ಲಂಡನ್: ಬ್ರಿಟಿಷ್‌ ಸೈನ್ಯದ (British Military) ಸೈನಿಕರಿಬ್ಬರು ಸೇನಾ ಹೆಲಿಕಾಪ್ಟರ್‌ನಲ್ಲಿ ಲೈಂಗಿಕ ಕ್ರಿಯೆ ನಡೆಸುತ್ತಿರುವಾಗ ಅಧಿಕಾರಿಗಳ ಕೈಗೆ ಸಿಕ್ಕಿ ಬಿದ್ದ ಘಟನೆ ನಡೆದಿದೆ(Viral News). ಮದ್ಯದ ಅಮಲಿನಲ್ಲಿದ್ದ ಸೈನಿಕರು ಅರೆ ನಗ್ನ ಸ್ಥಿತಿಯಲ್ಲಿರುವುದು ಕಂಡು ಬಂದಿದೆ. ಕರ್ತವ್ಯದ ವೇಳೆಯಲ್ಲಿ ಈ ರೀತಿ ನಡೆದುಕೊಂಡಿರುವುದನ್ನು ಬ್ರಿಟಿಷ್‌ ಸೇನೆ ಖಂಡಿಸಿದೆ ಎಂದು ಮೂಲಗಳು ತಿಳಿಸಿವೆ.
ವರದಿಗಳ ಪ್ರಕಾರ ಒಬ್ಬ ಪುರುಷ ಹಾಗೂ ಮಹಿಳಾ ಯೋಧರು ತಮ್ಮ ಕೆಲಸ ವೇಳೆ ಮದ್ಯ ಸೇವಿಸಿ ನಶೆಯಲ್ಲಿ ಈ ಕೃತ್ಯ ಎಸಗಿದ್ದಾರೆ ಎಂದು ತಿಳಿದು ಬಂದಿದೆ. ಗ್ರೌಂಡ್ ಸಿಬ್ಬಂದಿ ಆರ್ಮಿ ಏರ್ ಕಾರ್ಪ್ಸ್‌ಗೆ ಸೇರಿದ AH-64 ಹೆಲಿಕಾಪ್ಟರ್ ವಿಚಿತ್ರವಾಗಿ ಹಾರಾಟ ನಡೆಸುತ್ತಿರುವುದನ್ನು ಗಮನಿಸಿದರು. ನಂತರ ಹೆಲಿಕಾಪ್ಟರ್ ಅಲುಗಾಡುವುದನ್ನು ಗಮನಿಸಿದ ಅವರು ಹತ್ತಿರ ಹೋಗಿ ನೋಡಿದಾಗ ಮಹಿಳೆ ಹಾಗೂ ಪುರುಷನ ಧ್ವನಿ ಕೇಳಿಸಿದೆ. ನಂತರ ಪರಿಶೀಲಿಸಿದಾಗ ಇಬ್ಬರು ಲೈಂಗಿಕ ಕ್ರಿಯೆಯಲ್ಲಿ ತೊಡಗಿರುವುದು ಕಾಣಿಸಿದೆ. ಪುರುಷ ಸಮವಸ್ತ್ರದಲ್ಲಿದ್ದರೆ, ಮಹಿಳೆ ಸಿವಿಲ್‌ ವಸ್ತ್ರದಲ್ಲಿದ್ದಳು ಎಂದು ತಿಳಿದು ಬಂದಿದೆ. ತಕ್ಷಣ ಸ್ಥಳಕ್ಕಾಗಮಿಸಿದ ಅಧಿಕಾರಿಗಳು ಬಟ್ಟೆ ಹಾಕಿಕೊಂಡು ಕೆಳಗೆ ಇಳಿದು ಬರಲು ಸೂಚಿಸಿದ್ದಾರೆ. ನಂತರ ಅವರ ಬಳಿ ಘಟನೆಯ ವಿವರಗಳನ್ನು ಪಡೆದಿದ್ದಾರೆ. ನಂತರ ಅವರನ್ನು ಬಂಧಿಸಲಾಗಿದೆ ಎಂಬ ಮಾಹಿತಿ ದೊರಕಿದೆ.
ಮಿಲಿಟರಿ ಏವಿಯೇಷನ್ ಅಥಾರಿಟಿ ಹೇಳಿಕೆ ನೀಡಿದ್ದು, ಕರ್ತವ್ಯ ನಿರತ ಸೈನಿಕರು ಮದ್ಯದ ನಶೆಯಲ್ಲಿದ್ದು, ಹೆಲಿಕಾಪ್ಟರ್‌ನಲ್ಲಿ ಲೈಂಗಿಕ ಕ್ರಿಯೆ ನಡೆಸಿದ್ದು ಹೌದು ಎಂದು ಹೇಳಿದೆ. ಸರಿಸುಮಾರು 90 ಕೋಟಿ ರೂ. ಮೌಲ್ಯದ ಅಪಾಚೆ ಹೆಲಿಕಾಪ್ಟರ್ ಭಾರೀ ಶಸ್ತ್ರಸಜ್ಜಿತ ಹೆಲಿಕಾಪ್ಟರ್ ಆಗಿದೆ. ಇದು 30mm ಫಿರಂಗಿ ಮತ್ತು ಹೆಲ್‌ಫೈರ್ ಕ್ಷಿಪಣಿಗಳನ್ನು ಹೊಂದಿದೆ. ಬ್ರಿಟನ್‌ ಏರ್‌ಪೋರ್ಸ್‌ನ ಒಂದು ಅತ್ಯಾಧುನಿಕ ವಾಹನವಾಗಿದೆ.
ಇದನ್ನೂ ಓದಿ :Mumbai Horror: ಒಂದಲ್ಲ, ಎರಡಲ್ಲ ಬರೋಬ್ಬರಿ 14 ಶ್ವಾನಗಳ ಮಾರಣಹೋಮ! ಚರಂಡಿಯಲ್ಲಿ ತೇಲಿದ ಶವಗಳು- ಶಾಕಿಂಗ್‌ ವಿಡಿಯೋ ವೈರಲ್
ಭಾರತದಲ್ಲಿ ಜೈಲಿಗೆ ಕೈದಿಗಳನ್ನು ಕರೆದೊಯ್ಯುವಾಗ ಸಬ್‌ಇನ್ಸ್‌ಪೆಕ್ಟರ್‌ ಒಬ್ಬರು ಪೊಲೀಸ್ ವಾಹನದೊಳಗೆ ಮದ್ಯಪಾನ ಮಾಡಿದ ಘಟನೆ ವರದಿಯಾಗಿದೆ. ಪೊಲೀಸ್ ಡ್ರೈವರ್‌ ಪಕ್ಕದಲ್ಲಿದ್ದ ಕಪ್ ಹೋಲ್ಡರ್‌ನಲ್ಲಿ ಇರಿಸಲಾಗಿದ್ದ ಮೊಬೈಲ್ ಫೋನ್‍ನಲ್ಲಿ ಈ ವಿಡಿಯೊ ರೆಕಾರ್ಡ್ ಆಗಿದೆ. ನಂತರ ಈ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ಲೀಕ್ ಆಗಿದೆ. ಇದು ವೈರಲ್ ಆದ ಕಾರಣ ಪೊಲೀಸರು ಈಗ ಎಸ್ಎಸ್ಐ ವಿರುದ್ಧ ಇಲಾಖಾ ತನಿಖೆಗೆ ಆದೇಶಿಸಿದ್ದಾರೆ. ತಪ್ಪಿತಸ್ಥರೆಂದು ಸಾಬೀತಾದರೆ ಅವರನ್ನು ಅಮಾನತುಗೊಳಿಸಲಾಗುವುದು ಎನ್ನಲಾಗಿದೆ.
