NZ vs PAK: 44 ಎಸೆತಗಳಲ್ಲಿ ಸೆಂಚುರಿ ಬಾರಿಸಿ ಬಾಬರ್‌ ಆಝಮ್‌ ದಾಖಲೆ ಮುರಿದ ಹಸನ್‌ ನವಾಝ್‌!
Hasan Nawaz breaks Babar Azam Record: ನ್ಯೂಜಿಲೆಂಡ್ ವಿರುದ್ಧ ಮೂರನೇ ಟಿ20ಐ ಪಂದ್ಯದಲ್ಲಿ ಪಾಕಿಸ್ತಾನ ತಂಡದ ಯುವ ಬ್ಯಾಟ್ಸ್ಮನ್ ಮೊಹಮ್ಮದ್‌ ನವಾಝ್‌ ಅವರು ಸ್ಪೋಟಕ ಶತಕವನ್ನು ಸಿಡಿಸಿದ್ದಾರೆ. ಕೇವಲ 44 ಎಸೆತಗಳಲ್ಲಿ ಶತಕ ಸಿಡಿಸಿದ ಯುವ ಬ್ಯಾಟ್ಸ್ಮನ್, ಬಾಬರ್‌ ಆಝಮ್‌ ದಾಖಲೆಯನ್ನು ಮುರಿದಿದ್ದಾರೆ.
ಸ್ಪೋಟಕ ಶತಕ ಸಿಡಿಸಿದ ಬಾಬರ್‌ ಆಝಮ್‌ ದಾಖಲೆ ಮುರಿದ ಹಸನ್‌ ನವಾಝ್‌.
Ramesh Kote
Mar 21, 2025 6:26 PM
ನವದೆಹಲಿ: ನ್ಯೂಜಿಲೆಂಡ್ ವಿರುದ್ಧ ಮೂರನೇ ಟಿ20ಐ ಪಂದ್ಯದಲ್ಲಿ (PAK vs NZ) ಪಾಕಿಸ್ತಾನ ತಂಡದ ಯುವ ಬ್ಯಾಟ್ಸ್ಮನ್ ಹಸನ್‌ ನವಾಝ್‌ (Hsan Nawaz)ಸ್ಪೋಟಕ ಶತಕ ಸಿಡಿಸಿದ್ದಾರೆ. ಆ ಮೂಲಕ ಪಾಕಿಸ್ತಾನದ ಪರ ಅತ್ಯಂತ ವೇಗವಾಗಿ ಟಿ20ಐ ಶತಕ ಸಿಡಿಸಿದ ಬ್ಯಾಟ್ಸ್ಮನ್ ಎನಿಸಿಕೊಳ್ಳುವ ಮೂಲಕ ಪಾಕ್‌ ಮಾಜಿ ನಾಯಕ ಬಾಬರ್‌ ಆಝಮ್‌ (Babar Azam) ಅವರ ದಾಖಲೆಯನ್ನು ಮುರಿದಿದ್ದಾರೆ. ಸತತ ಎರಡು ಪಂದ್ಯಗಳನ್ನು ಸೋಲುವ ಮೂಲಕ ಪಾಕಿಸ್ತಾನ ತಂಡ, 5 ಪಂದ್ಯಗಳ ಟಿ20ಐ ಸರಣಿಯಲ್ಲಿ 0-2 ಹಿನ್ನಡೆಯನ್ನು ಅನುಭವಿಸಿತ್ತು. ಆದರೆ, ಮೂರನೇ ಪಂದ್ಯದಲ್ಲಿ ಹಸನ್‌ ನವಾಝ್‌ ದಾಖಲೆಯ ಶತಕದ ಬಲದಿಂದ ಪಾಕಿಸ್ತಾನ ತಂಡ ಕೇವಲ 16 ಓವರ್‌ಗಳಲ್ಲಿ 205 ರನ್‌ಗಳ ದಾಖಲೆಯ ಮೊತ್ತವನ್ನು ಯಶಸ್ವಿಯಾಗಿ ಚೇಸ್‌ ಮಾಡಿತು. ಆ ಮೂಲಕ ಈ 9 ವಿಕೆಟ್‌ಗಳಿಂದ ಗೆದ್ದು ಸರಣಿಯನ್ನು ಜೀವಂತವಾಗಿರಿಸಿಕೊಂಡಿದೆ.
ಶುಕ್ರವಾರ ಈಡನ್‌ ಪಾರ್ಕ್‌ನಲ್ಲಿ ಕಿವೀಸ್‌ ನೀಡಿದ್ದ 205 ರನ್‌ಗಳ ಗುರಿಯನ್ನು ಹಿಂಬಾಲಿಸಿದ ಪಾಕಿಸ್ತಾನ ತಂಡದ ಪರ ಮೂವರು ಬ್ಯಾಟ್ಸ್‌ಮನ್‌ಗಳೇ ಸ್ಪೋಟಕ ಬ್ಯಾಟ್‌ ಮಾಡುವ ಮೂಲಕ ಪಂದ್ಯವನ್ನು ಮುಗಿಸಿದರು. ಆರಂಭಿಕ ಬ್ಯಾಟ್ಸ್ಮನ್ ಮೊಹಮ್ಮದ್‌ ಹ್ಯಾರಿಸ್‌ 20 ಎಸೆತಗಳಲ್ಲಿ 41 ರನ್‌ ಸಿಡಿಸಿದ್ದರು. ಹಸನ್‌ ನವಾಝ್‌ ಜತೆಗೆ ಮುರಿಯದ ಎರಡನೇ ವಿಕೆಟ್‌ಗೆ ಜೊತೆಯಾದ ನಾಯಕ ಸಲ್ಮಾನ್‌ ಅಘಾ ಕೂಡ ಸ್ಪೋಟಕ ಬ್ಯಾಟಿಂಗ್‌ ಪ್ರದರ್ಶನವನ್ನು ತೋರಿದರು. ಅವರು 31 ಎಸೆತಗಳಲ್ಲಿ 51 ರನ್‌ಗಳನ್ನು ಸಿಡಿಸಿದರು. ಅಘಾ ಹಾಗೂ ಹಸನ್‌ ಜೋಡಿ 133 ರನ್‌ಗಳ ಜತೆಯಾಟವನ್ನು ಆಡಿದ್ದಾರೆ.
Champions Trophy:ʻ869 ಕೋಟಿ ರೂ ನಷ್ಟʼ-ಬಿಸಿಸಿಐ ವಿರುದ್ಧ ಎಚ್ಚರಿಕೆ ನೀಡಿದ ಪಿಸಿಬಿ!
ಪಾಕಿಸ್ತಾನ ತಂಡದ ಇನಿಂಗ್ಸ್‌ನಲ್ಲಿ ಎಲ್ಲರ ಗಮನ ಸೆಳೆದಿದ್ದು ಹಸನ್‌ ನವಾಝ್‌! ಅವರು ಆರಂಭಿಕ ಎರಡೂ ಪಂದ್ಯಗಳಲ್ಲಿ ಡಕ್‌ಔಟ್‌ ಆಗಿದ್ದರು. ಆದರೆ, ತಮ್ಮ ವೃತ್ತಿ ಜೀವನದ ಮೂರನೇ ಪಂದ್ಯದಲ್ಲಿ ಸ್ಪೋಟಕ ಬ್ಯಾಟ್‌ ಮಾಡಿದರು. ಅವರು ಆಡಿದ 45 ಎಸೆತಗಳಲ್ಲಿ ಅಜೇಯ 105 ರನ್‌ಗಳನ್ನು ಸಿಡಿಸಿದರು. ಅವರು ತಮ್ಮ ಶತಕವನ್ನು ಕೇವಲ 44 ಎಸೆತಗಳಲ್ಲಿಯೇ ಶತಕವನ್ನು ಪೂರ್ಣಗೊಳಿಸಿದರು. ಆ ಮೂಲಕ 2009ರ ಟಿ20 ವಿಶ್ವಕಪ್‌ ವಿಜೇತ ಪಾಕಿಸ್ತಾನ ತಂಡದ ಪರ ನೂತನ ದಾಖಲೆಯನ್ನು ಬರೆದರು. ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ ಅತ್ಯಂತ ವೇಗದ ಶತಕ ಸಿಡಿಸಿದ ಪಾಕಿಸ್ತಾನದ ಮೊದಲ ಬ್ಯಾಟ್ಸ್ಮನ್ ಎನಿಸಿಕೊಂಡರು. ಆ ಮೂಲಕ ಮಾಜಿ ನಾಯಕ ಬಾಬರ್‌ ಆಝಮ್‌ ದಾಖಲೆಯನ್ನು ಮುರಿದಿದ್ದಾರೆ. 2021ರಲ್ಲಿ ಬಾಬರ್‌ ಆಝಮ್‌ 49 ಎಸೆತಗಳಲ್ಲಿ ಬಾಬರ್‌ ಆಝಮ್‌ ದಕ್ಷಿಣ ಆಫ್ರಿಕಾ ವಿರುದ್ಧ ಶತಕವನ್ನು ಸಿಡಿಸಿದ್ದರು.
Special innings by the talented Hasan Nawaz 🌟
— Pakistan Cricket (@TheRealPCB) March 21, 2025
He is the player of the match after becoming only the 4️⃣th 🇵🇰 batter to score a T20I 💯#NZvPAK | #BackTheBoysInGreen pic.twitter.com/ssqMbLa5iV
ಹಸನ್‌ ನವಾಝ್‌ ಹೇಳಿದ್ದೇನು?
"ಆರಂಭಿಕ ಎರಡೂ ಪಂದ್ಯಗಳಲ್ಲಿ ನಾನು ಡಕ್‌ಔಟ್‌ ಆಗಿದ್ದೆ, ಆದರೂ ನಾಯಕ ಸಲ್ಮಾನ್‌ ಅಘಾ ಅವರು ನ್ಯಾಚುರನ್‌ ಗೇಮ್‌ ಆಡಲು ನನಗೆ ಬೆಂಬಲವನ್ನು ನೀಡಿದ್ದರು. ಮೊದಲು ಸಿಂಗಲ್‌ ರನ್‌ ಪಡೆಯುವ ಉದ್ದೇಶ ನನ್ನ ಮನಸಿನಲ್ಲಿತ್ತು ಹಾಗೂ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಒಂದು ರನ್‌ ಪಡೆದ ಬಳಿಕ ಆರಾಮದಾಯಕ ಎನಿಸಿತು," ಎಂದು ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದ ಬಳಿಕ ಹಸನ್‌ ನವಾಝ್‌ ಹೇಳಿದ್ದಾರೆ.
ಪಾಕಿಸ್ತಾನ ಪರ ಟಿ20ಐ ಕ್ರಿಕೆಟ್‌ನಲ್ಲಿ ವೇಗದ ಶತಕ ಸಿಡಿಸಿದ ಬ್ಯಾಟರ್ಸ್‌
ಹಸನ್‌ ನವಾಝ್‌-ನ್ಯೂಜಿಲೆಂಡ್ ವಿರುದ್ಧ 44 ಎಸೆತಗಳಲ್ಲಿ ಶತಕ (2025)
ಬಾಬರ್‌ ಆಝಮ್‌-ದಕ್ಷಿಣ ಆಫ್ರಿಕಾ ವಿರುದ್ಧ 49 ಎಸೆತಗಳಲ್ಲಿ ಶತಕ (2021)
ಅಹ್ಮದ್‌ ಶಹಝಾದ್‌-ಬಾಂಗ್ಲಾದೇಶ ವಿರುದ್ಧ 58 ಎಸೆತಗಳಲ್ಲಿ ಶತಕ (2014)
NZ vs PAK: ಎರಡನೇ ಟಿ20ಐ ಪಂದ್ಯದಲ್ಲಿಯೂ ಪಾಕ್‌ಗೆ ಸೋಲಿನ ಬರೆ ಎಳೆದ ಕಿವೀಸ್‌!
ಪಾಕ್‌ ಪಾಲಿಗೆ ಎರಡನೇ ಸಕ್ಸಸ್‌ಫುಲ್‌ ಚೇಸ್‌
205 ರನ್‌ಗಳನ್ನು ಚೇಸ್‌ ಮಾಡುವ ಮೂಲಕ ಪಾಕಿಸ್ತಾನ ತಂಡ, ಟಿ20ಐ ಕ್ರಿಕೆಟ್‌ನಲ್ಲಿ ಎರಡನೇ ಗರಿಷ್ಠ ಮೊತ್ತವನ್ನು ಚೇಸ್‌ ಮಾಡಿದ ತಂಡ ಎನಿಸಿಕೊಂಡಿತು. ವಿದೇಶಿ ನೆಲದಲ್ಲಿ ಹೆಚ್ಚಿನ ಮೊತ್ತವನ್ನು ಚೇಸ್‌ ಮಾಡಿದ ಜಂಟಿ ದಾಖಲೆಯನ್ನು ಪಾಕಿಸ್ತಾನ ತಂಡ ಬರೆದಿದೆ.
🚨 CENTURY IN HIS THIRD T20I 🚨
— Pakistan Cricket (@TheRealPCB) March 21, 2025
Hasan Nawaz smacks the FASTEST T20I hundred by a Pakistan batter, off 44 balls 🔥#NZvPAK | #BackTheBoysInGreen pic.twitter.com/UTduvlnxM4
ಟಿ20ಐ ಕ್ರಿಕೆಟ್‌ನಲ್ಲಿ ಪಾಕಿಸ್ತಾನ ತಂಡದ ಯಶಸ್ವಿ ಚೇಸ್‌
2021 ರಲ್ಲಿ ಕರಾಚಿಯಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ 18.5 ಓವರ್‌ಗಳಲ್ಲಿ 3 ವಿಕೆಟ್‌ಗೆ 208
2025 ರಲ್ಲಿ ಆಕ್ಲೆಂಡ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧ 16 ಓವರ್‌ಗಳಲ್ಲಿ 1 ವಿಕೆಟ್‌ಗೆ 207
2021 ರಲ್ಲಿ ಸೆಂಚೂರಿಯನ್‌ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ 18 ಓವರ್‌ಗಳಲ್ಲಿ 1 ವಿಕೆಟ್‌ಗೆ 205