ಬಿಗ್ ಬಾಸ್ ಕನ್ನಡ ಸೀಸನ್ 11 ರ (Bigg Boss Kannada 11) ಏಳನೇ ವಾರದ ಕಿಚ್ಚನ ಪಂಚಾಯಿತಿ ಸಾಕಷ್ಟು ಕುತೂಹಲ ಕೆರಳಿಸಿದೆ. ಕಲರ್ಸ್ ಕನ್ನಡ ಒಂದು ಪ್ರೊಮೋ ಬಿಡುಗಡೆ ಮಾಡಿದ್ದು, ಇದರಲ್ಲಿ ಚೈತ್ರಾ ಕುಂದಾಪುರ ಅವರಿಗೆ ಸುದೀಪ್ ಖಡಕ್ ಕ್ಲಾಸ್ ತೆಗೆದುಕೊಂಡಿದ್ದಾರೆ. ತಲೆ ಸುತ್ತು ಬಿದ್ದು ಆಸ್ಪತ್ರೆಗೆ ಹೋಗಿ ಬಂದ ನಂತರ ಚೈತ್ರಾ ಅವರು ಕೆಲ ಸದಸ್ಯರಿಗೆ ಹೊರಗಿನ ವಿಚಾರವನ್ನು ಬಹಿರಂಗ ಪಡಿಸಿದ್ದಾರೆ. ಹೀಗೆ ನಿಯಮವನ್ನು ಉಲ್ಲಂಘಿಸಿರುವ ಚೈತ್ರಾ ಮೇಲೆ ಸುದೀಪ್ ಸಿಟ್ಟಾಗಿದ್ದಾರೆ.
ಚೈತ್ರಾ ಹೇಳಿರುವುದೇನು?:
ಈ ವಾರದ ಕಳಪೆ-ಅತ್ಯುತ್ತಮ ಆಯ್ಕೆಗೂ ಮುನ್ನ ಬಿಗ್ ಬಾಸ್ ಮನೆಯಲ್ಲಿ ಅಚ್ಚರಿಯ ಘಟನೆಯೊಂದು ನಡೆದಿತ್ತು. ಚೈತ್ರಾ ಕುಂದಾಪುರ ಅವರು ಇದ್ದಕ್ಕಿದ್ದಂತೆ ಬಾತ್ ರೂಮ್ನಲ್ಲಿ ಕುಸಿದು ಬಿದ್ದಿದ್ದರು. ಕೂಡಲೇ ಬಿಗ್ ಬಾಸ್ ಚೈತ್ರಾ ಕುಂದಾಪುರ ಅವರಿಗೆ ಚಿಕಿತ್ಸೆ ನೀಡುವ ವ್ಯವಸ್ಥೆ ಮಾಡಿದ್ದರು. ಚಿಕಿತ್ಸೆ ಪಡೆದು ಚೇತರಿಸಿಕೊಂಡಿರುವ ಚೈತ್ರಾ ಬಿಗ್ ಬಾಸ್ ಮನೆಗೆ ವಾಪಸ್ ಆಗಿ ಹೊರಗಿನ ಕೆಲ ವಿಚಾರ ಹಂಚಿಕೊಂಡಿದ್ದಾರೆ.
ಚೈತ್ರಾ ಅವರು ಜೈಲಿನೊಳಗಿರುವ ಧನರಾಜ್ ಮತ್ತು ಮಂಜು ಬಳಿ ಏನೋ ಹೇಳಿಕೊಂಡಿದ್ದಾರೆ. ಹೊರಗಿನ ಮಾಹಿತಿ ಕೊಡುತ್ತಿರುವಂತೆ ತೋರಿದೆ. ಮೈಕ್ ಸರಿಸಿ ಧನರಾಜ್ ಬಳಿ ಏನೋ ಹೇಳ ಹೊರಟಿದ್ದಾರೆ. ಮಂಜು ಬಳಿ ಚೈತ್ರಾ ಅವರು 3 ದಿನದಿಂದ ವಾತಾವರಣ ಕಂಪ್ಲೀಟ್‌ ಚೇಂಜ್ ಇದೆ ಅಂತೆ ಎಂದಿದ್ದಾರೆ. ಅದಕ್ಕೆ ಉಗ್ರಂ ಮಂಜು ಅವರು ಈ ವಾತಾವರಣ ಹೇಗಿದೆ ಅಂತೆ ಎಂದು ಪ್ರಶ್ನಿಸಿದ್ದಾರೆ. ಅದಕ್ಕೆ ಚೈತ್ರಾ ಅವರು ಹೇಳಂಗಿಲ್ಲ ಎನ್ನುವ ಉತ್ತರ ನೀಡಿದ್ದಾರೆ.
ಮುಂದುವರಿದು ಮಾತನಾಡಿರುವ ಉಗ್ರಂ ಮಂಜು, ರೆಕ್ಕೆ ಏನು ಜಾಸ್ತಿ ಅಗಲ ಇದ್ಯಾ ಜಾಸ್ತಿ ಮುಚ್ಚಿಕೊಂಡಿದ್ಯಾ ಎಂದು ಮತ್ತೆ ಪ್ರಶ್ನಿಸಿದ್ದಾರೆ. ಆಗ ಚೈತ್ರಾ ಅವರು ರೆಕ್ಕೆ ಮುರಿದು ಹೋಗಿದೆ ಎಂದು ಮಾರ್ಮಿಕವಾಗಿ ಉತ್ತರಿಸಿದ್ದಾರೆ. ನಂತರ ಮೊದಲು ರೆಕ್ಕೆ ಏನು ಚೆನ್ನಾಗಿ ಇತ್ತಾ ಎಂದು ಪ್ರಶ್ನಿಸಿದ್ದಕ್ಕೆ ಚೈತ್ರಾ ಹೇಳಂಗಿಲ್ಲ ಎಂದಿದ್ದಾರೆ. ಇಲ್ಲಿ ಕೆಲ ಸಂಭಾಷಣೆ ಮಧ್ಯೆ ಪಿಸು ಮಾತುಗಳ ಮೂಲಕ ನಡೆದಿದೆ. ನೆಗೆಟಿವ್ ಆಗುತ್ತಾ ಇದೆ ಎಂದು ಧನರಾಜ್ ನೋಡಿ ಕೈ ಸನ್ನೆ ಮಾಡಿದ್ದಾರೆ.
ಇರಲಾರದೇ ಇರುವೆ ಬಿಟ್ಟುಕೊಂಡ್ರಾ ಚೈತ್ರಾ?
— Colors Kannada (@ColorsKannada) November 16, 2024
ವಾರದ ಕತೆ ಕಿಚ್ಚನ ಜೊತೆ | ಇಂದು ರಾತ್ರಿ 9 #BiggBossKannada11 #BBK11 #HosaAdhyaya #ColorsKannada #BannaHosadaagideBandhaBigiyaagide #ಕಲರ್‌ಫುಲ್‌‌ಕತೆ #colorfulstory #Kicchasudeepa pic.twitter.com/KWCxI4jXC3
ಕೋಪಗೊಂಡ ಸುದೀಪ್:
ಈ ವಿಚಾರವನ್ನು ಸುದೀಪ್ ಅವರು ವಾರದ ಪಂಚಾಯಿತಿಯನ್ನು ಎತ್ತಿದ್ದಾರೆ. ಆಸ್ಪತ್ರೆಗೆ ಹೋಗಿ ಬಂದ ನೀವು ಮಾಡಿದ ಕೆಲಸ ಏನು ಅಂತ ಚೈತ್ರಾ ಅವರನ್ನು ಕೇಳಿದ್ದಾರೆ. ಮನೆಬಿಟ್ಟು ಆಸ್ಪತ್ರೆಯಲ್ಲಿ ಕಾಲ ಕಳೀತೀರಾ, ಬೆಳಗ್ಗೆ ಬಂದು ಎಲ್ಲರ ಕಿವಿಗೆ ಹೇಳಿದ್ದೇನೆ. ಇದೆಲ್ಲಾ ಹೇಳುವ ನಿಮ್ಮ ಉದ್ದೇಶ ಏನಿತ್ತು ಎಂದು ಕಿಚ್ಚ ಸುದೀಪ್ ಪ್ರಶ್ನೆ ಮಾಡಿದ್ದಾರೆ. ಇದಕ್ಕೆ ಉತ್ತರಿಸಿದ ಚೈತ್ರಾ ಕುಂದಾಪುರ ನಂಗೆ ಡಾಕ್ಟರ್ಸ್, ನರ್ಸ್ ಹೊರಗಿನ ಕೆಲ ವಿಚಾರ ಹೇಳಿದರು. ನಾನು ಅವರು ಏನು ಹೇಳಿದ್ರೊ ಅದನ್ನೆಷ್ಟೆ ಇಲ್ಲಿ ಹೇಳಿದ್ದೇನೆ ಎಂದಿದ್ದಾರೆ.
ಚೈತ್ರಾ ಮಾತು ಕೇಳಿ ಸುದೀಪ್ ಕೋಪಗೊಂಡು, ಬಾಯಿ ಮುಚ್ಚುವಂತೆ ಚೈತ್ರಾಗೆ ಶ್.. ಎಂದು ಸನ್ನೆ ಮಾಡಿದ್ದಾರೆ. ಸುದೀಪ್ ಕೋಪ ಕಂಡು ಚೈತ್ರಾ ಗಪ್ ಚುಪ್ ಆಗಿದ್ದಾರೆ. ಬಳಿಕ ಚೈತ್ರಾ ಬಿಗ್ ಬಾಸ್ ಕ್ಯಾಮೆರಾ ಮುಂದೆ ಹೋಗಿ ಈ ಉಸಿರುಗಟ್ಟಿಸುವ ವಾತಾವರಣದಲ್ಲಿ ನನಗೆ ಇರಲಿ ಆಗಲ್ಲ ನಾನು ಮನೆಗೆ ಹೋಗ್ತೀನಿ ಎಂದು ಅಳುತ್ತಾ ಹೇಳಿದ್ದಾರೆ.
