Viral News: ಟಿಕ್‌ಟಾಕ್‌ ಚಾಲೆಂಜ್‌ ತೆಗೆದುಕೊಂಡ 11 ವರ್ಷದ ಬಾಲಕಿ ದಾರುಣ ಸಾವು- ಏನಿದು ಘಟನೆ?

ಬ್ರೆಸಿಲಿಯ: ಸೋಶಿಯಲ್ ಮಿಡಿಯಾದಲ್ಲಿ ಆಗಾಗ ಕೆಲವೊಂದು ಚಾಲೆಂಜಿಂಗ್ ಪೋಸ್ಟ್‌ಗಳು ಹರಿದಾಡುತ್ತಿರುತ್ತದೆ. ಗಿಡ ನೆಡುವುದು, ಕ್ಲಿನಿಂಗ್‍ಗೆ ಸಂಬಂಧಪಟ್ಟ ಕೆಲವು ಚಾಲೆಂಜಿಂಗ್‍ ಪೋಸ್ಟ್‌ಗಳು ವೈರಲ್‌ ಆಗಿದ್ದವು.ಆದರೆ ಕೆಲವೊಂದು ಚಾಲೆಂಜ್‍ಗಳು ಜನರ ಜೀವಕ್ಕೆ ಅಪಾಯವನ್ನು ಕೂಡ ತಂದೊಡ್ಡಬಹುದು. ಇದೀಗ ಅಂತಹದೊಂದು ಘಟನೆ ಬ್ರೆಜಿಲ್‍ನಲ್ಲಿ ನಡೆದಿದೆ. "ಕ್ರೋಮಿಂಗ್" ಎಂದು ಕರೆಯಲ್ಪಡುವ ಅಪಾಯಕಾರಿ ಸೋಶಿಯಲ್ ಮೀಡಿಯಾ ಚಾಲೆಂಜ್‍ನಲ್ಲಿ ಭಾಗವಹಿಸಿದ ನಂತರ 11 ವರ್ಷದ ಬಾಲಕಿ ದುರಂತವಾಗಿ ಪ್ರಾಣ ಕಳೆದುಕೊಂಡಿದ್ದಾಳೆ. ಈ ಸುದ್ದಿ ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್(Viral Video) ಆಗಿದೆ.

ಏನಿದು ಚಾಲೆಂಜ್‌....?

ಬ್ರೆಜಿಲ್‍ನ ಪೆರ್ನಾಂಬುಕೊ ರಾಜ್ಯದ ಬೊಮ್ ಜಾರ್ಡಿಮ್ ನಿವಾಸಿ ಬ್ರೆಂಡಾ ಸೋಫಿಯಾ ಮೆಲೊ ಡಿ ಸ್ಯಾಂಟನಾ ಎಂಬ ಬಾಲಕಿ ಟಿಕ್ ಟಾಕ್ ಚಾಲೆಂಜ್‍ವೊಂದರಲ್ಲಿ ಭಾಗವಹಿಸಿ ಜೀವ ಕಳೆದುಕೊಂಡ ದಾರುಣವಾದ ಘಟನೆಯೊಂದು ನಡೆದಿದೆ. ಈ ಚಾಲೆಂಜ್‍ನಲ್ಲಿ ಬಾಲಕಿ ಡಿಯೋಡರೆಂಟ್ ಅನ್ನು ಮೂಗಿನ ಬಳಿ ಇಟ್ಟುಕೊಂಡು ಕೆಲವು ನಿಮಿಷಗಳ ಕಾಲ ಅದರ ವಾಸನೆ ಎಳೆದುಕೊಂಡಿದ್ದಾಳೆ. ಈಗಾಗಲೇ ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದ ಆಕೆಗೆ ಡಿಯೋಡರೆಂಟ್ ವಾಸನೆಯನ್ನು ತೆಗೆದುಕೊಳ್ಳುತ್ತಿದ್ದಂತೆ ಆರೋಗ್ಯದಲ್ಲಿ ಸಮಸ್ಯೆಗಳು ಕಾಣಿಸಿಕೊಂಡಿದೆಯಂತೆ.ಆಕೆಯನ್ನು ತಕ್ಷಣ ಸ್ಥಳೀಯ ಆಸ್ಪತ್ರೆಗೆ ಸಾಗಿಸಲಾಯಿತು. ಆದರೆ ವೈದ್ಯರ ಚಿಕಿತ್ಸೆಗೆ ಸ್ಪಂದಿಸಿದೆ ಆಕೆ ಸಾವನ್ನಪ್ಪಿದ್ದಾಳೆ. ಏರೋಸಾಲ್ ಡಿಯೋಡರೆಂಟ್‍ ಅನ್ನು ಉಸಿರಾಡಿದ್ದಕ್ಕೆ ಆಕೆ ಸಾವನಪ್ಪಿದ್ದಾಳೆ ಎಂದು ಅಧಿಕಾರಿಗಳು ವರದಿ ಮಾಡಿದ್ದಾರೆ.

ಸೋಶಿಯಲ್ ಮೀಡಿಯಾದಲ್ಲಿ ಇಂತಹ ಚಾಲೆಂಜ್‍ನಿಂದ ಯುವ ಜನಾಂಗದವರು ಸಾವನಪ್ಪಿದ್ದು ಇದೇ ಮೊದಲಲ್ಲ. ಈ ಹಿಂದೆ ಟಿಕ್ ಟಾಕ್ ಚಾಲೆಂಜ್‍ನಲ್ಲಿ ಭಾಗವಹಿಸಿದ್ದ 11 ವರ್ಷದ ಬಾಲಕನೊಬ್ಬ ದುರಂತವಾಗಿ ಸಾವಿಗೀಡಾಗಿದ್ದ. ಟಾಮಿ-ಲೀ ಗ್ರೇಸಿ ಬಿಲ್ಲಿಂಗ್ಟನ್ ಎಂಬ ಬಾಲಕ ಲ್ಯಾಂಕಾಸ್ಟರ್‌ನ ಗ್ರೀನ್ಸೆಟ್ ಕ್ಲೋಸ್‍ನಲ್ಲಿರುವ ಸ್ನೇಹಿತನ ಮನೆಯಲ್ಲಿ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಪತ್ತೆಯಾಗಿದ್ದ. ಆತನನ್ನು ಆಸ್ಪತ್ರೆಗೆ ದಾಖಲಿಸಿದರೂ ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದ.

ಹಾಗೇ ಕಳೆದ ವರ್ಷ ಟಿಕ್ ಟಾಕ್‍ನಲ್ಲಿ ವೈರಲ್ ಆಗುತ್ತಿರುವ ಚಾಲೆಂಜ್‍ಗೆ ಅರ್ಜೆಂಟೀನಾದ ಯುವತಿಯೊಬ್ಬಳು ಬಲಿಪಶುವಾಗಿದ್ದಳು. "ಬ್ಲ್ಯಾಕೌಟ್ ಚಾಲೆಂಜ್" ಅಥವಾ "ಉಸಿರುಗಟ್ಟಿಸುವ ಸವಾಲು" ಮುಂತಾದ ಹೆಸರುಗಳಿಂದ ಕರೆಯುವ ಈ ಚಾಲೆಂಜ್‍ನಲ್ಲಿ ವ್ಯಕ್ತಿ ದೀರ್ಘ ಸಮಯದವರೆಗೆ ಉಸಿರು ಬಿಗಿಹಿಡಿದುಕೊಳ್ಳಬೇಕಾಗುತ್ತದೆ. ಇದಕ್ಕೆ ಅನೇಕರು ಬಲಿಪಶುವಾಗಿದ್ದಾರೆ.

ಈ ಸುದ್ದಿಯನ್ನೂ ಓದಿ:TikTok Ban: ಅಮೆರಿಕದಲ್ಲಿಯೂ ಬ್ಯಾನ್‌ ಆಯ್ತು ಟಿಕ್‌ ಟಾಕ್‌ ! ಕಾರಣವೇನು ಗೊತ್ತಾ?‌

ಇತ್ತೀಚೆಗೆ ಭಾರತ ಸರ್ಕಾರವು ರಾಷ್ಟ್ರೀಯ ಭದ್ರತಾ ಸಲುವಾಗಿ ಕೆಲ ಚೀನಾದ ಆಪ್‌ಗಳನ್ನು ನಿಷೇಧಿಸಿತ್ತು. ಅದರಲ್ಲಿ ಟಿಕ್‌ಟಾಕ್‌ ಕೂಡ ಸೇರಿತ್ತು. ಇದೀಗ ಜಗತ್ತಿನ ದೊಡ್ಡಣ್ಣ ಅಮೆರಿಕ ಕೂಡ ಅದೇ ನಿರ್ಧಾರವನ್ನು ಕೈಗೊಂಡಿದೆ. ಈಗ ಅಮೆರಿಕದಲ್ಲಿ ಸಹ ಟಿಕ್‌ಟಾಕ್ ಸ್ಥಗಿತಗೊಂಡಿದೆ. ಅಮೆರಿಕದಲ್ಲಿರುವ ಟಿಕ್‌ಟಾಕ್ ಬಳಕೆದಾರರು ಟಿಕ್‌ಟಾಕ್ ಆ್ಯಪ್ ಅನ್ನು ಓಪನ್ ಮಾಡಿದಾಗ ಟಿಕ್‌ಟಾಕ್ ಪ್ರಸ್ತುತ ಲಭ್ಯವಿಲ್ಲ ಎಂಬ ಸಂದೇಶವನ್ನು ಪಡೆಯುತ್ತಿದ್ದಾರೆ. ಅಮೆರಿಕದಲ್ಲಿ ಟಿಕ್-ಟಾಕ್‌ನ 17 ಕೋಟಿಗೂ ಹೆಚ್ಚು ಬಳಕೆದಾರರಿದ್ದು, ಟಿಕ್‌ಟಾಕ್ ಅನ್ನು ಗೂಗಲ್ ಪ್ಲೇ ಸ್ಟೋರ್ ಮತ್ತು ಆಪ್ ಸ್ಟೋರ್‌ನಿಂದಲೂ ತೆಗೆದುಹಾಕಲಾಗಿದೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಲಾಗುತ್ತಿದೆ.