ಜಾಮ್ ನಗರ: ವಿಶ್ವದಲ್ಲಿಯೇ ಅತ್ಯಂತ ಸುರಕ್ಷಿತವಾದ ವನ್ಯಜೀವಿ ಸಂರಕ್ಷಣಾ ಕೇಂದ್ರವಾದ ಜಾಮ್ ನಗರದಲ್ಲಿರುವ ವಂತಾರದಲ್ಲಿ (Vantara) ಆಫ್ರಿಕಾ ಕಾಡಿನ ಮೂರು ಆನೆಗಳು (African Elephants) ನೆಲೆ ಪಡೆದುಕೊಳ್ಳಲಿವೆ. ಮೂರು ಆನೆಗಳ ಪೈಕಿ ಎರಡು ಹೆಣ್ಣು ಹಾಗೂ ಒಂದು ಗಂಡಾನೆ. ಅವುಗಳು ಇಪ್ಪತ್ತೆಂಟರಿಂದ ಇಪ್ಪತ್ತೊಂಬತ್ತು ವರ್ಷ ಪ್ರಾಯದ್ದಾಗಿವೆ. ಅನಂತ್ ಅಂಬಾನಿ (Anant Ambani) ಅವರು ವಂತಾರದಲ್ಲಿರುವ ವನ್ಯಜೀವಿ ಸಂರಕ್ಷಣಾ ಕೇಂದ್ರದ ಸ್ಥಾಪಕರು. ಹಣಕಾಸಿನ ತೊಂದರೆ ಕಾರಣದಿಂದ ಸಂಕೀರ್ಣವಾದ ಆನೆಗಳ ಆಹಾರ, ವಸತಿ, ವೈದ್ಯಕೀಯ ಅಗತ್ಯಗಳನ್ನು ಪೂರೈಸುವುದಕ್ಕೆ ಕಷ್ಟವಾಗುತ್ತಿದೆ ಎಂದು ಟ್ಯುನಿಷಿಯಾದ ಖಾಸಗಿ ಮೃಗಾಲಯವು ವಂತಾರವನ್ನು ಸಂಪರ್ಕಿಸಿತ್ತು.
ಎರಡು ದಶಕಗಳಿಗೂ ಮುನ್ನ ಕೇವಲ ನಾಲ್ಕು ವರ್ಷ ಇರುವಾಗ ಅಚ್ಟೌಮ್, ಕಾನಿ ಮತ್ತು ಮಿನಾ ಎಂಬ ಆನೆಗಳನ್ನು ಬುರ್ಕಿನಾ ಫಾಸೊದಿಂದ ಟ್ಯುನಿಷಿಯಾದ ಮೃಗಾಲಯವಾದ ಫ್ರಿಗುಯಾ ಪಾರ್ಕ್‌ಗೆ ವರ್ಗಾಯಿಸಲಾಗಿತ್ತು. ಅಲ್ಲಿ ಹತ್ತಿರಹತ್ತಿರ ಇಪ್ಪತ್ಮೂರು ವರ್ಷಗಳಿಂದ ಮೃಗಾಲಯಕ್ಕೆ ಭೇಟಿ ನೀಡುವ ಸಂದರ್ಶಕರಿಗೆ ಸಂತೋಷ ನೀಡುತ್ತಿದ್ದವು. ಅಳಿವಿನ ಅಂಚಿನಲ್ಲಿ ಇರುವ ಪ್ರಭೇದಗಳ ಕಾಡು ಪ್ರಾಣಿ ಮತ್ತು ಸಸ್ಯಗಳ (CITES) ಅಂತಾರಾಷ್ಟ್ರೀಯ ವಿನಿಮಯದ ಸಮಾವೇಶದ ಅಗತ್ಯಗಳನ್ನು ಒಳಗೊಂಡಂತೆ ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಕಾನೂನಿನ ಎಲ್ಲ ನಿಯಂತ್ರಕ ಮತ್ತು ಕಾನೂನು ನಿಯಮಾವಳಿಗಳು ಪೂರ್ಣಗೊಂಡಿವೆ. ಆನೆಗಳನ್ನು ಖಾಸಗಿ ಸರಕು ವಿಮಾನದ ಮೂಲಕ ಭಾರತಕ್ಕೆ ಸಾಗಿಸಲಾಗುತ್ತದೆ.
ಈ ಸುದ್ದಿಯನ್ನೂ ಓದಿ | Narendra Modi: ದೇಶದ ಒಂದು ಇಂಚು ಭೂಮಿಯನ್ನೂ ಬಿಟ್ಟು ಕೊಡುವುದಿಲ್ಲ; ಸೈನಿಕರೊಂದಿಗೆ ದೀಪಾವಳಿ ಆಚರಿಸಿದ ಮೋದಿ
ಈ ಆನೆಗಳು ಫ್ರಿಗುಯಾ ಪಾರ್ಕ್‌ನಲ್ಲಿ ಕೇಂದ್ರ ಆಕರ್ಷಣೆಯಾಗಿದ್ದರೂ ಆರ್ಥಿಕ ಸಂಕಷ್ಟಗಳು ಮೃಗಾಲಯದ ಮೇಲೆ ಪ್ರಭಾವ ಬೀರಲು ಪ್ರಾರಂಭಿಸಿದವು, ಆ ಕಾರಣದಿಂದ ಈ ಮೂರು ಆಫ್ರಿಕನ್ ಕಾಡಾನೆಗಳನ್ನು ಬೇರೆಡೆ ಕಳಿಸುವ ಮತ್ತು ವೆಚ್ಚದ ಹೊರೆಯಿಂದ ಹೊರಬರುವ ನಿರ್ಧಾರಕ್ಕೆ ಕಾರಣವಾಯಿತು. ಹಲವು ವರ್ಷಗಳ ಕಾಲ ಮೃಗಾಲಯದಲ್ಲಿ ಇದ್ದು, ಮನುಷ್ಯರ ಆರೈಕೆಯ ಮೇಲೆ ಬಹಳವಾಗಿ ಇವು ಅವಲಂಬನೆಯಾಗಿದ್ದರಿಂದ ಕಾಡಿಗೆ ಮರಳುವುದು ಕಾರ್ಯಸಾಧುವೂ ಅಲ್ಲ ಅಥವಾ ಅಪೇಕ್ಷಣೀಯವೂ ಅಲ್ಲ ಎಂದು ಮೃಗಾಲಯವು ತೀರ್ಮಾನಿಸಿತು.
ಅದರ ಪರಿಣಾಮವಾಗಿ, ಆನೆಗಳಿಗೆ ಶಾಂತಿಯುತ ಮತ್ತು ಎಲ್ಲ ಅಗತ್ಯ ಪೂರೈಸುವ ನಿವೃತ್ತಿಯ ಉತ್ತಮ ಅವಕಾಶ ಒದಗಿಸುವ ಕೇಂದ್ರವನ್ನು ಹುಡುಕಿದರು- ಅದು ಅವುಗಳ ಎಲ್ಲ ವಿಶೇಷ ಆರೋಗ್ಯ ಅಗತ್ಯಗಳನ್ನು ಪೂರೈಸಬೇಕು ಮತ್ತು ಅರ್ಹವಾದ ಸಹಾನುಭೂತಿಯ ಆರೈಕೆಯನ್ನು ಒದಗಿಸುವಂಥದ್ದಾಗಿರಬೇಕು ಎಂದು ಆಲೋಚಿಸಿ, ಕೊನೆಗೆ ವಂತಾರವನ್ನು ಸೂಕ್ತ ತಾಣ ಎಂದು ಗುರುತಿಸಲಾಯಿತು.
ಈ ಸುದ್ದಿಯನ್ನೂ ಓದಿ | R Ashok: ವಕ್ಫ್ ವಿವಾದ; ರಾಜ್ಯ ಸರ್ಕಾರದ ವಿರುದ್ಧ ನ. 4 ರಿಂದ ತೀವ್ರ ಹೋರಾಟ: ಆರ್. ಅಶೋಕ್‌
ವಂತಾರದಲ್ಲಿನ ಪಶುವೈದ್ಯಕೀಯ ತಜ್ಞರ ಇತ್ತೀಚಿನ ಆರೋಗ್ಯ ಮೌಲ್ಯಮಾಪನದಲ್ಲಿ ಈ ಆನೆಗಳು ವಿವಿಧ ಆರೋಗ್ಯ ಸವಾಲುಗಳನ್ನು ಎದುರಿಸುತ್ತಿವೆ ಎಂದು ಬಹಿರಂಗವಾಯಿತು. ಚರ್ಮದ ಅನಾರೋಗ್ಯ ಪರಿಸ್ಥಿತಿಯಿಂದಾಗಿ ಈ ಆನೆಗಳಿಗೆ ಕೂದಲು ಉದುರುತ್ತಿದ್ದು ಮತ್ತು ಜಡ ಸ್ಥಿತಿಯ ಚರ್ಮಕ್ಕೆ ಕಾರಣವಾಗಿದ್ದು, ಸ್ಥಿರವಾದ ವೈದ್ಯಕೀಯ ಆರೈಕೆಯ ಅಗತ್ಯವನ್ನು ಒತ್ತಿಹೇಳುತ್ತದೆ. ಅಚ್ಟೌಮ್ ಒಂದು ಸೀಳು ದಂತ ಮತ್ತು ಮೋಲಾರ್ ಹಲ್ಲಿನ ಸೋಂಕನ್ನು ಹೊಂದಿದ್ದು, ಎಚ್ಚರಿಕೆಯ ವೈದ್ಯಕೀಯ ಮತ್ತು ಶಸ್ತ್ರಚಿಕಿತ್ಸಾ ನಿರ್ವಹಣೆಯ ಅಗತ್ಯವಿದೆ, ಆದರೆ ಕಾನಿಯು ಬಿರುಕು ಬಿಟ್ಟ ಉಗುರುಗಳ ಲಕ್ಷಣಗಳನ್ನು ತೋರಿಸುತ್ತಿದೆ, ಗಟ್ಟಿಯಾದ ನೆಲಹಾಸಿಗೆ ದೀರ್ಘಕಾಲದವರೆಗೆ ಒಡ್ಡಿಕೊಳ್ಳುವುದರಿಂದ ಈ ರೀತಿ ಆಗುವ ಸಾಧ್ಯತೆಯಿದೆ.
ಸದ್ಯಕ್ಕೆ, ಆನೆಗಳು ಕಳಪೆ ಮಟ್ಟದ ಗಾಳಿ ಇರುವ ಕಾಂಕ್ರೀಟ್ ಮನೆ ಮತ್ತು ತಮ್ಮ ಮಾನಸಿಕ ಮತ್ತು ದೈಹಿಕ ಯೋಗಕ್ಷೇಮಕ್ಕೆ ಅಗತ್ಯದ ಪೋಷಕಾಂಶಗಳ ಕೊರತೆಯಿರುವ ಗದ್ದೆಯಲ್ಲಿ ವಾಸಿಸುತ್ತವೆ. ಅವುಗಳ ಆಹಾರವು ಪ್ರಾಥಮಿಕವಾಗಿ ಒಣ ಹುಲ್ಲನ್ನು ಒಳಗೊಂಡಿದ್ದು, ಶುದ್ಧ ನೀರಿಗೆಕಡಿಮೆ ಪ್ರವೇಶವನ್ನು ಹೊಂದಿದೆ.
ಆಫ್ರಿಕನ್ ಕಾಡಿನ ಆನೆಗಳು (ಲೋಕ್ಸೊಡೊಂಟಾ ಸೈಕ್ಲೋಟಿಸ್) ಮಧ್ಯ ಮತ್ತು ಪಶ್ಚಿಮ ಆಫ್ರಿಕಾದ ದಟ್ಟವಾದ ಉಷ್ಣವಲಯದ ಕಾಡುಗಳಿಗೆ ಸ್ಥಳೀಯವಾಗಿದ್ದರೂ ಈ ಜಾತಿಯ ಯಾವುದೇ ಕಾಡು ಪ್ರದೇಶವು ಟ್ಯುನಿಷಿಯಾದಲ್ಲಿ ಇಲ್ಲ. ತಮ್ಮ ನೈಸರ್ಗಿಕ ಆವಾಸಸ್ಥಾನಗಳಲ್ಲಿ, ಈ ಆನೆಗಳು ವಿಶಾಲವಾದ ಅರಣ್ಯ ಪ್ರದೇಶಗಳಲ್ಲಿ ಬೆಳವಣಿಗೆ ಕಾಣುತ್ತವೆ. ವೈವಿಧ್ಯಮಯ ಎಲೆಗೊಂಚಲುಗಳ ಮೇಲೆ ಮೇವು ಮತ್ತು ತಮ್ಮ ಚರ್ಮದ ಆರೋಗ್ಯಕ್ಕೆ ಪ್ರಯೋಜನಕಾರಿ ಮಣ್ಣಿನ ಕೊಳಗಳಲ್ಲಿ ಸಂಚರಿಸುವ ಸ್ವಾತಂತ್ರ್ಯವನ್ನು ಆನಂದಿಸುತ್ತವೆ.
ಈ ಸುದ್ದಿಯನ್ನೂ ಓದಿ | Bank Job: ಆಫೀಸರ್ ಹುದ್ದೆಗಳ ಭರ್ತಿಗೆ ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾದ ಅಧಿಸೂಚನೆ ಪ್ರಕಟ; ಕರ್ನಾಟಕದಲ್ಲಿಯೂ ಇದೆ ಅವಕಾಶ
ಸ್ಥಳೀಯ ಸಸ್ಯವರ್ಗ, ಮಣ್ಣಿನ ಕೊಳಗಳು ಮತ್ತು ನೈಸರ್ಗಿಕ ಆಹಾರದ ನಡವಳಿಕೆಗಳನ್ನು ಪ್ರೋತ್ಸಾಹಿಸುವ ಚಿಂತನಶೀಲವಾಗಿ ವಿನ್ಯಾಸಗೊಳಿಸಿದ ಆಹಾರ ಪೋಷಕಾಂಶಗಳನ್ನು ಒಳಗೊಂಡಿರುವ ವಿಸ್ತಾರವಾದ, ಸಮೃದ್ಧವಾದ ಆವರಣಗಳ ಮೂಲಕ ವಂತಾರದಲ್ಲಿ ಈ ಸೌಕರ್ಯಗಳನ್ನು ಮರುಸೃಷ್ಟಿಸಿದೆ. ವಂತಾರಾದಲ್ಲಿನ ಅವುಗಳ ಹೊಸ ನೆಲೆಯು ಅಚ್ಟೌಮ್, ಕಾನಿ ಮತ್ತು ಮಿನಾಗೆ ಕಾಡು ಆವಾಸಸ್ಥಾನವನ್ನು ಹೋಲುವ ಪರಿಸರ ಒದಗಿಸುತ್ತದೆ ಮತ್ತು ಅವುಗಳ ದೈಹಿಕ, ಮಾನಸಿಕ ಮತ್ತು ಸಾಮಾಜಿಕ ಯೋಗಕ್ಷೇಮದ ಬೆಂಬಲಕ್ಕೆ ವಿಶೇಷ ಕಾಳಜಿ ವಹಿಸುತ್ತದೆ. ಸಹಾನುಭೂತಿ ತುಂಬಿದ ಪರಿಸರದಲ್ಲಿ ಸಂತೋಷದಿಂದ ಕಾಲ ಕಳೆಯುವ ಅವಕಾಶವನ್ನು ಮರಳಿ ಒದಗಿಸುತ್ತದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
