ಚಳಿಗಾಲದಲ್ಲಿ ತೂಕ ಇಳಿಸಿಕೊಳ್ಳಬೇಕೇ? ಈ ಆಹಾರ ಸೇವಿಸಿ

Health Tips: ಚಳಿಗಾಲದ ಜಡ ಮನಸ್ಥಿತಿಗೆ ನಮಗೆ ತಿಳಿಯದಂತೆ ದೈಹಿಕ ಚಟುವಟಿಕೆ ಕಡಿಮೆಯಾಗುತ್ತದೆ. ಇದರೊಂದಿಗೆ‌ ಬಿಸಿ ಬಿಸಿಯಾದ, ಹೆಚ್ಚು ಕ್ಯಾಲೋರಿ ಇರುವ ಆಹಾರ ತಿನ್ನುವ ಆಸೆಯಿಂದಾಗಿ ತೂಕ ಏರುವುದು ಸಾಮಾನ್ಯ. ಹಾಗಾಗಿ ನಮ್ಮ ದೇಹವನ್ನು ಬೆಚ್ಚಗಿಡಲು ಸರಿಯಾದ ಆಹಾರ ಸೇವಿಸಿದರೆ ಸುಲಭವಾಗಿ ಫ್ಯಾಟ್ ಬರ್ನ್ ಮಾಡಬಹುದು.

ಚಳಿಗಾಲದಲ್ಲಿ ತೂಕ ಇಳಿಸಲು ನೆರವಾಗುತ್ತವೆ ಈ ಆಹಾರಗಳು

ಸಾಂದರ್ಭಿಕ ಚಿತ್ರ. -

Pushpa Kumari Dec 26, 2025 7:00 AM

ಬೆಂಗಳೂರು, ಡಿ. 26: ಈ ಬಾರಿ ಚಳಿಗಾಲ (Winter Tips) ಭರ್ಜರಿಯಾಗಿ ಎಂಟ್ರಿ ಕೊಟ್ಟಿದ್ದು, ಎಲ್ಲೆಡೆ ಮೈ ನಡುಗಿಸುವ ಚಳಿಯ ಅನುಭವವಾಗುತ್ತಿದೆ. ಈ ಸಂದರ್ಭದಲ್ಲಿ ಆರೋಗ್ಯವಾಗಿರಲು ಬೆಚ್ಚಗಿನ ಉಡುಪು ಧರಿಸುವುದು, ಸರಿಯಾದ ಆಹಾರ ಸೇವಿಸುವುದು, ನಿಯಮಿತ ವ್ಯಾಯಾಮ ಮಾಡುವುದು ಮುಖ್ಯ. ಆದರೆ ಚಳಿಗಾಲದ ಜಡ ಮನಸ್ಥಿತಿಗೆ ನಮಗೆ ತಿಳಿಯದಂತೆ ದೈಹಿಕ ಚಟುವಟಿಕೆ ಕಡಿಮೆಯಾಗುತ್ತದೆ. ಇದರೊಂದಿಗೆ‌ ಬಿಸಿ ಬಿಸಿಯಾದ, ಹೆಚ್ಚು ಕ್ಯಾಲೋರಿ ಇರುವ ಆಹಾರ ತಿನ್ನುವ ಆಸೆಯಿಂದಾಗಿ ತೂಕ ಏರುವುದು ಸಾಮಾನ್ಯ. ಹಾಗಾಗಿ ನಮ್ಮ ದೇಹವನ್ನು ಬೆಚ್ಚಗಿಡಲು ಸರಿಯಾದ ಆಹಾರ ಸೇವಿಸಿದರೆ ಸುಲಭವಾಗಿ ಫ್ಯಾಟ್ ಬರ್ನ್ ಮಾಡಬಹುದು.

ಕ್ಯಾರೆಟ್

ಚಳಿಗಾಲದ ಕ್ಯಾರೆಟ್‌ಗಳು ನೈಸರ್ಗಿಕವಾಗಿ ಸಿಹಿಯಾಗಿರುತ್ತವೆ. ಇದರಲ್ಲಿ ಫೈಬರ್ ಮತ್ತು ಬೀಟಾ-ಕ್ಯಾರೋಟಿನ್‌‌ ಸಮೃದ್ಧವಾಗಿದೆ. ಇದರ ಸೇವನೆಯೂ ಹೊಟ್ಟೆ ತುಂಬಿದ ಅನುಭವ ನೀಡಲಿದ್ದು, ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ದಿಢೀರ್ ಏರಿಸುವುದಿಲ್ಲ. ಇದರಿಂದ ಕೊಬ್ಬು ಶೇಖರಣೆಯಾಗುವುದು ಕೂಡ ಕಡಿಮೆ ಆಗುತ್ತದೆ.

ಮೆಂತೆ ಸೊಪ್ಪು

ಮೆಂತೆ ಸೊಪ್ಪನ್ನು ಭಾರತೀಯ ಚಳಿಗಾಲದ ಅಡುಗೆಯಲ್ಲಿ ವ್ಯಾಪಕವಾಗಿ ಬಳಸಲಾಗುತ್ತದೆ.‌ ಇದು ರಕ್ತದಲ್ಲಿನ ಸಕ್ಕರೆ ನಿಯಂತ್ರಣ ಮತ್ತು ಹಸಿವು ನಿಯಂತ್ರಣದಲ್ಲಿ ಮುಖ್ಯ ಪಾತ್ರ ವಹಿಸುತ್ತದೆ. ಮೆಂತೆ ನಾರು ಇನ್ಸುಲಿನ್ ಸಂವೇದನೆಯನ್ನು ಸುಧಾರಿಸುತ್ತದೆ ಎಂದು ಅಧ್ಯಯನಗಳು ಹೇಳುತ್ತವೆ. ಹಾಗಾಗಿ ಚಳಿಗಾಲದಲ್ಲಿ ಇದರ ಸೇವನೆ ಉತ್ತಮ.

ಹಲ್ಲಿನ ಸೆಟ್ ಬದಲು ಡೆಂಟಲ್ ಇಂಪ್ಲ್ಯಾಂಟ್ ‌ಮಾಡಿದರೆ ಈ ಲಾಭ ಸಿಗಲಿದೆ