ಭಾರತ-ಪಾಕ್‌ ಪಂದ್ಯದ ವೇಳೆ ಬಿಸಿಬಿ ಮುಖ್ಯಸ್ಥ ಅಮೀನುಲ್ ಇಸ್ಲಾಂ ಹಾಜರ್‌

ಢಾಕಾ, ಫೆ.12: ಬಾಂಗ್ಲಾದೇಶ ಕ್ರಿಕೆಟ್ ಮಂಡಳಿ (BCB) ಅಧ್ಯಕ್ಷ ಅಮೀನುಲ್ ಇಸ್ಲಾಂ ಅವರು ಭಾನುವಾರ(ಫೆ.15) ನಡೆಯವ ಭಾರತ ಮತ್ತು ಪಾಕಿಸ್ತಾನ ನಡುವಣ ಟಿ20 ವಿಶ್ವಕಪ್(T20 World Cup 2026) ಪಂದ್ಯವನ್ನು ವೀಕ್ಷಿಸಲು ಕೊಲಂಬೊದಲ್ಲಿ ಇರುವುದಾಗಿ ಹೇಳಿದ್ದಾರೆ. ಅಲ್ಲಿ ಐಸಿಸಿ ಏರ್ಪಡಿಸಿದ ಸಭೆಯಲ್ಲಿ ಪಾಲ್ಗೊಂಡು ಬಿಸಿಸಿಐ ಜತೆಗಿನ ಸಂಬಂಧವನ್ನು ಸುಧಾರಿಸುವ ಮಹತ್ವದ ಮಾತುತೆ ನಡೆಯಲಿದೆ ಎಂದಿದ್ದಾರೆ.

ಬಾಂಗ್ಲಾದೇಶದ ಪತ್ರಿಕೆ ಪ್ರಥಮ್ ಅಲೋ ಜತೆ ಮಾತನಾಡಿದ ಇಸ್ಲಾಂ, ಹೈವೋಲ್ಟೇಜ್‌ ಪಂದ್ಯಕ್ಕೆ ಐಸಿಸಿಯಿಂದ ಆಹ್ವಾನ ಬಂದಿದೆ ಮತ್ತು ಏಷ್ಯಾದ ಪ್ರಮುಖ ಪಾಲುದಾರರನ್ನು ಒಟ್ಟುಗೂಡಿಸುವ ವಿಶಾಲ ಯೋಜನೆಯ ಭಾಗವಾಗಿದೆ ಎಂದು ಹೇಳಿದರು.

"ಐಸಿಸಿ ಒಂದು ನಿರ್ಧಾರ ತೆಗೆದುಕೊಂಡಿದೆ. ಐಸಿಸಿಯ ಪ್ರಮುಖ ಪಾಲುದಾರರು ಈ ಐದು ಏಷ್ಯಾದ ದೇಶಗಳು ಮತ್ತು 15 ರಂದು ನಡೆಯಲಿರುವ ಭಾರತ-ಪಾಕಿಸ್ತಾನ ವಿಶ್ವಕಪ್ ಪಂದ್ಯಕ್ಕಾಗಿ, ಎಲ್ಲಾ ಐದು ಏಷ್ಯಾದ ದೇಶಗಳ ಪ್ರತಿನಿಧಿಗಳು ಒಟ್ಟಿಗೆ ಮೈದಾನದಲ್ಲಿ ಹಾಜರಿರಬೇಕು. ಒಟ್ಟಿಗೆ ಪಂದ್ಯವನ್ನು ವೀಕ್ಷಿಸಬೇಕು ಮತ್ತು ಪರಸ್ಪರ ಮಾತನಾಡಬೇಕು ಎಂದು ಅವರು ಬಯಸುತ್ತಾರೆ" ಎಂದು ಇಸ್ಲಾಂ ಹೇಳಿದರು.

ಬಿಸಿಸಿಐ ಜತೆಗಿನ ಸಂಬಂಧವನ್ನು ಪುನಃಸ್ಥಾಪಿಸಲು ಈ ಸಭೆ ಅವಕಾಶ ನೀಡಬಹುದೇ ಎಂದು ಕೇಳಿದಾಗ, ಉತ್ತರಿಸಿದ ಇಸ್ಲಾಂ "ನೀವು ಅದನ್ನು ಹಾಗೆ ಪರಿಗಣಿಸಬಹುದು" ಎಂದರು.

ಬಾಂಗ್ಲಾದಲ್ಲಿ ನಡೆದ ಸರಣಿ ಹಿಂದೂಗಳ ಹತ್ಯೆಯ ಬಳಿಕ ಬಿಸಿಸಿಐ ವಿರುದ್ಧ ಬೆದರಿಕೆ ಕರೆಗಳು ಬಂದ ಕಾರಣ ಬಾಂಗ್ಲಾದೇಶದ ವೇಗಿ ಮುಸ್ತಾಫಿಜುರ್ ರೆಹಮಾನ್ ಅವರನ್ನು ಕೋಲ್ಕತ್ತಾ ನೈಟ್ ರೈಡರ್ಸ್ ಜತೆಗಿನ ಐಪಿಎಲ್ ಒಪ್ಪಂದದಿಂದ ಬಿಡುಗಡೆ ಮಾಡಲು ಬಿಸಿಸಿಐ ಆದೇಶಿಸಿತು. ಇದಾದ ನಂತರ ಎರಡು ಮಂಡಳಿಗಳ ನಡುವಿನ ಸಂಬಂಧಗಳು ಹದಗೆಟ್ಟವು.

ಅಂಪೈರ್‌ ಜತೆ ವಾಗ್ವಾದ; ಆಲ್‌ರೌಂಡರ್‌ ನಬಿಗೆ ಭಾರೀ ದಂಡ

ಬಿಸಿಸಿಐ ವಿರುದ್ಧ ಸೇಡು ತೀರಿಸುವ ಸಲುವಾಗಿ ಬಾಂಗ್ಲಾದೇಶವು ಭದ್ರತಾ ಕಾಳಜಿಯನ್ನು ಉಲ್ಲೇಖಿಸಿ ತನ್ನ ವಿಶ್ವಕಪ್ ಪಂದ್ಯಗಳಿಗಾಗಿ ಭಾರತಕ್ಕೆ ಪ್ರಯಾಣಿಸಲು ನಿರಾಕರಿಸಿತು. ಆದಾಗ್ಯೂ, ಮಾಜಿ ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ ನೇತೃತ್ವದ ಐಸಿಸಿ, ತನ್ನದೇ ಆದ ಪರಿಶೀಲನೆಯ ನಂತರ ಮೌಲ್ಯಮಾಪನವನ್ನು ತಿರಸ್ಕರಿಸಿತು. ಬಾಂಗ್ಲಾ ಬದಲು ಸ್ಕಾಟ್ಲೆಂಡ್‌ಗೆ ಅವಕಾಶ ನೀಡಿತು.

ಈ ಘಟನೆಯು ಸ್ವಲ್ಪ ಸಮಯದ ರಾಜತಾಂತ್ರಿಕ ಅಲೆಯನ್ನು ಹುಟ್ಟುಹಾಕಿತು. ಪಾಕಿಸ್ತಾನ ಸರ್ಕಾರವು ಬಾಂಗ್ಲಾದೇಶದೊಂದಿಗಿನ ಒಗ್ಗಟ್ಟಿನ ಪ್ರತಿಯಾಗಿ ಭಾರತದ ವಿರುದ್ಧದ ಪಂದ್ಯವನ್ನು ಬಹಿಷ್ಕರಿಸುವುದಾಗಿ ಘೋಷಿಸಿತು. ಬಿಸಿಬಿ ಮತ್ತು ಶ್ರೀಲಂಕಾ ಸರ್ಕಾರವು ಪಾಕಿಸ್ತಾನ ಪ್ರಧಾನಿ ಶೆಹಬಾಜ್ ಷರೀಫ್ ಅವರ ಕರೆಯನ್ನು ಹಿಂತೆಗೆದುಕೊಳ್ಳುವಂತೆ ಮನವೊಲಿಸಿದ ನಂತರ ಪರಿಸ್ಥಿತಿ ಅಂತಿಮವಾಗಿ ಶಾಂತವಾಯಿತು.