೮ ನೇ ತರಗತಿ ವಿದ್ಯಾರ್ಥಿಗೆ ಹೃದಯಾಘಾತ : ತರಬೇತಿ ವೇಳೆ ಹಾರಿದ ಪ್ರಾಣ

ಚಿಕ್ಕನಾಯಕನಹಳ್ಳಿ : ಕ್ರೀಡಾ ತರಬೇತಿ ವೇಳೆ ಶಾಲಾ ಆವರಣದಲ್ಲಿ ೮ ನೇ ತರಗತಿಯ ವಿದ್ಯಾರ್ಥಿ ಹೃದಯಾಘಾತಕ್ಕೆ ಬಲಿ ಯಾಗಿದ್ದಾನೆ.

ಮೃತ ಬಾಲಕನನ್ನು ಮಾಕುವಳ್ಳಿ ಗ್ರಾಮದ ಎಂ ಸಂಜಯ್ (೧೪ ವರ್ಷ) ಎಂದು ಗುರುತಿಸಲಾಗಿದೆ. ಶೆಟ್ಟಿಕೆರೆ ಗ್ರಾಮದಲ್ಲಿರುವ ಜನತಾ ಪ್ರೌಢಶಾಲೆಯ ಆವರಣದಲ್ಲಿ ಕ್ರೀಡಾ ತರಬೇತಿಗೆಂದು ರನ್ನಿಂಗ್ ಮಾಡುತ್ತಿದ್ದಾಗ ಏಕಾಏಕಿ ಕುಸಿದು ಬಿದ್ದು ಪ್ರಾಣ ಬಿಟ್ಟಿದ್ದಾನೆ. ಹೃದಯ ಸಂಬAಧಿ ಕಾಯಿಲೆಯಿಂದ ಬಳಲುತ್ತಿದ್ದ ವಿದ್ಯಾರ್ಥಿಯನ್ನು ಪೋಷಕರ ಸಲಹೆಯ ಮೇರೆಗೆ ಶಾಲೆಗಳಲ್ಲಿ ನಡೆಯುವ ಆಟೋಟಗಳಿಂದ ದೂರ ಇರಿಸಲಾಗಿತ್ತು. ಇದರಿಂದ ನೊಂದಿದ್ದ ವಿದ್ಯಾರ್ಥಿಯು ಪೋಷಕರೊಂದಿಗೆ ಜಗಳವಾಡಿ ಎರಡು ದಿನ ಶಾಲೆಗೆ ಗೈರಾಗಿದ್ದನು. ನಂತರ ಅವರ ಅಣ್ಣನು ಶಾಲೆಗೆ ಆಗಮಿಸಿ ಸಂಜಯ್ ಯಾವಾಗಲೂ ಮಂಕಾಗಿದ್ದು ಆಟಕ್ಕೆ ಸೇರಿಸಿಕೊಳ್ಳುವಂತೆ ಶಾಲಾ ಶಿಕ್ಷಕರಿಗೆ ಮನವಿ ಮಾಡಿದ್ದನು.

ಅವರ ಅಣ್ಣನ ಸಲಹೆ ಮೇರೆಗೆ ಕ್ರೀಡಾ ಚಟುವಟಿಕೆಗಳಿಗೆ ಭಾಗವಹಿಸಲು ತರಬೇತಿಗೆಂದು ಶಾಲಾ ಆವರಣಕ್ಕೆ ಆಗಮಿಸಿ ದೈಹಿಕ ಶಿಕ್ಷಕರ ಸಮ್ಮುಖದಲ್ಲಿ ಓಡುತ್ತಿರುವಾಗ ಕುಸಿದು ಬಿದ್ದಿದ್ದಾನೆ.

ತಕ್ಷಣ ಸ್ಥಳೀಯ ಆಸ್ಪತ್ರೆಗೆ ತೋರಿಸಲಾಗಿ ವಿದ್ಯಾರ್ಥಿ ಮೃತಪಟ್ಟಿದ್ದಾನೆಂದು ತಿಳಿಸಿದ್ದಾರೆ. ಈ ಬಗ್ಗೆ ಚಿ.ನಾ.ಹಳ್ಳಿ ಪೋಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.