Karisma Kapoor: ಅಭಿಷೇಕ್ ಬಚ್ಚನ್-ಕರಿಷ್ಮಾ ನಿಶ್ಚಿತಾರ್ಥ ಮುರಿದು ಬಿದ್ದಿದ್ದು ಯಾಕೆ ಗೊತ್ತಾ?
ಬಾಲಿವುಡ್‌ ನಟಿ ಕರಿಷ್ಮಾ ಕಪೂರ್ ಸಿನಿಮಾ ಅಲ್ಲದೆ ವೈಯಕ್ತಿಕ ವಿಚಾರದಲ್ಲೂ ಆಗಾಗ ಸುದ್ದಿಯಲ್ಲಿರುತ್ತಾರೆ. ಇತ್ತೀಚೆಗಷ್ಟೇ ಅವರ ಮಾಜಿ ಪತಿ ಸಂಜಯ್ ಕಪೂರ್ ನಿಧಾನವಾಗಿದ್ದರು. ಎಲ್ಲವೂ ಅಂದುಕೊಂಡತೆ ಆಗಿದ್ದರೆ ಐಶ್ವರ್ಯಾ ರೈ ಬದಲು ಅಮಿತಾಬ್ ಬಚ್ಚನ್ ಮನೆಯ ಸೊಸೆ ಕರಿಷ್ಮಾ ಕಪೂರ್ ಅಗಬೇಕಿತ್ತು. 2002ರಲ್ಲಿ ಅಭಿಷೇಕ್ ಮತ್ತು ಕರಿಷ್ಮಾ ಕಪೂರ್ ನಡುವೆ ನಿಶ್ಚಿತಾರ್ಥ ಕೂಡ ನಡೆದಿತ್ತು. ಈ ಮದುವೆ ಮುರಿದು ಬೀಳಲು ಕಾರಣವೇನು? ಇಲ್ಲಿದೆ ವಿವರ.
Karisma Kapoor
Pushpa Kumari
Jun 22, 2025 9:08 PM
ಕರಿಷ್ಮಾ ಕಪೂರ್ ಕೇವಲ 17ನೇ ವಯಸ್ಸಿನಲ್ಲಿ 'ಪ್ರೇಮ್ ಕೈದಿ' ಮೂಲಕ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದ್ದರು. ಕರಿಷ್ಮಾ 'ದಿಲ್ ತೋ ಪಾಗಲ್ ಹೈʼ, ʼರಾಜಾ ಹಿಂದುಸ್ತಾನಿʼ, ʼಬಿವಿ ನಂ.1', 'ಫಿಜಾ' ಮುಂತಾದ ಹಲವು ಸೂಪರ್‌ ಹಿಟ್ ಚಿತ್ರಗಳಲ್ಲಿ ನಟಿಸಿದ್ದಾರೆ.
90ರ ದಶಕದಲ್ಲಿ ಕರಿಷ್ಮಾ ಕಪೂರ್ ಬಾಲಿವುಡ್ನ ಟಾಪ್‌ ನಟಿ ಎನಿಸಿಕೊಂಡಿದ್ದರು. ಅವರು ಶಾರುಖ್ ಖಾನ್, ಅಮೀರ್ ಖಾನ್ ಅವರಂತಹ ಸ್ಟಾರ್ ಗಳ ಜತೆ ನಟಿಸಿದ್ದಾರೆ. 'ರಾಜಾ ಬಾಬುʼ, ʼಕೂಲಿ ನಂಬರ್ ಒನ್', 'ಸಾಜನ್ ಚಲೇ ಸಸುರಾಲ್', ʼಪ್ರೇಮ್ ಖೈದಿʼ, ʼಓಂ ಶಾಂತಿ ಓಂʼ, ʼಹಮ್ ಸಾಥ್ ಸಾಥ್ ಹೈʼ ಸೇರಿದಂತೆ ಅನೇಕ ಹಿಟ್ ಸಿನಿಮಾದಲ್ಲಿಅಭಿನಯಿಸಿದ್ದಾರೆ.
ಐಶ್ವರ್ಯ ರೈಗಿಂತ ಮೊದಲು ಅಭಿಷೇಕ್ ಬಚ್ಚನ್ ಜತೆ ಕರಿಷ್ಮಾಳ ಎಂಗೇಜ್‌ಮೆಂಟ್ ಆಗಿತ್ತು. ಪರಸ್ಪರ ಪ್ರೀತಿಸುತ್ತಿದ್ದ ಕರಿಷ್ಮಾ ಮತ್ತು ಅಭಿಷೇಕ್ ಸುಮಾರು 5 ವರ್ಷಗಳ ಕಾಲ ಡೇಟಿಂಗ್ ಮಾಡಿ, 2002ರಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡರು. ಅದರೆ ಕೆಲವೇ ತಿಂಗಳಲ್ಲಿ ಅವರಿಬ್ಬರ ನಿಶ್ಚಿತಾರ್ಥ ಮುರಿದು ಬಿತ್ತು.
ವರದಿಗಳ ಪ್ರಕಾರ ಕರಿಷ್ಮಾ ಕಪೂರ್ ತಾಯಿ ಬಚ್ಚನ್ ಕುಟುಂಬದ ಮುಂದೆ ಕೆಲವು ಷರತ್ತುಗಳನ್ನು ಹಾಕಿದ್ದರು. ಅವರ ಈ ಕಂಡಿಷನ್‌ಗೆ ಬಚ್ಚನ್ ಕುಟುಂಬ ಆಕ್ಷೇಪ ವ್ಯಕ್ತಪಡಿಸಿದ ಕಾರಣ ಮದುವೆ ಮುರಿದು ಬಿದ್ದಿದೆ ಎನ್ನಲಾಗುತ್ತಿದೆ. ಬಳಿಕ ಕರಿಷ್ಮಾ ಉದ್ಯಮಿ ಸಂಜಯ್ ಕಪೂರ್ ಅವರನ್ನು ವಿವಾಹವಾದರು.
ನಟಿ ಕರಿಷ್ಮಾ ಕಪೂರ್ ಉದ್ಯಮಿ ಸಂಜಯ್ ಕಪೂರ್ ಅವರನ್ನು 2003ರ ಜೂನ್ 12ರಂದು ವರಿಸಿದರು. 13 ವರ್ಷಗಳ ದಾಂಪತ್ಯ ಜೀವನವನ್ನು ಕಳೆದ ನಂತರ ಸಂಜಯ್ ಕಪೂರ್ ಮತ್ತು ಕರಿಷ್ಮಾ 2016ರಲ್ಲಿ ವಿಚ್ಛೇದನ ಪಡೆದರು. 2025ರ ಜೂನ್ 12ರಂದು ಸಂಜಯ್ ಕಪೂರ್ ನಿಧನರಾದರು.