ಇಂಧನ ಬೆಲೆ ಏರಿಕೆಗೂ ಕೇಂದ್ರ ‘ಶತಮಾನೋತ್ಸವ’ ಆಚರಿಸಲಿ: ಚಿದಂಬರಂ ಕಿಡಿ

ನವದೆಹಲಿ: ಮಾಜಿ ಹಣಕಾಸು ಸಚಿವ ಪಿ ಚಿದಂಬರಂ ಅವರು ಕೇಂದ್ರವು ಇಂಧನ ಬೆಲೆ ಏರಿಕೆಗೆ ‘ಶತಮಾನೋತ್ಸವಗಳನ್ನು’ ಆಚರಿಸಬೇಕು ಎಂದು ಹೇಳಿದ್ದಾರೆ .

ಏರುತ್ತಿರುವ ಇಂಧನ ಬೆಲೆಗಳ ಬಗ್ಗೆ ಕೇಂದ್ರ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ ಅವರು 100 ಕೋಟಿ ಕೋವಿಡ್ ಲಸಿಕೆಗೆ ಶತಮಾನೋತ್ಸವ ಆಚರಣೆಗೆ ಈ ರೀತಿ ಪ್ರತಿಕ್ರಿಯಿಸಿದರು.

100 ಕೋಟಿ ವ್ಯಾಕ್ಸಿನೇಷನ್ ಗೆ ಪ್ರಧಾನಿ ಮೋದಿ, ತಮ್ಮ ಮಂತ್ರಿಗಳೊಂದಿಗೆ ಆಚರಿಸಿದರು. ಹಾಗೆಯೇ ಇಂಧನ ಬೆಲೆ ಏರಿಕೆಯ ಶತಮಾನೋತ್ಸವಗಳನ್ನು ಆಚರಿಸುವಲ್ಲಿ ಅವರು ಉದಾಹರಣೆಯಾಗಿ ಮುನ್ನಡೆಸಬೇಕು. ಪೆಟ್ರೋಲ್ ಲೀಟರ್‌ಗೆ 100 ರೂ ದಾಟಿತ್ತು ಮತ್ತು ಈಗ ಡೀಸೆಲ್ ಲೀಟರ್‌ಗೆ 100 ರೂ ದಾಟಿದೆ. ಗ್ಯಾಸ್ ಸಿಲಿಂಡರ್ ಪ್ರತಿ ಸಿಲಿಂಡರ್‌ಗೆ 1,000 ರೂಪಾಯಿ ದಾಟಿದಾಗ ಸಂಭ್ರಮಿಸಲು ಮತ್ತೊಂದು ಅವಕಾಶ ಸಿಗಲಿದೆ ಎಂದು ಚಿದಂಬರಂ ಟ್ವೀಟ್ ಮಾಡಿದ್ದಾರೆ.

0.35 ರೂ.ಗಳ ಏರಿಕೆಯೊಂದಿಗೆ, ರಾಷ್ಟ್ರೀಯ ರಾಜಧಾನಿಯಲ್ಲಿ ಪೆಟ್ರೋಲ್ ಬೆಲೆ ಪ್ರತಿ ಲೀಟರ್ ಗೆ 107.59 ರೂ.ಗೆ ಏರಿಕೆಯಾಗಿದೆ. ಡೀಸೆಲ್ ಬೆಲೆಯು ದೆಹಲಿಯಲ್ಲಿ 0.35 ರೂ.ಗಳಷ್ಟು ಹೆಚ್ಚಳವನ್ನು ಕಂಡಿದೆ, ಆ ಮೂಲಕ ಪ್ರತಿ ಲೀಟರ್‌ಗೆ 96.32 ರೂ. ಆಗಿದೆ.ಮುಂಬೈ ಕೂಡ ಇಂಧನ ಬೆಲೆಯಲ್ಲಿ ಏರಿಕೆ ಯಾಗಿದೆ. ಪೆಟ್ರೋಲ್ ದರ 0.34 ರೂ.ಗಳ ಹೆಚ್ಚಳಕ್ಕೆ ಸಾಕ್ಷಿಯಾಗಿದೆ ಮತ್ತು ಪ್ರತಿ ಲೀಟರ್‌ಗೆ ರೂ.113.46 ಆಗಿದೆ, ಆದರೆ ಡೀಸೆಲ್ ದರ ರೂ.0.38 ರಷ್ಟು ಇಳಿಕೆಯಾಗಿ ರೂ.104.38 ಆಗಿದೆ.

ಕೋಲ್ಕತ್ತಾದಲ್ಲಿ ಪೆಟ್ರೋಲ್ ಬೆಲೆ ಪ್ರತಿ ಲೀಟರ್‌ಗೆ 108.11 ರೂ., ಡೀಸೆಲ್ ಪ್ರತಿ ಲೀಟರ್‌ಗೆ 99.43 ರೂ. ಚೆನ್ನೈನಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ಮತ್ತು ಡೀಸೆಲ್ ಕ್ರಮವಾಗಿ 104.52 ಮತ್ತು 100.59 ರೂ. ಆಗಿದೆ.