ಬೆಂಗಳೂರು: ಗೋವನ್ನು ರಾಷ್ಟ್ರದ ಮಾತೆ ಎಂದು ಘೋಷಿಸಲು ಜ್ಯೋತಿಶ್ ಪೀಠಾಧೀಶ್ವರ ಶಂಕರಾಚಾರ್ಯ ಅವಿಮುಕ್ತೇಶ್ವರಾನಂದ ಜಿ ಅವರು ಗೌಧ್ವಜ ಸ್ಥಾಪನಾ ಭಾರತ ಯಾತ್ರೆ ಕೈಗೊಂಡಿದ್ದು, ಅಕ್ಟೋಬರ್ 14 ರಂದು ಬೆಂಗಳೂರಿನಲ್ಲಿ ಅವರು ಗೌಧ್ವಜವನ್ನು ನೆರವೇರಿಸಲಿದ್ದಾರೆ.
ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದ ಗೌ ಧ್ವಜ ಸ್ಥಾಪನೆ ಭಾರತ ಯಾತ್ರೆಯ ಸಹ-ಸಂಚಾಲಕರಾದ ಗೋಭಕ್ತ ವಿಕಾಸ್ ಪತ್ನಿ, ಅಖಿಲೇಶ್ ಬ್ರಹ್ಮಚಾರಿ, ರಾಜ್ಯ ಸಂಚಾಲಕ ಪ್ರವೀಣ್ ಜೈನ್, ಇದೊಂದು ಅತ್ಯಂತ ಮಹತ್ವದ ಆಂದೋಲನ ವಾಗಿದೆ. ಗೋವು ಪ್ರಾಣಿಯಲ್ಲ, ತಾಯಿ – ಇದು ಸನಾತನ ಹಿಂದೂಗಳ ಪವಿತ್ರ ನಂಬಿಕೆಯಾಗಿದೆ. ಈ ಆಳವಾದ ಶ್ರದ್ಧೆಯೊಂದಿಗೆ, ಗೋಸಂರಕ್ಷಣೆಯನ್ನು ರಾಜ್ಯ ಪಟ್ಟಿಯಿಂದ ಸಂವಿಧಾನದ ಕೇಂದ್ರ ಪಟ್ಟಿಗೆ ವರ್ಗಾಯಿಸುವ ಮೂಲಕ ಗೋವನ್ನು ‘ರಾಷ್ಟ್ರ ಮಾತೆಯ’ ಸ್ಥಾನಕ್ಕೆ ಏರಿಸಲು ಮತ್ತು ಗೋಹತ್ಯೆ ಮುಕ್ತ ಭಾರತವನ್ನು ನಿರ್ಮಿಸಲು ರಾಷ್ಟ್ರವ್ಯಾಪಿ ಗೋ ಪ್ರತಿಷ್ಠಾ ಆಂದೋಲನವನ್ನು ನಡೆಸಲಾಗುತ್ತಿದೆ ಎಂದರು.
ಸ್ವಾತಂತ್ರ್ಯದ ನಂತರ, ಗೋವುಗಳನ್ನು ರಕ್ಷಿಸಲು ಮತ್ತು ಗೌರವಿಸಲು ನಿರಂತರ ಪ್ರಯತ್ನಗಳು ನಡೆದಿವೆ. ಈ ಆಂದೋಲನಕ್ಕೆ ನಾಲ್ಕು ಪೀಠಗಳ ಜಗದ್ಗುರು ಶಂಕರಾಚಾರ್ಯರು ಆಶೀರ್ವದಿಸಿದ್ದು, ರಾಷ್ಟ್ರ ಮಾತೆಯ ಸ್ಥಾನ ಮಾನ ಮತ್ತು ಗೋಹತ್ಯೆ ವಿರುದ್ಧ ಕಾನೂನು ಜಾರಿಗೆ ಒತ್ತಾಯಿಸಿ ಗೋಸಂಸದ್ ಸಹ ಆಯೋಜಿಸಿದ್ದರು. ಈ ಸಂದರ್ಭದಲ್ಲಿ 42 ಅಂಶಗಳ ಧರ್ಮದೇಶದೊಂದಿಗೆ ರಾಮ ಗೌ ಪ್ರತಿಷ್ಠಾ ಸಂಹಿತಾ ವಿಧೇಯಕವನ್ನು ಅಂಗೀಕರಿಸ ಲಾಗಿದೆ ಎಂದು ಹೇಳಿದರು.
ಈ ಆಂದೋಲನದ ವೇಗವನ್ನು ಬೆಳಗಿಸಲು, ಜ್ಯೋತಿರ್ಮಠದ ಜಗದ್ಗುರು ಶಂಕರಾಚಾರ್ಯ ಅವಿಮುಕ್ತೇಶ್ವರಾನಂದ ಜಿ ಮಹಾರಾಜ್ ಅವರು ಹಸುವಿನ ತುಪ್ಪದ ಪವಿತ್ರ ಜ್ವಾಲೆಯನ್ನು ಬೆಳಗಿಸಿ ಈ ವರ್ಷವನ್ನು ಗೋವಿನ ವರ್ಷ ಎಂದು ಘೋಷಿಸಿದರು.
ಮಾರ್ಚ್ 14 ರಿಂದ ಮಾರ್ಚ್ 28 ರ ವರೆಗೆ ಗೋವರ್ಧನದಿಂದ ದೆಹಲಿಯವರೆಗೆ ಬರಿಗಾಲಿನಲ್ಲಿ ಯಾತ್ರೆ ಕೈಗೊಂಡಿ ದ್ದರು. ಈ ಆಂದೋಲನದ ಭಾಗವಾಗಿ, ಸೆ.22 ರಿಂದ ಅಕ್ಟೋಬರ್ 26, 2024 ರವರೆಗೆ ಗೌಧ್ವಜ ಸ್ಥಾಪನಾ ಭಾರತ ಯಾತ್ರೆ ನಡೆಯಲಿದೆ. ಯಾತ್ರೆಯು 36 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ರಾಜಧಾನಿಗಳಿಗೆ ಭೇಟಿ ನೀಡಲಿದ್ದು, ಅಲ್ಲಿ ಪವಿತ್ರವಾದ ಗೌಧ್ವಜವನ್ನು ಸ್ಥಾಪಿಸಲಾಗುತ್ತಿದೆ ಎಂದರು.
ಪ್ರತಿ ರಾಜ್ಯದ ರಾಜಧಾನಿಯಲ್ಲಿ, ಗೋಭಕ್ತ ಮತ್ತು ಗೋರಕ್ಷಕ ರಾಮ್ ಲಲ್ಲಾ ವಾಸಿಸುವ ಅಯೋಧ್ಯೆಯಲ್ಲಿ ಆರಂಭ ಗೊಂಡು, ಒಂದು ಭವ್ಯವಾದ ಗೌ ಪ್ರತಿಷ್ಠಾ ಸಮ್ಮೇಳನವನ್ನು ನಡೆಸಲಾಗುತ್ತದೆ. ಯಾತ್ರೆಯು ಭಾರತದ ಪೂರ್ವ, ಪಶ್ಚಿಮ, ದಕ್ಷಿಣ ಮತ್ತು ಉತ್ತರದಾದ್ಯಂತ ಸಂಚರಿಸಲಿದ್ದು, ಅಕ್ಟೋಬರ್ 26 ರಂದು ರಾಷ್ಟ್ರ ರಾಜಧಾನಿಯಲ್ಲಿ ಸಂಪನ್ನಗೊಳ್ಳಲಿದೆ. ಯಾತ್ರೆಯ ಸಮಯದಲ್ಲಿ ಜಗದ್ಗುರು ಶಂಕರಾಚಾರ್ಯ ಜಿ ಅವರು ದೇಶಾದ್ಯಂತದ ಪ್ರತಿಷ್ಠಿತ ಗೋಭಕ್ತರನ್ನು ಗೌರವಿಸಲಿದ್ದಾರೆ ಎಂದರು.
ಅವಿಮುಕ್ತೇಶ್ವರಾನಂದ ಜೀ ಅವರು ಅಕ್ಟೋಬರ್ 14 ರಂದು ಬೆಂಗಳೂರಿಗೆ ಆಗಮಿಸಲಿದ್ದು, ಮಧ್ಯಾಹ್ನ 12 ರಿಂದ 3 ಗಂಟೆಯವರೆಗೆ ಅವರು ಗೌಧ್ವಜ ಸ್ಥಾಪನೆಯ ಅಧ್ಯಕ್ಷತೆ ವಹಿಸಿ ಗೌ ಮಹಾಸಭಾದಲ್ಲಿ ಭಾಷಣ ಮಾಡಲಿದ್ದಾರೆ. ಬಳಿಕ ಗೋವಾ ಕಡೆಗೆ ಪ್ರಯಾಣ ಮುಂದುವರಿಸಲಿದ್ದಾರೆ.
ನಮ್ಮ ಧ್ಯೇಯವಾಕ್ಯವು “ಗೌ ಮಾತಾ, ರಾಷ್ಟ್ರ ಮಾತಾ – ರಾಷ್ಟ್ರ ಮಾತಾ, ಭಾರತ ಮಾತಾ.” ಎಂಬುದಾಗಿದೆ. ಈ ಯಾತ್ರೆಯ ನಂತರ, ನವೆಂಬರ್ 7, 8 ಮತ್ತು 9 ರಂದು ದೆಹಲಿಯಲ್ಲಿ ಗೋಪಾಷ್ಟಮಿಯ ಸಂದರ್ಭದಲ್ಲಿ ರಾಷ್ಟ್ರ ವ್ಯಾಪಿ ಗೌ ಪ್ರತಿಷ್ಠಾ ಮಹಾಸಮ್ಮೇಳನ ನಡೆಯಲಿದೆ, ಇದು ಗೋಹತ್ಯೆಯ ಶಾಪವನ್ನು ಕೊನೆಗೊಳಿಸಲು ಮತ್ತು ಗೋವನ್ನು ಗೌರವಿಸುವಂತೆ ಭಾರತ ಸರ್ಕಾರಕ್ಕೆ ನಿರ್ಣಾಯಕವಾಗಿ ಮನವಿ ಮಾಡುವ ಉದ್ದೇಶ ಹೊಂದಲಾಗಿದೆ ಎಂದು ಹೇಳಿದರು.
ಇದನ್ನೂ ಓದಿ: Bangalore Job Fair: ಬೆಂಗಳೂರಿನಲ್ಲಿ ನಾಳೆ ಬೃಹತ್ ಉದ್ಯೋಗ ಮೇಳ
