Michael Jackson Biopic: ʻಮೈಕೆಲ್ʼ ಪಾತ್ರಕ್ಕೆ ಫರಾಹ್ ಖಾನ್ ಸಾಥ್‌; ಜಾಫರ್ ಜಾಕ್ಸನ್‌ಗೆ ಆಸ್ಕರ್ ಸಲ್ಲಲೇ ಬೇಕು ಎಂದ ಸ್ಟಾರ್‌ ನಿರ್ದೇಶಕಿ!

ಪಾಪ್ ಸೆನ್ಸೇಶನ್ ಮೈಕೆಲ್ ಜಾಕ್ಸನ್ (biopic on pop sensation Michael Jackson) ಅವರ ಜೀವನ ಚರಿತ್ರೆ ಏಪ್ರಿಲ್ 23 ರಂದು ವಿಶ್ವದಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಯಿತು. ಹೆಚ್ಚಾಗಿ ನಕಾರಾತ್ಮಕ ವಿಮರ್ಶೆಗಳನ್ನು ಪಡೆಯಿತು. ಆದಾಗ್ಯೂ, ಭಾರತೀಯ ಚಲನಚಿತ್ರ ನಿರ್ಮಾಪಕಿ ಫರಾ ಖಾನ್ ( Farah Khan) ಚಿತ್ರವನ್ನು ಬೆಂಬಲಿಸಿ, ಪ್ರೇಕ್ಷಕರು ವಿಮರ್ಶಕರನ್ನು ನಿರ್ಲಕ್ಷಿಸಿ ಚಿತ್ರಮಂದಿರಗಳಲ್ಲಿ ವೀಕ್ಷಿಸಬೇಕೆಂದು ಒತ್ತಾಯಿಸಿದ್ದಾರೆ. ಜಾಫರ್ ಜಾಕ್ಸನ್ ಅವರ ಅಭಿನಯಕ್ಕಾಗಿ ಮುಂದಿನ ವರ್ಷ ಆಸ್ಕರ್ ಪ್ರಶಸ್ತಿ (Oscar next year) ಗೆಲ್ಲುತ್ತಾರೆ ಎಂದು ಅವರು ಆಶಿಸಿದರು.

ಪೋಸ್ಟ್‌ ಏನು?

ಶನಿವಾರ, ಫರಾಹ್ ತಮ್ಮ ಇನ್‌ಸ್ಟಾದಲ್ಲಿ ಮೈಕೆಲ್ ಜಾಕ್ಸನ್ ಜೊತೆಗಿನ ತನ್ನ ಫೋಟೋವನ್ನು ಹಂಚಿಕೊಂಡರು. ಚಿತ್ರದ ಜೊತೆಗೆ, ಜನರು ಮೈಕೆಲ್ ಅನ್ನು ಚಿತ್ರಮಂದಿರಗಳಲ್ಲಿ ವೀಕ್ಷಿಸುವಂತೆ ಒತ್ತಾಯಿಸಿದ್ದಾರೆ. "ಗಮನಿಸಬೇಕಾದ ಅಂಶ... ವಿಮರ್ಶಕರು ಎಲ್ಲಾ ದೇಶಗಳಲ್ಲೂ ಮೂರ್ಖರು! ಮೈಕೆಲ್ ಅನ್ನು ವೀಕ್ಷಿಸಿ!! ಮತ್ತು ದಯವಿಟ್ಟು ಯಾರಾದರೂ @jaafarjackson ಗೆ ಮುಂದಿನ ವರ್ಷ ಆಸ್ಕರ್ ನೀಡಿ!" ನಂತರ ಅವರು ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಪೋಸ್ಟ್ ಅನ್ನು ಮರುಹಂಚಿಕೊಂಡರು ಮತ್ತು "ಈ ಚಿತ್ರ ನಮಗಾಗಿ ಅಭಿಮಾನಿಗಳಿಗಾಗಿ, ವಿಮರ್ಶಕರಿಗಾಗಿ ಅಲ್ಲ ಎಂದು ನೇರವಾಗಿ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: Bhooth Bangla: 100 ಕೋಟಿ ರೂ. ಗಳಿಸಿದ ಅಕ್ಷಯ್ ಕುಮಾರ್ ಮೂವಿ; ಫ್ಯಾನ್ಸ್‌ ಖುಷ್‌

ವಾರ್ದಾ ಖಾನ್ ಕೂಡ ಫರಾಹ್ ಅವರ ಮಾತಿಗೆ ಸಾಥ್‌ ಕೊಟ್ಟಿದ್ದಾರೆ, " ಜೆಜೆ ಆಸ್ಕರ್‌ಗೆ ಸಂಪೂರ್ಣವಾಗಿ ಅರ್ಹರು... ಮೈಕೆಲ್. ಅವರ ಕಥೆ ಮುಂದುವರಿಯುತ್ತದೆ..." ಎಂದು ಕಾಮೆಂಟ್ ಮಾಡಿದ್ದಾರೆ.

ಮೈಕೆಲ್ ಜಾಕ್ಸನ್ ಜೊತೆಗಿನ ಫರಾಹ್ ಅವರ ಹಿಂದಿನ ಅನುಭವದ ಫೋಟೋ ನೋಡಿ ಅಭಿಮಾನಿಗಳು ಕೂಡ ಅಷ್ಟೇ ರೋಮಾಂಚನಗೊಂಡರು. ಒಬ್ಬ ಬಳಕೆದಾರರು, "ಒಂದೇ ಫ್ರೇಮ್‌ನಲ್ಲಿ ಇಬ್ಬರು ಐಕಾನ್‌ಗಳು ಎಂದು ಬರೆದಿದ್ದಾರೆ. ಆಂಟೊಯಿನ್ ಫುಕ್ವಾ ನಿರ್ದೇಶನದ ಮತ್ತು ಜಾನ್ ಲೋಗನ್ ಕಥೆ ಬರೆದಿರುವ ಮೈಕೆಲ್ ಚಿತ್ರದಲ್ಲಿ ಜಾಫರ್ ಜಾಕ್ಸನ್ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ.

ಈ ಚಿತ್ರದಲ್ಲಿ ನಿಯಾ ಲಾಂಗ್, ಲಾರಾ ಹ್ಯಾರಿಯರ್, ಮೈಲ್ಸ್ ಟೆಲ್ಲರ್ ಮತ್ತು ಕೋಲ್ಮನ್ ಡೊಮಿಂಗೊ ​​ಪ್ರಮುಖ ಪಾತ್ರಗಳಲ್ಲಿದ್ದಾರೆ. ವಿಮರ್ಶಾತ್ಮಕ ಪ್ರತಿಕ್ರಿಯೆ ನೀರಸವಾಗಿದ್ದರೂ, ಈ ಚಿತ್ರ ವಾಣಿಜ್ಯಿಕವಾಗಿ ಉತ್ತಮ ಪ್ರದರ್ಶನ ನೀಡಿದೆ.

ಭಾರತದಲ್ಲಿ, ಈ ಚಿತ್ರವು ಉತ್ತಮ ಆರಂಭವನ್ನು ಪಡೆದು ₹ 5.50 ಕೋಟಿ ನಿವ್ವಳ ಗಳಿಕೆಯನ್ನು ಪಡೆದುಕೊಂಡಿತು. ಮೈಕೆಲ್ ಜಾಕ್ಸನ್ ಅವರ ನಿರಂತರ ಜನಪ್ರಿಯತೆಯು ಹೆಚ್ಚಿನ ಜನಸಂದಣಿಯನ್ನು ಚಿತ್ರಮಂದಿರಗಳಿಗೆ ಸೆಳೆಯಿತು.

ಇದನ್ನೂ ಓದಿ: SS Rajamouli Varanasi: ಅಂತಾರಾಷ್ಟ್ರೀಯ ವೇದಿಕೆಯಲ್ಲಿ ರಾಜಮೌಳಿಗೆ ಅವಮಾನ?

ಮೈಕೆಲ್ ಜಾಕ್ಸನ್ ರೋಲ್ ಮಾಡಿರೋದು ಬೇರೆ ಯಾರೋ ಅಲ್ಲ. ಮೈಕಲ್ ಜಾಕ್ಸನ್ ಅವರ ಸ್ವಂತ ಸೋದರಳಿಯ ಜಾಫರ್ ಜಾಕ್ಸನ್ ಈ ಒಂದು ರೋಲ್ ಮಾಡಿದ್ದಾರೆ.