ಮುಂಬೈ: ಅಜಯ್‌ ದೇವ್‌ಗನ್‌ (Ajay Devgn) ನಟನೆಯ ಹಾಗೂ ರೋಹಿತ್‌ ಶೆಟ್ಟಿಯ (Rohit Shetty) ಬಹುನಿರೀಕ್ಷಿತ ʼಸಿಂಗಂ ಅಗೇನ್ʼ (Singham Again)ಸಿನಿಮಾ ನವೆಂಬರ್‌ 1 ರಂದು ದೇಶದಾದ್ಯಂತ ಬಿಡುಗಡೆಯಾಗಿದೆ. ಉತ್ತಮ ಪ್ರದರ್ಶನ ನೀಡುತ್ತಿರುವ ಸಿನಿಮಾ ಮೊದಲ ದಿನ 43 ಕೋಟಿ ರೂ. ಬಾಚಿಕೊಂಡಿದೆ (Box office collection). ಈ ಮೂಲಕ ರೋಹಿತ್‌ ಶೆಟ್ಟಿ ಕಾಪ್‌ ಫ್ರಾಂಚೈಸಿಯ ಮೊದಲ ದಿನ ಅತ್ಯಧಿಕ ಗಳಿಕೆ ಮಾಡಿದ ಸಿನಿಮಾ ಎಂದೆಸಿಕೊಂಡಿದೆ.
ಮೊದಲ ದಿನವೇ ಅದ್ಭುತ ಪ್ರದರ್ಶನ
ಅಜಯ್‌ ದೇವಗನ್‌, ಕರೀನಾ ಕಪೂರ್‌ ಇನ್ನೂ ಹಲವು ತಾರಾಗಣವನ್ನು ಒಳಗೊಂಡಿರುವ ಈ ಸಿನಿಮಾಕ್ಕೆ ಸಿನಿ ಪ್ರೇಕ್ಷಕರು ಉತ್ತಮ ಪ್ರತಿಕ್ರಿಯೆ ನೀಡಿದ್ದಾರೆ. ಜೈಪುರ, ದೆಹಲಿ, ಸೂರತ್‌ ಮುಂಬೈ ಸೇರಿದಂತೆ ದೇಶದ ಹಲವು ಕಡೆ ಉತ್ತಮ ಪ್ರತಿಕ್ರಿಯೆ ದೊರೆತಿದ್ದು ಪ್ರೇಕ್ಷಕರು ಥೇಟರ್‌ಗಳತ್ತ ಬರುತ್ತಿದ್ದಾರೆ. ಮೊದಲ ದಿನ ಬೆಳಗಿನ ಶೋ ಗೆ ಶೇ 33 ರಷ್ಟು ಜನ ಇದ್ದರೆ, ಮಧ್ಯಾಹ್ನ ಹಾಗೂ ಸಂಜೆ ಶೋ ಗೆ ಶೇ 77 ರಷ್ಟು ಥಿಯೇಟರ್‌ ಭರ್ತಿ ಇತ್ತು ಎಂದು ತಿಳಿದು ಬಂದಿದೆ.
ಬಾಕ್ಸ್‌ ಆಫೀಸ್‌ ವರದಿಯ ಪ್ರಕಾರ ಮಹಾರಾಷ್ಟ್ರದಲ್ಲಿ ಸಿಂಗಂ ಅಗೇನ್ ಉತ್ತಮ ಪ್ರದರ್ಶನ ಕಂಡಿದ್ದು, ಕಾರ್ತಿಕ್‌ ಆರ್ಯನ್‌ ಅಭಿನಯದ ಭೂಲ್ ಭುಲೈಯಾ 3 ಅನ್ನು ಮೀರಿಸಿದೆ ಎಂದು ಹೇಳಲಾಗಿದೆ. ಆದರೆ ಸಿಂಗಂ ಹಾಗೂ ಸಿಂಗಂ ರಿಟರ್ನ್ಸ್‌ ಸಿನಿಮಾಗೆ ಹೋಲಿಸದರೆ ಸಿಂಗಂ ಅಗೇನ್ ಅಷ್ಟೇನು ದೊಡ್ಡ ಮಟ್ಟದ ಗಳಿಕೆ ಕಂಡಿಲ್ಲ.
ಅಜಯ್‌ ದೇವಗನ್‌, ಕರೀನಾ ಕಪೂರ್‌, ದೀಪಿಕಾ ಪಡುಕೋಣೆ, ಅಕ್ಷಯ್‌ ಕುಮಾರ್‌, ಟೈಗರ್‌ ಶ್ರಾಫ್‌ ಹಾಗೂ ರಣ್‌ವೀರ್‌ ಸಿಂಗ್‌ ಅಭಿನಯದ ಈ ಸಿನಿಮಾ ವಾರಾಂತ್ಯದಲ್ಲಿ ಉತ್ತಮ ಗಳಿಕೆ ಮಾಡುವ ಸಾಧ್ಯತೆಯಿದೆ ಎಂದು ಹೇಳಲಾಗುತ್ತಿದೆ. ಕೆಟ್ಟ ಹಾಗೂ ಒಳ್ಳೆಯವರ ನಡುವೆ ನಡೆಯುವ ಯುದ್ಧವನ್ನು ಆಧುನಿಕತೆಯ ರೂಪದಲ್ಲಿ ತೋರಿಸಲಾಗಿದೆ. ಕರೀನಾ ಕಪೂರ್‌ ಅಜಯ್‌ ದೇವ್‌ಗನ್‌ ಪತ್ನಿಯಾಗಿ ಅಭಿನಯಿಸಿದ್ದು, ಅಕ್ಷಯ್‌ ಹಾಗೂ ರಣ್‌ವೀರ್‌ ಸಿಂಗಂ ರಿಟರ್ನ್ಸ್‌ನ ಸಿಂಬಾ ಹಾಗೂ ಸೂರ್ಯವಂಶಿ ಪಾತ್ರದಲ್ಲಿ ಮಿಂಚಿದ್ದಾರೆ. ದೀಪಿಕಾ ಪಡುಕೋಣೆಯನ್ನು ಲೇಡಿ ಸಿಂಗಂ ಆಗಿ ತೋರಿಸಲಾಗಿದೆ. ಸಿಂಗಂ ಅಗೇನ್ ಸಿನಿಮಾ ಬಾಲಿವುಡ್‌ನ ಆಕ್ಷನ್‌ ಚಿತ್ರವಾಗಿದ್ದು, ರೋಹಿತ್‌ ಶೆಟ್ಟಿ ನಿರ್ದೇಶಿಸಿದ್ದಾರೆ.
ಕಾರ್ತಿಕ್‌ ಆರ್ಯನ್‌ ನಟನೆಯ ಭೂಲ್ ಭುಲೈಯಾ 3 ಚಿತ್ರ ಕೂಡ ಬಿಡುಗಡೆಯಾಗಿದ್ದು, ಸಿಂಗಂ ಅಗೇನ್‌ಗೆ ಭರ್ಜರಿ ಪೈಪೋಟಿ ನೀಡುವ ನಿರೀಕ್ಷೆಯಿದೆ. ವಿದ್ಯಾ ಬಾಲನ್‌, ಮಾಧುರಿ ದೀಕ್ಷಿತ್ ಮತ್ತು ತೃಪ್ತಿ ದಿಮ್ರಿ ನಟಿಸಿದ್ದು ಮೊದಲ ದಿನ ಉತ್ತಮ ಗಳಿಕೆ ಕಂಡಿದೆ. ಬಂಗಾಳದಲ್ಲಿ ನಡೆಯುವ ಹಾರರ್‌ ಹಾಗೂ ಕಾಮಿಡಿ ಮಿಶ್ರ ಚಿತ್ರ ಇದಾಗಿದೆ. ಭೂಲ್ ಭುಲೈಯಾ 2 ಕೂಡ ಉತ್ತಮ ಪ್ರದರ್ಶನ ಕಂಡಿತ್ತು.
ಇದನ್ನೂಓದಿ : Singham Again: ‘ಸಿಂಗಂ ಅಗೇನ್’ ಸಿನಿಮಾದ ಮೊದಲ ಹಾಡು ರಿಲೀಸ್‌; ಹನುಮಂತನಾಗಿ ಮಿಂಚು ಹರಿಸಿದ ರಣವೀರ್‌ ಸಿಂಗ್‌
