ಉಕ್ರೇನ್ : ಯಾವ ಕಾರಣಕ್ಕೂ ರಷ್ಯಾಗೆ ತಲೆಬಾಗುವ ಪ್ರಶ್ನೆಯೇ ಇಲ್ಲ. ರಷ್ಯಾ ಮುಂದೆ ಶರಣಾಗುವ ಮಾತೇ ಇಲ್ಲ’ ಎಂದು ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್‌ಸ್ಕಿ ಹೇಳಿದ್ದಾರೆ.
ರಷ್ಯಾ-ಉಕ್ರೇನ್ ಯುದ್ಧ ಹಿನ್ನೆಲೆಯಲ್ಲಿ ಸುದ್ದಿಗೋಷ್ಠಿ ನಡೆಸಿದ ಉಕ್ರೇನ್ ಅಧ್ಯಕ್ಷ ‘ ಯಾವ ಕಾರಣಕ್ಕೂ ರಷ್ಯಾಗೆ ತಲೆಬಾಗುವ ಪ್ರಶ್ನೆಯೇ ಇಲ್ಲ. ಈಗಾಗಲೇ ರಷ್ಯಾದ 50 ಸೈನಿಕರನ್ನ ಹೊಡೆದುರುಳಿಸಿದ್ದೇವೆ’ ಎಂದರು.
ಉಕ್ರೇನ್‌ನ 40 ಯೋಧರ ಹತ್ಯೆಯಾಗಿದ್ದು, ಹಲವು ಯೋಧರು ಗಾಯಗೊಂಡಿದ್ದಾರೆ ಎಂದು ಅಧ್ಯಕ್ಷರ ಕಚೇರಿ ಯ ಸಲಹೆಗಾರ ಮಾಹಿತಿ ನೀಡಿದೆ.
ರಷ್ಯಾ ಗುರುವಾರ ಭೂ, ವಾಯು ಮತ್ತು ಸಮುದ್ರದ ಮೂಲಕ ಉಕ್ರೇನ್ ಮೇಲೆ ಸರ್ವಾಂಗೀಣ ಆಕ್ರಮಣವನ್ನ ಪ್ರಾರಂಭಿಸಿದೆ. ಇದು ಎರಡನೇ ಮಹಾ ಯುದ್ಧದ ನಂತರ ಯುರೋಪಿನಲ್ಲಿ ಮತ್ತೊಂದು ದೇಶದ ವಿರುದ್ಧ ಮತ್ತೊಂದು ದೇಶ ನಡೆಸಿದ ಅತಿದೊಡ್ಡ ದಾಳಿಯಾಗಿದೆ.
ಉಕ್ರೇನ್ ತನ್ನ ಗಡಿಗಳನ್ನ ದಾಟಿ ಪೂರ್ವ ಚೆರ್ನಿಹಿವ್, ಖಾರ್ಕಿವ್ ಮತ್ತು ಲುಹಾನ್ಸ್ಕ್ ಪ್ರದೇಶಗಳಿಗೆ ಹರಿದು ದಕ್ಷಿಣದ ಒಡೆಸ್ಸಾ ಮತ್ತು ಮಾರಿಯುಪೋಲ್ ನಗರಗಳಲ್ಲಿ ಸಮುದ್ರದ ಮೂಲಕ ಇಳಿಯುತ್ತಿದೆ ಎಂದು ವರದಿ ಮಾಡಿದೆ.
ಉಕ್ರೇನ್ ರಾಜಧಾನಿ ಕೈವ್ʼನಲ್ಲಿ ಮೊದಲು ಸ್ಫೋಟಗಳು ಕೇಳಿಸಿದ್ದು, ಮುಖ್ಯ ವಿಮಾನ ನಿಲ್ದಾಣದ ಬಳಿ ಗುಂಡಿನ ಸದ್ದು ಮೊಳಗಿತು.
