PBKS vs RCB: ಆರ್‌ಸಿಬಿ-ಪಂಜಾಬ್‌ ಪಂದ್ಯದ ಸಂಭಾವ್ಯ ಇಂಪ್ಯಾಕ್ಟ್‌ ಆಟಗಾರರಿವರು

ಧರ್ಮಶಾಲಾ, ಮೇ 16: ಭಾನುವಾರ ನಡೆಯುವ ಇಂಡಿಯನ್ ಪ್ರೀಮಿಯರ್ ಲೀಗ್ (IPL2026)ನ ಡಬಲ್ ಹೆಡರ್‌ನ 61ನೇ ಪಂದ್ಯದಲ್ಲಿ, ಪಂಜಾಬ್ ಕಿಂಗ್ಸ್ (PBKS) ಮತ್ತು ಹಾಲಿ ಚಾಂಪಿಯನ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತಂಡಗಳು ಪೈಪೋಟಿ ನಡೆಸಲಿವೆ. ಪಂಜಾಬ್‌ ತಂಡವು ಟೂರ್ನಿಯಲ್ಲಿ ಸತತ ಐದು ಸೋಲುಗಳನ್ನು ಅನುಭವಿಸಿ ಪ್ಲೇಆಫ್ ಸ್ಥಾನವನ್ನು ಖಚಿತಪಡಿಸಿಕೊಳ್ಳಲು ಈ ಪಂದ್ಯದಲ್ಲಿ ಗೆಲುವು ಅತ್ಯಗತ್ಯ. ಪ್ರಸ್ತುತ ಪರಿಸ್ಥಿತಿಯ ಪ್ರಕಾರ, ಶ್ರೇಯಸ್ ಅಯ್ಯರ್ ಪಡೆ 12 ಪಂದ್ಯಗಳಿಂದ 13 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ. ಮತ್ತೊಂದೆಡೆ, ಆರ್‌ಸಿಬಿ 12 ಪಂದ್ಯಗಳಿಂದ 16 ಅಂಕಗಳೊಂದಿಗೆ ಪ್ಲೇಆಫ್‌ ಪ್ರವೇಶಿಸಲು ಒಂದು ಹೆಜ್ಜೆ ದೂರಲ್ಲಿದೆ.

ಪಂಜಾಬ್‌ ತಂಡದ ಸಂಭಾವ್ಯ ಇಂಪ್ಯಾಕ್ಟ್‌ ಪ್ಲೇಯರ್‌

ವಿಷ್ಣು ವಿನೋದ್: ವಿಕೆಟ್ ಕೀಪರ್ ಬ್ಯಾಟ್ಸ್‌ಮನ್ ಆಗಿರುವ ವಿಷ್ಣು ವಿನೋದ್, ಮುಂಬೈ ಇಂಡಿಯನ್ಸ್ ವಿರುದ್ಧದ ಕೊನೆಯ ಪಂದ್ಯದಲ್ಲಿ ಕೇವಲ ಎಂಟು ಎಸೆತಗಳಲ್ಲಿ 15 ರನ್ ಗಳಿಸಿದ್ದರು.

ಹರ್‌ಪ್ರೀತ್ ಬ್ರಾರ್: ಹೆಚ್ಚಿನ ಅನುಭವ ಹೊಂದಿರುವ ಸ್ಪಿನ್ನರ್ ಆಗಿರುವ ಹರ್‌ಪ್ರೀತ್ ಬ್ರಾರ್, ಇಡೀ ಋತುವಿನಲ್ಲಿ ಕೇವಲ ಒಂದು ಪಂದ್ಯವನ್ನು ಮಾತ್ರ ಆಡಿದ್ದಾರೆ ಮತ್ತು ಇನ್ನೂ ವಿಕೆಟ್ ಪಡೆದಿಲ್ಲ. ಆದಾಗ್ಯೂ, ಅವರು ಉತ್ತಮ ಸ್ಪಿನ್-ಬೌಲಿಂಗ್ ಆಯ್ಕೆಯಾಗಿದ್ದಾರೆ.

ವಿಜಯಕುಮಾರ್ ವೈಶಾಕ್: ವಿಜಯಕುಮಾರ್ ವೈಶಾಕ್ 2026ರ ಐಪಿಎಲ್ ಋತುವಿಗೆ ಉತ್ತಮ ಆರಂಭವನ್ನು ನೀಡಿದ್ದರು. ಒಂಬತ್ತು ವಿಕೆಟ್‌ಗಳನ್ನು ಪಡೆದಿದ್ದಾರೆ.

ನಹೇಲ್ ವಾಧೇರಾ: ನೆಹಾಲ್ ವಾಧೇರಾ ಈ ಋತುವಿನ ಐಪಿಎಲ್‌ನಲ್ಲಿ ಅತ್ಯುತ್ತಮ ಪ್ರದರ್ಶನ ತೋರಿಲ್ಲ. ಎಂಟು ಪಂದ್ಯಗಳಿಂದ 65 ರನ್ ಗಳಿಸಿರುವ ಕಾರಣ ಆಡುವ ಹನ್ನೊಂದರಲ್ಲಿ ಸ್ಥಾನ ಕಳೆದುಕೊಂಡಿದ್ದಾರೆ.

ಪ್ರವೀಣ್ ದುಬೆ: ಸ್ಪಿನ್ ಬೌಲಿಂಗ್‌ನಲ್ಲಿ ಬೆಂಚ್‌ನಲ್ಲಿರುವ ಮತ್ತೊಬ್ಬ ಆಟಗಾರ ಪ್ರವೀಣ್ ದುಬೆ ಈ ಋತುವಿನ ಐಪಿಎಲ್‌ನಲ್ಲಿ ಕಾಣಿಸಿಕೊಂಡಿಲ್ಲ, ಆದರೆ ಒಟ್ಟಾರೆ ಟಿ20 ಎಕಾನಮಿ 7.26 ಹೊಂದಿದ್ದಾರೆ.

ಆರ್‌ಸಿಬಿ ಸಂಭಾವ್ಯ ಇಂಪ್ಯಾಕ್ಟ್‌ ಪ್ಲೇಯರ್‌

ದೇವದತ್ ಪಡಿಕ್ಕಲ್: ಆರ್‌ಸಿಬಿಯ ನಿಯೋಜಿತ ಇಂಪ್ಯಾಕ್ಟ್ ಸಬ್ ಆಗುವ ಮೂಲಕ, ಪಡಿಕ್ಕಲ್ ಈ ಋತುವಿನಲ್ಲಿ 172.30 ಸ್ಟ್ರೈಕ್ ರೇಟ್‌ನಲ್ಲಿ 367 ರನ್ ಗಳಿಸಿದ್ದಾರೆ. ಹೀಗಾಗಿ ಅವರು ತಂಡದ ಮೊದಲ ಆಯ್ಕೆಯ ಇಂಪ್ಯಾಕ್ಟ್ ಸಬ್ ಆಗಿದ್ದಾರೆ.

ಸುಯಾಶ್ ಶರ್ಮಾ: ಐಪಿಎಲ್‌ನಲ್ಲಿ ಅತ್ಯುತ್ತಮ ಸ್ಪಿನ್ನರ್ ಆಗಿರುವ ಸುಯಾಶ್ ಶರ್ಮಾ ಈ ಋತುವಿನಲ್ಲಿ 10 ಪಂದ್ಯಗಳಿಂದ 8.57 ರ ಎಕಾನಮಿ ದರದಲ್ಲಿ ಏಳು ವಿಕೆಟ್‌ಗಳನ್ನು ಕಬಳಿಸಿದ್ದಾರೆ.

ಗೆದ್ದರೂ 12 ಲಕ್ಷ ರೂ. ದಂಡಕ್ಕೆ ಗುರಿಯಾದ ರಿಷಭ್‌ ಪಂತ್‌

ಅಭಿನಂದನ್ ಸಿಂಗ್: ಅಭಿನಂದನ್ ಸಿಂಗ್ ಋತುವಿನ ಆರಂಭದಲ್ಲಿ ಆರ್‌ಸಿಬಿ ತಂಡವನ್ನು ಪ್ರತಿನಿಧಿಸಿದ್ದರು ಆದರೆ ನಂತರ ತಮ್ಮ ಸ್ಥಾನವನ್ನು ಕಳೆದುಕೊಂಡಿದ್ದಾರೆ. ಆರಂಭಿಕ ಹಂತಗಳಲ್ಲಿ ಅವರು ಅಷ್ಟೇ ಪಂದ್ಯಗಳಿಂದ ಮೂರು ವಿಕೆಟ್‌ಗಳನ್ನು ಕಬಳಿಸಿದ್ದರು.

ಜೋರ್ಡಾನ್ ಕಾಕ್ಸ್: ಹೆಚ್ಚು ರೇಟಿಂಗ್ ಪಡೆದ ಇಂಗ್ಲಿಷ್ ಬ್ಯಾಟ್ಸ್‌ಮನ್, ಜೋರ್ಡಾನ್ ಕಾಕ್ಸ್ ಇನ್ನೂ ಐಪಿಎಲ್‌ಗೆ ಪದಾರ್ಪಣೆ ಮಾಡಿಲ್ಲ, ಆದರೆ ಬದಲಿಯಾಗಿ ಮೈದಾನದಲ್ಲಿ ಹಲವು ಬಾರಿ ಕಾಣಿಸಿಕೊಂಡಿದ್ದಾರೆ.

ರೊಮಾರಿಯೊ ಶೆಫರ್ಡ್: ವೆಸ್ಟ್ ಇಂಡೀಸ್ ಆಲ್‌ರೌಂಡರ್ ಇತ್ತೀಚೆಗೆ ಆಡುವ XI ನಲ್ಲಿ ತಮ್ಮ ಸ್ಥಾನವನ್ನು ಕಳೆದುಕೊಂಡರು. ಆರ್‌ಸಿಬಿ ಆಡಳಿತವು ಹೆಚ್ಚುವರಿ ವಿದೇಶಿ ಬೌಲರ್‌ಗೆ ಆದ್ಯತೆ ನೀಡಿತು.