ಕರಾಚಿ: ಪಾಕಿಸ್ತಾನದ ಎಡಗೈ ಸ್ಪಿನ್ನರ್ ರಾಜಾ ಹಸನ್ (Raza Hassan) ಭಾರತೀಯ ಮೂಲದ ಹಿಂದು ಯುವತಿಯನ್ನು ವರಿಸುತ್ತಿದ್ದು, ನಿಶ್ಚಿತಾರ್ಥದ ಫೋಟೋಗಳನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಇದೇ ವೇಳೆ ರಾಜಾ ಹಸನ್ ನೀಡಿದ ಹೇಳಿಕೆಯೊಂದು ಹಿಂದೂಗಳನ್ನು ಕೆರಳಿಸುವಂತೆ ಮಾಡಿದೆ.
ಮದುವೆ ವಿಚಾರವಾಗಿ ಪಾಕ್ ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿರುವ ರಾಜಾ ಹಸನ್, ʼನಾನು ಮದುವೆಯಾಗುವ ಯುವತಿ ಹಿಂದೂ (Hindu) ಆಗಿದ್ದು, ಆಕೆ ಮದುವೆಗೆ ಮುನ್ನವೇ ಇಸ್ಲಾಂ ( Islam ) ಧರ್ಮಕ್ಕೆ ಮತಾಂತರವಾಗಲಿದ್ದಾಳೆʼ ಎಂದು ಹೇಳಿದ್ದಾರೆ.
ಅಂದಹಾಗೆ ರಾಜಾ ಹಸನ್ ಮದುವೆಯಾಗುತ್ತಿರುವ ವಧುವಿನ ಹೆಸರು ಪೂಜಾ ಬೊಮನ್(Pooja Boman). ಭಾರತೀಯ ಮೂಲದವರಾಗಿರುವ ಪೂಜಾ ಅಮೆರಿಕದಲ್ಲಿ ನೆಲೆಸಿದ್ದಾರೆ. ಮೂಲಗಳ ಪ್ರಕಾರ ಮುಂದಿನ ವರ್ಷದ ಆರಂಭದಲ್ಲಿ ಈ ಜೋಡಿ ಮದುವೆಯಾಗಲಿದ್ದಾರೆ ಎನ್ನಲಾಗಿದೆ. ರಾಜಾ ಹಸನ್ ಕೂಡ ಪಾಕಿಸ್ತಾನವನ್ನು ತೊರೆದಿದ್ದು, ಸದ್ಯ ಅಮೆರಿಕದಲ್ಲಿ ವಾಸವಿದ್ದಾರೆ.
ಇದನ್ನೂ ಓದಿ INDW vs PAKW: ಪಾಕ್ ವಿರುದ್ಧ ಭಾರತಕ್ಕೆ ಮಸ್ಟ್‌ ವಿನ್‌ ಗೇಮ್‌
“ನಾನು ನಿಶ್ಚಿತಾರ್ಥ ಮಾಡಿಕೊಂಡಿದ್ದೇನೆ ಎಂದು ಹೇಳಿಕೊಳ್ಳಲು ನನಗೆ ಸಂತೋಷವಾಗಿದೆ! ನನ್ನ ಜೀವನದ ಪ್ರೀತಿ ಎಂದೆಂದಿಗೂ ನನ್ನದಾಗಲಿ ಎಂದು ನಾನು ಕೇಳಿದೆ, ಅದಕ್ಕೆ ಅವಳು ಸಮ್ಮತಿ ಸೂಚಿಸಿದಳುʼ ಎಂದು ರಾಜಾ ಹಸನ್ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಸಂಗಾತಿಯಾಗಲಿರುವ ಪೂಜಾ ಬೊಮನ್ ಜತೆಗಿನ ಫೋಟೋವನ್ನು ಹಂಚಿಕೊಂಡಿದ್ದಾರೆ.
ರಾಜಾ ಹಸನ್ ಪಾಕಿಸ್ತಾನ ತಂಡದ ಪರ 10 ಟಿ20 ಪಂದ್ಯಗಳನ್ನಾಡಿ 10 ವಿಕೆಟ್‌ ಮತ್ತು 18 ರನ್‌ ಬಾರಿಸಿದ್ದಾರೆ. ಏಕೈಕ ಏಕದಿನ ಪಂದ್ಯದಿಂದ 1 ವಿಕೆಟ್‌ ಪಡೆದಿದ್ದಾರೆ. ಪ್ರಥಮ ದರ್ಜೆ ಮತ್ತು ಲಿಸ್ಟ್‌ ಎ ಕ್ರಿಕೆಟ್ ಸೇರಿ ಒಟ್ಟು 271 ವಿಕೆಟ್‌ ಉರುಳಿಸಿದ್ದಾರೆ. 2014 ರಲ್ಲಿ ಪಾಕ್ ತಂಡದ ಪರ ಕೊನೆಯ ಬಾರಿಗೆ ಆಡಿದ್ದರು. ಇದಾದ ಬಳಿಕ ಅವರಿಗೆ ಸೂಕ್ತ ಅವಕಾಶ ಸಿಗಲಿಲ್ಲ.
