ಬೆಂಗಳೂರು: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ಸಾಲಗಳ ಮೇಲಿನ ಇತ್ತೀಚಿನ ಮಾರ್ಜಿನಲ್ ಕಾಸ್ಟ್ ಆಫ್ ಫಂಡ್ಸ್ ಆಧಾರಿತ ಸಾಲ ದರವನ್ನು (ಎಂಸಿಎಲ್ಆರ್) ಪ್ರಕಟಿಸಿದೆ (SBI Interst Rate). ಒಂದು ಎಂಸಿಎಲ್ಆರ್ ಅವಧಿಯ ಬಡ್ಡಿದರವನ್ನು 25 ಬೇಸಿಸ್ ಪಾಯಿಂಟ್‌ಗಳಷ್ಟು ಕಡಿಮೆ ಮಾಡಿದೆ. ಪರಿಷ್ಕೃತ ಎಂಸಿಎಲ್ಆರ್ ಅಕ್ಟೋಬರ್ 15 ರಿಂದ ಜಾರಿಗೆ ಬಂದಿದೆ. ಎಂಸಿಎಲ್ಆರ್ ಆಧಾರಿತ ದರಗಳನ್ನುಶೇಕಡಾ ಶೇಕಡಾ 8.20 ರಿಂದ 9.1ರಿಂದ ವ್ಯಾಪ್ತಿಯಲ್ಲಿ ಬರುವಂತೆ ಸರಿಹೊಂದಿಸಲಾಗಿದೆ.
ಓವರ್‌ನೈಟ್‌ ಎಂಸಿಎಲ್ಆರ್ ದರವನ್ನು 8.20%, ಒಂದು ತಿಂಗಳ ಎಂಸಿಎಲ್ಆರ್ ದರವನ್ನು 8.45% ರಿಂದ 8.20% ಕ್ಕೆ, ಆರು ತಿಂಗಳ ಎಂಸಿಎಲ್ಆರ್ ದರವನ್ನು 8.85% ಕ್ಕೆ, ಒಂದು ವರ್ಷದ ಎಂಸಿಎಲ್ಆರ್ ಅನ್ನು 8.95% ಕ್ಕೆ, ಎರಡು ವರ್ಷಗಳ ಎಂಸಿಎಲ್ಆರ್ ಅನ್ನು 9.05% ಮತ್ತು ಮೂರು ವರ್ಷಗಳ ಎಂಸಿಎಲ್ಆರ್ ಅನ್ನು 9.1% ಕ್ಕೆ ಪರಿಷ್ಕರಿಸಲಾಗಿದೆ.
ಎಸ್ಬಿಐ ಇತರ ಸಾಲ ದರಗಳ ಬಗ್ಗೆ ಏನು?
ಎಸ್ಬಿಐ ಮೂಲ ದರ 10.40%, ಬೆಂಚ್ಮಾರ್ಕ್ ಪ್ರೈಮ್ ಲೆಂಡಿಂಗ್ ರೇಟ್ (ಬಿಪಿಎಲ್ಆರ್) ಅನ್ನು ಸೆಪ್ಟೆಂಬರ್ 15 ರಿಂದ ವರ್ಷಕ್ಕೆ 15.15% ಎಂದು ಪರಿಷ್ಕರಿಸಲಾಗಿದೆ, ಎಸ್ಬಿಐ ಗೃಹ ಸಾಲದ ಹೊರ ಬೆಂಚ್ಮಾರ್ಕ್ ಲೆಂಡಿಂಗ್ ರೇಟ್ (ಇಬಿಎಲ್ಆರ್) 9.15% ಆಗಿದೆ. ಗೃಹ ಸಾಲಗಳ ಮೇಲೆ, ಸಾಲಗಾರನ ಸಿಬಿಲ್ ಸ್ಕೋರ್ ಅನ್ನು ಅವಲಂಬಿಸಿ ಬಡ್ಡಿದರಗಳು 8.50% ರಿಂದ 9.65% ನಡುವೆ ಬದಲಾಗಬಹುದು.
ಇದನ್ನೂ ಓದಿ: Election Commission: ಮಹಾರಾಷ್ಟ್ರ, ಜಾರ್ಖಂಡ್‌ ಚುನಾವಣೆಗೆ ಮುಹೂರ್ತ ಫಿಕ್ಸ್‌; ಇಲ್ಲಿದೆ ಡಿಟೇಲ್ಸ್‌
ಎಸ್ಬಿಐ ಹೋಮ್ ಲೋನ್ ವೆಬ್ಸೈಟ್, “ಬೆಂಚ್ಮಾರ್ಕ್ ದರದಲ್ಲಿ (ರೆಪೊ) ಬದಲಾವಣೆಯ ಸಂದರ್ಭದಲ್ಲಿ, ಗೃಹ / ಗೃಹ ಸಂಬಂಧಿತ ಸಾಲ ಖಾತೆಯ ಬಡ್ಡಿದರವೂ ಬದಲಾಗುತ್ತದೆ. ರೆಪೋ ದರದ ಮೇಲ್ಮುಖ ಪರಿಷ್ಕರಣೆಯು ಗೃಹ / ಗೃಹ ಸಂಬಂಧಿತ ಸಾಲಗಳಲ್ಲಿ ಬಡ್ಡಿದರವನ್ನು ಹೆಚ್ಚಿಸುತ್ತದೆ.
