ಐಸಿಸಿ ಟೆಸ್ಟ್ ಬ್ಯಾಟಿಂಗ್ ಶ್ರೇಯಾಂಕ: ಜಿಗಿದ ಜೈಸ್ವಾಲ್

ಈ ಮೂಲಕ ಅವರ ಆರಂಭಿಕ ಜೊತೆಗಾರ ರೋಹಿತ್ ಶರ್ಮಾ ರನ್ನು ಹಿಂದಿಕ್ಕಿದರು. ಪುರುಷರ ಟೆಸ್ಟ್ ಬ್ಯಾಟರ್‌ಗಳ ಶ್ರೇಯಾಂಕದಲ್ಲಿ ರೋಹಿತ್ ಶರ್ಮಾ 13ನೇ ಸ್ಥಾನಕ್ಕೆ ಇಳಿದಿದ್ದಾರೆ.

ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಸ್ಥಿರ ಪ್ರದರ್ಶನ ತೋರಿದ್ದಕ್ಕಾಗಿ ಯಶಸ್ವಿ ಅವರಿಗೆ ಬಹುಮಾನ ಸಿಕ್ಕಿದೆ. ಎಡಗೈ ಆರಂಭಿಕ ಬ್ಯಾಟರ್ 5 ಪಂದ್ಯಗಳ ಸರಣಿಯ ಮೊದಲ ನಾಲ್ಕು ಟೆಸ್ಟ್‌ಗಳ ನಂತರ, 655 ರನ್ ಗಳಿಸಿ ಬ್ಯಾಟಿಂಗ್ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ.

ಎರಡು ದ್ವಿಶತಕಗಳೊಂದಿಗೆ ಯಶಸ್ವಿ ಟೆಸ್ಟ್ ಕ್ರಿಕೆಟ್‌ನಲ್ಲಿ ಇಂಗ್ಲೆಂಡ್ ವಿರುದ್ಧದ ದ್ವಿಪಕ್ಷೀಯ ಸರಣಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ವಿರಾಟ್ ಕೊಹ್ಲಿ ದಾಖಲೆಯನ್ನು ಸರಿಗಟ್ಟಿದರು.

ವಿರಾಟ್ ಕೊಹ್ಲಿ ಇನ್ನೂ ಹೆಚ್ಚಿನ ಶ್ರೇಯಾಂಕದ ಭಾರತೀಯ ಟೆಸ್ಟ್ ಬ್ಯಾಟರ್ ಆಗಿದ್ದಾರೆ. ಆದರೆ, ಎರಡು ಸ್ಥಾನಗಳನ್ನು ಕಳೆದುಕೊಂಡು 9ನೇ ಸ್ಥಾನಕ್ಕೆ ಇಳಿದಿದ್ದಾರೆ.

ಯಶಸ್ವಿ ಜೈಸ್ವಾಲ್ ಎರಡು ದ್ವಿಶತಕಗಳನ್ನು ಬಾರಿಸಿದರು, ಅಲ್ಲದೆ ಕೊಹ್ಲಿ ಮತ್ತು ವಿನೋದ್ ಕಾಂಬ್ಳಿ ನಂತರ ಸತತ ಟೆಸ್ಟ್ ಪಂದ್ಯಗಳಲ್ಲಿ ದ್ವಿಶತಕ ಬಾರಿಸಿದ ಮೂರನೇ ಭಾರತೀಯ ಆಟಗಾರರಾದರು.

ಶುಭ್ಮನ್ ಗಿಲ್ ಬ್ಯಾಟಿಂಗ್ ಶ್ರೇಯಾಂಕದಲ್ಲಿ 4 ಸ್ಥಾನಗಳನ್ನು ಮೇಲೇರಿ 31ನೇ ಸ್ಥಾನಕ್ಕೆ ಜಿಗಿದ ಕಾರಣ, ಸರಣಿಯಲ್ಲಿ ಉತ್ತಮ ಪ್ರದರ್ಶನಕ್ಕೆ ಬಹುಮಾನ ಪಡೆದರು. ಧ್ರುವ್ ಜುರೆಲ್ ಅವರು 69ನೇ ಶ್ರೇಯಾಂಕದಲ್ಲಿ ವೃತ್ತಿಜೀವನದ ಅತ್ಯುತ್ತಮ ಸ್ಥಾನವನ್ನು ಗಳಿಸಿದರು.

ಐಸಿಸಿ ಟೆಸ್ಟ್ ಬ್ಯಾಟಿಂಗ್ ಶ್ರೇಯಾಂಕ

1. ಕೇನ್ ವಿಲಿಯಮ್ಸನ್ – 893 ರೇಟಿಂಗ್ ಪಾಯಿಂಟ್ಸ್

2. ಸ್ಟೀವ್ ಸ್ಮಿತ್ – 818 ರೇಟಿಂಗ್ ಪಾಯಿಂಟ್ಸ್

3. ಜೋ ರೂಟ್ – 799 ರೇಟಿಂಗ್ ಪಾಯಿಂಟ್ಸ್

4. ಡೇರಿಲ್ ಮಿಚೆಲ್ – 780 ರೇಟಿಂಗ್ ಪಾಯಿಂಟ್ಸ್

5. ಬಾಬರ್ ಆಜಮ್ – 768 ರೇಟಿಂಗ್ ಪಾಯಿಂಟ್ಸ್

6. ಉಸ್ಮಾನ್ ಖವಾಜಾ – 765 ರೇಟಿಂಗ್ ಪಾಯಿಂಟ್ಸ್

7. ದಿಮುತ್ ಕರುಣಾರತ್ನ – 750 ರೇಟಿಂಗ್ ಪಾಯಿಂಟ್ಸ್

8. ಮಾರ್ನಸ್ ಲ್ಯಾಬುಸ್ಚಾಗ್ನೆ – 746 ರೇಟಿಂಗ್ ಪಾಯಿಂಟ್ಸ್

9. ವಿರಾಟ್ ಕೊಹ್ಲಿ – 744 ರೇಟಿಂಗ್ ಪಾಯಿಂಟ್ಸ್

10. ಹ್ಯಾರಿ ಬ್ರೂಕ್ – 743 ರೇಟಿಂಗ್ ಪಾಯಿಂಟ್ಸ್

ಪ್ರಮುಖ ಸ್ಥಾನಗಳಲ್ಲಿ ಇತರ ಭಾರತೀಯ ಆಟಗಾರರು

12. ಯಶಸ್ವಿ ಜೈಸ್ವಾಲ್ – 727 ರೇಟಿಂಗ್ ಪಾಯಿಂಟ್ಸ್

13. ರೋಹಿತ್ ಶರ್ಮಾ – 720 ರೇಟಿಂಗ್ ಪಾಯಿಂಟ್ಸ್

14. ರಿಷಭ್ ಪಂತ್ – 699 ರೇಟಿಂಗ್ ಪಾಯಿಂಟ್ಸ್

ಭಾರತದ ವೇಗದ ಬೌಲರ್ ಜಸ್ಪ್ರೀತ್ ಬುಮ್ರಾ ಅವರು ನಾಲ್ಕನೇ ಟೆಸ್ಟ್‌ ಪಂದ್ಯಕ್ಕೆ ವಿಶ್ರಾಂತಿ ಪಡೆದಿದ್ದರೂ ಟೆಸ್ಟ್ ಬೌಲರ್ ಶ್ರೇಯಾಂಕದಲ್ಲಿ ಅಗ್ರಸ್ಥಾನ ದಲ್ಲಿದ್ದಾರೆ.

ಕುಲದೀಪ್ ಯಾದವ್ 10 ಸ್ಥಾನಗಳನ್ನು ಜಿಗಿದು 32ನೇ ಸ್ಥಾನಕ್ಕೆ ಏರಿದ್ದಾರೆ .