ಬೆಂಗಳೂರು: ಅಕ್ಟೋಬರ್‌ನಲ್ಲಿ ಊರಿಗೆ ಹೋಗಲು ರೈಲಿನ(Train Route) ಮೂಲಕ ಪ್ರಯಾಣ ಮಾಡಲು ಯೋಜನೆ ಹಾಕಿಕೊಂಡಿರುವವರು ಒಮ್ಮೆ ಈ ವಿಚಾರ ತಿಳಿದುಕೊಳ್ಳಿ. ಪ್ರಯಾಗ್‌ರಾಜ್‌ ನಿಲ್ದಾಣದಲ್ಲಿ ಯಾರ್ಡ್ ಮರುನಿರ್ಮಾಣ ಕಾರ್ಯ ಮತ್ತು ಆರ್‌ಆರ್‌ಐ (ರೂಟ್ ರಿಲೇ ಇಂಟರ್ಲಾಕಿಂಗ್) ಅನ್ನು ಇಐ (ಎಲೆಕ್ಟ್ರಾನಿಕ್ ಇಂಟರ್ಲಾಕಿಂಗ್) ಆಗಿ ಪರಿವರ್ತಿಸುವ ಕಾರ್ಯ ನಡೆಯುತ್ತಿರುವ ಕಾರಣ ಆ ಮಾರ್ಗದ ರೈಲುಗಳನ್ನು ಬೇರೇ ಮಾರ್ಗಕ್ಕೆ ತಿರುಗಿಸಲು ಉತ್ತರ ಮಧ್ಯ ರೈಲ್ವೆ ನಿರ್ಧರಿಸಿದೆ. ಹಾಗಾಗಿ ಈ ಕೆಳಗಿನ ರೈಲುಗಳನ್ನು ಬೇರೆಡೆಗೆ ತಿರುಗಿಸುತ್ತಿರುವುದಾಗಿ ಉತ್ತರ ಮಧ್ಯ ರೈಲ್ವೆ ಅಧಿಸೂಚನೆಯಲ್ಲಿ ತಿಳಿಸಿದೆ
ಈ ಕೆಳಗಿನ ರೈಲುಗಳನ್ನು ನಿಗದಿತ ದಿನಾಂಕಗಳಲ್ಲಿ ತಿರುಗಿಸಲಾಗುವುದಾಗಿ ನೈರುತ್ಯ ರೈಲ್ವೆ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.
ಅಕ್ಟೋಬರ್ 16, 2024 ರಂದು ಪ್ರಯಾಣಿಸುವ ರೈಲು ಸಂಖ್ಯೆ 12539 ಯಶವಂತಪುರ-ಲಕ್ನೋ ಸಾಪ್ತಾಹಿಕ ಎಕ್ಸ್‌ಪ್ರೆಸ್‌ ಅನ್ನು ಲಕ್ನೋ, ಕಾನ್ಪುರ ಸೆಂಟ್ರಲ್, ಭೀಮಸೇನ್, ಓಹಾನ್ ಕ್ಯಾಬಿನ್ ಮತ್ತು ಕಟ್ನಿ ನಿಲ್ದಾಣಗಳ ಮೂಲಕ ತಿರುಗಿಸಲಾಗಿದೆ.
ಅಕ್ಟೋಬರ್ 18, 2024 ರಂದು ಪ್ರಯಾಣಿಸುವ ರೈಲು ಸಂಖ್ಯೆ 12540 ಲಕ್ನೋ-ಯಶವಂತಪುರ ಸಾಪ್ತಾಹಿಕ ಎಕ್ಸ್‌ಪ್ರೆಸ್‌ ಅನ್ನು ಕಟ್ನಿ, ಓಹಾನ್ ಕ್ಯಾಬಿನ್, ಭೀಮಸೇನ್, ಕಾನ್ಪುರ ಸೆಂಟ್ರಲ್ ಜಂಕ್ಷನ್ ಮತ್ತು ಲಕ್ನೋ ನಿಲ್ದಾಣಗಳ ಮೂಲಕ ಸಂಚರಿಸುವಂತೆ ಮಾಡಲಾಗಿದೆ.
ರಂಗಿಯಾ ವಿಭಾಗದ ಮೇಲೆ ನಲ್ಬಾರಿ ಮತ್ತು ಬೈಹಟಾ ನಿಲ್ದಾಣಗಳ ನಡುವೆ ಜೋಡಿ ಮಾರ್ಗವನ್ನು ನಿಯೋಜಿಸುವುದರಿಂದ ಈ ಕೆಳಗಿನ ರೈಲುಗಳನ್ನು ಈ ಕೆಳಗಿನ ನಿಗದಿತ ದಿನಾಂಕಗಳಂದು ಬೇರೆಡೆಗೆ ತಿರುಗಿಸಲು ಈಶಾನ್ಯ ಗಡಿನಾಡು ರೈಲ್ವೆ ಅಧಿಸೂಚನೆ ಹೊರಡಿಸಿದೆ.
ಅಕ್ಟೋಬರ್ 19, 2024 ರಂದು ಪ್ರಯಾಣಿಸುವ ರೈಲು ಸಂಖ್ಯೆ 12551 ಎಸ್‌ಎಂವಿಟಿ ಬೆಂಗಳೂರು-ಕಾಮಾಕ್ಯ ಸಾಪ್ತಾಹಿಕ ಎಕ್ಸ್‌ಪ್ರೆಸ್‌ ನ್ಯೂ ಬೊಂಗೈಗಾಂವ್, ಗೋಲ್ಪಾರಾ ಟೌನ್ ಮತ್ತು ಕಾಮಾಕ್ಯ ಮೂಲಕ ತಿರುಗಿಸುತ್ತದೆ ಮತ್ತು ರಂಗಿಯಾದಲ್ಲಿ ನಿಗದಿತ ನಿಲುಗಡೆಯನ್ನು ತಪ್ಪಿಸುತ್ತದೆ.
ಅಕ್ಟೋಬರ್ 23, 2024 ರಂದು ಪ್ರಯಾಣಿಸುವ ರೈಲು ಸಂಖ್ಯೆ 12552 ಕಾಮಾಕ್ಯ-ಎಸ್‌ಎಂವಿಟಿ ಬೆಂಗಳೂರು ಸಾಪ್ತಾಹಿಕ ಎಕ್ಸ್‌ಪ್ರೆಸ್‌ ಅನ್ನು ಕಾಮಾಕ್ಯ, ಗೋಲ್ಪಾರಾ ಟೌನ್ ಮತ್ತು ನ್ಯೂ ಬೊಂಗೈಗಾಂವ್ ಮೂಲಕ ತಿರುಗಿಸಲಾಗುವುದು ಮತ್ತು ರಂಗಿಯಾದಲ್ಲಿ ನಿಗದಿತ ನಿಲುಗಡೆಯನ್ನು ತಪ್ಪಿಸುತ್ತದೆ.
ಅಕ್ಟೋಬರ್ 27 ಮತ್ತು 29, 2024 ರಂದು ಪ್ರಯಾಣಿಸುವ ರೈಲು ಸಂಖ್ಯೆ 12510 ಗುವಾಹಟಿ-ಎಸ್‌ಎಂವಿಟಿ ಬೆಂಗಳೂರು ವಾರಕ್ಕೆರಡು ಬಾರಿ ಸಂಚರಿಸುವ ಎಕ್ಸ್‌ಪ್ರೆಸ್‌ ರೈಲು ಕಾಮಾಕ್ಯ, ಗೋಲ್ಪಾರಾ ಟೌನ್ ಮತ್ತು ನ್ಯೂ ಬೊಂಗೈಗಾಂವ್ ಮೂಲಕ ತಿರುಗುತ್ತದೆ ಮತ್ತು ರಂಗಿಯಾ ಮತ್ತು ಬಾರ್ಪೇಟಾ ರಸ್ತೆಯಲ್ಲಿ ನಿಗದಿತ ನಿಲುಗಡೆಯನ್ನು ತಪ್ಪಿಸುತ್ತದೆ.
ಅಕ್ಟೋಬರ್ 24, 2024 ರಂದು ಪ್ರಯಾಣಿಸುವ ರೈಲು ಸಂಖ್ಯೆ 05952 ನ್ಯೂ ತಿನ್ಸುಕಿಯಾ-ಎಸ್‌ಎಂವಿಟಿ ಬೆಂಗಳೂರು ಸಾಪ್ತಾಹಿಕ ವಿಶೇಷ ಎಕ್ಸ್‌ಪ್ರೆಸ್‌ ಫುರ್ಕೇಟಿಂಗ್, ಲುಮ್ಡಿಂಗ್, ಗುವಾಹಟಿ, ಗೋಲ್ಪಾರಾ ಟೌನ್ ಮೂಲಕ ತಿರುಗಿಸಲಾಗುವುದು ಮತ್ತು ಧೇಮಾಜಿ, ಉತ್ತರ ಲಖಿಂಪುರ್, ಹರ್ಮುತಿ, ವಿಶ್ವನಾಥ ಚರಲಿ, ರಂಗಪಾರಾ ಉತ್ತರ ಮತ್ತು ರಂಗಿಯಾದಲ್ಲಿ ನಿಗದಿತ ನಿಲುಗಡೆಯನ್ನು ತಪ್ಪಿಸುತ್ತದೆ.
ಇದನ್ನೂ ಓದಿ:ಪ್ರಿಯಕರನ ಜೊತೆಗಿನ ಸರಸಕ್ಕೆ ಅಡ್ಡ ಬಂದ ಮಗನನ್ನೇ ಕೊಂದ ತಾಯಿ!
ಈ ಮೇಲಿನ ರೈಲುಗಳು ಪ್ರಯಾಣಿಸುವ ನಿಗದಿತ ದಿನಾಂಕವನ್ನು ತಿಳಿದುಕೊಂಡು ನಿಮ್ಮ ಊರಿಗೆ ಆರಾಮದಾಯಕವಾಗಿ ತಲುಪಿ.
