆಸ್ ಪಕ್ಷದ ಹಲವು ಉನ್ನತ ನಾಯಕರನ್ನು ನಕ್ಸಲರು ಕ್ರೂರವಾಗಿ ಕೊಂದಿದ್ದರು. ಈ ದಾಳಿಯ ನಂತರ ಛತ್ತೀಸ್‌ಗಢದಲ್ಲಿ ಕಾಂಗ್ರೆಸ್ ಪಕ್ಷ ಬಹುತೇಕ ಸರ್ವನಾಶವಾಗುವತ್ತ ಸಾಗಿತ್ತು. ಈ ಭಯಾನಕ ದಾಳಿಯ ಮಾಸ್ಟರ್ ಮೈಂಡ್ ಕೂಡ ಮಾದ್ವಿ ಹಿದ್ಮಾ ಎಂದು ಹೇಳಲಾಗುತ್ತದೆ. ಈ ದಾಳಿಯ ನಂತರ ಈತನಿಗೆ ಸಿಪಿಐನಲ್ಲಿ (ಮಾವೋವಾದಿ) ಮುಂಬಡ್ತಿ ಸಿಕ್ಕಿತ್ತು.

2017ರಲ್ಲಿ ಬುರ್ಕಾಪಾಲ್‌ನಲ್ಲಿ ನಡೆದ ಮತ್ತೊಂದು ದಾಳಿಯಲ್ಲಿ ೨೫ ಸಿಆರ್‌ಪಿಎಫ್ ಯೋಧರನ್ನು ಹೊಂಚುಹಾಕಿ ನಕ್ಸಲರು ಕೊಂದಿದ್ದರು. ನಂತರ ಮಿಂಪಾದಲ್ಲಿ, ತೆಕುಲ್ಗುಡಾದಲ್ಲಿ ನಕ್ಸಲರು ನಡೆಸಿದ ಹೊಂಚುದಾಳಿಯಲ್ಲಿ ೨೧ ಸೈನಿಕರು ಹುತಾತ್ಮರಾಗಿದ್ದರು. ಪೊಲೀಸರಿಗೆ ಬೇಕಿದ್ದ ನಟೋರಿ ಯಸ್ ನಕ್ಸಲ್ ಮಾದ್ವಿ ಹಿದ್ಮಾನನ್ನು ಹಿಡಿಯಲು ಯೋಧರು ನಡೆಸಿದ್ದ ಅನೇಕ ಕಾರ್ಯಾಚರಣೆ ಯಲ್ಲಿ ನೂರಾರು ಸೈನಿಕರು ಮೃತಪಟ್ಟಿದ್ದಾರೆ.

ತನ್ನ ಸುತ್ತಲೂ ೫ ಕಿಲೋ ಮೀಟರ್ ಸುತ್ತಳತೆಯ ಕೋಟೆ ಕಟ್ಟಿಕೊಂಡು ಹೊಂಚು ಹಾಕಿ ನರಿಯಂತೆ ಯೋಧರ ಮೇಲೆ ದಾಳಿ ನಡೆಸುತ್ತಿದ್ದ ನಟೋರಿಯಸ್ ನಕ್ಸಲ್ ಆತ. ತನ್ನ 44ನೇ ವಯಸಿನಲ್ಲಿ ನೂರಾರು ಅಮಾಯಕರ ಸಾವಿಗೆ ಕಾರಣವಾಗಿದ್ದ ಮಾದ್ವಿ ಹಿದ್ಮಾನನ್ನು ಭದ್ರತಾ ಪಡೆಗಳು ಹೊಡೆದುರುಳಿಸಿರುವುದರಿಂದ ಬಸ್ತಾರ್ ಜಿಯ ಜನರು ನಿಟ್ಟುಸಿರು ಬಿಡುವಂತಾಗಿದೆ.

ಕೇಂದ್ರ ಸರಕಾರ ಕಳೆದ ೧೦ ವರ್ಷಗಳಲ್ಲಿ, ನಕ್ಸಲ್ ಪೀಡಿತ ಪ್ರದೇಶಗಳಲ್ಲಿ 11,503 ಕಿ.ಮೀ. ರಸ್ತೆಗಳನ್ನು ನಿರ್ಮಿಸಿದೆ. ಮುಂಬರುವ ವರ್ಷಗಳಲ್ಲಿ ಹೆಚ್ಚುವರಿಯಾಗಿ 17,589 ಕಿ. ಮೀ. ರಸ್ತೆ ನಿರ್ಮಿಸಲು 20,815 ಕೋಟಿ ರು.ಗಳನ್ನು ಮೀಸಲಿಟ್ಟಿದೆ. ಸಂವಹನ ಸೌಲಭ್ಯಕ್ಕಾಗಿ ನಕ್ಸಲ್ ಪೀಡಿತ ಪ್ರದೇಶಗಳಲ್ಲಿ ಮೊಬೈಲ್ ಟವರ್‌ಗಳ ಸ್ಥಾಪನೆ ಪ್ರಾರಂಭವಾಗಿದ್ದು, ಮೊದಲ ಸುತ್ತಿನಲ್ಲಿ ಸುಮಾರು 2343 ಟವರ್‌ಗಳು 4080 ಕೋಟಿ ರು. ವೆಚ್ಚದಲ್ಲಿ ಬಂದಿವೆ.

ಸರಕಾರಿ ಯೋಜನೆಗಳ ಮೂಲಕ ‘೪-ಜಿ’ ವೈಶಿಷ್ಟ್ಯಕ್ಕೆ ಹೊಂದಾಣಿಕೆಯಾಗುವ 8527 ಟವರ್‌ ಗಳನ್ನು ನಿರ್ಮಿಸಲು ಯೋಜನೆ ಸಿದ್ಧವಾಗಿದೆ. ಹೆಚ್ಚು ಪರಿಣಾಮ ಬೀರುವ ೯೦ ಜಿಲ್ಲೆಗಳಲ್ಲಿ 1007 ಕ್ಕೂ ಹೆಚ್ಚು ಬ್ಯಾಂಕ್ ಶಾಖೆಗಳು ಮತ್ತು 5731 ಅಂಚೆ ಕಚೇರಿಗಳನ್ನು ಸ್ಥಾಪಿಸಲಾಗಿದೆ.

ಅನಿಲ ಸಂಪರ್ಕ, ಶೌಚಾಲಯಗಳು, ಮನೆಗಳು ಮತ್ತು ಆಹಾರ ಧಾನ್ಯಗಳು ಸೇರಿದಂತೆ 300ರಲ್ಲಿ 112 ಯೋಜನೆಗಳನ್ನು ಸ್ಥಳೀಯ ಬೇಡಿಕೆಗಳಿಗೆ ಅನುಗುಣವಾಗಿ ಮಾರ್ಪಡಿಸಿ, ಜನರಿಗೆ ತಲುಪಿಸ ಲಾಗಿದೆ. ೬೧ ಕೌಶಲಾಭಿವೃದ್ಧಿ ಕೇಂದ್ರಗಳನ್ನು ತೆರೆಯಲಾಗಿದೆ. ಕೇಂದ್ರ ಸರಕಾರದ ಈ ಕ್ರಿಯಾ ಯೋಜನೆಯ ಪರಿಣಾಮ, 2014ರಲ್ಲಿ ೧೦ ರಾಜ್ಯಗಳಲ್ಲಿ ಇದ್ದಂಥ 126 ನಕ್ಸಲ್ ಪೀಡಿತ ಜಿಗಳ ಸಂಖ್ಯೆ 2025ರಲ್ಲಿ ೧೨ ಕ್ಕೆ ಇಳಿದಿದೆ.

2014ರಿಂದ ಈಚೆಗೆ, ನಕ್ಸಲ್ ಪೀಡಿತ ಪ್ರದೇಶಗಳಲ್ಲಿ ಭದ್ರತಾ ಪಡೆಗಳು ಮತ್ತು ಜನಸಾಮಾನ್ಯರ ಸಾವಿನ ಸಂಖ್ಯೆಯಲ್ಲಿ ಶೇಕಡಾ 70ರಷ್ಟು ಕಡಿಮೆಯಾಗಿದೆ. 2014ರಲ್ಲಿ ಛತ್ತೀಸ್‌ಗಢದಲ್ಲಿ 18500 ಚದರ ಕಿ.ಮೀ ಇದ್ದ ನಕ್ಸಲ್ ಪೀಡಿತ ಪ್ರದೇಶ ಇಂದು 8500 ಚದರ ಕಿ.ಮೀ.ಗೆ ಇಳಿದಿದೆ.

ಅತಿ ಹೆಚ್ಚು ನಕ್ಸಲ್ ಪೀಡಿತವಾಗಿದ್ದ ಛತ್ತೀಸ್‌ಗಢದ ಬಕ್ಸರ್ ಜಿಲ್ಲೆಯಲ್ಲಿ ‘ಬಕ್ಸರ್ ಒಲಿಂಪಿP’ ಅನ್ನು ಆಯೋಜನೆಗೊಳಿಸಲಾಗಿದೆ. ಅಭಿವೃದ್ಧಿಯ ಜತೆಗೆ ಮಾದ್ವಿ ಹಿದ್ಮಾನಂಥ ನಟೋರಿಯಸ್ ನಕ್ಸಲ ನನ್ನು ಹೊಡೆದುರುಳಿಸುವ ಮೂಲಕ 2026ರ ಮಾರ್ಚ್ ಅಂತ್ಯಕ್ಕೆ ಭಾರತವನ್ನು ನಕ್ಸಲರಿಂದ ಮುಕ್ತಗೊಳಿಸುವ ಸ್ಪಷ್ಟ ಸಂದೇಶ ನೀಡಲಾಗಿದೆ.