ಮುಂಬೈ: ಈ ಬಾರಿಯ ದೀಪಾವಳಿಗೆ ಸಿನಿ ಪ್ರಿಯರಿಗೆ ಭರ್ಜರಿ ರಸದೌತಣ ನೀಡಿದ್ದ ಅಜಯ್ ದೇವಗನ್ ನಟನೆಯ ‘ಸಿಂಗಮ್ ಅಗೇನ್ (Singham Again) ಹಾಗೂ ಕಾರ್ತಿಕ್‌ ಆರ್ಯನ್‌ ನಟನೆಯ ಭೂಲ್ ಭುಲೈಯಾ 3 (Bhool Bhulaiyaa 3) ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ದೊರೆತಿದೆ. ಇನ್ನು ಈ ಎರಡೂ ಚಿತ್ರಗಳೂ ಬಾಕ್ಸ್ ಆಫೀಸ್‌ನಲ್ಲಿ ಧೂಳೆಬ್ಬಿಸುತ್ತಿವೆ (Bax office collection).
‘ಸಿಂಗಮ್ ಎಗೇನ್’ ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಸದ್ದು ಮಾಡುತ್ತಿದೆ. ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಮೊದಲ ದಿನ ಭರ್ತಿ 43.70 ಕೋಟಿ ರೂ. ಗಳಿಸಿತ್ತು. ಎರಡನೇ ದಿನ 42.5 ಕೋಟಿ, ಮೂರನೇ ದಿನ 35.75 ಕೋಟಿ, ನಾಲ್ಕನೇ ದಿನ 18 ಕೋಟಿ, ಐದನೇ ದಿನ 14 ಕೋಟಿ ಕಲೆಕ್ಷನ್ ಮಾಡಿದೆ. ವರದಿಯ ಪ್ರಕಾರ, ‘ಸಿಂಗಮ್ ಅಗೇನ್’ ಆರನೇ ದಿನಕ್ಕೆ 10.25 ಕೋಟಿ ರೂ. ಗಳಿಸುವ ಮೂಲಕ ಒಟ್ಟು 164 ಕೋಟಿ ರೂ. ಗಳಿಸುವಲ್ಲಿ ಯಶಸ್ವಿಯಾಗಿದೆ. 350 ಕೋಟಿ ಬಜೆಟ್‌ನಲ್ಲಿ ನಿರ್ಮಾಣವಾದ ಈ ಸಿನಿಮಾದಲ್ಲಿ ಬಹು ತಾರಾಗಣವಿದೆ.
ರೋಹಿತ್‌ ಶೆಟ್ಟಿ ನಿರ್ದೇಶನದ ಸಿಂಗಂ ಅಗೇನ್ ಚಿತ್ರದಲ್ಲಿ ಬಾಲಿವುಡ್‌ನ ತಾರಾಗಣವಾದ ಅಕ್ಷಯ್‌ ಕುಮಾರ್‌, ಅಜಯ್ ದೇವಗನ್, ಕರೀನಾ ಕಪೂರ್‌, ರಣ್‌ವೀರ್‌ ಸಿಂಗ್‌, ದೀಪಿಕಾ ಪಡುಕೋಣೆ, ಟೈಗರ್ ಶ್ರಾಫ್, ಅರ್ಜುನ್‌ ಕಪೂರ್‌ ಸೇರಿದಂತೆ ಹಲವು ಜನರು ನಟಿಸಿದ್ದಾರೆ. ಈ ಹಿಂದೆ ತೆರೆಕಂಡಿದ್ದ ‘ಸಿಂಗಂ ರಿಟರ್ನ್ಸ್’ ಸಿನಿಮಾವು ಮೊದಲ ದಿನ 32.09 ಕೋಟಿ ರೂ. ಗಳಿಸಿತ್ತು. ಆ ದಾಖಲೆ ಈಗ ಬ್ರೇಕ್‌ ಆಗಿದೆ. ರಾಮಾಯಣ ಥೀಮ್‌ನಲ್ಲಿ ‘ಸಿಂಗಂ ಅಗೇನ್’ ಸಿನಿಮಾ ಮಾಡಲಾಗಿದೆ.
ಇದನ್ನೂ ಓದಿ : BTS Movie: ಗಮನ ಸೆಳೆಯುತ್ತಿದೆ ‘ಬಿಟಿಎಸ್’ ಟ್ರೈಲರ್‌; ಹೊಸ ಪ್ರತಿಭೆಗಳ ಸಿನಿಮಾ ಈ ವಾರ ತೆರೆಗೆ
‘ಭೂಲ್ ಭುಲೈಯಾ 3′ ಕಲೆಕ್ಷನ್ ಎಷ್ಟು?
ಕಾರ್ತಿಕ್‌ ಆರ್ಯನ್‌, ತೃಪ್ತಿ ದಿಮ್ರಿ, ವಿದ್ಯಾ ಬಾಲನ್‌ ಸೇರಿದಂತೆ ಹಲವು ಕಲಾವಿದರು ನಟಿಸಿರುವ ಭೂಲ್ ಭುಲೈಯಾ 3 ಉತ್ತಮ ಪ್ರತಿಕ್ರಿಯೆ ದೊರೆತಿದೆ. ಚಿತ್ರವು ಮೊದಲ ದಿನ 36.60 ಕೋಟಿ ರೂ. ಗಳಿಸಿದೆ. ಒಟ್ಟು 150 ಕೋಟಿ ಬಜೆಟ್‌ನಲ್ಲಿ ಸಿನಿಮಾ ಮಾಡಲಾಗಿದೆ. ಈ ವರೆಗೆ ಭೂಲ್ ಭುಲೈಯಾ-3 137 ಕೋಟಿ ರೂ ಗಳಿಸುವಲ್ಲಿ ಯಶಸ್ವಿಯಾಗಿದೆ. ಕಾಮಿಡಿ ಹಾರರ್‌ ಕಾಂಬಿನೇಷನಲ್ಲಿ ಮೂಡಿ ಬಂದಿರುವ ಈ ಸಿನಿಮಾ ಬಂಗಾಳದಲ್ಲಿ ನಡೆಯುವ ಕಥೆಯನ್ನು ಒಳಗೊಂಡಿದೆ.
