ನವದೆಹಲಿ: ರೂಪದರ್ಶಿಯೊಬ್ಬಳು ದೆಹಲಿಯ ಇಂಡಿಯಾಗೇಟ್‌ ಎದುರು ತುಂಡು ಟವಲ್‌ ಸುತ್ತಿಕೊಂಡು ಡಾನ್ಸ್‌ ಮಾಡಿ ಹಲವರ ಕೆಂಗಣ್ಣಿಗೆ ಗುರಿಯಾಗಿದ್ದಾಳೆ. 2017 ರ ಮಿಸ್‌ ಕೊಲ್ಕತ್ತಾ ಸ್ಪರ್ಧೆಯ ವಿಜೇತೆ ಸನ್ನತಿ ಮಿತ್ರ ಅವರು ದೆಹಲಿಯ ಇಂಡಿಯಾ ಗೇಟ್‌ ನ ಎದುರು ತುಂಡು ಟವೆಲ್‌ ಅನ್ನು ಮೈಗೆ ಸುತ್ತಿಕೊಂಡು ಡ್ಯಾನ್ಸ್‌ ಮಾಡಿದ್ದಾರೆ. ಆ ವಿಡಿಯೋ ಈಗ ಎಲ್ಲೆಡೆ ಸಾಕಷ್ಟು ವೈರಲ್‌ ಆಗುತ್ತಿದ್ದು, ನೆಟ್ಟಿಗರು ಯುವತಿಯ ಬೋಲ್ಡ್‌ ಡ್ಯಾನ್ಸ್‌ ಗೆ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.
ಪ್ರತಿ ದಿನವೂ ಸಾವಿರಾರು ಪ್ರವಾಸಿಗರು ಭೇಟಿ ಕೊಡುವ ಇಂಡಿಯಾ ಗೇಟ್‌ (India Gate) ನ ಎದುರು ಫೇಮಸ್‌ ಮಾಡೆಲ್‌ ಸನ್ನತಿ ಮಿತ್ರ ಅಸಭ್ಯವಾಗಿ ನೃತ್ಯ ಮಾಡಿದ್ದಾಳೆ. ಮೈಗೆ ಬಿಳಿ ಬಣ್ಣದ ತುಂಡು ಟವೆಲ್‌ ಸುತ್ತಿಕೊಂಡು ಇಷ್ಟಬಂದಂತೆ ಹೆಜ್ಜೆ ಹಾಕಿದ್ದಾಳೆ. ಅವಳ ಅತಿರೇಕದ ವರ್ತನೆಯು ತೀರಾ ಮುಜುಗರ ಹುಟ್ಟಿಸುವಂತಿದ್ದು, ಸಾಕಷ್ಟು ಜನರು ಸಿಟ್ಟಿಗೆದ್ದಿದ್ದಾರೆ.
ಇತ್ತೀಚೆಗೆ ಬಹುತೇಕರು ಜನಪ್ರಿಯತೆಯ ಚಾಳಿಗೆ ಬಿದ್ದಿದ್ದಾರೆ. ಸೋಶಿಯಲ್‌ ಮೀಡಿಯಾದಲ್ಲಿ ಸಿಗುವ ಲೈಕ್ಸ್‌, ಕಮೆಂಟ್ಸ್‌ ಮತ್ತು ಶೇರ್‌ಗಳಿಗಾಗಿ ಅರೆ ಹುಚ್ಚರಂತೆ ವರ್ತಿಸುವುದನ್ನು ನಿತ್ಯ ಕಾಣುತ್ತಿರುತ್ತೇವೆ. ಅರೆಬರೆ ಬಟ್ಟೆ ತೊಟ್ಟು ರೀಲ್ಸ್ ಮಾಡುತ್ತಾರೆ. ತಾನು ಏನು ಮಾಡುತ್ತಿದ್ದೇನೆ ಎಂಬುದರ ಅರಿವೇ ಇಲ್ಲದೆ ಮಾನಸಿಕ ರೋಗಿಗಳಂತೆ ಆಡುತ್ತಾರೆ. ಎಲ್ಲರಿಗೂ ಅಭಿವ್ಯಕ್ತಿ ಸ್ವಾತಂತ್ರ್ಯವಿದೆ. ಇಷ್ಟ ಬಂದಂತೆ ಮಾತನಾಡಲು ಮತ್ತು ನಡೆದುಕೊಳ್ಳಲು ಅವಕಾಶವಿದೆ. ಹಾಗಂತ ನೋಡುಗರಿಗೆ ಮುಜುಗರ ಹುಟ್ಟಿಸುವಂತೆ ನಡೆದುಕೊಳ್ಳಬಾರದು ಎಂದು ನೆಟ್ಟಿಗರು ಕಮೆಂಟ್‌ ಮಾಡಿದ್ದಾರೆ.
ಇನ್ನು ಇದಕ್ಕೂ ಮುನ್ನ ಈಕೆ ದುರ್ಗಾ ಪೆಂಡಾಲ್‌ಗೆ ಅಶುಭ ಸೂಚಕವಾದ ಅಶ್ಲೀಲ ರೀತಿಯಲ್ಲಿ ಕಾಣುವ ಬ್ಲ್ಯಾಕ್ ಗೌನ್ ಉಡುಪು ಧರಿಸಿ ಭೇಟಿ ಕೊಟ್ಟಿದ್ದರು. ಆಗಲೂ ಆಕೆಗೆ ಭಾರೀ ವಿರೋದ ವ್ಯಕ್ತವಾಗಿತ್ತು. ಅಲ್ಲಿ ಅವಳಿಗೆ ಪ್ರವೇಶವನ್ನು ನಿರ್ಬಂಧಿಸಲಾಗಿತ್ತು. ಇದೀಗ ಮತ್ತೆ ಇಂತಹದ್ದೇ ದುರ್ವತನೆ ತೋರಿದ್ದಾಳೆ. ವಿಡಿಯೋವನ್ನು ಸ್ವತಃ ಮಾಡೆಲ್‌ ಸನ್ನತಿ ಮಿತ್ರ ತನ್ನ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದು, “ಅಂತರಾಷ್ಟ್ರೀಯ ಪುರುಷರ ದಿನದ ಶುಭಾಶಯಗಳು” (Happy International Men’s day) ಎಂಬ ಕ್ಯಾಪ್ಶನ್‌ ಕೊಟ್ಟು ಪೋಸ್ಟ್‌ ಮಾಡಿದ್ದಾಳೆ. ನಿನ್ನೆಯಷ್ಟೇ ಹಂಚಿಕೊಂಡ ಈ ವಿಡಿಯೋ 7.3 ಲಕ್ಷ ವೀಕ್ಷಣೆಗಳನ್ನು ಮತ್ತು ಹಲವಾರು ಕಮೆಂಟ್ಸ್‌ ಗಳನ್ನು ಪಡೆದುಕೊಂಡಿದೆ.
ಸನ್ನತಿ ಮಿತ್ರಾಳ ಡಾನ್ಸ್‌ ವೀಕ್ಷಿಸಿರುವ ಹಲವರು ಅವಳಿಗೆ ಕಂಡಾಬಟ್ಟೆ ಬೈದಿದ್ದಾರೆ. ಭಾರೀ ಟೀಕೆಗಳು ವ್ಯಕ್ತವಾಗುತ್ತಿವೆ. ಪ್ರವಾಸಿಗರು ನಿರಂತರವಾಗಿ ಭೇಟಿ ಕೊಡುವ ಜಾಗದಲ್ಲಿ ನಿಂತು ಡಾನ್ಸ್‌ ಮಾಡಿರುವ ಅವಳನ್ನು ಕೂಡಲೇ ಅರೆಸ್ಟ್‌ ಮಾಡಬೇಕು ಎಂದು ಕೆಲವರು ಹೇಳಿದ್ದಾರೆ. ಯುವತಿಯ ಮಿತಿ ಮೀರಿದ ವರ್ತನೆಗೆ ಕಿಡಿಕಾರುತ್ತಲೇ ಇದ್ದಾರೆ. ಪ್ರವಾಸಿಗರು ನಿರಂತರವಾಗಿ ಭೇಟಿ ಕೊಡುವ ಜಾಗದಲ್ಲಿ ನಿಂತು ಡ್ಯಾನ್ಸ್‌ ಮಾಡಿರುವ ಅವಳನ್ನು ಕೂಡಲೇ ಅರೆಸ್ಟ್‌ ಮಾಡಬೇಕು ಎಂದು ಕೆಲವರು ಒತ್ತಾಯಿಸಿದ್ದಾರೆ.
ಈ ಸುದ್ದಿಯನ್ನೂ ಓದಿ: Viral News: ಹಸೆಮನೆ ಏರಬೇಕಾದವ ಸೇರಿದ್ದು ಮಸನಕ್ಕೆ; ಸಾವಿಗೂ ಮುನ್ನ ಮದುವೆ ಸಂಭ್ರಮದಲ್ಲಿದ್ದ ವರನ ವಿಡಿಯೊ ಫುಲ್‌ ವೈರಲ್‌!
