ನವದೆಹಲಿ: ನವದೆಹಲಿಯ ಪ್ರಧಾನ ಮಂತ್ರಿಗಳ ವಸ್ತುಸಂಗ್ರಹಾಲಯ ಮತ್ತು ಗ್ರಂಥಾಲಯ ಸೊಸೈಟಿ ಅಥವಾ ‘ಪ್ರಧಾನಮಂತ್ರಿ ಸಂಗ್ರಹಾಲಯ’ ದಲ್ಲಿರುವ ‘ನರೇಂದ್ರ ಮೋದಿ ಗ್ಯಾಲರಿ’ ಜ.16-17 ರಂದು ಸಂದರ್ಶಕರಿಗೆ ತೆರೆಯುವ ಸಾಧ್ಯತೆಯಿದೆ.
ಪ್ರಧಾನಿಗೆ ಸಮರ್ಪಿತವಾಗಿರುವ ಈ ಗ್ಯಾಲರಿಯು ಕಳೆದ 10 ವರ್ಷಗಳ ಮೋದಿ ಆಡಳಿತದಲ್ಲಿ ದೇಶದ ಪ್ರಗತಿಯ ಪ್ರಮುಖ ಅಂಶಗಳನ್ನು ಒಳಗೊಂಡಿದೆ.
“ಮೋದಿ ಗ್ಯಾಲರಿಯ ಕೆಲಸವು ಬಹುತೇಕ ಪೂರ್ಣಗೊಂಡಿದೆ ಮತ್ತು ಜ.16-17 ರಿಂದ ಪ್ರವಾಸಿಗರು ಬರಲು ಪ್ರಾರಂಭಿಸಬಹುದು ಎಂದು ನಾವು ಭಾವಿಸು ತ್ತೇವೆ” ಎಂದು ಮ್ಯೂಸಿಯಂ ಅಧ್ಯಕ್ಷ ನೃಪೇಂದ್ರ ಮಿಶ್ರಾ ಹೇಳಿದರು. “ಮೋದಿ ಗ್ಯಾಲರಿಯಲ್ಲಿ, ಪ್ರಧಾನಿಯವರ (ಮೋದಿ) ನಿರ್ಧಾರಗಳು ದೇಶದ ಪ್ರಗತಿ ಯ ದಿಕ್ಕನ್ನು ಹೇಗೆ ಬದಲಾಯಿಸಿದವು ಎಂಬುದನ್ನು ಪ್ರದರ್ಶಿಸಲು ನಿರ್ಧರಿಸಲಾಯಿತು. ಇದನ್ನು ಗಮನದಲ್ಲಿಟ್ಟುಕೊಂಡು ವಿದೇಶಾಂಗ ನೀತಿಗಳ ಮೇಲೆ ಸಣ್ಣ ಆವರಣ ವನ್ನು ರಚಿಸಲಾಗಿದೆ” ಎಂದು ಹೇಳಿದರು.
ಮೋದಿ ಗ್ಯಾಲರಿಯು ರಾಮ ಮಂದಿರ, ಉಜ್ವಲ ಯೋಜನೆ, 370 ನೇ ವಿಧಿಯ ರದ್ದತಿ ಮತ್ತು ಯೂನಿಫೈಡ್ ಪೇಮೆಂಟ್ಸ್ ಇಂಟರ್ಫೇಸ್ (UPI) ಯ ಯಶಸ್ಸು ಸೇರಿದಂತೆ ಮೋದಿ ಸರ್ಕಾರದ ಪ್ರಮುಖ ಸಾಧನೆಗಳನ್ನು ಹೋಸ್ಟ್ ಮಾಡುವ ಸಾಧ್ಯತೆಯಿದೆ.
