ಇ-ಕಾಮರ್ಸ್ ಮತ್ತು ಬಿ2ಬಿ ಸರ್ಫೇಸ್ ಮೊಮೆಂಟಮ್‌: ಹಣಕಾಸು ವರ್ಷದಲ್ಲಿ ವರ್ಷದಿಂದ ವರ್ಷಕ್ಕೆ ಪ್ರಗತಿ ಸಾಧಿಸಿದ ಬ್ಲೂ ಡಾರ್ಟ್ ಎಕ್ಸ್‌ಪ್ರೆಸ್ ಲಿಮಿಟೆಡ್

ದಕ್ಷಿಣ ಏಷ್ಯಾದ ಅಗ್ರಗಣ್ಯ ಎಕ್ಸ್‌ಪ್ರೆಸ್ ಏರ್ ಮತ್ತು ಇಂಟಿಗ್ರೇಟೆಡ್ ಸಾರಿಗೆ ಹಾಗೂ ವಿತರಣಾ ಕಂಪನಿಯಾದ ಬ್ಲೂ ಡಾರ್ಟ್ ಎಕ್ಸ್‌ಪ್ರೆಸ್ ಲಿಮಿಟೆಡ್, ಇಂದು ಮುಂಬೈನಲ್ಲಿ ನಡೆದ ತನ್ನ ನಿರ್ದೇಶಕ ಮಂಡಳಿಯ ಸಭೆಯ ಮುಕ್ತಾಯದ ನಂತರ, ಮಾರ್ಚ್ 31, 2026 ಕ್ಕೆ ಕೊನೆಗೊಂಡ ತ್ರೈಮಾಸಿಕ ಮತ್ತು ವರ್ಷದ ಹಣಕಾಸು ಫಲಿತಾಂಶಗಳನ್ನು ಪ್ರಕಟಿಸಿದೆ.

ಗ್ರಾಹಕರ ಬದಲಾಗುತ್ತಿರುವ ನಿರೀಕ್ಷೆಗಳು, ಡಿಜಿಟಲ್ ಕಾಮರ್ಸ್‌ನಲ್ಲಿನ ನಿರಂತರ ಬೆಳವಣಿಗೆ, ಪ್ರಬಲ ದೇಶೀಯ ಬಳಕೆ ಮತ್ತು ಕ್ರಿಯಾತ್ಮಕ ಕಾರ್ಯಾಚರಣಾ ಪರಿಸರದಿಂದ ರೂಪಿತವಾದ ಈ ಹಣಕಾಸು ವರ್ಷದಲ್ಲಿ, ಕಂಪನಿಯು ವರ್ಷದಿಂದ ವರ್ಷಕ್ಕೆ ಆದಾಯದ ಬೆಳವಣಿಗೆಯನ್ನು ಸಾಧಿಸಿದೆ. ಇ-ಕಾಮರ್ಸ್ ಮತ್ತು ಬಿ2ಬಿ ಸರ್ಫೇಸ್ ಎಕ್ಸ್‌ಪ್ರೆಸ್ ಪರಿಹಾರ ಗಳಲ್ಲಿನ ನಿರಂತರ ವೇಗವು ಈ ಬೆಳವಣಿಗೆಗೆ ಬೆಂಬಲ ನೀಡಿದೆ.

ಮಾರ್ಚ್ 31, 2026ಕ್ಕೆ ಕೊನೆಗೊಂಡ ಹಣಕಾಸು ವರ್ಷದಲ್ಲಿ, ಬ್ಲೂ ಡಾರ್ಟ್ ₹ 6,141 ಕೋಟಿ ವ್ಯಾವಹಾರಿಕ ಆದಾಯವನ್ನು ದಾಖಲಿಸಿದೆ, ಇದು 2024-25ನೇ ಸಾಲಿನ ₹ 5,720 ಕೋಟಿಗೆ ಹೋಲಿಸಿದರೆ ಹೆಚ್ಚಳವಾಗಿದೆ. ಈ ವರ್ಷದ ನಿವ್ವಳ ಲಾಭವು ₹ 240 ಕೋಟಿ ಆಗಿದೆ. ಮಾರ್ಚ್ 31, 2026 ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ (ಜನವರಿಯಿಂದ ಮಾರ್ಚ್ ), ವ್ಯಾವಹಾರಿಕ ಆದಾಯವು ₹ 1,533 ಕೋಟಿ ಮತ್ತು ನಿವ್ವಳ ಲಾಭವು ₹ 43 ಕೋಟಿ ಆಗಿತ್ತು.

ಇದನ್ನೂ ಓದಿ: Dr Sadhanashree Column: ಬಿಸಿಲಿನ ತಾಪಕ್ಕೆ ತಂಪಿನ ಸ್ಪರ್ಶ- ಆಯುರ್ವೇದದ ಸಮಗ್ರ ಪರಿಹಾರಗಳು

ಕಂಪನಿಯು ತನ್ನ ಸಂಯೋಜಿತ ವಾಯು ಮತ್ತು ಭೂ ಸಾರಿಗೆ ಜಾಲವನ್ನು ಬಲಪಡಿಸುವು ದನ್ನು ಮುಂದುವರಿಸಿದೆ, ಕಾರ್ಯಾಚರಣೆಯ ದಕ್ಷತೆಯನ್ನು ಹೆಚ್ಚಿಸಿದೆ ಮತ್ತು ಭಾರತ ದಾದ್ಯಂತ ವ್ಯವಹಾರಗಳ ಅಗತ್ಯಗಳಿಗೆ ಅನುಗುಣವಾಗಿ ತನ್ನ ಸೇವೆಗಳನ್ನು ವಿಸ್ತರಿಸಿದೆ. ಈ ವರ್ಷವು ಬದಲಾಗುತ್ತಿರುವ ವೆಚ್ಚ ಮತ್ತು ನಿಯಂತ್ರಕ ಪರಿಸರಕ್ಕೆ ಸಾಕ್ಷಿಯಾಗಿದೆ, ಇದರಲ್ಲಿ ವೇತನ ಸಂಹಿತೆ ಜಾರಿ ಮತ್ತು ಕಾರ್ಮಿಕ ಹಾಗೂ ಸಾಮಾಜಿಕ ಭದ್ರತಾ ಚೌಕಟ್ಟುಗಳಲ್ಲಿನ ಸಂಬಂಧಿತ ಬದಲಾವಣೆಗಳು ಸೇರಿವೆ. ಬ್ಲೂ ಡಾರ್ಟ್ ಕಂಪನಿಯು ನಿಯಮಗಳ ಪಾಲನೆ, ಉದ್ಯೋಗಿಗಳ ಕಲ್ಯಾಣ, ಉತ್ಪಾದಕತೆಯ ಸುಧಾರಣೆ ಮತ್ತು ಜಾಲದ ದಕ್ಷತೆಯ ಮೇಲೆ ಗಮನ ಕೇಂದ್ರೀಕರಿಸಿದೆ, ಜೊತೆಗೆ ಸೇವೆಯ ಗುಣಮಟ್ಟ ಮತ್ತು ಗ್ರಾಹಕರಿಗೆ ನೀಡಿದ ಭರವಸೆಗಳನ್ನು ಕಾಪಾಡಿಕೊಳ್ಳುವುದನ್ನು ಮುಂದುವರಿಸಿದೆ.

ಪ್ರಕಟಣೆಯ ಕುರಿತು ಪ್ರತಿಕ್ರಿಯಿಸುತ್ತಾ, ಬ್ಲೂ ಡಾರ್ಟ್ ಎಕ್ಸ್‌ಪ್ರೆಸ್ ಲಿಮಿಟೆಡ್‌ನ ವ್ಯವಸ್ಥಾಪಕ ನಿರ್ದೇಶಕರಾದ ಬಾಲ್ಫೋರ್ ಮ್ಯಾನುಯೆಲ್ ಅವರು, “ಹಣಕಾಸು ವರ್ಷ 2025-26 ಬ್ಲೂ ಡಾರ್ಟ್‌ಗೆ ಏಕಾಗ್ರತೆಯ ಕಾರ್ಯಗತಗೊಳಿಸುವಿಕೆ ಮತ್ತು ಪುಟಿ ದೇಳುವ ಸಾಧನೆಯ ವರ್ಷವಾಗಿತ್ತು. ಜಾಗತಿಕ ಅನಿಶ್ಚಿತತೆ, ಉಲ್ಬಣಗೊಂಡ ಭೂ-ರಾಜಕೀಯ ಉದ್ವಿಗ್ನತೆಗಳು ಮತ್ತು ಬದಲಾಗುತ್ತಿರುವ ಮಾರುಕಟ್ಟೆಯ ಸನ್ನಿವೇಶಗಳ ನಡುವೆಯೂ ನಾವು ಸ್ಥಿರವಾದ ಆದಾಯದ ಬೆಳವಣಿಗೆಯನ್ನು ಸಾಧಿಸುವುದನ್ನು ಮುಂದುವರಿಸಿದ್ದೇವೆ. ಇಂತಹ ಪರಿಸರದಲ್ಲಿ, ಚುರುಕಾಗಿರುವುದು ಮತ್ತು ಗ್ರಾಹಕ ಕೇಂದ್ರಿತವಾಗಿರುವುದು ನಮ್ಮ ಪಾಲಿಗೆ ಅತ್ಯಂತ ನಿರ್ಣಾಯಕವಾಗಿದೆ” ಎಂದು ಹೇಳಿದರು.

“ನಂಬಿಕಾರ್ಹತೆ, ವ್ಯಾಪ್ತಿ, ವೇಗ ಮತ್ತು ಅತ್ಯುತ್ತಮ ಸೇವೆ ಎಂಬ ನಮ್ಮ ಮೂಲ ಸಾಮರ್ಥ್ಯ ಗಳನ್ನು ನಾವು ಇನ್ನಷ್ಟು ಬಲಪಡಿಸಿದ್ದೇವೆ. ಅದೇ ಸಮಯದಲ್ಲಿ ಇ-ಕಾಮರ್ಸ್, ರೀಟೇಲ್, ಸಣ್ಣ ಮತ್ತು ಮಧ್ಯಮ ಉದ್ಯಮಗಳು (SME) ಹಾಗೂ ದೊಡ್ಡ ಕಂಪನಿಗಳ ವಿಭಾಗಗಳಲ್ಲಿನ ಗ್ರಾಹಕರ ಬದಲಾಗುತ್ತಿರುವ ಅಗತ್ಯಗಳಿಗೆ ತಕ್ಕಂತೆ ನಮ್ಮ ಸೇವೆಗಳನ್ನು ಮಾರ್ಪಡಿಸಿ ಕೊಂಡಿದ್ದೇವೆ. ನಮ್ಮ ಈ ಸಾಧನೆಗೆ ಗ್ರಾಹಕರ ನಿರಂತರ ವಿಶ್ವಾಸ, ಶಿಸ್ತುಬದ್ಧ ಜಾಲದ ನಿರ್ವಹಣೆ ಮತ್ತು ಕಾರ್ಯಾಚರಣೆಯ ದಕ್ಷತೆಯ ಮೇಲೆ ನಾವು ಇರಿಸಿದ ತೀಕ್ಷ್ಣ ಗಮನವೇ ಕಾರಣವಾಗಿದೆ. ಗ್ರಾಹಕರ ನಿರೀಕ್ಷೆಗಳು ಬದಲಾಗುತ್ತಿರುವಂತೆ, ನಮ್ಮ ಸೇವೆಗಳನ್ನು ಹೆಚ್ಚು ಪ್ರಸ್ತುತ, ಸುಲಭವಾಗಿ ಲಭ್ಯವಾಗುವಂತೆ ಮತ್ತು ಮೌಲ್ಯಯುತವಾಗಿಸಲು ನಾವು ಬದ್ಧರಾಗಿದ್ದೇವೆ. ನಮ್ಮ ಬೆಳವಣಿಗೆಯನ್ನು ಬೆಂಬಲಿಸಲು ಮತ್ತು ಸ್ಪರ್ಧಾತ್ಮಕತೆಯನ್ನು ಹೆಚ್ಚಿಸಲು ನಾವು ನಮ್ಮ ಜಾಲ, ಡಿಜಿಟಲ್ ಸಾಮರ್ಥ್ಯಗಳು ಮತ್ತು ಸೇವಾ ಪೋರ್ಟ್‌ ಫೋಲಿಯೊದಲ್ಲಿ ಹೂಡಿಕೆ ಮಾಡುವುದನ್ನು ಮುಂದುವರಿಸುತ್ತೇವೆ” ಎಂದೂ ಅವರು ಹೇಳಿದರು.

ಭವಿಷ್ಯದ ದಿನಗಳನ್ನು ಗಮನಿಸಿದರೆ, ಭಾರತದ ವಿಸ್ತರಿಸುತ್ತಿರುವ ಬಳಕೆಯ ಪ್ರಮಾಣ, ಮೂಲಸೌಕರ್ಯ ಅಭಿವೃದ್ಧಿ, ಡಿಜಿಟಲ್ ಅಳವಡಿಕೆ ಮತ್ತು ನಿಗದಿತ ಸಮಯದ ಲಾಜಿ ಸ್ಟಿಕ್ಸ್ ಸೇವೆಗಳಿಗೆ ಹೆಚ್ಚುತ್ತಿರುವ ಬೇಡಿಕೆಯಿಂದಾಗಿ ಕಂಪನಿಯು ಭವಿಷ್ಯ ಆಶಾವಾದಿ ಯಾಗಿದೆ. ಗ್ರಾಹಕರು, ಉದ್ಯೋಗಿಗಳು, ಷೇರುದಾರರು ಮತ್ತು ಸಮುದಾಯಗಳಿಗೆ ದೀರ್ಘ ಕಾಲಿಕ ಮೌಲ್ಯವನ್ನು ನೀಡಲು ಬ್ಲೂ ಡಾರ್ಟ್ ತನ್ನ ಜಾಲದ ಸಾಮರ್ಥ್ಯ, ತಂತ್ರಜ್ಞಾನ, ಸೇವೆಯ ಗುಣಮಟ್ಟ ಮತ್ತು ಸುಸ್ಥಿರ ಲಾಜಿಸ್ಟಿಕ್ಸ್‌ನಲ್ಲಿ ಹೂಡಿಕೆ ಮಾಡುವುದನ್ನು ಮುಂದುವರಿಸುತ್ತದೆ.