ಮುಂಬೈ: ದೇಶ ಕಂಡ ಮಹಾನ್ ರತನ್ ಟಾಟಾ (Ratan Tata Death) ಅವರ ಉತ್ತಮ ಗುಣಗಳನ್ನು ಒಬ್ಬೊಬ್ಬರೇ ನೆನೆದುಕೊಳ್ಳುತ್ತಿದ್ದಾರೆ. ಇದೀಗ, ಅವರ ಒಡೆತನಕ್ಕೆ ಸೇರಿದ್ದ ಮುಂಬಯಿಯ ತಾಜ್ ಹೋಟೆಲ್ (Hotel Taj palace) ಮೇಲೆ 2008ರಲ್ಲಿ ನಡೆದ ಉಗ್ರ ದಾಳಿಯ (Terrorist Attack) ಸಂದರ್ಭದಲ್ಲಿ ಅವರೇನು (Ratan Tata Passed away) ಮಾಡಿದ್ದರು ಎಂಬುದು ಪೊಲೀಸ್ ಅಧಿಕಾರಿಯೊಬ್ಬರು ಮೆಲುಕು ಹಾಕಿದ್ದಾರೆ.
ನವೆಂಬರ್ 2008ರಲ್ಲಿ ಮುಂಬಯಿಯ ಕೊಲಾಬದಲ್ಲಿರುವ ತಾಜ್ ಮಹಲ್ ಪ್ಯಾಲೇಸ್ ಹೋಟೆಲ್‌ಗೆ ಪಾಕಿಸ್ತಾನಿ ಉಗ್ರರು ದಾಳಿ ನಡೆಸಿದ್ದರು. ಆಗ, ರತನ್ ಟಾಟಾ ಎದೆಗುಂದದೇ 3 ದಿನಗಳ ಕಾಲ ಅಲ್ಲಿಯೇ ಇದ್ದು ಕಾರ್ಯಾಚರಣೆಗೆ ಪ್ರೋತ್ಸಾಹ ನೀಡಿದ್ದರು ಎಂದು ಬಂಡೆಯಂತೆ ದೃಢ ಸಂಕಲ್ಪದಿಂದ ಇದ್ದರು ಎಂದು ಮಹಾರಾಷ್ಟ್ರದ ಹೆಚ್ಚುವರಿ ಪೊಲೀಸ್ ಮಹಾನಿರ್ದೇಶಕ ವಿಶ್ವಾಸ್ ನಂಗ್ರೆ ಪಾಟೀಲ್ ಹೇಳಿದ್ದಾರೆ.
ಕಷ್ಟದ ಸಮಯದಲ್ಲಿ ಅವರು ಎದೆಗುಂದದೇ ದೃಢವಾಗಿ ನಿಲ್ಲುತ್ತಿದ್ದರು ಎಂಬುದಕ್ಕೆ ಇದು ಇನ್ನೊಂದು ಉದಾಹರಣೆಯಾಗಿದೆ. 26/11 ರ ಉಗ್ರರ ದಾಳಿಯ ಘಟನೆಯ ವೇಳೆ ನಂಗ್ರೆ ಪಾಟೀಲ್ ಅವರು ದಕ್ಷಿಣ ಮುಂಬೈನಲ್ಲಿ ಪೊಲೀಸ್ ಉಪ ಆಯುಕ್ತರಾಗಿದ್ದರು (ವಲಯ 1) ಮತ್ತು ತಾಜ್ ಹೋಟೆಲ್‌ಗೆ ಪ್ರವೇಶಿಸಿ ಪಾಕಿಸ್ತಾನಿ ಭಯೋತ್ಪಾದಕರ ವಿರುದ್ಧ ಹೋರಾಡಿದ ಮೊದಲ ಅಧಿಕಾರಿಗಳ ಗುಂಪಿನಲ್ಲಿ ಒಬ್ಬರಾಗಿದ್ದಾರೆ. ಹೋಟೆಲ್ ದಾಳಿಗೆ ಒಳಗಾದಾಗ ಟಾಟಾ ಅವರು ತಮ್ಮ ಶಾಂತ ವರ್ತನೆ ಹಾಗೂ ಅಸಾಧಾರಣವಾದ ದೃಢತೆಯನ್ನು ಪ್ರದರ್ಶಿಸಿದರು ಎಂದು ಹಿರಿಯ ಐಪಿಎಸ್ ಅಧಿಕಾರಿ ಹೇಳಿದ್ದಾರೆ.
ಭಯೋತ್ಪಾದಕರ ವಿರುದ್ಧ ಕಾರ್ಯಾಚರಣೆ ನಡೆಯುತ್ತಿದ್ದ ಹೆಚ್ಚಿನ ಸಮಯ ರತನ್ ಟಾಟಾ ಅವರು ಹೋಟೆಲ್‌ನ ಹೊರಗೆ ನಿಂತಿರುವುದು ಕಂಡು ಬಂದಿತ್ತು. ಅವರು ಆಗಾಗ್ಗೆ ಭದ್ರತಾ ಸಿಬ್ಬಂದಿ ಮತ್ತು ಅವರ ಸಿಬ್ಬಂದಿಗಳೊಂದಿಗೆ ಸಂವಹನ ನಡೆಸುತ್ತಿದ್ದರು ಎಂದು ಅವರು ಹೇಳಿದರು.
ಮನುಷ್ಯರಷ್ಟೇ ಅಲ್ಲ, ಹೋಟೆಲ್‌ನ ಆಸುಪಾಸಿನಲ್ಲಿ ನಡೆದ ಗುಂಡಿನ ಚಕಮಕಿಯಿಂದ ಬಾಧೆಗೊಳಗಾದ ಐದಾರು ಬೀದಿನಾಯಿಗಳ ಬಗ್ಗೆ ಟಾಟಾ ಕೂಡ ಅಷ್ಟೇ ಆತಂಕ ವ್ಯಕ್ತಪಡಿಸಿದ್ದರು, ಅವರು ಪ್ರಾಣಿಗಳಿಗೆ ಆಹಾರ ನೀಡಿದರು ಎಂದು ನಂಗ್ರೆ ಪಾಟೀಲ್ ಹೇಳಿದ್ದು, ಟಾಟಾ ಮಹಾನ್ ಮನುಷ್ಯ ಎಂದು ಸ್ಮರಿಸಿದ್ದಾರೆ.
ಕಾರ್ಯಾಚರಣೆ ಮುಗಿದ ನಂತರ ಮತ್ತು ಭಯೋತ್ಪಾದಕರನ್ನು ಕೊಂದ ನಂತರ, ಹಾನಿಗೊಳಗಾದ ಹೋಟೆಲ್ ಅನ್ನು ಮತ್ತೆ ತೆರೆಯಲು ಮತ್ತು ದಾಳಿಯಲ್ಲಿ ಸತ್ತವರ ಮತ್ತು ಗಾಯಗೊಂಡವರ ಕುಟುಂಬ ಸದಸ್ಯರಿಗೆ ಬೆಂಬಲ ನೀಡುವುದಾಗಿ ಟಾಟಾ ವಾಗ್ದಾನ ಮಾಡಿದ್ದರು. ಒಂದು ತಿಂಗಳೊಳಗೆ, ತಾಜ್ ಹೋಟೆಲ್ ಕಾರ್ಯಾಚರಣೆಯನ್ನು ಮರಳಿ ಆರಂಭಿಸಿತು. ತನ್ನ ಪಾರಂಪರಿಕ ಭವ್ಯತೆಯನ್ನು ಪುನಃಸ್ಥಾಪಿಸಲು 21 ತಿಂಗಳುಗಳನ್ನು ತೆಗೆದುಕೊಂಡಿತು. 2009 ರಲ್ಲಿ, ಅವರು ಭಯೋತ್ಪಾದಕ ದಾಳಿಯಲ್ಲಿ ಪ್ರಾಣ ಕಳೆದುಕೊಂಡ ತಮ್ಮ ಉದ್ಯೋಗಿಗಳು ಮತ್ತು ಅತಿಥಿಗಳು ಸೇರಿದಂತೆ 31 ಜನರನ್ನು ಗೌರವಿಸಲು ಹೋಟೆಲ್‌ನಲ್ಲಿ ಸ್ಮಾರಕವನ್ನು ಅನಾವರಣಗೊಳಿಸಿದರು.
ಈ ಘಟನೆಯ ಬಳಿಕ ವಿಪತ್ತುಗಳ ಸಮಯದಲ್ಲಿ ಜನರಿಗೆ ಸಹಾಯ ಮಾಡಲು ಅವರು ತಾಜ್ ಸಾರ್ವಜನಿಕ ಸೇವಾ ಕಲ್ಯಾಣ ಟ್ರಸ್ಟ್ ನ್ನು ಸಹ ರಚಿಸಿದರು. ಹೋಟೆಲ್‌ನಲ್ಲಿ ಭಯೋತ್ಪಾದಕರ ವಿರುದ್ಧ ಹೋರಾಡುತ್ತಿರುವಾಗ ಗಂಭೀರವಾಗಿ ಗಾಯಗೊಂಡಿದ್ದ ಪೊಲೀಸ್ ಅಧಿಕಾರಿ ದೀಪಕ್ ಧೋಲೆ ಅವರು ಟಾಟಾ ಅವರನ್ನು “ದೇಶದ ನಿಜವಾದ ರತ್ನ” ಎಂದು ಸ್ಮರಿಸಿದ್ದಾರೆ.
ಇದನ್ನೂ ಓದಿ: Vishweshwar Bhat Column: ಹೀಗಿದ್ದರು ರತನ್ ಟಾಟಾ
