ಜೈಪುರ: ಇತ್ತೀಚೆಗೆ ಚಿರತೆಗಳ ದಾಳಿ ಪ್ರಕರಣ ಹೆಚ್ಚಾಗಿ ಕೇಳಿಬರುತ್ತಿದೆ. ಸಾಕು ಪ್ರಾಣಿಗಳನ್ನು ಎಳೆದೊಯ್ದ ಹಲವು ಘಟನೆಗಳು ಈ ಹಿಂದೆ ನಡೆದಿತ್ತು. ಇತ್ತೀಚೆಗೆ ಮೌಂಟ್ ಅಬುವಿನಲ್ಲಿಯೂ ಕೂಡ ಚಿರತೆಯೊಂದು ಸಾಕು ನಾಯಿಯ ಮೇಲೆ ದಾಳಿ ಮಾಡಿದ ಆಘಾತಕಾರಿ ಘಟನೆ ನಡೆದಿದ್ದು, ಈ ದೃಶ್ಯ ಅಲ್ಲಿದ್ದ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಈ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್(Video Viral) ಆಗಿದೆ.
ನಾಲ್ಕು ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಗಳಿಸಿರುವ ಈ ವಿಡಿಯೊ ಅನ್ನು @mountabu_blog ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಇದರಲ್ಲಿ ಮನೆಯ ಹೊರಗಡೆ ಇದ್ದ ನಾಯಿಯ ಮೇಲೆ ಹಿಂದಿನಿಂದ ಬಂದ ಚಿರತೆ ಇದ್ದಕ್ಕಿದ್ದಂತೆ, ನಾಯಿಯ ಮೇಲೆ ಹಾರಿತ್ತು. ನಂತರದ ಅವುಗಳ ನಡುವೆ ತೀವ್ರ ಕಾದಾಟ ನಡೆದಿದೆ. ಚಿರತೆ ತನ್ನ ಹಲ್ಲುಗಳಿಂದ ನಾಯಿಯ ಕುತ್ತಿಗೆಯನ್ನು ಕಚ್ಚಿ ಹಿಡಿದುಕೊಂಡು ಎಳೆದುಕೊಂಡು ಹೋಗಲು ಪ್ರಯತ್ನಿಸಿದೆ. ಆಗ ಮನೆಯೊಳಗಿನ ಬಂದ ಮಹಿಳೆಯೊಬ್ಬಳ ಕಿರುಚಾಟ ಕೇಳಿ ಬೆಚ್ಚಿಬಿದ್ದ ಚಿರತೆ ನಾಯಿಯನ್ನು ಬಿಟ್ಟು ಓಡಿ ಹೋಗಿದೆ. ನಂತರ ಮಹಿಳೆ ನಾಯಿಯನ್ನು ಕರೆದುಕೊಂಡು ಒಳಗೆ ಹೋಗಿದ್ದಾಳೆ.
ಈ ಘಟನೆಯು ಸೋಶಿಯಲ್ ಮೀಡಿಯಾ ಬಳಕೆದಾರರಿಂದ ಹಲವು ಪ್ರತಿಕ್ರಿಯೆಗಳನ್ನು ಪಡೆದುಕೊಂಡಿದೆ. ಅನೇಕರು ಈ ಬಗ್ಗೆ ಆಘಾತ ಮತ್ತು ಕಳವಳವನ್ನು ವ್ಯಕ್ತಪಡಿಸಿದ್ದಾರೆ. ಒಬ್ಬ ಬಳಕೆದಾರರು ಕಾಮೆಂಟ್ ಮಾಡಿ, “ಇದು ಭಯಾನಕವಾಗಿದೆ. ಆ ದಾಳಿಯ ಸಮಯದಲ್ಲಿ ನಾಯಿಗೆ ಏನಾಗಿರಬಹುದು ಎಂದು ಊಹಿಸಲು ಸಾಧ್ಯವಿಲ್ಲ” ಎಂದಿದ್ದಾರೆ.
ಇದನ್ನೂ ಓದಿ:ಕ್ಷುದ್ರ ವಿದ್ಯೆಗಾಗಿ ಒಂದು ವರ್ಷದ ಮಗಳನ್ನೇ ಬಲಿಕೊಟ್ಟು ಕರುಳು ತಿಂದ ತಾಯಿ!
ಇನ್ನೊಬ್ಬರು “ನಾಯಿಯನ್ನು ಚಿರತೆ ಜೀವಂತವಾಗಿ ಬಿಟ್ಟು ಹೋಗಿದ್ದನ್ನು ಕಂಡು ಸಮಾಧಾನವಾಗಿದೆ” ಎಂದಿದ್ದಾರೆ. ಕೆಲವು ಬಳಕೆದಾರರು ಮಹಿಳೆಯ ತ್ವರಿತ ಕ್ರಮ ಹಾಗೂ ಧೈರ್ಯವನ್ನು ಹೊಗಳಿದ್ದಾರೆ. “ಆ ನಾಯಿಯ ಜೀವವನ್ನು ಉಳಿಸುವಲ್ಲಿ ಅವಳ ಕಿರುಚಾಡಿದ್ದು ಒಳ್ಳೆಯದಾಗಿದೆ” ಎಂದು ಒಬ್ಬರು ಹೇಳಿದ್ದಾರೆ. ಇನ್ನೊಬ್ಬರು “ಚಿರತೆಯನ್ನು ಬೆನ್ನಟ್ಟಲು ನಾಯಿಗೆ ಶಕ್ತಿ ಹೇಗೆ ಇತ್ತು ಎಂಬುದು ಆಶ್ಚರ್ಯಕರವಾಗಿದೆ” ಎಂದು ಬರೆದಿದ್ದಾರೆ.
