ಬಿಗ್ ಬಾಸ್ ಕನ್ನಡ ಸೀಸನ್ 11 ಮೂರನೇ ವಾರಕ್ಕೆ ಕಾಲಿಟ್ಟಿದೆ. ದೊಡ್ಮನೆಯ ಅಸಲಿ ಆಟ ಈಗ ಶುರುವಾಗಿದ್ದು, ಬಿಗ್ ಬಾಸ್ ಸ್ಪರ್ಧಿಗಳೊಂದಿಗೆ ಫೋನ್ ಮೂಲಕ ಮಾತ್ರ ಮಾತನಾಡುತ್ತಿದ್ದಾರೆ. ಮನೆಯ ನಿಯಮವನ್ನು ಪಾಲಿಸಬೇಕೆಂದು ಖಡಕ್ ಆಗಿ ಬಿಗ್ ಬಾಸ್ ಹೇಳಿದ್ದು ತಪ್ಪಿದರೆ ಮನೆ ಮಂದಿ ಎಲ್ಲ ಶಿಕ್ಷೆ ಅನುಭವಿಸಬೇಕಾಗುತ್ತದೆ ಎಂದಿದ್ದಾರೆ. ಇದರ ನಡುವೆ ವಿಶೇಷವಾಗಿ ನಾಮಿನೇಷನ್ ಪ್ರಕ್ರಿಯೆ ಕೂಡ ನಡೆಯುತ್ತಿದೆ.
ನಿನ್ನೆ (ಅ. 14) ಅನುಷಾ ರೈ ಕ್ಯಾಪ್ಟನ್ ಕಡೆಯಿಂದ ನೇರವಾಗಿ ನಾಮಿನೇಟ್ ಆಗಿದ್ದರು. ಇಂದು ಕೂಡ ಕ್ಯಾಪ್ಟನ್ಗೆನೇ ಮತ್ತೋರ್ವ ಸ್ಪರ್ಧಿಯನ್ನು ನೇರವಾಗಿ ನಾಮಿನೇಟ್ ಮಾಡುವ ಸವಾಲು ನೀಡಲಾಗಿದೆ. ಅದರಂತೆ ಶಿಶಿರ್ ಶಾಸ್ತ್ರಿ ಈ ಬಾರಿ ಧನರಾಜ್ ಆಚಾರ್ ಅವರನ್ನು ಆಯ್ಕೆ ಮಾಡಿದ್ದಾರೆ. ಆದರೆ, ನಾಮಿನೇಟ್ ಮಾಡಲು ಶಿಶಿರ್ ನೀಡಿರುವ ಕಾರಣ ಧನರಾಜ್ಗೆ ಬೇಸರ ತರಿಸಿದೆ.
ಧನರಾಜ್ ಮನೆಯಲ್ಲಿ ಅತಿಥಿಯೋ, ಆಟಗಾರನೋ, ಫಲ್ ಕನ್‌ಪ್ಯೂಶನ್ ಇದೆ. ನೀವು ಎಲ್ಲೋ ಕಳೆದು ಹೋಗಿದ್ದೀರಾ ಎಂಬುದು ನನ್ನ ಅನಿಸಿಕೆ. ಈ ಒಂದು ಕಾರಣಕ್ಕೆ ನಿಮ್ಮನ್ನು ನಾನು ನಾಮಿನೇಟ್ ಮಾಡುತ್ತಿದ್ದೇನೆ ಎಂದು ಶಿಶಿರ್ ಹೇಳಿದ್ದಾರೆ. ಇದನ್ನ ಕೇಳಿದ ಧನರಾಜ್ ಹಾಗಲಕಾಯಿ ಜೂಸ್ ಕುಡಿದು ನಾಮಿನೇಷನ್ ಸ್ವೀಕರಿಸಿದ್ದಾರೆ. ಆದರೆ, ಈ ಎಲ್ಲ ಬೆಳವಣಿಗೆ ಆದಮೇಲೆ ಧನರಾಜ್ ಕಣ್ಣೀರು ಹಾಕಿದ್ದಾರೆ.
ಶಿಶಿರ್ ಮಾಡಿರುವ ನಾಮಿನೇಟ್ ಪ್ರಕ್ರಿಯೆಯಿಂದ ಬೇಸರಕ್ಕೆ ಒಳಗಾದ ಧನರಾಜ್ ಒಬ್ಬರೇ ಕುಳಿತು ಕಣ್ಣೀರು ಹಾಕಿದ್ದಾರೆ. ನಾನೇ ಅನ್ಫಿಟ್ ಅನಿಸೋಕೆ ಶುರುವಾಗಿ ಹೋಗಿದೆ ಎಂದು ಹೇಳಿದ್ದಾರೆ. ಈ ವೇಳೆ ಹಂಸಾ ಮತ್ತು ಐಶ್ವರ್ಯಾರವರು ಧನರಾಜ್ ಕಣ್ಣೀರು ಹಾಕೋದನ್ನು ನೋಡಿ ಸಮಾಧಾನ ಪಡಿಸಿದ್ದಾರೆ.
ಅತಿಥಿಯೋ, ಆಟಗಾರನೋ? ಫುಲ್ ಕನ್‌ಫ್ಯೂಶನ್ !
— Colors Kannada (@ColorsKannada) October 15, 2024
ಬಿಗ್ ಬಾಸ್ ಕನ್ನಡ ಸೀಸನ್ 11 | ಸೋಮ-ಶುಕ್ರ ರಾತ್ರಿ 9:30#BiggBossKannada11 #BBK11 #HosaAdhyaya #ColorsKannada #BannaHosadaagideBandhaBigiyaagide #ಕಲರ್‌ಫುಲ್‌‌ಕತೆ #colorfulstory #Kicchasudeepa pic.twitter.com/bXav8KymaC
ಬಿಗ್ ಬಾಸ್ ಮನೆಗೆ ಕಾಲಿಟ್ಟ ಧನರಾಜ್ ಮೇಲೆ ಸಾಕಷ್ಟು ನಿರೀಕ್ಷೆ ಇತ್ತು. ಆದರೆ, ಸೋಷಿಯಲ್ ಮೀಡಿಯಾದಲ್ಲಿ ಕಾಮಿಡಿ ಪಂಚ್ನಿಂದ ಮಿಂಚಿದ್ದ ಧನರಾಜ್ ಡೊಡ್ಮನೆಲಿ ತುಂಬಾನೆ ಸೈಲೆಂಟ್ ಆಗಿದ್ದಾರೆ. ಆರಂಭದಿಂದಲೇ ಧನರಾಜ್ ಕೊಂಚ ವೀಕ್, ಕಾಣಿಸುವುದಿಲ್ಲ ಎಂದು ಪದೇ ಪದೇ ಮನೆಯವರು ಹೇಳುತ್ತಿದ್ದರು. ಈಗ ಶಿಶಿರ್ ಕೂಡ ಪುನಃ ಅದೇ ಕಾರಣ ನೀಡಿ ನಾಮಿನೇಟ್ ಮಾಡಿರುವುದು ಧನರಾಜ್ಗೆ ಮತ್ತಷ್ಟು ಬೇಸರ ತರಿಸಿದೆ.
BBK 11: ಚಿನ್ನಿ ಐ ಲವ್ ಯೂ: ಬಿಗ್ ಬಾಸ್ ಮನೆಗೆ ಕಾಲ್ ಮಾಡಿ ಭವ್ಯಾಗೆ ಪ್ರಪೋಸ್ ಮಾಡಿದ ತುಕಾಲಿ
