Vishwavani Global Achievers Awards Celebration in Tashkent: ವಿಶ್ವವಾಣಿ ಗ್ಲೋಬಲ್‌ ಅಚೀವರ್ಸ್‌ ಪ್ರಶಸ್ತಿ ಸಂಭ್ರಮ: ಶಾಸ್ತ್ರಿ ಪುಣ್ಯ ನೆಲದಲ್ಲಿ ಸಾಧಕರಿಗೆ ಸನ್ಮಾನ

ತಾಷ್ಕೆಂಟ್: ಭಾರತೀಯರಿಗೆ ದೇಶದ ಹತ್ತಾರು ಸ್ಥಳಗಳು ಭಾವನಾತ್ಮಕವಾಗಿ ಹತ್ತಿರವಾಗಿರುತ್ತದೆ. ಆದರೆ ವಿದೇಶದಲ್ಲಿರುವ ಯಾವುದಾದರೂ ಒಂದು ಸ್ಥಳದ ಬಗ್ಗೆ ದಶಕಗಳಿಂದ ಅದೇ ಭಾವನಾತ್ಮಕ ಸಂಬಂಧ ಹೊಂದಿದ್ದರೆ ಅದು ಉಜ್ಬೇಕಿಸ್ತಾನದ ರಾಜಧಾನಿ ತಾಷ್ಕೆಂಟ್ ಎಂದರೆ ತಪ್ಪಾಗುವುದಿಲ್ಲ. ದೇಶಕ್ಕೆ ಜೈ ಜವಾನ್-ಜೈ ಕಿಸಾನ್ ಘೋಷಣೆ ನೀಡಿದ್ದ, 1965ರ ಇಂಡೋ-ಪಾಕ್ ಯುದ್ಧದಲ್ಲಿ ಪಾಕಿಸ್ತಾನವನ್ನು ಹೆಡೆಮುರಿ ಕಟ್ಟುವಲ್ಲಿ ಭಾರತೀಯ ಸೇನೆಗೆ ಸಕಲ ರೀತಿಯ ಬೆಂಬಲ ನೀಡಿದ್ದ ಭಾರತದ ಎರಡನೇ ಪ್ರಧಾನಿ ಲಾಲ್ ಬಹದ್ದೂರ್ ಶಾಸ್ತ್ರಿಯವರು ಕೊನೆಯುಸಿರು ಎಳೆದ ಸ್ಥಳವಾಗಿರುವ ತಾಷ್ಕೆಂಟ್ ಈಗಲೂ ಭಾರತೀಯರನ್ನು ಸೆಳೆಯುವ ಊರೆಂದರೆ ತಪ್ಪಾಗುವುದಿಲ್ಲ.

ಇಂತಹ ಐತಿಹಾಸಿಕ ಮಹತ್ವವನ್ನು ಹೊಂದಿರುವ, ಭಾರತದೊಂದಿಗೆ ಭಾವನಾತ್ಮಕ ಸಂಬಂಧವನ್ನು ಹೊಂದಿರುವ ತಾಷ್ಕೆಂಟ್‌ನಲ್ಲಿ ವಿಶ್ವವಾಣಿ 14ನೇ ಗ್ಲೋಬಲ್ ಅಚೀವರ್ಸ್ ಅವಾರ್ಡ್ ಕಾರ್ಯಕ್ರಮ ಆಯೋಜಿಸುವ ಮೂಲಕ ಕನ್ನಡ ಇತಿಹಾಸದಲ್ಲಿ ಹೊಸ ದಾಖಲೆಯನ್ನು ಸೃಷ್ಟಿಸಿದೆ. ಅದರ ಲ್ಲಿಯೂ ಈ ಕಾರ್ಯಕ್ರಮದ ಮುಖ್ಯ ಅತಿಥಿ ಯಾಗಿ ಲಾಲ್ ಬಹದ್ದೂರ್ ಶಾಸ್ತ್ರಿ ಅವರ ಪುತ್ರ ಸುನಿಲ್ ಶಾಸ್ತ್ರಿ ಅವರ ಘನ ಉಪಸ್ಥಿತಿ ಇಡೀ ಕಾರ್ಯಕ್ರಮಕ್ಕೆ ಹೊಸ ಮೆರುಗನ್ನು ತುಂಬಿತ್ತು.

ಪ್ರತಿ ಎರಡು ತಿಂಗಳಿಗೊಮ್ಮೆ ನಡೆಯುವ ‘ಗ್ಲೋಬಲ್ ಅಚೀವರ್ಸ್’ ಕಾರ್ಯಕ್ರಮ ಈ ಹಿಂದೆ ಕಾಂಬೋ ಡಿಯಾ, ವಿಯೆಟ್ನಾಮ, ಬಾಲಿ, ಮಾಲ್ಡೀವ್ಸ್, ಮಾರಿಷಸ್, ಒಮಾನ್, ರಷ್ಯಾ, ಜಪಾನ್, ಜಾರ್ಜಿಯಾ, ದಕ್ಷಿಣ ಆಫ್ರಿಕಾ, ಫಿಲಿಪೈನ್ಸ್, ಭೂತಾನ್, ಪ್ಯಾರಿಸ್ ಸೇರಿದಂತೆ ಇಲ್ಲಿಯವರೆಗೆ ವಿಶ್ವದ ಹದಿನಾಲ್ಕು ಪ್ರಮುಖ ದೇಶಗಳಲ್ಲಿ ನಡೆದಿತ್ತು. ಈ ಬಾರಿ ಈ ವಿಶಿಷ್ಟ ಪಯಣದ ನಕ್ಷೆಯಲ್ಲಿ ಅರಳಿದ್ದು ಉಜ್ಬೇಕಿಸ್ತಾನದ ತಾಷ್ಕೆಂಟ್.

ಇದನ್ನೂ ಓದಿ: Vishwavani Global Achievers Award held at Manila, Philippines: ಫಿಲಿಫೈನ್ಸ್‌ʼನಲ್ಲಿ ಕರುನಾಡ ಸಾಧಕರಿಗೆ ಸನ್ಮಾನ

ತಾಷ್ಕೆಂಟ್ ಎನ್ನುವ ಹೆಸರು ಕಿವಿಗೆ ಬಿದ್ದಾಗಲೆಲ್ಲ ಎದೆಯಾಳದಲ್ಲಿ ಒಂದು ಹಳೆಯ ಕಪ್ಪು-ಬಿಳುಪು ಫೋಟೋ ದಂತೆ ಏನೋ ಒಂದು ಮೌನ ತೇವ ಆವರಿಸಿಕೊಳ್ಳುತ್ತದೆ. ರೇಷ್ಮೆ ರಸ್ತೆಯ ಧೂಳಿನಲ್ಲಿ ಹಳೆಯ ಸಾಮ್ರಾಜ್ಯಗಳ ಪಳೆಯುಳಿಕೆಗಳಿವೆ, ಆದರೆ ಭಾರತೀಯ ನೊಬ್ಬನಿಗೆ ತಾಷ್ಕೆಂಟ್ ಎಂದರೆ ಇತಿಹಾಸದ ಪುಸ್ತಕದಲ್ಲಿ ಅರ್ಧಕ್ಕೇ ಮುರಿದುಬಿದ್ದ ಒಂದು ಸಾಲು. 1966ರ ಆ ಜನವರಿಯ ಕೊರೆವ ಚಳಿಯ ರಾತ್ರಿ ನಮ್ಮ ದೇಶದ ಪ್ರಧಾನಿ, ಸರಳತೆಯ ಸಾಕಾರಮೂರ್ತಿ ಲಾಲ್ ಬಹದ್ದೂರ್ ಶಾಸ್ತ್ರಿಗಳು ಕೊನೆಯುಸಿರೆಳೆದ ನೆಲವಿದು. ಅಲ್ಲಿ ಸಮಾರಂಭ ಮಾಡುವು ದೆಂದರೆ, ಇತಿಹಾಸ ಬಿಟ್ಟುಹೋದ ನೋವಿನ ತಣ್ಣನೆಯ ಗಾಳಿಗೆ ನಮ್ಮ ಪ್ರೀತಿಯ ಮುಖಾಮುಖಿ. ಇಂಥದೊಂದು ಭಾವುಕ ತಾಣದಲ್ಲಿ ಗ್ಲೋಬಲ್ ಅಚೀವರ್ಸ್ ಕಾರ್ಯಕ್ರಮ ಆಯೋಜಿಸಲು ನಿಂತಾಗ, ಮುಖ್ಯ ಅತಿಥಿ ಯಾರಾಗಬೇಕೆಂಬ ಗೊಂದಲಕ್ಕೆ ಜಾಗವೇ ಇರಲಿಲ್ಲ. ಮನಸ್ಸಿನ ಕಿಟಕಿಯ ಬಳಿ ಬಂದು ನಿಂತಿದ್ದು ಒಂದೇ ಒಂದು ಸೌಮ್ಯ ಮುಖ, ಅದು ದಿ.ಲಾಲ್ ಬಹದ್ದೂರ್ ಶಾಸ್ತ್ರೀಜಿಯವರ ಮಗ ಸುನಿಲ್ ಶಾ ಶಾಸ್ತ್ರಿ ಅವರದ್ದು.

ವಿಶ್ವವಾಣಿ ಪ್ರಧಾನ ಸಂಪಾದಕ ವಿಶ್ವೇಶ್ವರ ಭಟ್ ಅವರ ನೇತೃತ್ವದಲ್ಲಿ ಮಾಜಿ ಸಚಿವ ಜೆ.ಸಿ. ಮಾಧುಸ್ವಾಮಿ, ಮಾಜಿ ಶಾಸಕ ಬಿ.ಎಂ. ಸುಕುಮಾರ್ ಶೆಟ್ಟಿ ಸೇರಿದಂತೆ 40ಕ್ಕೂ ಹೆಚ್ಚು ಜನರ ವಿಶ್ವವಾಣಿ ನಿಯೋಗ ಕಜಕಿಸ್ತಾನ ಹಾಗೂ ಉಜ್ಬೇಕಿಸ್ತಾನದ ವಿವಿಧ ಪ್ರೇಕ್ಷಣೀಯ, ಐತಿಹಾಸಿಕ ಸ್ಥಳಗಳಿಗೆ ಭೇಟಿ ನೀಡಿತ್ತು. ತಾಷ್ಕೆಂಟ್‌ನಲ್ಲಿ ನಡೆದ ಕಾರ್ಯಕ್ರಮಕ್ಕೂ ಮೊದಲು ಖಜಕಿಸ್ತಾನ ದೇಶದ ವಿವಿಧ ಭಾಗಗಳಿಗೆ ಅಧ್ಯಯನ ಪ್ರವಾಸ ಕೈಗೊಂಡ ವಿಶ್ವವಾಣಿ ನಿಯೋಗ ಬಳಿಕ ಉಜ್ಬೇಕಿಸ್ತಾನಕ್ಕೆ ಭೇಟಿ ನೀಡಿತ್ತು. ಉಜ್ಬೇಕಿಸ್ತಾನದ ಪ್ರೇಕ್ಷಣೀಯ ಸ್ಥಳಗಳಿಗೆ ಭೇಟಿ ನೀಡುವ ಮೊದಲು ಲಾಲ್ ಬಹದ್ದೂರ್ ಶಾಸ್ತ್ರಿ ಅವರು ಕೊನೆಯುಸಿರು ಎಳೆದಿದ್ದ ತಾಷ್ಕೆಂಟ್‌ನಲ್ಲಿ ಅದ್ಧೂರಿಯಾಗಿ ಗ್ಲೋಬಲ್ ಅಚೀವರ್ಸ್ ಕಾರ್ಯಕ್ರಮ ನೆರವೇರಿತು.

ಕಾರ್ಯಕ್ರಮದಲ್ಲಿ ಕರ್ನಾಟಕದ ಸಾಧಕರನ್ನು ಲಾಲ್ ಬಹದ್ದೂರ್ ಶಾಸ್ತ್ರಿ ಅವರ ಪುತ್ರ ಸುನೀಲ್ ಶಾಸ್ತ್ರಿ ಸೇರಿದಂತೆ ವಿಶ್ವವಾಣಿ ಪ್ರಧಾನ ಸಂಪಾದಕ ವಿಶ್ವೇಶ್ವರ ಭಟ್, ಮಾಜಿ ಸಚಿವ ಮಾಧು ಸ್ವಾಮಿ ಅವರು ಸನ್ಮಾನಿಸಿ ಗೌರವಿಸಿದರು. ಕಾರ್ಯಕ್ರಮದಲ್ಲಿ ಉಜ್ಬೇಕಿಸ್ತಾನ ದೇಶದ ಸಾಂಪ್ರದಾಯಿಕ ಸಾಂಸ್ಕೃತಿಕ ಪ್ರದರ್ಶನವನ್ನು ಆಯೋಜಿಸಲಾಗಿತ್ತು. ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದ ಬಳಿಕ ಭಾಗವಹಿಸಿದ ಗಣ್ಯರು ತಮ್ಮ ಸಾಧನಾ ಪಥದ ಯಶೋಗಾಥೆಯ ಅನುಭವವನ್ನು ಹಂಚಿಕೊಂಡರು.

ಪ್ರಶಸ್ತಿ ಪುರಸ್ಕೃತರ ಪಟ್ಟಿ

ಶ್ರೀ ಶ್ರೀ ನಟರಾಜ ಸ್ವಾಮೀಜಿ

ಶ್ರೀ ಕೆ.ರಾಧಾಕೃಷ್ಣ ಹೊಳ್ಳ

ಶ್ರೀ ರೇಣುಕಾ ಲಕ್ಷ್ಮಣ್ ಉಪ್ಪಾರ್

ಶ್ರೀ ಸುನಿಲ್ ಕುಮಾರ್ ಎಚ್.ವಿ

ಶ್ರೀ ಎ.ಎಸ್. ಪ್ರೇಮನಾಥ್

ಶ್ರೀ ಕಿರಣ್ ಕುಮಾರ್ ವಿ.ಜಿ

ಶ್ರೀ ರಾಘವ್ ಸೂರ್ಯ ಹೆಗಡೆ

ಶ್ರೀ ಸಿದ್ದಪ್ಪ ಮುನಿಯಪ್ಪ

ಶ್ರೀ ರಾಹುಲ್ ಚಂದ್ರಶೇಖರ್

ಶ್ರೀ ಸಂಗಮೇಶ್ ಸುಗ್ರೀವಾ

ವಿಶ್ವವಾಣಿ ನಿಯೋಗದಲ್ಲಿದ್ದವರು

ವಿಶ್ವವಾಣಿ ಪ್ರಧಾನ ಸಂಪಾದಕ ವಿಶ್ವೇಶ್ವರ ಭಟ್ ನೇತೃತ್ವದ ನಿಯೋಗದಲ್ಲಿ ಲಾಲ್ ಬಹದ್ದೂರ್ ಶಾಸ್ತ್ರಿ ಪುತ್ರ ಸುನಿಲ್ ಶಾಸ್ತ್ರಿ, ಸೊಸೆ ಮೀರಾ ಶಾಸ್ತ್ರಿ, ಮಾಜಿ ಸಚಿವ ಜೆ.ಸಿ ಮಾಧುಸ್ವಾಮಿ, ತ್ರಿವೇಣಿ ಮಾಧುಸ್ವಾಮಿ, ಮಾಜಿ ಶಾಸಕ ಬಿ.ಎಂ ಸುಕುಮಾರ ಶೆಟ್ಟಿ, ಎಚ್.ಪಿ ನೀಲೇಶ್, ದಿವ್ಯಾ ನೀಲೇಶ್, ಮಂಜುನಾಥ್, ಲಕ್ಷ್ಮಣ ಉಪ್ಪಾರ್, ಸಿ.ಆರ್. ಸುರೇಶ್, ಆರ್.ಬೈರೇ ಗೌಡ, ರಾಜೇಶ್ವರಿ, ಎಚ್. ಎಸ್.ಚಂದ್ರಮೌಳಿ, ಅರುಣಾ ಚಂದ್ರಮೌಳಿ, ಆರ್.ರವಿ, ನೀತಾ ರವಿ, ವೆಂಕಟೇಶ್ ಹೆಗಡೆ ಹೊಸಬಾಳೆ, ಉಮೇಶ್ ಗೌಡ, ನಾಗರಾಜ್ ಅಡಿಗ, ರಾಘವೇಂದ್ರ ಡಿ.ನಾಯಕ್, ಚನ್ನ ವೀರಪ್ಪ ಪೂಜಾರ್, ಸಿದ್ದೇಶ್ ಹಾರನಹಳ್ಳಿ, ಸುಜಾತಾ, ವಿಶಾಲ್ ಶಾನುಭಾಗ್, ಬಸವರಾಜ್ ಉಪ್ಪಾರ್, ದಯಾನಂದ್ ವಜ್ರಪ್ಪ, ನಂದೀಶ್ ಜಿ.ಎಚ್., ಆನಂದ ಮುನಿರಾಜು, ವಿಶ್ವವಾಣಿ ಪುಸ್ತಕದ ಮುಖ್ಯಸ್ಥ ರಾದ ಸುಷ್ಮಾ ಭಟ್, ವಿಶ್ವವಾಣಿ ಸಿಇಒ ಚಿದಾನಂದ ಕಡಲಾಸ್ಕರ, ನಾಗಾರ್ಜುನ್ ಇದ್ದರು.