Kannada Serial TRP: ಟಿಆರ್​ಪಿಯಲ್ಲಿ ಝೀ ಕನ್ನಡ ಧಾರಾವಾಹಿಯದ್ದೇ ಹವಾ: ನಂಬರ್ 1 ಧಾರಾವಾಹಿ ಇದೇ ನೋಡಿ

ಕನ್ನಡ ಕಿರುತೆರೆಯಲ್ಲಿ ಸೀರಿಯಲ್​ಗಳ (Kannada Serial) ಲೆಕ್ಕಾಚಾರ ವಾರದಿಂದ ವಾರಕ್ಕೆ ಬದಲಾಗುತ್ತ ಇರುತ್ತದೆ. ಪ್ರತಿವಾರ ನಿರ್ದೇಶಕರು ಜನರನ್ನು ಸೆಳೆಯಲು ಒಂದಲ್ಲ ಒಂದು ಟ್ವಿಸ್ಟ್ ಕೊಡುತ್ತಾ ಇರುತ್ತಾರೆ. ಇದರಲ್ಲಿ ಕೆಲವು ವರ್ಕೌಟ್ ಆದರೆ ಇನ್ನೂ ಕೆಲವು ಧಾರಾವಾಹಿಗೆ ಕೆಟ್ಟ ಕಮೆಂಟ್​ಗಳು ಬರುತ್ತವೆ. ಯಾವ ಧಾರಾವಾಹಿ ಹಿಟ್ ಆಯಿತು-ಫ್ಲಾಫ್ ಆಯಿತು ಎಂಬುದು ಪ್ರತಿ ವಾರದ ಟಿಆರ್​​ಪಿ ಮೂಲಕ ತಿಳಿಯಲಿದೆ. ಒಂದೇ ಚಾನೆಲ್​ನಲ್ಲಿ ಪ್ರಸಾರ ಆಗುವ ಧಾರಾವಾಹಿಗಳಾದರೂ ಅವುಗಳ ಮಧ್ಯೆ ಟಿಆರ್​ಪಿ ಸ್ಪರ್ಧೆ ಇದ್ದೇ ಇರುತ್ತದೆ. ಒಳ್ಳೆಯ ಕ್ವಾಲಿಟಿ ಕಂಟೆಂಟ್​ ಕೊಟ್ಟರೇ ವೀಕ್ಷಕರು ಖಂಡಿತ ಕೈ ಬಿಡೋದಿಲ್ಲ.

ಇದೀಗ 13ನೇ ವಾರದ ಟಿಆರ್‌ಪಿ ರೇಟಿಂಗ್ಸ್‌ ಹೊರಬಿದ್ದಿದೆ. ಕೆಲ ಧಾರಾವಾಹಿಗಳ ಸಮಯ ಬದಲಾವಣೆಯಿಂದ ಟಿಆರ್​ಪಿ ಕುಸಿದಿದೆ. ಹೊಸ ಧಾರಾವಾಹಿ ಆದ ಕಾರಣ ಆರಂಭದಲ್ಲಿ ಧಾರಾವಾಹಿಗಳಿಗೆ ಉತ್ತಮ ವೀಕ್ಷಕರಿರುತ್ತಾರೆ. ಆದರೆ, ಮುಂದಿನ ದಿನಗಳಲ್ಲಿ ಸೀರಿಯಲ್ ಹೇಗೆ ಸಾಗುತ್ತೆ ಎಂಬುದು ಮುಖ್ಯ. ಕಳೆದ ಕೆಲವು ತಿಂಗಳುಗಳಿಂದ 2-3 ವರ್ಷಗಳಷ್ಟು ಹಳೆಯ ಸೀರಿಯಲ್‌ಗಳ ಟಿಆರ್‌ಪಿ ಕುಸಿದಿದ್ದು ಇನ್ನೂ ಮೇಲೆದ್ದಿಲ್ಲ.

ಕನ್ನಡದ ನಂಬರ್ 1 ಸೀರಿಯಲ್ ಯಾವುದು?:

13ನೇ ವಾರದ ಸೀರಿಯಲ್ ಟಿಆರ್​ಪಿ ಲೆಕ್ಕಾಚಾರ ನೋಡೋದಾದರೆ ಈ ವಾರ ಕೂಡ ಝೀ ಕನ್ನಡದ ಧಾರಾವಾಹಿಗಳೇ ಹೆಚ್ಚು ರಾರಾಜಿಸುತ್ತಿವೆ. ಈ ಬಾರಿ ಶ್ರಾವಣಿ ಸುಬ್ರಹ್ಮಣ್ಯ ಸೀರಿಯಲ್‌ 8.2 ಟಿವಿಆರ್‌ ದಾಖಲಿಸಿ ಮೊದಲ ಸ್ಥಾನದಲ್ಲಿದೆ. ಲಕ್ಷ್ಮೀ ನಿವಾಸ ಸೀರಿಯಲ್‌ 8.0 ಟಿವಿಆರ್ ಪಡೆದು ನಂಬರ್ 2 ಸೀರಿಯಲ್‌ ಎನಿಸಿಕೊಂಡಿದೆ. ನಾ ನಿನ್ನ ಬಿಡಲಾರೆ ಧಾರಾವಾಹಿ 7.8 ಟಿವಿಆರ್‌ ದಾಖಲಿಸಿ ಮೂರನೇ ಸ್ಥಾನದಲ್ಲಿದೆ. ಜೀ ಕನ್ನಡದ ಅಣ್ಣಯ್ಯ ಸೀರಿಯಲ್‌ ಏರಿಳಿತ ಕಾಣುತ್ತ ಸಾಗುತ್ತಿದೆ. ಅದರಂತೆ, 13ನೇ ವಾರ 7.2 ಟಿಆರ್‌ಪಿ ಪಡೆದು ನಾಲ್ಕನೇ ಸ್ಥಾನದಲ್ಲಿದೆ. 6.6 ಟಿವಿಆರ್‌ನೊಂದಿಗೆ ಅಮೃತಧಾರೆ ಸೀರಿಯಲ್‌ ಐದನೇ ಸ್ಥಾನದಲ್ಲಿದೆ.

Bhagya Lakshmi Serial: ಕನ್ನಿಕಾಳ ಮಾಸ್ಟರ್ ಪ್ಲ್ಯಾನ್​ಗೆ ಭಾಗ್ಯಾ ಬಲಿ: ಬಂದ್ ಆಯ್ತು ಫುಡ್ ಬ್ಯುಸಿನೆಸ್

ಇನ್ನು ಕಳೆದ ವಾರ ಕೊನೇ ಏಪಿಸೋಡ್‌ ಮೂಲಕ ಮುಕ್ತಾಯ ಕಂಡ ಕಲರ್ಸ್‌ ಕನ್ನಡದ ಲಕ್ಷ್ಮೀ ಬಾರಮ್ಮ ಧಾರಾವಾಹಿಗೆ ಒಳ್ಳೆಯ ನಂಬರ್ಸ್‌ ಸಿಕ್ಕಿದೆ. ಈ ಸೀರಿಯಲ್‌ 5.3 ಟಿಆರ್‌ಪಿ ಪಡೆದು ಆರನೇ ಸ್ಥಾನದಲ್ಲಿದೆ. ಕಲರ್ಸ್‌ ಕನ್ನಡದ ಮತ್ತೊಂದು ಜನಪ್ರಿಯ ಧಾರಾವಾಹಿ, ಭಾಗ್ಯಲಕ್ಷ್ಮೀ ಆರಕ್ಕೇರದೆ, ಮೂರಕ್ಕಿಳಿಯದೇ ಯಥಾಸ್ಥಿತಿ ಕಾಯ್ದುಕೊಂಡಿದೆ. 13ನೇ ವಾರಕ್ಕೆ ಈ ಸೀರಿಯಲ್‌ 5.0 ಟಿಆರ್‌ಪಿ ಪಡೆದು, ಏಳನೇ ಸ್ಥಾನದಲ್ಲಿದೆ. ಒಂಭತ್ತನೇ ಸ್ಥಾನದಲ್ಲಿ ಪುಟ್ಟಕ್ಕನ ಮಕ್ಕಳು 4.7, ಹತ್ತನೇ ಸ್ಥಾನದಲ್ಲಿ ಆಸೆ 4.6 ಟಿಆರ್​ಪಿ ಪಡೆದುಕೊಂಡಿವೆ.

ರಿಯಾಲಿಟಿ ಶೋ ವಿಚಾರಕ್ಕೆ ಬಂದರೆ, ಸರಿಗಮಪ ರಿಯಾಲಿಟಿ ಶೋಗೆ 13ನೇ ವಾರ 8.4 ಟಿವಿಆರ್‌ ಬಂದಿದೆ. ಭರ್ಜರಿ ಬ್ಯಾಚುಲರ್ಸ್ ಶೋ 6.6 ಟಿವಿಆರ್‌ ದಾಖಲಿಸಿದೆ. ಕಲರ್ಸ್ ಕನ್ನಡ ವಾಹಿನಿಯ ಸೃಜನ್ ಲೋಕೇಶ್‌ ಹಾಗೂ ಯೋಗರಾಜ್‌ ಭಟ್‌ ನೇತೃತ್ವದ ಮಜಾ ಟಾಕೀಸ್ ಅಷ್ಟೊಂದು ಕ್ಲಿಕ್ ಆಗುತ್ತಿಲ್ಲ. ಇದಕ್ಕೆ 13ನೇ ವಾರ ಕೂಡ ಕೇವಲ 1.9 ಟಿವಿಆರ್ ಸಿಕ್ಕಿದೆ.