ಬೆಂಗಳೂರು: 2018 ರ ಬಾಲ್ ವಿರೂಪ ಹಗರಣದ ನಂತರ ಆಸ್ಟ್ರೇಲಿಯಾ ಕ್ರಿಕೆಟ್‌ನಲ್ಲಿ ಯಾವುದೇ ನಾಯಕತ್ವ ಪಾತ್ರ ವಹಿಸದಂತೆ ಡೇವಿಡ್ ವಾರ್ನರ್‌ಗೆ ವಿಧಿಸಲಾಗಿದ್ದ ಆಜೀವ ನಿಷೇಧವನ್ನು ಶುಕ್ರವಾರ ತೆಗೆದುಹಾಕಲಾಗಿದೆ. ಮೂಲ ಶಿಕ್ಷೆಯ ನಿಯಮಗಳನ್ನು ಮೂವರು ಸದಸ್ಯರ ಸಮಿತಿಯ ಮುಂದೆ ತಿದ್ದುಪಡಿ ಮಾಡಿದ ಬಳಿಕ 37 ವರ್ಷದ ಆಟಗಾರನ ಶಿಕ್ಷೆಯನ್ನು ತೆರವು ಮಾಡಲಾಗಿದೆ. ನಿಷೇಧವನ್ನು ತಕ್ಷಣವೇ ತೆಗೆದುಹಾಕಲು ವಾರ್ನರ್ ಎಲ್ಲಾ ಮಾನದಂಡಗಳನ್ನು ಪೂರೈಸಿದ್ದಾರೆ ಎಂದು ಸಮಿತಿಯು ಸರ್ವಾನುಮತದಿಂದ ಒಪ್ಪಿಕೊಂಡಿತು.
🚨 DAVID WARNER'S LIFE TIME BAN FOR LEADERSHIP HAS BEEN LIFTED 🚨
— Johns. (@CricCrazyJohns) October 25, 2024
– Warner can lead in BBL 2024-25…!!!! pic.twitter.com/gtubcQJcIA
ವಾರ್ನರ್ ಅವರ ಗೌರವಾನ್ವಿತ ಮತ್ತು ವಿನಮ್ರ ಲಕ್ಷಣವನ್ನು ಗಮನಿಸಿ ತೀರ್ಪು ನೀಡಲಾಗಿದೆ. ಅದೇ ರೀತಿ ತಮ್ಮ ನಡವಳಿಕೆಯ ಜವಾಬ್ದಾರಿಯನ್ನು ಒಪ್ಪಿಕೊಂಡಿದ್ದಾರೆ. ವಾರ್ನರ್ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತರಾಗಿದ್ದಾರೆ. ಆದರೆ ಈ ನಿರ್ಧಾರವು ಅವರ ಬಿಗ್ ಬ್ಯಾಷ್ ಲೀಗ್ ಕ್ಲಬ್ ಸಿಡ್ನಿ ಥಂಡರ್‌ನಲ್ಲಿ ನಾಯಕತ್ವದ ಹಾದಿಗೆ ಬಾಗಿಲು ತೆರೆಯುತ್ತದೆ.
ಡೇವಿಡ್ ತಮ್ಮ ನಿರ್ಬಂಧವನ್ನು ಪರಿಶೀಲಿಸಲು ನಿರ್ಧರಿಸಿರುವುದು ನನಗೆ ಸಂತೋಷ ತಂದಿದೆ. ಅವರು ಈ ಬೇಸಿಗೆಯಲ್ಲಿ ಆಸ್ಟ್ರೇಲಿಯಾ ಕ್ರಿಕೆಟ್‌ನಲ್ಲಿ ನಾಯಕತ್ವದ ಸ್ಥಾನಗಳನ್ನು ತೆಗೆದುಕೊಳ್ಳಲು ಅರ್ಹರಾಗುತ್ತಾರೆ ಎಂದು ಕ್ರಿಕೆಟ್ ಆಸ್ಟ್ರೇಲಿಯಾ ಮುಖ್ಯಸ್ಥ ನಿಕ್ ಹಾಕ್ಲೆ ಹೇಳಿದ್ದಾರೆ.
ಇದನ್ನೂ ಓದಿ: IPL 2025: ಮುಂಬೈನಲ್ಲಿ ರೋಹಿತ್‌ ರಿಟೈನ್‌
2018 ರಲ್ಲಿ ಕೇಪ್‌ಟೌನ್‌ನಲ್ಲಿ ನಡೆದ “ಸ್ಯಾಂಡ್‌ಪೇಪರ್‌ ಗೇಟ್” ಹಗರಣದಲ್ಲಿ ವಾರ್ನರ್ ಪ್ರಮುಖವಾಗಿ ಸಿಲುಕಿ ಹಾಕಿಕೊಂಡಿದ್ದರು. ಆಗಿನ ನಾಯಕ ಸ್ಟೀವ್ ಸ್ಮಿತ್ ಮತ್ತು ಕ್ಯಾಮರೂನ್ ಬ್ಯಾನ್‌ಕ್ರಾಫ್ಟ್‌ ಅವರೊಂದಿಗೆ ಚೆಂಡಿನ ಮೇಲ್ಮೈಯನ್ನು ಕಾನೂನುಬಾಹಿರವಾಗಿ ಬದಲಾಯಿಸಲಾಗಿತ್ತು. ಅವರನ್ನು ಒಂದು ವರ್ಷದವರೆಗೆ ಆಡದಂತೆ ಅಮಾನತುಗೊಳಿಸಲಾಯಿತು ಮತ್ತು ಯಾವುದೇ ನಾಯಕತ್ವದ ಪಾತ್ರದಿಂದ ಆಜೀವ ನಿಷೇಧಿಸಲಾಯಿತು.
ನಿಷೇಧವನ್ನು ರದ್ದುಗೊಳಿಸುವಂತೆ ಕೋರಿ ಸಲ್ಲಿಸಿದ ಅರ್ಜಿಯಲ್ಲಿ, ವಾರ್ನರ್ ಪ್ರಸ್ತುತ ಆಸ್ಟ್ರೇಲಿಯಾದ ನಾಯಕ ಪ್ಯಾಟ್ ಕಮಿನ್ಸ್ ಮತ್ತು ತರಬೇತುದಾರ ಆಂಡ್ರ್ಯೂ ಮೆಕ್ಡೊನಾಲ್ಡ್ ಅವರ ಉಲ್ಲೇಖಗಳನ್ನು ನೀಡಿದರು. ನ್ಯೂಜಿಲೆಂಡ್‌ನ ಮಾಜಿ ನಾಯಕ ಕೇನ್ ವಿಲಿಯಮ್ಸನ್ ಕೂಡ ಇದನ್ನು ದೃಢಪಡಿಸಿದ್ದಾರೆ.
