AUS vs SA: ದಕ್ಷಿಣ ಆಫ್ರಿಕಾ 138 ಕ್ಕೆ ಆಲೌಟ್, ಆಸ್ಟ್ರೇಲಿಯಾಗೆ 218 ರನ್ ಮುನ್ನಡೆ!
ಪ್ಯಾಟ್ ಕಮಿನ್ಸ್ ಅವರ ಮಾರಕ ಬೌಲಿಂಗ್ ದಾಳಿಯ ನೆರವಿನಿಂದ ಆಸ್ಟ್ರೇಲಿಯಾ ತಂಡ, ವಿಶ್ವ ಟೆಸ್ಟ್ ಚಾಂಪಿಯನ್‌ಷಿಪ್‌ನ ಪ್ರಥಮ ಇನಿಂಗ್ಸ್‌ನಲ್ಲಿ ದಕ್ಷಿಣ ಆಫ್ರಿಕಾವನ್ನು 138 ರನ್‌ಗಳಿಗೆ ಆಲೌಟ್ ಮಾಡಿತು. ದ್ವಿತೀಯ ಇನಿಂಗ್ಸ್‌ನಲ್ಲಿ ಆಸ್ಟ್ರೇಲಿಯಾ 8 ವಿಕೆಟ್‌ಗಳ ನಷ್ಟಕ್ಕೆ 144 ರನ್ ಗಳಿಸಿದೆ. ಆದರೂ 218 ರನ್‌ಗಳ ಮುನ್ನಡೆಯನ್ನು ಪಡೆದಿದೆ.
ವಿಕೆಟ್ ಕಿತ್ತು ಸಂಭ್ರಮಿಸಿದ ಲುಂಗಿ ಎನ್ಗಿಡಿ.
Ramesh Kote
Jun 12, 2025 11:23 PM
ಲಂಡನ್: ನಾಯಕ ಪ್ಯಾಟ್ ಕಮಿನ್ಸ್ (Pat Cummins) ಅವರ ಬಿರುಗಾಳಿಯ ಬೌಲಿಂಗ್ ಬಲದಿಂದ ಆಸ್ಟ್ರೇಲಿಯಾ (AUS) ತಂಡ, ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಷಿಪ್‌ ಫೈನಲ್ (WTC Final) ಪಂದ್ಯದ ಪ್ರಥಮ ಇನಿಂಗ್ಸ್‌ನಲ್ಲಿ ದಕ್ಷಿಣ ಆಫ್ರಿಕಾ (SA) ತಂಡವನ್ನು ಪ್ರಥಮ ಇನಿಂಗ್ಸ್‌ನಲ್ಲಿ 138 ರನ್‌ಗಳಿಗೆ ಆಲೌಟ್ ಮಾಡಿತು. ಆಸ್ಟ್ರೇಲಿಯಾ ಪ್ರಥಮ ಇನಿಂಗ್ಸ್‌ನಲ್ಲಿ 74 ರನ್‌ಗಳ ಮುನ್ನಡೆ ಸಾಧಿಸಿದೆ. ಇದಕ್ಕೆ ಪ್ರತಿಯಾಗಿ ಆಸ್ಟ್ರೇಲಿಯಾ ಎರಡನೇ ದಿನದ ಅಂತ್ಯದವರೆಗೆ ತನ್ನ ದ್ವಿತೀಯ ಇನಿಂಗ್ಸ್‌ನಲ್ಲಿ 8 ವಿಕೆಟ್‌ಗಳಿಗೆ 144 ರನ್‌ಗಳನ್ನು ಗಳಿಸಿದೆ. ಆ ಮೂಲಕ 218 ರನ್‌ಗಳ ಮುನ್ನಡೆಯನ್ನು ಪಡೆದಿದೆ. ಆ ಮೂಲಕ ಕಾಂಗರೂ ಪಡೆ ಎರಡನೇ ದಿನವೂ ಪ್ರಾಬಲ್ಯ ಮೆರೆದಿದೆ.
ಆಸ್ಟ್ರೇಲಿಯಾ ಪ್ರಥಮ ಇನಿಂಗ್ಸ್‌ನಲ್ಲಿ 212 ರನ್‌ಗಳನ್ನು ಗಳಿಸಿತ್ತು. ದ್ವಿತೀಯ ಇನಿಂಗ್ಸ್‌ನಲ್ಲಿ ಕೇವಲ 73 ರನ್‌ಗಳಿಗೆ 7 ವಿಕೆಟ್‌ಗಳನ್ನು ಕಳೆದುಕೊಂಡಿತು. ಆದರೆ, ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್‌ ಅಲೆಕ್ಸ್ ಕೇರಿ 43 ರನ್ ಗಳಿಸಿದ ತಂಡಕ್ಕೆ ಆಸರೆಯಾದರು. ಇದೀಗ ಕ್ರೀಸ್‌ನಲ್ಲಿ ಮಿಚೆಲ್ ಸ್ಟಾರ್ಕ್ (16*) ಹಾಗೂ ನೇಥನ್‌ ಲಯಾನ್‌ ಮೂರನೇ ದಿನಕ್ಕೆ ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದಾರೆ. ದಕ್ಷಿಣ ಆಫ್ರಿಕಾ ಪರ ಕಗಿಸೊ ರಬಾಡ ಮತ್ತು ಲುಂಗಿ ಎನ್ಗಿಡಿ ತಲಾ ಮೂರು ವಿಕೆಟ್‌ಗಳನ್ನು ಕಿತ್ತರು.
WTC Final: ಅರ್ಧಶತಕ ಸಿಡಿಸಿ ಸಚಿನ್ ತೆಂಡೂಲ್ಕರ್ ದಾಖಲೆ ಮುರಿದ ಸ್ಟೀವನ್ ಸ್ಮಿತ್!
ಇದಕ್ಕೂ ಮುನ್ನ ಪ್ಯಾಟ್ ಕಮಿನ್ಸ್ ಆಸ್ಟ್ರೇಲಿಯಾ ಪರ ಬೌಲಿಂಗ್‌ನಲ್ಲಿ 28 ರನ್‌ಗಳಿಗೆ 6 ವಿಕೆಟ್‌ಗಳನ್ನು ಪಡೆದರು. ಅವರ ಬಿರುಗಾಳಿಯ ಬೌಲಿಂಗ್ ಮುಂದೆ, ದಕ್ಷಿಣ ಆಫ್ರಿಕಾ ತಂಡವು 57.1 ಓವರ್‌ಗಳಿಗೆ ಕುಸಿಯಿತು. ಡೇವಿಡ್ ಬೆಡಿಂಗ್‌ಹ್ಯಾಮ್ 111 ಎಸೆತಗಳಲ್ಲಿ ಆರು ಬೌಂಡರಿಗಳ ಸಹಾಯದಿಂದ 45 ರನ್ ಗಳಿಸುವ ಮೂಲಕ ತಂಡದ ಅಗ್ರ ಸ್ಕೋರರ್ ಆಗಿದ್ದರು. ನಾಯಕ ತೆಂಬಾ ಬವುಮಾ 36 ರನ್‌ಗಳ ಕೊಡುಗೆಯನ್ನು ನೀಡಿದ್ದರು. ಆದರೆ, ಕಮಿನ್ಸ್ ಅವರ ಬಿರುಗಾಳಿಯ ಬೌಲಿಂಗ್ ಮುಂದೆ, ದಕ್ಷಿಣ ಆಫ್ರಿಕಾ ಕೇವಲ 12 ರನ್‌ಗಳ ಅಂತರದಲ್ಲಿ ತನ್ನ ಐದು ವಿಕೆಟ್‌ಗಳನ್ನು ಕಳೆದುಕೊಂಡಿತು. ಎರಡನೇ ದಿನವೂ 14 ವಿಕೆಟ್‌ಗಳು ಪತನಗೊಂಡವು.
Australia extend their lead past 200 despite South Africa's strikes to leave the #WTC25 Final evenly poised 🔥#SAvAUS
— ICC (@ICC) June 12, 2025
How the game panned out today ➡️ https://t.co/BZICeC71OJ pic.twitter.com/gDRMdPhH6V
ಕ್ಯಾರಿ ಮತ್ತು ಸ್ಟಾರ್ಕ್ ಜುಗಲ್‌ಬಂದಿ
ದ್ವಿತೀಯ ಇನಿಂಗ್ಸ್‌ನಲ್ಲಿಯೂ ಆಸ್ಟ್ರೇಲಿಯಾ ಕಳಪೆ ಆರಂಭವನ್ನು ಕಂಡಿತು ಮತ್ತು ಆರಂಭಿಕ ಆಟಗಾರರಾದ ಉಸ್ಮಾನ್ ಖವಾಜಾ (06) ಮತ್ತು ಕ್ಯಾಮೆರಾನ್ ಗ್ರೀನ್ (0) ಅವರ ವಿಕೆಟ್‌ಗಳನ್ನು ಕಳೆದುಕೊಂಡಿತು. ಪ್ರಥಮ ಇನಿಂಗ್ಸ್‌ನಲ್ಲಿ ಕಗಿಸೊ ರಬಾಡ ಒಂದೇ ಓವರ್‌ನಲ್ಲಿ ಇಬ್ಬರನ್ನೂ ಔಟ್ ಮಾಡಿದರು. ಮಾರ್ನಸ್ ಲಾಬುಶೇನ್ 22 ರನ್ ಗಳಿಸಿ ಔಟಾದರು ಮತ್ತು ತಂಡದ ಸ್ಕೋರ್ 44 ರನ್‌ಗಳಾಗಿತ್ತು. ಇದರ ನಂತರ, ವಿಕೆಟ್‌ಗಳು ಬೀಳುವ ಪ್ರಕ್ರಿಯೆ ಪ್ರಾರಂಭವಾಯಿತು. ಸ್ಟೀವ್ ಸ್ಮಿತ್ 13 ರನ್ ಗಳಿಸಿದ ನಂತರ ಲುಂಗಿ ಎನ್ಗಿಡಿ ಎಸೆತದಲ್ಲಿ ಎಲ್‌ಬಿಡಬ್ಲ್ಯು ಬಲೆಗೆ ಬಿದ್ದರು. ದ್ವಿತೀಯ ಇನಿಂಗ್ಸ್‌ನಲ್ಲಿ ಟ್ರಾವಿಸ್ ಹೆಡ್ (9) ಕೂಡ ವಿಫಲರಾದರು. ಮೊದಲ ಇನಿಂಗ್ಸ್‌ನಲ್ಲಿ ಅರ್ಧಶತಕ ಗಳಿಸಿದ ಬೇ ವೆಬ್‌ಸ್ಟರ್ ಕೇವಲ 9 ರನ್ ಗಳಿಸಿದರು. ನಾಯಕ ಕಮಿನ್ಸ್ ದೊಡ್ಡ ಸಾಧನೆ ಮಾಡಲು ಸಾಧ್ಯವಾಗಲಿಲ್ಲ ಮತ್ತು ಎನ್ಗಿಡಿ ಬೌಲಿಂಗ್‌ನಲ್ಲಿ 6 ರನ್ ಗಳಿದಿ ಔಟಾದರು. ಇದು ತಂಡದ ಸ್ಕೋರ್ ಅನ್ನು 73 ರನ್‌ಗಳಿಗೆ 7 ವಿಕೆಟ್‌ಗಳಿಗೆ ತಂದಿತು.
WTC final: 5 ವಿಕೆಟ್ ಕಿತ್ತು ಅಲಾನ್‌ ಡೊನಾಲ್ಡ್‌ ದಾಖಲೆ ಮುರಿದ ಕಗಿಸೊ ರಬಾಡ!
ಆಸೀಸ್‌ಗೆ ಕೇರಿ ಆಸರೆ
ಇದಾದ ನಂತರ, ಅಲೆಕ್ಸ್ ಕೇರಿ ಜೊತೆ ಮಿಚೆಲ್ ಸ್ಟಾರ್ಕ್ ಸೇರಿಕೊಂಡರು. ಅವಕಾಶ ಸಿಕ್ಕಾಗ ಕೇರಿ ಉತ್ತಮ ಪ್ರದರ್ಶನವನ್ನು ತೋರಿದರು. ಸ್ಟಾರ್ಕ್ ಒಂದು ತುದಿಯಲ್ಲಿ ವಿಕೆಟ್ ಅನ್ನು ಸುರಕ್ಷಿತವಾಗಿ ಕಾಯ್ದುಕೊಂಡರು. ಇಬ್ಬರ ನಡುವೆ 61 ರನ್‌ಗಳ ಪಾಲುದಾರಿಕೆ ಇತ್ತು. ಅವರು ತಂಡದ ಸ್ಕೋರ್ ಅನ್ನು 100 ದಾಟಿಸಿದರು ಮತ್ತು ಮುನ್ನಡೆ 200 ದಾಟಿತು. 43 ರನ್ ಗಳಿಸಿದ ನಂತರ ಕೇರಿಯನ್ನು ರಬಾಡ ಔಟ್ ಮಾಡಿದರು.