Shamanth Gowda: ಶಮಂತ್ ಬ್ರೋ ಗೌಡ – ಮೇಘನಾ ಎಂಗೇಜ್ಮೆಂಟ್; ಮದುವೆ ಯಾವಾಗ?

ಬೆಂಗಳೂರು: ಸ್ಯಾಂಡಲ್ ವುಡ್ (Sandalwood) ಹಾಗೂ ಕನ್ನಡ ಕಿರುತೆರೆಯ (Small Screen) ಸಿಂಗಲ್ಸ್ ಗಳು ಇದೀಗ ಚತುರ್ಭುಜರಾಗುತ್ತಿರುವ ಸುದ್ದಿ ಬರ್ತಾನೆ ಇದೆ. ಇದಕ್ಕೆ ಹೊಸ ಸೇರ್ಪಡೆಯೆಂಬಂತೆ, ಬಿಗ್ ಬಾಸ್ (Big Boss) ಸೀಸನ್ 8ರ ಸ್ಪರ್ಧಿ ಹಾಗೂ ಲಕ್ಷ್ಮೀ ಬಾರಮ್ಮ ಸೀರಿಯಲ್ ಖ್ಯಾತಿಯ ಶಮಂತ್ ಬ್ರೋ ಗೌಡ (Shamanth Bro Gowda) ಎಂಗೇಜ್ಮೆಂಟ್ ಮಾಡಿಕೊಂಡಿದ್ದಾರೆ. ಪ್ರೊಫೆಷನಲ್ ಮೇಕಪ್ ಆರ್ಟಿಸ್ಟ್ ಆಗಿರುವ ಮೇಘನಾ ಎಂಬಾಕೆಯನ್ನು ಶಂಮತ್ ಗೌಡ ಮದುವೆಯಾಗುತ್ತಿದ್ದಾರೆ. ಈ ಜೋಡಿ ಸೋಷಿಯಲ್ ಮೀಡಿಯಾದಲ್ಲಿ (Social Media) ಸಿಕ್ಕಾಪಟ್ಟೆ ಆಕ್ಟಿವ್ ಆಗಿದ್ದು, ಇವರಿಬ್ಬರೂ ಜೊತೆಯಾಗಿ ರೀಲ್ಸ್ (Reel) ಕೂಡಾ ಮಾಡುವ ಮೂಲಕ ಗಮನ ಸೆಳೆದಿದ್ದರು. ಪ್ರೇಮಿಗಳ ದಿನದಂದು ಇವರಿಬ್ಬರು ಪ್ರೀತಿಗೆ ಸಂಬಂಧಿಸಿದ ಸ್ಪೆಷಲ್ ವಿಡಿಯೋ ಒಂನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು.

ಇದೀಗ, ತಾನು ಪ್ರೀತಿಸಿದ ಹುಡುಗಿಯ ಜೊತೆಯಲ್ಲೇ ದಾಂಪತ್ಯ ಜೀವನಕ್ಕೆ ಕಾಲಿಡಲು ಶಮಂತ್ ಗೌಡ ಸಜ್ಜಾಗಿದ್ದಾರೆ. ಹೌದು, ನಟ ಶಮಂತ್ ತನ್ನ ಗೆಳತಿ ಮೇಘನಾ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಈ ಮೂಲಕ ಶಮಂತ್ ಮತ್ತು ಮೇಘನಾ ಬಹುಕಾಲದ ಪ್ರೀತಿಗೆ ಇದಿಗ ಅಧಿಕೃತ ಮುದ್ರೆ ಬಿದ್ದಿದೆ. ನಿಶ್ಚಿತಾರ್ಥಗೊಂಡ ಶಮಂತ್, ಮೇಘನಾ ಜೊಡಿಯ ಮದುವೆಗೂ ಭರ್ಜರಿ ತಯಾರಿ ನಡೆದಿದ್ದು, ಶೀಘ್ರವೇ ಬ್ರೋಗೌಡ ಅವರ ಮದುವೆ ಯಾವಾಗ? ಎಲ್ಲಿ? ಅನ್ನೋ ಮಾಹಿತಿಯನ್ನು ಸ್ವತಃ ಅವರೇ ನೀಡಲಿದ್ದಾರೆ ಎಂದು ತಿಳಿದುಬಂದಿದೆ.

‘ಲಕ್ಷ್ಮೀ ಬಾರಮ್ಮ’ ಸೀರಿಯಲ್ ನಲ್ಲಿ ಲೀಡ್ ರೋಲ್ ನಲ್ಲಿ ಕಾಣಿಸಿಕೊಂಡಿದ್ದ ಶಮಂತ್ ಬ್ರೋ ಗೌಡ ಕಿರುತೆರೆಯಿಂದ ಬೆಳ್ಳಿ ತೆರೆಗೆ ಕಾಲಿಡೋಕೆ ಸಜ್ಜಾಗಿದ್ದರು. ಒಂದು ತಿಂಗಳ ಹಿಂದಷ್ಟೇ ಹೊಸ ಕನ್ನಡ ಸಿನಿಮಾವೊಂದರಲ್ಲಿ ತಾನು ಹೀರೋ ಆಗಿ ನಟಿಸುತ್ತಿರುವುದರ ಬಗ್ಗೆ ಶಮಂತ್ ಅಪ್ಡೇಟ್ ಕೊಟ್ಟಿದ್ದಾರೆ. ಶಮಂತ್ ಅಭಿನಯಿಸುತ್ತಿರುವ ಈ ಸಿನಿಮಾವನ್ನು ‘ರಾಘು, ‘ಶೆಫ್ ಚಿದಂಬರ’ ಚಿತ್ರಗಳ ನಿರ್ದೇಶಕ ಎಂ ಆನಂದ್ ರಾಜ್ ಡೈರೆಕ್ಟ್ ಮಾಡುತ್ತಿದ್ದಾರೆ.