ತಾಯಿಗೆ ಹುಷಾರಿಲ್ಲ ರಜೆ ಬೇಕು ಅಂದಿದ್ದಕ್ಕೆ ಮ್ಯಾನೇಜರ್ ಹೇಳಿದ್ದೇನು?

ನವದೆಹಲಿ: ಸಾಮಾಜಿಕ ಮಾಧ್ಯಮ ರೆಡ್ಡಿಟ್‍ನಲ್ಲಿ (Reddit) ಉದ್ಯೋಗಿಯೊಬ್ಬರು ಮಾಡಿರುವ ಪೋಸ್ಟ್ ವೈರಲ್ ಆಗಿದ್ದು, ವ್ಯಾಪಕ ಆಕ್ರೋಶ ಮತ್ತು ಚರ್ಚೆಗೆ ಕಾರಣವಾಗಿದೆ. ಭಾರತದ ಕಾರ್ಪೊರೇಟ್ ಜಗತ್ತಿನಲ್ಲಿ ಸಹಾನುಭೂತಿ ಮತ್ತು ಕರುಣೆಯ ಬಗ್ಗೆ ಇದು ಹೊಸ ಚರ್ಚೆಯನ್ನು ಹುಟ್ಟುಹಾಕಿದೆ (Viral Post).

ರೆಡ್ಡಿಟ್‍ನಲ್ಲಿ ಹಂಚಿಕೊಳ್ಳಲಾದ ಈ ಪೋಸ್ಟ್, ಪ್ರಮುಖ ಖಾಸಗಿ ಬ್ಯಾಂಕಿನ ಹಿರಿಯ ಮಹಿಳಾ ಉದ್ಯೋಗಿಯೊಬ್ಬರ ಘಟನೆಯನ್ನು ವಿವರಿಸುತ್ತದೆ. ಪೋಸ್ಟ್ ಹೇಳುವ ಪ್ರಕಾರ, ಅವರ ತಾಯಿ ತೀವ್ರ ಅಸ್ವಸ್ಥರಾದ ನಂತರ ಮಹಿಳೆಯು ಕೆಲವು ದಿನಗಳ ರಜೆ ಕೋರಿದ್ದರು. ಆಕೆ ಯಾವುದೇ ವಿಶೇಷ ಚಿಕಿತ್ಸೆಯನ್ನು ಪಡೆಯುತ್ತಿಲ್ಲ. ಆದರೆ, ತಾಯಿಯ ಆರೋಗ್ಯವನ್ನು ಗಮನಿಸುವುದಕ್ಕಾಗಿ ರಜೆ ಬೇಕು ಎಂದು ಕೇಳಿಕೊಂಡಿದ್ದಾರೆ.

ಆದರೆ ನಂತರ ನಡೆದ ಘಟನೆ ಬಳಕೆದಾರರನ್ನು ದಿಗ್ಭ್ರಮೆಗೊಳಿಸಿತು. ಮ್ಯಾನೇಜರ್ ಅವರ ಪ್ರತಿಕ್ರಿಯೆ ಬಹಳ ಅಸಡ್ಡೆಯಿಂದ ಕೂಡಿತ್ತು. ಆಕೆಯ ತಾಯಿ ಚೇತರಿಸಿಕೊಳ್ಳದಿದ್ದರೆ, ಆಕೆಯನ್ನು ವೈದ್ಯಕೀಯ ಅಥವಾ ಆಶ್ರಯ ಗೃಹದಲ್ಲಿ ಇರಿಸಿ ಕೆಲಸಕ್ಕೆ ಬರುವಂತೆ ಉದ್ಯೋಗಿಗೆ ಹೇಳಿದ್ದರು. ಇದು ಮಹಿಳೆಯನ್ನು ತನ್ನ ಕೆಲಸ ಅಥವಾ ತನ್ನ ಅನಾರೋಗ್ಯ ಪೀಡಿತ ತಾಯಿಯನ್ನು ನೋಡಿಕೊಳ್ಳುವ ಆಯ್ಕೆ ಬಗ್ಗೆ ಬಹಳ ಬೇಸರ ತರಿಸಿದೆ.

ಆ ಉದ್ಯೋಗಿ ಮಹಿಳೆಯು ತನ್ನ ತಾಯಿಯೊಂದಿಗೆ ಇರಲು ಆಯ್ಕೆ ಮಾಡಿಕೊಂಡರು. ಸಂಸ್ಥೆಯಲ್ಲಿ ಹಲವಾರು ವರ್ಷಗಳ ಕಾಲ ಸೇವೆ ಸಲ್ಲಿಸಿದ್ದರೂ, ಶೀಘ್ರದಲ್ಲೇ ರಾಜೀನಾಮೆ ನೀಡಿದರು. ಮ್ಯಾನೇಜರ್ ಅವರ ಹೇಳಿಕೆಯು ತನಗೆ ಬಹಳ ಬೇಸರ ತರಿಸಿತು ಎಂದು ಉದ್ಯೋಗಿ ಹೇಳಿದರು.

ಈ ಪೋಸ್ಟ್ ಬಳಕೆದಾರರಿಂದ ಭಾವನಾತ್ಮಕ ಪ್ರತಿಕ್ರಿಯೆಯನ್ನು ಪಡೆಯಿತು. ಅವರಲ್ಲಿ ಹಲವರು ಸಹಾನುಭೂತಿಯ ಕೊರತೆಯ ಬಗ್ಗೆ ಕೋಪ ಮತ್ತು ಅಪನಂಬಿಕೆಯನ್ನು ವ್ಯಕ್ತಪಡಿಸಿದರು. ಆರೋಗ್ಯ ಸಂಬಂಧಿತ ವಿಚಾರದಲ್ಲೂ ಕಾರ್ಪೋರೇಟ್ ಕಂಪನಿಗಳು ಈ ರೀತಿ ಮಾನವೀಯತೆ ಇಲ್ಲದೆ ವರ್ತಿಸುವುದು ಎಷ್ಟು ಸರಿ ಎಂದು ಹಲವರು ಪ್ರಶ್ನಿಸಿದರು.

ವಿದ್ಯಾರ್ಥಿಗೆ ಕಾಲೇಜು ವಾರ್ಡನ್‌ ಧಮ್ಕಿ, ವಿಡಿಯೊ ವೈರಲ್‌

ಕೆಲವರು ಲಿಖಿತ ಸೂಚನೆಗಳನ್ನು ಕೋರುವಂತಹ ಪ್ರಾಯೋಗಿಕ ಪ್ರತಿಕ್ರಿಯಾಶೀಲತೆಯನ್ನು ಸೂಚಿಸಿದರೆ, ಇತರರು ಬಲವಾದ ಕಾನೂನು ರಕ್ಷಣೆಗಾಗಿ ಕರೆ ನೀಡಿದರು. ವೈಯಕ್ತಿಕ ಬಿಕ್ಕಟ್ಟುಗಳ ಸಮಯದಲ್ಲಿಯೂ ಸಹ, ಕಾರ್ಪೊರೇಟ್ ಪರಿಸರಗಳು ಮಾನವೀಯತೆಯ ಮೇಲೆ ಕಠಿಣ ನಿರೀಕ್ಷೆಗಳನ್ನು ಹೇಗೆ ಆದ್ಯತೆ ನೀಡುತ್ತವೆ ಎಂಬುದರ ಕುರಿತು ಚರ್ಚೆಯು ವಿಸ್ತರಿಸಿತು.

ಗಂಡನಿಗೆ ಬಲವಂತವಾಗಿ ಸ್ನಾನ ಮಾಡಿಸಿದ ಪತ್ನಿ

ಇದೀಗ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿರುವ ವಿಡಿಯೊವೊಂದು ನಿಮಗೆ ನಿಮ್ಮ ಬಾಲ್ಯವನ್ನು ನೆನಪಿಸಬಹುದು. ಈ ಘಟನೆಯು ನಿಮ್ಮ ಬಾಲ್ಯದಲ್ಲಿ ಹಲವು ಬಾರಿ ನಡೆದಿರಬಹುದು. ಮಕ್ಕಳು ಸ್ನಾನ ಮಾಡುವುದನ್ನು ತಪ್ಪಿಸಿದಾಗ, ತಾಯಂದಿರು ಬಲವಂತವಾಗಿ ಹಿಡಿದು ಸ್ನಾನ ಮಾಡಿಸುತ್ತಿದ್ದರು. ಮಳೆಗಾಲ, ಚಳಿಗಾಲದಲ್ಲಿ ಇದು ಹಲವು ಬಾರಿ ನಡೆದಿರಬಹುದು. ಆದರೆ, ಇಲ್ಲಿ ವಿವಾಹಿತ ಪುರುಷನನ್ನು ಅವನ ಹೆಂಡತಿ ಬಲವಂತವಾಗಿ ಸ್ನಾನ ಮಾಡಿಸುವ ವಿಡಿಯೊ ವೈರಲ್ ಆಗಿದೆ,

ಹೌದು, ಹೆಂಡತಿಯು ಬಲವಂತಾಗಿ ಸ್ನಾನ ಮಾಡಿಸಿದ್ದಾಳೆ. ಅಲ್ಲದೆ ಆತನ, ಕೈ ಮತ್ತು ಕಾಲುಗಳನ್ನು ಕಟ್ಟಿ ಹಾಕಲಾಗಿದೆ. ಒಬ್ಬ ಪುರುಷನ ಕೈ ಮತ್ತು ಕಾಲುಗಳನ್ನು ಹ್ಯಾಂಡ್ ಪಂಪ್‌ಗೆ ಕಟ್ಟಿಹಾಕಲಾಗಿದೆ. ಮತ್ತು ಅವನ ಹೆಂಡತಿ ಅವನಿಗೆ ಸ್ನಾನ ಮಾಡಿಸುತ್ತಿರುವುದನ್ನು ವಿಡಿಯೊದಲ್ಲಿ ಕಾಣಬಹುದು. ಅವಳ ಗಂಡ ಸ್ನಾನ ಮಾಡಿ ಬಹಳ ಸಮಯವಾಗಿರಬಹುದು. ಹೀಗಾಗಿ ಅವನು ಈ ರೀತಿ ಸ್ನಾನ ಮಾಡಬೇಕಾಗಿರಬಹುದು.

ವಿಡಿಯೊ ವೀಕ್ಷಿಸಿ:

ಈ ವಿಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರು ತರಹೇವಾರಿ ಪ್ರತಿಕ್ರಿಯೆಗಳನ್ನು ನೀಡಿದ್ದಾರೆ. ಕೆಲವರು ಗಂಡನ ಬಗ್ಗೆ ಮರುಕ ವ್ಯಕ್ತಪಡಿಸಿದರೆ, ಇನ್ನೂ ಕೆಲವರು ಹಾಸ್ಯ ಚಟಾಕಿ ಹಾರಿಸಿದ್ದಾರೆ.