ಅಸ್ಸಾಂನಲ್ಲಿ ಪ್ರವಾಹ: ಸಾವಿನ ಸಂಖ್ಯೆ 190ಕ್ಕೆ ಏರಿಕೆ

ಬಜಾಲಿ, ಕ್ಯಾಚಾರ್, ಚಿರಾಂಗ್, ದಿಬ್ರುಗಢ, ಹೈಲಕಂಡಿ, ಕಮ್ರೂಪ್, ಕರೀಮ್‌ಗಂಜ್, ಮೊರಿಗಾಂವ್, ನಾಗಾಂವ್, ಶಿವಸಾಗರ್ ಮತ್ತು ತಮುಲ್‌ಪುರ್ ಜಿಲ್ಲೆಗಳಲ್ಲಿ ಒಟ್ಟು 8,88,177 ಜನರು ಪ್ರವಾಹ ಪೀಡಿತರಾಗಿದ್ದಾರೆ.

ಕಳೆದ 24 ಗಂಟೆಗಳಲ್ಲಿ ಒಂದು ಮಗು ಸೇರಿದಂತೆ ಮೂವರು ಮೃತಪಟ್ಟಿದ್ದಾರೆ. ಕ್ಯಾಚಾರ್ ಮತ್ತು ನಾಗಾಂವ್ ಜಿಲ್ಲೆಗಳಲ್ಲಿ ಇಬ್ಬರು ನೀರಿನಲ್ಲಿ ಮುಳುಗಿದರೆ, ಹೈಲಕಂಡಿಯಲ್ಲಿ ಭೂಕುಸಿತದಲ್ಲಿ ಒಬ್ಬರು ಸಾವನ್ನಪ್ಪಿದ್ದಾರೆ. ಇದರೊಂದಿಗೆ ಈ ವರ್ಷದ ಪ್ರವಾಹ ಮತ್ತು ಭೂಕುಸಿತದಲ್ಲಿ ಸತ್ತವರ ಸಂಖ್ಯೆ 190 ಕ್ಕೆ ಏರಿದೆ.

ಕ್ಯಾಚಾರ್ ಹೆಚ್ಚು ಹಾನಿಗೊಳಗಾದ ಜಿಲ್ಲೆಯಾಗಿ 5.63 ಲಕ್ಷಕ್ಕೂ ಹೆಚ್ಚು ಜನರು ಬಾಧಿತರಾಗಿದ್ದಾರೆ. ಮೋರಿಗಾಂವ್ ಮತ್ತು ನಾಗಾವ್, ಅನುಕ್ರಮವಾಗಿ ಸುಮಾರು 1.52 ಲಕ್ಷ ಮತ್ತು 1.45 ಲಕ್ಷ ಜನರು ಪ್ರವಾಹದಿಂದ ಸಂಕಷ್ಟ ಎದುರಿಸುತ್ತಿದ್ದಾರೆ.

ಬರ್ಪೇಟಾ, ಬಿಸ್ವನಾಥ್, ಬೊಂಗೈಗಾಂವ್, ದರ್ರಾಂಗ್, ಮಜುಲಿ, ಮೊರಿಗಾಂವ್, ನಲ್ಬರಿ, ತಮುಲ್‌ಪುರ್, ತಿನ್‌ಸುಕಿಯಾ ಮತ್ತು ಉದಲ್‌ಗುರಿ ಜಿಲ್ಲೆಗಳಲ್ಲಿ ಭಾರಿ ಸವೆತಗಳು ವರದಿಯಾಗಿದ್ದು, ದಕ್ಷಿಣ ಅಸ್ಸಾಂನ ಹೈಲಕಂಡಿ ಮತ್ತು ಕರೀಮ್‌ಗಂಜ್ ಜಿಲ್ಲೆಗಳಲ್ಲಿ ಕೆಲವು ಭೂಕುಸಿತ ಪ್ರಕರಣಗಳು ಕಂಡುಬಂದಿವೆ.

ಕರೀಂಗಂಜ್, ಧೇಮಾಜಿ, ದಿಬ್ರುಗಢ, ಮೋರಿಗಾಂವ್, ಶಿವಸಾಗರ್, ಬರ್ಪೇಟಾ, ಕಮ್ರೂಪ್ ಮತ್ತು ಮಜುಲಿ ಜಿಲ್ಲೆಗಳಲ್ಲಿ ಪ್ರವಾಹದ ನೀರಿನಿಂದ ಒಡ್ಡು, ರಸ್ತೆಗಳು ಮತ್ತು ಇತರ ಮೂಲಸೌಕರ್ಯಗಳು ಹಾನಿಗೊಳಗಾಗಿವೆ.