ಮುಂಬೈ : ರೈಲಿನಲ್ಲಿ ಪ್ರಯಾಣಿಕರ ರೀಲ್ಸ್, ಸ್ಟಂಟ್‌ ಹೀಗೆ ಸಾಕಷ್ಟು ವಿಡಿಯೊಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುತ್ತವೆ. ಆದರೆ ಇತ್ತೀಚೆಗೆ, ರೈಲಿನ ಒಂದು ಬೋಗಿಯನ್ನು ಬಣ್ಣದಿಂದ ಅಲಂಕರಿಸಿದ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದು, ಇದು ಸಿಕ್ಕಾಪಟ್ಟೆ ವೈರಲ್ (Viral Video) ಆಗಿದೆ.
ವೈರಲ್ ವಿಡಿಯೊದಲ್ಲಿ ಮುಂಬೈನ ಎಸಿ ಲೋಕಲ್ ರೈಲಿನ ಮಹಿಳಾ ಕಂಪಾರ್ಟ್ಮೆಂಟ್ ಸಂಪೂರ್ಣವಾಗಿ ಗುಲಾಬಿ ಬಣ್ಣದಿಂದ ಕಂಗೊಳಿಸುತ್ತಿದ್ದು, ಇದನ್ನು ಪ್ರಯಾಣಿಕರೊಬ್ಬರು ವಿಡಿಯೊ ಮಾಡಿದ್ದಾರೆ. ಸಾಮಾನ್ಯವಾಗಿ ರೈಲಿನ ಬೋಗಿಗಳ ಗೋಡೆಗಳು ಕೊಳಕಾಗಿ, ಬಣ್ಣ ಮಾಸಿದ ಹಾಗೇ ಕಾಣುತ್ತಿರುತ್ತದೆ. ಆದರೆ ಇದು ಸಾಮಾನ್ಯಕ್ಕಿಂತ ವಿಭಿನ್ನ ರೀತಿಯಲ್ಲಿ ಇರುವುದರಿಂದ ಸಹಜವಾಗಿ, ಇದು ಹಲವರಲ್ಲಿ ಆಸಕ್ತಿಯನ್ನುಂಟು ಮಾಡಿದೆ. ಹಾಗಾಗಿ ಇದನ್ನು ನೋಡಿದ ಎಸಿ ಲೋಕಲ್ ರೈಲಿನ ಲೇಡೀಸ್ ಕಂಪಾರ್ಟ್ಮೆಂಟ್‍ನಲ್ಲಿದ್ದ ಪ್ರಯಾಣಿಕರೊಬ್ಬರು ಇದನ್ನು ವಿಡಿಯೊ ಮಾಡಿದ್ದಾರೆ.
ನೀತಿ ಮ್ಯಾಗ್ನಾನಿ ಎಂಬ ಪ್ರಯಾಣಿಕರೊಬ್ಬರು ಗುಲಾಬಿ ಬಣ್ಣದಲ್ಲಿ ಕಂಗೊಳಿಸುತ್ತಿದ್ದ ಎಸಿ ಲೋಕಲ್ ಬೋಗಿಯ ದೃಶ್ಯಗಳನ್ನು ವಿಡಿಯೊ ಮಾಡಿದ್ದಾರೆ. ಸೀಟ್ ಹಾಗೂ ಹ್ಯಾಂಡೆಲ್‍ಗಳನ್ನು ಹೊರತುಪಡಿಸಿ ಇಡೀ ಕಂಪಾರ್ಟ್ಮೆಂಟ್ ಗುಲಾಬಿ ಬಣ್ಣದಲ್ಲಿದೆ.
ಮುಂಬೈ ಎಸಿ ಲೋಕಲ್ ಮಹಿಳಾ ಕಂಪಾರ್ಟ್ಮೆಂಟ್ ಒಳಾಂಗಣದ ಗುಲಾಬಿ ಬಣ್ಣವನ್ನು ಎಲ್ಲರೂ ಮೆಚ್ಚಿಕೊಂಡಿದ್ದಾರೆ. ಹಾಗಾಗಿ ಕೆಲವೇ ದಿನಗಳಲ್ಲಿ, ಈ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಈ ವಿಡಿಯೋ ಈಗಾಗಲೇ ಇನ್ಸ್ಟಾಗ್ರಾಂನಲ್ಲಿ 1.5 ಮಿಲಿಯನ್ ವೀಕ್ಷಣೆಗಳನ್ನು ಗಳಿಸಿದೆ ಮತ್ತು 90,000 ಕ್ಕೂ ಹೆಚ್ಚು ಲೈಕ್‍ಗಳನ್ನು ಪಡೆದುಕೊಂಡಿದೆ. ಈ ವೈರಲ್ ವಿಡಿಯೊಗೆ ಅನೇಕರು ಕಾಮೆಂಟ್ ಕೂಡ ಮಾಡಿದ್ದಾರೆ.ಒಬ್ಬ ಬಳಕೆದಾರರು “ನೇರವಾಗಿ ಬಾರ್ಬಿ ಭೂಮಿಗೆ ಬಂದಿದೆ” ಎಂದು ಬೋಗಿಯ ಸೌಂದರ್ಯವನ್ನು ಹೊಗಳಿದರೆ, ಇನ್ನೊಬ್ಬರು “ಪ್ರತಿ ಮಹಿಳಾ ಕಂಪಾರ್ಟ್ಮೆಂಟ್‍ಗೆ ಗುಲಾಬಿ ಬಣ್ಣ ನೀಡಲು ಅರ್ಜಿ ಸಲ್ಲಿಸಿ” ಎಂದು ಪ್ರಯಾಣಿಕರಿಗೆ ತಿಳಿಸಿದ್ದಾರೆ.
