Ratan Tata Death : ರತನ್ ಟಾಟಾಗೆ ನಮನ ಸಲ್ಲಿಸಿದ ಪ್ರೀತಿಯ ಶ್ವಾನ ‘ಗೋವಾ’, ಈ ನಾಯಿಯ ಕತೆಯೂ ಸ್ವಾರಸ್ಯಕರ

ನವದೆಹಲಿ: ಬುಧವಾರ ರಾತ್ರಿ ನಿಧನ ಹೊಂದಿದ ಉದ್ಯಮಿ ರತನ್ ಟಾಟಾ (Ratan Tata Death) ಅವರಿಗೆ ಅವರ ಪ್ರೀತಿಯ ಶ್ವಾನ ‘ಗೋವಾ’ ಅಂತಿಮ ನಮನ ಸಲ್ಲಿಸಿದ ದೃಶ್ಯ ಅಲ್ಲಿದ್ದವರ ಕಣ್ಣಂಚಿನಲ್ಲಿ ನೀರು ತರಿಸಿತ್ತು. ಟಾಟಾ ಅವರು ನಾಯಿಗಳ ಬಗ್ಗೆ ಅಪಾರ ಪ್ರೇಮ ಹೊಂದಿದ್ದರು. ಅವರು ಬೀದಿ ಪ್ರಾಣಿಗಳ ಕಲ್ಯಾಣಕ್ಕಾಗಿ ಸಾಕಷ್ಟು ಧನ ವಿನಿಯೋಗ ಮಾಡಿದ್ದಾರೆ. ಮಳೆಗಾಲದಲ್ಲಿ ನಾಯಿಗಳು ಪಡುವ ಕಷ್ಟವನ್ನು ಮನಗಂಡು ಆಶ್ರಯ ವ್ಯವಸ್ಥೆ ಮಾಡಿಕೊಟ್ಟಿದ್ದಾರೆ.

Ratan Tata’s Dog, 'Goa,' paying his final respects to him.

The final rites of industrialist and philanthropist #RatanTata were conducted with full state honors at central #Mumbai crematorium.#RatanTataSir#RatanTataPassedAway#TataLegacy#Goa #RIPRatanTata#RIP_RatanTata pic.twitter.com/WZcJSJ0lTr

— know the Unknown (@imurpartha) October 10, 2024

ಅಂತೆಯೇ ಅವರ ಪ್ರೀತಿಯ ನಾಯಿ ಗೋವಾ ಕೂಡ ಗೌರವ ಸಲ್ಲಿಸಿತು. ಟಾಟಾ ನಾಯಿಗೆ ‘ಗೋವಾ’ ಎಂದು ಏಕೆ ಹೆಸರಿಟ್ಟಿರುವುದು ಕಾರಣ ವಿಶೇಷ ಕಾರಣ. ಒಮ್ಮೆ ರತನ್ ಟಾಟಾ ಗೋವಾದಲ್ಲಿದ್ದಾಗ ಬೀದಿ ನಾಯಿಯೊಂದು ಅವರ ಹಿಂದೆಯೇ ಬಂದಿತ್ತು. ಅವರು ಅವನನ್ನು ದತ್ತು ತೆಗೆದುಕೊಂಡು ಮುಂಬೈಗೆ ಕರೆತಂದರು. ಹೀಗಾಗಿ ಅದಕ್ಕೆ ಟಾಟಾ ಎಂದು ಹೆಸರಿಟ್ಟರು.

View this post on Instagram

A post shared by Ratan Tata (@ratantata)

‘ಗೋವಾ’ ಮುಂಬೈನ ಬಾಂಬೆ ಹೌಸ್‌ನ ಇತರ ಬೀದಿ ನಾಯಿಗಳೊಂದಿಗೆ ವಾಸಿಸುತ್ತಿದೆ. ಅಪ್ರತಿಮ ತಾಜ್ ಹೋಟೆಲ್‌ನಂತೆಯೇ ಬೀದಿ ನಾಯಿಗಳನ್ನು ಬಾಂಬೆ ಹೌಸ್‌ನಲ್ಲಿಯೂ ಸಾಕಲಾಗುತ್ತದೆ. ಇದು ನಗರದ ಐತಿಹಾಸಿಕ ಕಟ್ಟಡ. ಇದು ಟಾಟಾ ಗ್ರೂಪ್ನ ಮುಖ್ಯ ಕಚೇರಿಯೂ ಹೌದು.

‘ಗೋವಾ’ ನಾಯಿಯನ್ನು ನೋಡಿಕೊಳ್ಳುವುದಕ್ಕೆ ವ್ಯಕ್ತಿಯೊಬ್ಬರನ್ನು ನೇಮಿಸಲಾಗಿದೆ. ಗೋವಾ ಕಳೆದ 11 ವರ್ಷಗಳಿಂದ ನಮ್ಮೊಂದಿಗೆ ಇದ್ದಾನೆ ಎಂದು ಹೇಳಿದ್ದಾರೆ.

ನಾಯಿಗಾಗಿ ಪ್ರಶಸ್ತಿ ನಿರಾಕರಿಸಿದ್ದ ಟಾಟಾ

ನಾಯಿಗಳೊಂದಿಗೆ ಟಾಟಾ ಅವರ ಸಂಬಂಧ ಗಾಢವಾಗಿದೆ. 2018 ರಲ್ಲಿ ಅವರು ಬ್ರಿಟಿಷ್ ರಾಯಲ್ ಕುಟುಂಬದಿಂದ ಪ್ರತಿಷ್ಠಿತ ಜೀವಮಾನ ಸಾಧನೆ ಪ್ರಶಸ್ತಿ ಸ್ವೀಕರಿಸಬೇಕಿತ್ತು. ಕಿಂಗ್ ಚಾರ್ಲ್ಸ್ III (ಆಗಿನ ಪ್ರಿನ್ಸ್ ಚಾರ್ಲ್ಸ್) ಆಯೋಜಿಸಿದ್ದ ಮತ್ತು ಬ್ರಿಟಿಷ್ ಏಷ್ಯನ್ ಟ್ರಸ್ಟ್ ಆಯೋಜಿಸಿದ್ದ ಈ ಸಮಾರಂಭವು ಟಾಟಾ ಅವರಿಗೆ ಸನ್ಮಾನ ಆಯೋಜನೆಗೊಂಡಿತ್ತು. ಟಾಟಾ ಆರಂಭದಲ್ಲಿ ಬರುವುದಾಗಿ ಹೇಳಿದ್ದರೂ ತಮ್ಮ ನಾಯಿ ಅನಾರೋಗ್ಯದ ಹಿನ್ನೆಲೆಯಲ್ಲಿ ಹೋಗದೇ ಇರಲು ನಿರ್ಧರಿಸಿದ್ದರು. ಈ ಕಥೆಯನ್ನು ಉದ್ಯಮಿ ಸುಹೇಲ್ ಸೇಠ್ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: Ratan Tata Passed Away : ಸರ್ಕಾರಿ ಗೌರವಗಳೊಂದಿಗೆ ರತನ್ ಟಾಟಾ ಅಂತ್ಯಸಂಸ್ಕಾರ

ಟಾಟಾ ಅನೇಕ ಯೋಜನೆಗಳಲ್ಲಿ ಮುಂಬೈನ ಸಣ್ಣ ಪ್ರಾಣಿ ಆಸ್ಪತ್ರೆ ಆರಂಭಿಸಿದ್ದರು. ಇದು ಪ್ರಾಣಿಗಳ ಉಪಚಾರಕ್ಕೆ ಅತ್ಯಾಧುನಿಕ ತಂತ್ರಜ್ಞಾನ ಹೊಂದಿತ್ತು. ಈ ಉಪಕ್ರಮವು ಅವರ ಹೃದಯಕ್ಕೆ ಹತ್ತಿರವಾಗಿತ್ತು. ಪ್ರಾಣಿಗಳಿಗೆ ಗುಣಮಟ್ಟದ ಆರೈಕೆ ಒದಗಿಸುವ ಅವರ ಪ್ರಯತ್ನಗಳು ಬೀದಿ ನಾಯಿಗಳು ಮತ್ತು ಸಾಕುಪ್ರಾಣಿಗಳ ಜೀವನವನ್ನು ಸುಧಾರಿಸುವ ಅವರ ಸಮರ್ಪಣೆಯಾಗಿದೆ.