ಜೀವನವು ಸಾಗುತ್ತಿದ್ದಂತೆ ಸಂಬಂಧಗಳು (Realtionship Tips) ಹದಗೆಡಲು ಶುರುವಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಅನೇಕ ಸಂಬಂಧಗಳು ಮುರಿದುಬೀಳುತ್ತವೆ. ಈ ಸಂದರ್ಭದಲ್ಲಿ ಕೆಲವರು ತಮ್ಮ ಮಾಜಿಯೊಂದಿಗಿನ ಎಲ್ಲಾ ಸಂಪರ್ಕವನ್ನು ಮುರಿದುಕೊಂಡು ಬಿಡುತ್ತಾರೆ. ಆದರೆ ಇನ್ನೂ ಕೆಲವರು ತಮ್ಮ ಮಾಜಿಯೊಂದಿಗೆ ಸಂಪರ್ಕವನ್ನು ಉಳಿಸಿಕೊಂಡಿರುತ್ತಾರೆ. ಆದರೆ ಇದು ಸರಿಯಾದ ನಿರ್ಧಾರವೇ? ಮತ್ತು ಮಾಜಿಯೊಂದಿಗೆ ಸಂಪರ್ಕದಲ್ಲಿರುವುದರಿಂದ ಕೆಟ್ಟ ಪರಿಣಾಮಗಳು ಬೀರುತ್ತದೆಯೇ ಎಂಬುದನ್ನು ತಿಳಿಯಿರಿ.
ಮಾಜಿಯೊಂದಿಗೆ ಸಂಪರ್ಕದಲ್ಲಿರುವುದರ ಪ್ರಯೋಜನಗಳು :
*ನೀವು ನಿಮ್ಮ ಮಾಜಿಯೊಂದಿಗೆ ಸಂಪರ್ಕದಲ್ಲಿದ್ದರೆ, ನಿಮ್ಮ ಕೆಲವು ಸಮಸ್ಯೆಗಳಿಗೆ ಪರಿಹಾರವನ್ನು ಪಡೆಯಲು ಅವರ ಸಹಾಯ ಪಡೆಯಬಹುದು. ನೀವು ಯಾವುದೇ ಬಗೆಹರಿಯದ ಸಮಸ್ಯೆಗಳನ್ನು ಅವರೊಂದಿಗೆ ಚರ್ಚಿಸಿ ಪರಿಹಾರವನ್ನು ಕಂಡುಕೊಳ್ಳಬಹುದು.
* ನೀವು ಅಥವಾ ನಿಮ್ಮ ಮಾಜಿ ಸಂಗಾತಿ ಕಷ್ಟದ ಸಮಯವನ್ನು ಎದುರಿಸುತ್ತಿದ್ದರೆ, ನೀವು ಪರಸ್ಪರರಿಗೆ ಬೆಂಬಲವನ್ನು ನೀಡಬಹುದು. ನೀವು ಪರಸ್ಪರ ಬಗ್ಗೆ ಚೆನ್ನಾಗಿ ತಿಳಿದಿರುವುದರಿಂದ, ಇದು ಅವರನ್ನು ಬೆಂಬಲಿಸಲು ಸಹಾಯ ಮಾಡುತ್ತದೆ.
ಮಾಜಿಯೊಂದಿಗೆ ಸಂಪರ್ಕದಲ್ಲಿರುವುದರಿಂದಾಗುವ ಅನಾನುಕೂಲಗಳು:
* ನೀವು ಇನ್ನೂ ನಿಮ್ಮ ಮಾಜಿಯೊಂದಿಗೆ ಸಂಪರ್ಕದಲ್ಲಿದ್ದರೆ ನಿಮ್ಮ ಮನಸ್ಸಿಗೆ ಬಹಳ ಬೇಸರವಾಗಬಹುದು. ಅವರು ನಿಮ್ಮನ್ನು ಬಿಟ್ಟು ಬೇರೆಯವರೊಂದಿಗೆ ಕ್ಲೋಸ್ ಆಗಿ ಇರುವುದನ್ನು ನೋಡಿದರೆ ನಿಮಗೆ ನೋವಾಗುತ್ತದೆ.
*ನಿಮ್ಮ ಮಾಜಿ ಸಂಗಾತಿಯೊಂದಿಗೆ ಸಂಪರ್ಕದಲ್ಲಿರುವುದು ನಿಮಗೆ ಮುಂದೆ ಸಾಗಲು ಕಷ್ಟವಾಗಬಹುದು. ನೀವು ಇನ್ನೂ ಅವರೊಂದಿಗೆ ಭಾವನಾತ್ಮಕವಾಗಿ ಅಂಟಿಕೊಂಡಿದ್ದರೆ, ನಿಮಗೆ ಹೊಸ ಸಂಬಂಧವನ್ನು ಹೊಂದಲು ಕಷ್ಟವಾಗಬಹುದು. ಅಲ್ಲದೆ, ನಿಮ್ಮ ಭಾವಿ ಸಂಗಾತಿಯೂ ಇದರಿಂದ ಅಸುರಕ್ಷಿತ ಭಾವನೆ ಹೊಂದುವ ಸಾಧ್ಯತೆಯಿದೆ.
ಇದನ್ನೂ ಓದಿ:ಇವು ಭಾರತದ ಅತ್ಯಂತ ಜನದಟ್ಟಣೆಯ ನಗರಗಳಂತೆ!
ಹಾಗಾಗಿ ನಿಮ್ಮ ಮಾಜಿ ಸಂಗಾತಿಯೊಂದಿಗೆ ಸಂಪರ್ಕದಲ್ಲಿರಬೇಕೆ ಅಥವಾ ಬೇಡವೇ ಎಂಬುದು ನಿಮ್ಮ ವೈಯಕ್ತಿಕ ನಿರ್ಧಾರವಾಗಿದೆ. ನೀವು ಸಂಪರ್ಕದಲ್ಲಿರಲು ನಿರ್ಧರಿಸಿದರೆ, ತುಂಬಾ ಜಾಗರೂಕರಾಗಿರಬೇಕು. ಮಾಜಿಯೊಂದಿಗಿನ ನಿಮ್ಮ ಸಂಬಂಧದಲ್ಲಿ ಗಡಿಗಳನ್ನು ನಿಗದಿಪಡಿಸುವುದು ಸಹ ಮುಖ್ಯವಾಗಿದೆ. ಅವರೊಂದಿಗೆ ಸಂಪರ್ಕದಲ್ಲಿರಲು ನಿಮಗೆ ಸಮಸ್ಯೆಯಾದರೆ, ಸಂಪರ್ಕವನ್ನು ಮುರಿಯಿರಿ. ಯಾಕೆಂದರೆ ಎಲ್ಲದಕ್ಕಿಂತ ನಿಮ್ಮ ಮಾನಸಿಕ ಆರೋಗ್ಯಕ್ಕೆ ಆದ್ಯತೆ ನೀಡುವುದು ಅತ್ಯಂತ ಮುಖ್ಯವಾದ ವಿಷಯವಾಗಿದೆ.
