ಬಲವಂತದ ಮತಾಂತರ, ಲೈಂಗಿಕ ದೌರ್ಜನ್ಯ; ಜಾಲದೊಳಗೆ ಸಿಕ್ಕಿಬಿದ್ದಿದ್ದು ಬರೋಬ್ಬರಿ 350ಕ್ಕೂ ಹೆಚ್ಚು ಹಿಂದೂ ಮಹಿಳೆಯರು

ಲಖನೌ, ಫೆ. 4: ಮಾಧ್ಯಮವೊಂದು ನಡೆಸಿದ ವಿಶೇಷ ತನಿಖೆಯಲ್ಲಿ ಉತ್ತರ ಪ್ರದೇಶದ (Uttar Pradesh) ಬಸ್ತಿ ಜಿಲ್ಲೆಯ ಲಾಡ್ಜ್‌ನಲ್ಲಿ ಬಲವಂತದ ಮತಾಂತರ (Forced religious conversion) ಮತ್ತು ಲೈಂಗಿಕ ಶೋಷಣೆ ಜಾಲದ ಬಗ್ಗೆ ಭಯಾನಕ ವಿವರಗಳು ಬಹಿರಂಗವಾಗಿವೆ. ಸಾಕ್ಷ್ಯ ಮತ್ತು ಆನ್-ಗ್ರೌಂಡ್ ವರದಿಯ ಆಧಾರದ ಮೇಲೆ, ಲಾಡ್ಜ್ ನೆಟ್‌ವರ್ಕ್‌ನ ಕೇಂದ್ರವಾಗಿ ಕಾರ್ಯನಿರ್ವಹಿಸಿದೆ ಎಂದು ಮೂಲಗಳು ತಿಳಿಸಿವೆ.

ಆರೋಪಿಗಳು ಯಾವುದೇ ಗುರುತಿನ ತಪಾಸಣೆಗಳಿಲ್ಲದೆ ಮಹಿಳೆಯರನ್ನು ಕರೆತರಲು ಸ್ಥಳೀಯವಾಗಿ ಪಬ್ಲಿಸಿಂಗ್ ಲೌಂಜ್ ಎಂದು ಹೇಳಲಾದ ಜನಪ್ರಿಯತೆಯಿಲ್ಲದ ಲಾಡ್ಜ್ ಅನ್ನು ನಿಯಮಿತವಾಗಿ ಬಳಸುತ್ತಿದ್ದರು. ಈ ಲಾಡ್ಜ್‌ನಲ್ಲಿ ಆಧಾರ್ ಅಥವಾ ಐಡಿ ಪರಿಶೀಲನಾ ಪ್ರಕ್ರಿಯೆ ನಡೆಯುವುದಿಲ್ಲ ಮತ್ತು ದಾಖಲೆಗಳನ್ನು ಕೇಳುವುದಿಲ್ಲ. ಇದರಿಂದಾಗಿ ಅಲ್ಲಿ ತಂಗಿದ್ದವರನ್ನು ಪತ್ತೆಹಚ್ಚುವುದು ಕಷ್ಟವಾಗಿತ್ತು. ಲಾಡ್ಜ್‌ ಸಣ್ಣ ಕೊಠಡಿಗಳು, ಕೋಣೆಯೊಳಗೆ ನಿರ್ಮಿಸಲಾದ ಕೊಠಡಿ ಮತ್ತು ತ್ವರಿತವಾಗಿ ಪಾರಾಗಲು ಅನುವು ಮಾಡಿಕೊಡುವ ಕಿರಿದಾದ ಓಣಿಗಳನ್ನು ಒಳಗೊಂಡಿತ್ತು ಎಂದು ವರದಿಯಾಗಿದೆ.

ಮೂವರು ಬಾಲಕಿಯರ ಪ್ರಾಣ ತೆಗೆದ ಕೊರಿಯನ್ ಗೇಮ್‌; ಏನಿದು ಕೊಲ್ಲುವ ಆಟ?

ಪೊಲೀಸ್ ಠಾಣೆಯಿಂದ ಕೇವಲ 50 ಮೀಟರ್ ದೂರದಲ್ಲಿಯೇ ಇದ್ದರೂ, ಈ ಲಾಡ್ಜ್ ಅನ್ನು ಮಹಿಳೆಯರನ್ನು ಬಂಧಿಸಲು ಪದೇ ಪದೆ ಬಳಸಲಾಗುತ್ತಿತ್ತು ಎಂದು ಆರೋಪಿಸಲಾಗಿದೆ. ಆರೋಪಿ ಇಲ್ಲೇ ಸಂಪೂರ್ಣ ಮತಾಂತರ ಜಾಲವನ್ನು ನಡೆಸುತ್ತಿದ್ದ ಮತ್ತು ಮಹಿಳೆಯರನ್ನು ಬಂಧಿಸಿ, ಅವರ ಧರ್ಮವನ್ನು ಬದಲಾಯಿಸುವಂತೆ ಒತ್ತಡ ಹೇರುವ ಮೊದಲು ಇಲ್ಲಿ ಕೂಡಿ ಹಾಕುತ್ತಿದ್ದ ಎಂದು ಸಂತ್ರಸ್ತೆಯೊಬ್ಬರು ತಿಳಿಸಿದ್ದಾರೆ.

ಮಾಹಿತಿಯ ಪ್ರಕಾರ, ಲಾಡ್ಜ್ ಹಲವು ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿದ್ದು, ಪ್ರತಿ ಕೋಣೆಗೆ ಸುಮಾರು 500–700 ರೂ. ಬಾಡಿಗೆ ವಿಧಿಸಲಾಗುತ್ತಿತ್ತು. ಕೊಠಡಿಗಳು ಚಿಕ್ಕದಾಗಿದ್ದವು. ವ್ಯವಸ್ಥಾಪಕರು ಯಾವಾಗಲೂ ಇರುತ್ತಿದ್ದರು ಮತ್ತು ಲಾಡ್ಜ್‌ವೊಳಗೆ ಬಹು ನಿರ್ಗಮನ ಮಾರ್ಗಗಳನ್ನು ನಿರ್ಮಿಸಲಾಗಿತ್ತು.

ಆಸ್ಪತ್ರೆಯಲ್ಲಿ ಕೆಲಸ ಮಾಡುವಾಗ ಆರೋಪಿಯ ಪರಿಚವಾಯಿತು ಎಂದು ಸಂತ್ರಸ್ತೆ ಹೇಳಿದ್ದಾರೆ. ಅವನು ಹಿಂದೂ ಹೆಸರನ್ನು ಬಳಸಿ, ಪವಿತ್ರ ದಾರವನ್ನು ಧರಿಸಿ, ತನ್ನನ್ನು ತಾನು ಹಿಂದೂ ಎಂದು ಬಿಂಬಿಸಿಕೊಂಡಿದ್ದ ಎಂದು ಅವರು ಆರೋಪಿಸಿದ್ದಾರೆ. ಆರೋಪಿಗಳ ಬಲೆಗೆ ಈಗಾಗಲೇ 350ಕ್ಕೂ ಹೆಚ್ಚು ಮಹಿಳೆಯರು ಬಿದ್ದಿದ್ದಾರೆ ಎಂದು ಅವರು ಹೇಳಿಕೊಂಡಿದ್ದಾರೆ.

ಅನೇಕರು ಪ್ರೀತಿ, ಮದುವೆ, ಉದ್ಯೋಗ ಅಥವಾ ಆರ್ಥಿಕ ಸಹಾಯದ ಭರವಸೆಗಳ ಮೂಲಕ ಆಮಿಷಕ್ಕೆ ಒಳಗಾಗಿದ್ದರು. ʼʼನಾನು ಅನೇಕ ಹುಡುಗಿಯರೊಂದಿಗೆ ಮಾತನಾಡಿದ್ದೇನೆ. ಅವರನ್ನು ಭೇಟಿಯಾಗಿದ್ದೇನೆ. ಅವರು ಹೇಗೆ ಸಿಕ್ಕಿಬಿದ್ದರು ಎಂಬುದಕ್ಕೆ ನನ್ನ ಬಳಿ ಪುರಾವೆಗಳಿವೆʼʼ ಎಂದು ಅವರು ತಿಳಿಸಿದರು. ಕನಿಷ್ಠ ಇಬ್ಬರು ಮಹಿಳೆಯರು ನಾಪತ್ತೆಯಾಗಿದ್ದಾರೆ. ಆದರೆ ಅವರು ಎಲ್ಲಿದ್ದಾರೆಂದು ತಿಳಿದಿಲ್ಲ ಎಂದು ಅವರು ಹೇಳಿದ್ದಾರೆ.

ಜಿಮ್‌ಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಮತಾಂತರ ಜಾಲ; ಪೊಲೀಸ್‌ ಸೇರಿ ಆರು ಮಂದಿಯ ಬಂಧನ

ತನ್ನ ಸ್ವಂತ ಅನುಭವವನ್ನು ವಿವರಿಸುತ್ತ ಸಂತ್ರಸ್ತೆಯು, ತನಗೆ ಪದೇ ಪದೆ ಕಿರುಕುಳ, ಅವಮಾನ ಮತ್ತು ಬೆದರಿಕೆ ಹಾಕಲಾಗಿದೆ ಎಂದು ಆರೋಪಿಸಿದ್ದಾರೆ. ಆರೋಪಿಯು ತನ್ನನ್ನು ಸಾರ್ವಜನಿಕವಾಗಿ ಅವಮಾನಿಸಿದ್ದಾನೆ. ಅವನ ಮನೆಗೆ ಭೇಟಿ ನೀಡುವಂತೆ ಒತ್ತಾಯಿಸಿದ್ದ. ನಿರಾಕರಿಸಿದರೆ ತನ್ನ ಸಹೋದರನನ್ನು ಶಾಲೆಯಿಂದ ಅಪಹರಿಸುವುದಾಗಿ ಬೆದರಿಕೆ ಹಾಕಿದ್ದ ಎಂದು ವಿವರಿಸಿದ್ದಾರೆ.

ತನ್ನ ಧರ್ಮವನ್ನು ಬದಲಾಯಿಸಲು ತನ್ನ ಮೇಲೆ ಒತ್ತಡ ಹೇರಲಾಯಿತು. ಆರೋಪಿ ಮಾತ್ರವಲ್ಲ ಆತನ ಮನೆಯವರೂ ಮಹಿಳೆಯರ ಮತಾಂತರಕ್ಕೆ ಯತ್ನಿಸಿದ್ದರು ಎಂದು ಆರೋಪಿಸಿದ್ದಾರೆ. ʼʼನಮ್ಮನ್ನು ಮದುವೆಯಾಗುವುದಾಗಿ ಅವರು ಹೇಳಿದರು. ಕೆಲವು ಹುಡುಗಿಯರು ಇದಕ್ಕೆ ಒಪ್ಪಿಕೊಂಡರು. ಈಗ ಅವರು ಎಲ್ಲಿದ್ದಾರೆಂದು ಯಾರಿಗೂ ತಿಳಿದಿಲ್ಲʼʼ ಎಂದು ಸಂತ್ರಸ್ತೆ ಮಾಹಿತಿ ನೀಡಿದ್ದಾರೆ.

ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಮ್‌ನಂತಹ ಸಾಮಾಜಿಕ ಮಾಧ್ಯಮ ವೇದಿಕೆಗಳನ್ನು ಈ ಜಾಲವು ಹೆಚ್ಚಾಗಿ ಅವಲಂಬಿಸಿದೆ ಎಂದು ಸಂತ್ರಸ್ತ ಮಹಿಳೆಯರು ಆರೋಪಿಸಿದ್ದಾರೆ. ಆರೋಪಿ ಮತ್ತು ಅವನ ಸಹಚರರು ಮುಂಬೈ ಸೇರಿದಂತೆ ಅನೇಕ ನಗರಗಳು ಮತ್ತು ರಾಜ್ಯಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದರು. ನೇಪಾಳಕ್ಕೂ ಅವರ ಜಾಲ ವಿಸ್ತರಿಸಿದೆ. ಹಿಂದೂ ಮಹಿಳೆಯರನ್ನು ಮಾತ್ರ ಅವರು ಗುರಿಯಾಗಿಸಿಕೊಂಡಿದ್ದಾರೆ ಎಂದು ದೂರಿದ್ದಾರೆ.