ಚೆನ್ನೈ ಸುಡು ಬಿಸಿಲಿನಲ್ಲೂ ಅಭ್ಯಾಸ ನಡೆಸಿದ ಧೋನಿ; ವಿಡಿಯೊ ವೈರಲ್‌

ಚೆನ್ನೈ, ಮಾ.1: ಐಪಿಎಲ್ 2026 ಕ್ಕೂ ಮುನ್ನ ಎಂ.ಎಸ್‌ ಧೋನಿ ತಮ್ಮ ಮೊದಲ ತರಬೇತಿ ಅವಧಿಯನ್ನು ನಡೆಸಿದ ವಿಡಿಯೊ ವೈರಲ್‌ ಆಗಿದೆ. ಶನಿವಾರ ಚೆನ್ನೈಗೆ ಆಗಮಿಸಿದ್ದ ಧೋನಿ, ಭಾನುವಾರ ಚೆಪಾಕ್‌ ಮೈದಾನದಲ್ಲಿ ಬ್ಯಾಟಿಂಗ್‌ ಅಭ್ಯಾಸ ನಡೆಸಿದರು.

ಧೋನಿ ಜತೆ ನೆಟ್‌ನಲ್ಲಿ ನಾಯಕ ಋತುರಾಜ್ ಗಾಯಕ್ವಾಡ್ ಕೂಡ ಬ್ಯಾಟಿಂಗ್‌ ಅಭ್ಯಾಸ ನಡೆಸಿದರು. ಧೋನಿ ಅವರು ಆಫ್ ಸೈಡ್ ಮೂಲಕ ಸೊಗಸಾದ ಡ್ರೈವ್‌ಗಳೊಂದಿಗೆ ಅಭ್ಯಾಸ ಪ್ರಾರಂಭಿಸಿದರು. ನಂತರ ಬ್ಯಾಕ್‌ಫೂಟ್ ಪುಲ್ ಶಾಟ್‌ಗಳು ಮತ್ತು ತೀಕ್ಷ್ಣವಾದ ಕಟ್ ಶಾಟ್‌ಗಳೊಂದಿಗೆ ಆಡಿದರು.

ರಾಂಚಿಯಿಂದ ಚೆನ್ನೈಗೆ ಹೊರಡುವ ಮೊದಲು, ಧೋನಿ ನಗರದಿಂದ ಸುಮಾರು 60 ಕಿಲೋಮೀಟರ್ ದೂರದಲ್ಲಿರುವ ತಮರ್‌ನಲ್ಲಿರುವ ದಿಯೋರಿ ಮಾ ದೇವಸ್ಥಾನಕ್ಕೆ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿ ಆಶೀರ್ವಾದ ಪಡೆದರು. ಚೆನ್ನೈ ಸೂಪರ್ ಕಿಂಗ್ಸ್‌ನ ಹಿಂದಿನ ಪ್ರಶಸ್ತಿ ವಿಜೇತ ಋತುಗಳ ಮೊದಲು ಅವರು ಅನುಸರಿಸುತ್ತಿದ್ದ ಸಂಪ್ರದಾಯ ಇದು.

ಐಪಿಎಲ್ 2025 ರಲ್ಲಿ ಎಂಎಸ್ ಧೋನಿ ಹೆಚ್ಚಾಗಿ ಕೆಳ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಲು ಆದ್ಯತೆ ನೀಡಿದ್ದರು. ಸಿಎಸ್‌ಕೆ ತಂಡದ ಕಳಪೆ ಬ್ಯಾಟಿಂಗ್ ಪ್ರದರ್ಶನದಿಂದಾಗಿ ಅವರು ಈ ಋತುವಿನಲ್ಲಿ 14 ಪಂದ್ಯಗಳಲ್ಲಿ 13 ರಲ್ಲಿ ಬ್ಯಾಟಿಂಗ್ ಮಾಡಲು ಹೊರಬರಬೇಕಾಯಿತು. ಅವರು 24.5 ರ ಸರಾಸರಿಯಲ್ಲಿ ಮತ್ತು 135.17 ರ ಸ್ಟ್ರೈಕ್ ರೇಟ್‌ನಲ್ಲಿ 196 ರನ್ ಗಳಿಸಿದರು. ಗಾಯದಿಂದಾಗಿ ಋತುರಾಜ್ ಗಾಯಕ್ವಾಡ್ ಋತುವಿನ ಮಧ್ಯದಲ್ಲಿ ಹೊರಗುಳಿದ ನಂತರ ಅವರು ಕೆಲವು ಪಂದ್ಯಗಳಲ್ಲಿ ಸಿಎಸ್‌ಕೆ ತಂಡವನ್ನು ಮುನ್ನಡೆಸಿದರು.

IPL 2026: 19ನೇ ಆವೃತ್ತಿಯ ಐಪಿಎಲ್‌ ಟೂರ್ನಿ ಮಾರ್ಚ್‌ 28 ರಂದು ಆರಂಭ, ಮೇ 31ಕ್ಕೆ ಫೈನಲ್‌?

ಇತ್ತಿಚೆಗಷ್ಟೇ ಧೋನಿ ಕಾರ್ಯಕ್ರಮವೊಂದರಲ್ಲಿ ನಾನು ಆಡುತ್ತಿರಲಿ ಅಥವಾ ಇಲ್ಲದಿರಲಿ, ಅದು ಬೇರೆ ವಿಷಯ. ಆದರೆ ಮುಂದಿನ 15-20 ವರ್ಷಗಳವರೆಗೆ ನಾನು ಮತ್ತು ಸಿಎಸ್‌ಕೆ ಒಟ್ಟಿಗೆ ಇರುತ್ತೇವೆ ಎಂದು ಹೇಳಿದ್ದರು. ಧೋನಿಯ ಈ ಮಾತುಗಳು ಕೇಳುವಾಗ ಅವರು ಚೆನ್ನೈ ತಂಡದ ಕೋಚ್‌ ಅಥವಾ ಮೆಂಟರ್‌ ಆಗಿ ತಂಡದೊಂದಿಗಿನ ನಂಟು ಮುಂದುವರಿಸುವ ಸಾಧ್ಯತೆಯೂ ಇದೆ.