ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಜನರು ಕೂದಲುದುರುವ(Hairfall Tips) ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಇದು ಯಾವುದೇ ವಯಸ್ಸಿನಲ್ಲಿ ಯಾರಿಗಾದರೂ ಸಂಭವಿಸಬಹುದು. ಆರೋಗ್ಯಕರ ಆಹಾರ ಮತ್ತು ಆರೋಗ್ಯಕರ ಜೀವನಶೈಲಿಯ ಕೊರತೆಯಿಂದಾಗಿ, ಈ ಸಮಸ್ಯೆ ಎಲ್ಲರಲ್ಲೂ ಕಾಡುತ್ತಿದೆ. ಇದಲ್ಲದೇ ಅನೇಕ ಜನರು ಬಳಸುವ ಕೂದಲಿನ ಆರೈಕೆ ಉತ್ಪನ್ನಗಳಲ್ಲಿ ಇರುವ ರಾಸಾಯನಿಕಗಳು ಕೂದಲನ್ನು ಹಾನಿಗೊಳಿಸುತ್ತದೆ ಮತ್ತು ಕೂದಲನ್ನು ದುರ್ಬಲವಾಗಿಸುತ್ತದೆ. ಇದರಿಂದ ಕೂಡ ಕೂದಲು ಉದುರುವ ಸಮಸ್ಯೆ ಎದುರಾಗುತ್ತದೆ. ಹಾಗಾಗಿ ಈ ಸಮಸ್ಯೆಯನ್ನು ತೊಡೆದುಹಾಕಲು ಪಾರಿಜಾತ ಹೂವುಗಳನ್ನು ಬಳಸಬಹುದು. ಕೂದಲಿನ ಆರೋಗ್ಯವನ್ನು ಸುಧಾರಿಸಲು ಪಾರಿಜಾತ ಹೂವುಗಳನ್ನು ಹೇಗೆ ಬಳಸಬಹುದು ಎಂದು ತಿಳಿಯೋಣ.
ಪಾರಿಜಾತ ಹೂವುಗಳು ಕೂದಲಿಗೆ ನೈಸರ್ಗಿಕ ಟಾನಿಕ್:
ಪಾರಿಜಾತದ ಬಿಳಿ ಹೂವುಗಳು ರಾತ್ರಿಯಲ್ಲಿ ಮಾತ್ರ ಅರಳುತ್ತವೆ. ಆ್ಯಂಟಿ ಬ್ಯಾಕ್ಟೀರಿಯಲ್, ಆ್ಯಂಟಿ ಆಕ್ಸಿಡೆಂಟ್ ಮತ್ತು ಉರಿಯೂತದ ಅಂಶಗಳು ಈ ಹೂವುಗಳಲ್ಲಿ ಮತ್ತು ಪಾರಿಜಾತ ಮರದ ಎಲೆಗಳಲ್ಲಿ ಕಂಡುಬರುತ್ತವೆ. ಈ ಹೂವು ಅದರ ಔಷಧೀಯ ಗುಣಗಳಿಂದಾಗಿ ಅನೇಕ ರೋಗಗಳಿಗೆ ಚಿಕಿತ್ಸೆ ನೀಡಲು ಇದನ್ನು ಬಳಸುತ್ತಾರೆ. ಜೊತೆಗೆ ಇದು ಕೂದಲಿನ ಸಮಸ್ಯೆಗಳನ್ನು ನಿವಾರಿಸುವಲ್ಲಿಯೂ ಪರಿಣಾಮಕಾರಿಯಾಗಿದೆ. ಪಾರಿಜಾತ ಹೂವುಗಳು ದುರ್ಬಲ ಕೂದಲು ಒಡೆಯುವಿಕೆ, ಕೂದಲಿನಲ್ಲಿ ತಲೆಹೊಟ್ಟು ಮತ್ತು ಕೂದಲು ಉದುರುವಿಕೆಯಂತಹ ಸಮಸ್ಯೆಗಳನ್ನು ಕಡಿಮೆ ಮಾಡುತ್ತದೆ.
ಪಾರಿಜಾತ ಹೂವುಗಳಿಂದ ಶಾಂಪೂ ತಯಾರಿಸಿ:
100-150 ಮಿಲಿ ತೆಂಗಿನ ಎಣ್ಣೆಯನ್ನು ಕುದಿಸಿ. ನಂತರ ಎಣ್ಣೆಯನ್ನು ತಣ್ಣಗಾಗಿಸಿ. ಎಣ್ಣೆ ಸ್ವಲ್ಪ ತಣ್ಣಗಾದ ನಂತರ, 2 ಚಮಚ ನಿಂಬೆ ರಸವನ್ನು ಹಿಂಡಿ ಮಿಶ್ರಣ ಮಾಡಿ. ನಂತರ, ಈ ಮಿಶ್ರಣವನ್ನು ಮತ್ತೆ ಬಿಸಿ ಮಾಡಲು ಇರಿಸಿ. ಈಗ ಎಣ್ಣೆ ಕುದಿಯುವಾಗ ಗ್ಯಾಸ್‌ ಆಫ್ ಮಾಡಿ ಮತ್ತು ಅದಕ್ಕೆ ಪಾರಿಜಾತ ಹೂವಿನ ಪೇಸ್ಟ್ ಅಥವಾ ಹೂವಿನ ರಸವನ್ನು ಸೇರಿಸಿ. ನಂತರ, ಈ ಮಿಶ್ರಣಕ್ಕೆ 2 ಚಮಚ ಬಾದಾಮಿ ಎಣ್ಣೆಯನ್ನು ಸೇರಿಸಿ ಮುಚ್ಚಳ ಮುಚ್ಚಿ ಸ್ವಲ್ಪ ಸಮಯದವರೆಗೆ ಪಕ್ಕಕ್ಕೆ ಇರಿಸಿ. ಎಣ್ಣೆ ತಣ್ಣಗಾದ ನಂತರ, ಅದನ್ನು ಸೋಸಿ.
ಈ ಎಣ್ಣೆಯನ್ನು ಬಳಸುವ ವಿಧಾನ:
*ತಲೆ ಮತ್ತು ಕೂದಲಿಗೆ ಮಸಾಜ್ ಮಾಡಲು ನೀವು ಈ ಎಣ್ಣೆಯನ್ನು ಬಳಸಬಹುದು. ನೀವು ಕೂದಲಿಗೆ ಶಾಂಪೂ ಮಾಡಲು ಬಯಸಿದಾಗ, ಮೊದಲು ಈ ಎಣ್ಣೆಯಿಂದ ತಲೆಗೆ ಮಸಾಜ್ ಮಾಡಿ ಮತ್ತು ನಂತರ 2 ಗಂಟೆಗಳ ನಂತರ ಶಾಂಪೂ ಮಾಡಿ.
*ಹಾಗೆಯೇ ನೀವು ಬಳಸುವ ಶಾಂಪೂವಿನಲ್ಲಿ, ಪಾರಿಜಾತ ಮತ್ತು ತೆಂಗಿನ ಎಣ್ಣೆಯ ಮಿಶ್ರಣವನ್ನು 50-50 ಪ್ರತಿಶತದಷ್ಟು ಪ್ರಮಾಣದಲ್ಲಿ ಮಿಶ್ರಣ ಮಾಡಿ ಬಳಸಬಹುದು.
ಇದನ್ನೂ ಓದಿ:ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಲವಂಗ ಜಗಿದರೆ ಎಷ್ಟೆಲ್ಲ ಪ್ರಯೋಜನವಿದೆ ನೋಡಿ!
ಈ ರೀತಿಯಲ್ಲಿ ಪಾರಿಜಾತ ಹೂಗಳನ್ನು ಬಳಸಿ ನಿಮ್ಮ ಕೂದಲಿನ ಸಮಸ್ಯೆಯನ್ನು ನಿವಾರಿಸಿಕೊಳ್ಳಿ ಮತ್ತು ಸೊಂಪಾದ ಆರೋಗ್ಯಕರವಾದ ಕೂದಲನ್ನು ಪಡೆಯಿರಿ.
