Irumudi OTT: ಥಿಯೇಟರ್‌ನಲ್ಲಿ ಹಿಟ್, ಒಟಿಟಿಯಲ್ಲಿ ‘ಇರುಮುಡಿ’ ಟ್ರೋಲ್

ರವಿತೇಜ (Ravi Teja) ಅವರ "ಇರುಮುಡಿ" ತೆಲುಗು ಚಿತ್ರರಂಗದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರಗಳಲ್ಲಿ ಒಂದಾಗಿ ಹೊರಹೊಮ್ಮಿತು ಮತ್ತು ಅವರ ವೃತ್ತಿಜೀವನದ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರವಾಯಿತು. ಹಲವಾರು ಹೊಸ ಬಿಡುಗಡೆಗಳು ಬಂದರೂ ಸಹ ಈ ಚಿತ್ರವು ಪ್ರದರ್ಶನವನ್ನು ಕಂಡಿತು. ಈಗ, "ಇರುಮುಡಿ" (Irumudi) ನೆಟ್‌ಫ್ಲಿಕ್ಸ್‌ನಲ್ಲಿ (Netflix) ಬಿಡುಗಡೆಯಾಗಿದ್ದು, ಸೆಪ್ಟೆಂಬರ್ 18 ರಿಂದ ಸ್ಟ್ರೀಮಿಂಗ್ ಆರಂಭವಾಗಿದೆ. ಕಳಪೆ ಹಿಂದಿ ಡಬ್ಬಿಂಗ್‌ಗೆ ಬಾಲಿವುಡ್ ವೀಕ್ಷಕರು ಸೋಶಿಯಲ್ ಮೀಡಿಯಾದಲ್ಲಿ ತೀವ್ರ ಅಸಮಾಧಾನ ಹೊರಹಾಕುತ್ತಿದ್ದಾರೆ.

ಕುತೂಹಲಕಾರಿಯಾಗಿ, ಸಾಮಾಜಿಕ ಮಾಧ್ಯಮದಲ್ಲಿ ತೆಲುಗು ಪ್ರೇಕ್ಷಕರಲ್ಲಿ ಚಿತ್ರದ ಬಗ್ಗೆ ಹೆಚ್ಚಿನ ಚರ್ಚೆ ನಡೆದಿಲ್ಲ. ಆದರೆ ಇತರ ಭಾಷಾ ಮಾರುಕಟ್ಟೆಗಳ, ವಿಶೇಷವಾಗಿ ಹಿಂದಿ ಮಾತನಾಡುವ ಪ್ರದೇಶಗಳ ಪ್ರೇಕ್ಷಕರು ಚಿತ್ರದ ಬಗ್ಗೆ ಹೆಚ್ಚು ಧ್ವನಿ ಎತ್ತಿದ್ದಾರೆ, ಹಲವಾರು ವೀಕ್ಷಕರು ಇದು ಇಷ್ಟು ದೊಡ್ಡ ಯಶಸ್ಸಿಗೆ ಕಾರಣವೇನು ಎಂದು ಪ್ರಶ್ನಿಸಿದ್ದಾರೆ.

ಭಾವನಾತ್ಮಕ ಕಥೆಯು ಅಯ್ಯಪ್ಪ ಸ್ವಾಮಿ ಹಿನ್ನೆಲೆಯನ್ನು ಹೊರತುಪಡಿಸಿ ವಿಶೇಷವಾಗಿ ಹೊಸದನ್ನು ನೀಡುವುದಿಲ್ಲ ಎಂದು ವಾದಿಸಿದ್ದಾರೆ.

ಇದನ್ನೂ ಓದಿ: Bigg boss Kannada 13: ಬಿಗ್‌ ಬಾಸ್‌ ಮನೆಗೆ ವೈಲ್ಡ್‌ ಕಾರ್ಡ್‌ ಎಂಟ್ರಿ ಇವರೇ?

ಪ್ರಸಿದ್ಧ ಬಾಲಿವುಡ್ ವಿಮರ್ಶಕರೊಬ್ಬರು ಈ ಚಿತ್ರವನ್ನು ರವಿತೇಜ ಅವರ ಕೆರಿಯರ್‌ನ ಅತ್ಯಂತ ತರ್ಕಹೀನ ಸಿನಿಮಾ ಎಂದು ಕರೆದಿದ್ದಾರೆ. ಚಿತ್ರಕಥೆ ಹಾಗೂ ನಿರೂಪಣೆಯ ಬಗ್ಗೆ ತೀವ್ರ ಟೀಕೆಗಳು ವ್ಯಕ್ತವಾಗುತ್ತಿವೆ. ಭಾವನಾತ್ಮಕ ಸನ್ನಿವೇಶಗಳು ಮತ್ತು ಆಕ್ಷನ್ ಸೀನ್‌ಗಳು ಒಂದಕ್ಕೊಂದು ಸರಿಯಾಗಿ ಹೊಂದಾಣಿಕೆಯಾಗುತ್ತಿಲ್ಲ ಎಂಬ ಅಭಿಪ್ರಾಯ ಕೇಳಿಬಂದಿದೆ. ಆಧ್ಯಾತ್ಮಿಕ ವಿಷಯವನ್ನು ದೃಶ್ಯಗಳಲ್ಲಿ ವಿಜೃಂಭಿಸಿ ತೋರಿಸಲಾಗಿದ್ದರೂ ಅದು ಕಥೆಗೆ ಯಾವುದೇ ಬಲ ನೀಡುತ್ತಿಲ್ಲ. ಇನ್ನು ಹಿಂದಿ ಡಬ್ಬಿಂಗ್ ಆವೃತ್ತಿಯ ಸಂಭಾಷಣೆ ಮತ್ತು ಡಬ್ಬಿಂಗ್ ಗುಣಮಟ್ಟ ಕೂಡ ತೀರಾ ಕಳಪೆಯಾಗಿದೆ’ ಎಂದು ವೀಕ್ಷಕರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ಬಿಡುಗಡೆಗೂ ಮುನ್ನ ವಿಶ್ವದಾದ್ಯಂತ 20 ಕೋಟಿ ರೂಪಾಯಿ ಬ್ಯುಸಿನೆಸ್ ಮಾಡಿದ್ದ ಈ ಸಿನಿಮಾ, 21 ಕೋಟಿ ರೂಪಾಯಿ ಬ್ರೇಕ್ ಈವೆನ್ ಟಾರ್ಗೆಟ್‌ನೊಂದಿಗೆ ಬಿಡುಗಡೆಯಾಗಿತ್ತು. ಕಳೆದ ಕೆಲವು ವರ್ಷಗಳಿಂದ ಸತತ ಫ್ಲಾಪ್‌ಗಳೊಂದಿಗೆ ಸಂಕಷ್ಟಕ್ಕೆ ಸಿಲುಕಿದ್ದ ರವಿತೇಜಗೆ ಈ ಸಿನಿಮಾ ಬಳಿಕ ಭಾರೀ ಕ್ರೇಸ್ ತಂದು ಕೊಟ್ಟಿದೆ.

ಇದನ್ನೂ ಓದಿ: Krishi Thapanda: ಆಪ್ತ ಸ್ನೇಹಿತೆ ಅಗಲಿಕೆ; ನಟಿ ಕೃಷಿ ತಾಪಂಡ ಭಾವುಕ ಪೋಸ್ಟ್!

ಒಳ್ಳೆಯ ಸಿನಿಮಾ ಬಂದರೆ ಜನರು ಇಂದಿಗೂ ಥಿಯೇಟರ್ಗೆ ಬರ್ತಾರೆ ಅನ್ನೋದಕ್ಕೆ ಈ ಸಿನಿಮಾ ಬಹುದೊಡ್ಡ ಉದಾಹರಣೆಯಾಗಿದೆ.