ಬ್ಯಾಂಕಿಂಗ್ನಿಂದ ಫಾಸ್ಟ್ಟ್ಯಾಗ್ ವರೆಗೆ; ಫೆ.1 ರಿಂದ ಪ್ರಮುಖ ಹಣಕಾಸು ಬದಲಾವಣೆಗಳ ಪಟ್ಟಿ ಇಲ್ಲಿದೆ
Union Budget 2026-27: ಬೃಹತ್ ಮೊತ್ತದ ಚೆಕ್ಗಳನ್ನು ಕ್ಲಿಯರ್ ಮಾಡಲು ಬ್ಯಾಂಕ್ ಗಳಿಗೆ ಕಠಿಣ ನಿಯಮಗಳು ಅನ್ವಯವಾಗಲಿವೆ. ಜನರು ಬೃಹತ್ ಮೊತ್ತದ ಚೆಕ್ ಗಳನ್ನು ಬ್ಯಾಂಕ್ ಗಳಿಗೆ ಸಲ್ಲಿಸುವ ಮೊದಲು ಮಾಹಿತಿ ನೀಡಬೇಕು. ಆಗ ಇದನ್ನು ಬ್ಯಾಂಕ್ ಗಳು ದೃಢೀಕರಣ ಮಾಡಿಕೊಳ್ಳುತ್ತವೆ. ಇಲ್ಲದಿದ್ದರೆ, ಚೆಕ್ ರಿಜೆಕ್ಟ್ ಆಗುವ ಸಾಧ್ಯತೆಗಳು ಹೆಚ್ಚು ಎಂದು ತಿಳಿದುಬಂದಿದೆ.
Money Pictures -
ನವದೆಹಲಿ, ಫೆ.1: ಫೆಬ್ರವರಿ 1 ರಿಂದ ದೇಶಾದ್ಯಂತ ಹಲವು ಮಹತ್ವದ ಬದಲಾವಣೆಗಳು ಜಾರಿಗೆ ಬರಲಿದ್ದು, ಹೆಚ್ಚಿನ ಸಂಖ್ಯೆಯ ಗ್ರಾಹಕರ ಮೇಲೆ ಪರಿಣಾಮ ಬೀರುವ ಕೆಲವು ಹಣಕಾಸು ಸಂಬಂಧಿತ ಮತ್ತು ನಿಯಂತ್ರಕ ಬದಲಾವಣೆಗಳು ಸಂಭವಿಸಲಿದೆ. ಪ್ರತಿಯೊಬ್ಬ ತೆರಿಗೆದಾರರು ಅವುಗಳನ್ನು ತಿಳಿದಿರಬೇಕು. ಪ್ರಮುಖ ಬದಲಾವಣೆಗಳು ಬ್ಯಾಂಕಿಂಗ್ ಮತ್ತು ಫಾಸ್ಟ್ ಟ್ಯಾಗ್ (FASTag) ಸೇರಿದಂತೆ ವಿವಿಧ ವಲಯಗಳ ಮೇಲೆ ಪರಿಣಾಮ ಬೀರುತ್ತವೆ. ಯಾವೆಲ್ಲ ಬದಲಾವಣೆ ಆಗಲಿದೆ ಎನ್ನುವ ವರದಿ ಇಲ್ಲಿದೆ.
ಫಾಸ್ಟ್ ಟ್ಯಾಗ್ ಕೆವೈಸಿ
ಹೊಸ ವಾಹನಗಳಿಗೆ ಫಾಸ್ಟ್ ಟ್ಯಾಗ್ ಪಡೆಯುವ ಕೆವೈಸಿ ಪ್ರಕ್ರಿಯೆಯಲ್ಲಿ ಮಹತ್ವದ ಬದಲಾವಣೆ ತರಲಾಗಿದೆ. ಇನ್ನು ಮು೦ದೆ ಬ್ಯಾ೦ಕುಗಳು ನೇರವಾಗಿ ವಾಹನದ ನೋಂದಣಿ (RC) ಡೇಟಾಬೇಸ್ ಅನ್ನು ಪರಿಶೀಲಿಸಿ ಫಾಸ್ಟ್ ಟ್ಯಾಗ್ ಅನ್ನು ಸಕ್ರಿಯಗೊಳಿಸಲಿವೆ. ಈ ನೂತನ ವ್ಯವಸ್ಥೆಯು ವಾಹನ ಸವಾರರ ಸಮಯವನ್ನು ಉಳಿಸುವ ಜೊತೆಗೆ ಪ್ರಕ್ರಿಯೆಯನ್ನು ಸರಳಗೊಳಿಸುವ ನಿರೀಕ್ಷೆಯಿದೆ.
ತೆರಿಗೆ ಬದಲಾವಣೆಗಳು
ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಇಂದು(ಭಾನುವಾರ) ಕೇಂದ್ರ ಬಜೆಟ್ ಮಂಡಿಸಲಿದ್ದು, ಇದು ತೆರಿಗೆ, ಇಂಧನ ಬೆಲೆಗಳು ಮತ್ತು ಆರ್ಥಿಕ ವಲಯಗಳ ಮೇಲೆ ಪರಿಣಾಮ ಬೀರುವ ಸಾಧ್ಯತೆಯಿದೆ. ಹೆಚ್ಚಿನ ತೆರಿಗೆಯಿಂದಾಗಿ ಸಿಗರೇಟ್ ಮತ್ತು ಪಾನ್ ಮಸಾಲಾ ಸೇರಿದಂತೆ ತಂಬಾಕು ಉತ್ಪನ್ನಗಳು ಹೆಚ್ಚು ದುಬಾರಿಯಾಗುವ ನಿರೀಕ್ಷೆಯಿದೆ.
ಇಂಧನ ಬೆಲೆಗಳು
ಎಲ್ಪಿಜಿ, ಸಿಎನ್ಜಿ, ಪಿಎನ್ಜಿ ಮತ್ತು ವಿಮಾನ ಇಂಧನ ಬೆಲೆಗಳನ್ನು ಪರಿಷ್ಕರಿಸಬಹುದು, ಇದು ಮನೆಯ ವೆಚ್ಚಗಳು ಮತ್ತು ವಿಮಾನ ದರಗಳ ಮೇಲೆ ಪರಿಣಾಮ ಬೀರುತ್ತದೆ.
ಚೆಕ್ ನಿಯಮಗಳಲ್ಲಿ ಬದಲಾವಣೆ
ಬೃಹತ್ ಮೊತ್ತದ ಚೆಕ್ಗಳನ್ನು ಕ್ಲಿಯರ್ ಮಾಡಲು ಬ್ಯಾಂಕ್ ಗಳಿಗೆ ಕಠಿಣ ನಿಯಮಗಳು ಅನ್ವಯವಾಗಲಿವೆ. ಜನರು ಬೃಹತ್ ಮೊತ್ತದ ಚೆಕ್ ಗಳನ್ನು ಬ್ಯಾಂಕ್ ಗಳಿಗೆ ಸಲ್ಲಿಸುವ ಮೊದಲು ಮಾಹಿತಿ ನೀಡಬೇಕು. ಆಗ ಇದನ್ನು ಬ್ಯಾಂಕ್ ಗಳು ದೃಢೀಕರಣ ಮಾಡಿಕೊಳ್ಳುತ್ತವೆ. ಇಲ್ಲದಿದ್ದರೆ, ಚೆಕ್ ರಿಜೆಕ್ಟ್ ಆಗುವ ಸಾಧ್ಯತೆಗಳು ಹೆಚ್ಚು ಎಂದು ತಿಳಿದುಬಂದಿದೆ.
Union Budget 2026: ಕೇಂದ್ರ ಬಜೆಟ್ಅನ್ನು ಪ್ರತಿ ವರ್ಷ ಫೆಬ್ರವರಿ 1ರಂದೇ ಏಕೆ ಮಂಡಿಸಲಾಗುತ್ತದೆ?
ಬ್ಯಾಂಕಿಂಗ್ ಬದಲಾವಣೆಗಳು
SBI, HDFC ಬ್ಯಾಂಕ್, ICICI ಬ್ಯಾಂಕ್ ವಹಿವಾಟುಗಳಲ್ಲಿನ ಬದಲಾವಣೆಗಳು, ರಿವಾರ್ಡ್ ಪಾಯಿಂಟ್ಗಳು ಮತ್ತು KYC ನವೀಕರಣಗಳು ಸೇರಿದಂತೆ ಶುಲ್ಕಗಳು ಮತ್ತು ಕಾರ್ಡ್ ಪ್ರಯೋಜನಗಳನ್ನು ಪರಿಷ್ಕರಿಸುತ್ತಿವೆ. SBI ವಿಷಯಕ್ಕೆ ಬಂದರೆ, 25,000 ರೂ.ಗಿಂತ ಹೆಚ್ಚಿನ ಆನ್ಲೈನ್ SBI IMPS ವಹಿವಾಟುಗಳಿಗೆ ಸೇವಾ ಶುಲ್ಕ 2 ರೂ. ಜೊತೆಗೆ GST ಆಗಿರುತ್ತದೆ ಮತ್ತು 1 ಲಕ್ಷ ರೂ. ವರೆಗೆ ಇರುತ್ತದೆ. ಇದು ಫೆಬ್ರವರಿ 15 ರಿಂದ ಅನ್ವಯಿಸಲಾಗುತ್ತದೆ. 1 ಲಕ್ಷ ರೂ. ನಿಂದ 2 ಲಕ್ಷ ರೂ. ನಡುವಿನ ವಹಿವಾಟುಗಳಿಗೆ 6 ರೂ. ಜೊತೆಗೆ GST ಶುಲ್ಕ ಅನ್ವಯಿಸುತ್ತದೆ. ಮತ್ತು 2 ಲಕ್ಷ ರೂ. ನಿಂದ 5 ಲಕ್ಷ ರೂ. ವರೆಗಿನ ಆನ್ಲೈನ್ IMPS ವಹಿವಾಟುಗಳಿಗೆ 10 ರೂ. ಜೊತೆಗೆ GST ಅನ್ವಯಿಸುತ್ತದೆ.
