ವಾಷಿಂಗ್‌ಟನ್‌: ಸಾವಿರಾರು ಗ್ಯಾಲಕ್ಸಿಗಳಿಂದ ತುಂಬಿರುವ ನೀಲಿ, ಕಿತ್ತಳೆ ಮತ್ತು ಬಿಳಿ ಬಣ್ಣಗಳಲ್ಲಿ ಚಿತ್ರಿತವಾದ ಕೆಲವು ಮಸುಕಾದ ವಸ್ತುಗಳನ್ನು ಒಳಗೊಂಡ ಚಿತ್ರವನ್ನು ಅಮೆರಿಕ ಅಧ್ಯಕ್ಷ ಜೋ ಬಿಡೆನ್ ಅವರು ಶ್ವೇತಭವನದಲ್ಲಿ ಬಿಡುಗಡೆ 
ಮಾಡಿದರು.
13 ಶತಕೋಟಿ ವರ್ಷಗಳ ಹಿಂದಿನ ಬ್ರಹ್ಮಾಂಡದ ಆರಂಭದಿಂದ ಇಂದಿನವರೆಗಿನ ಸ್ಪಷ್ಟ ವಾದ ಚಿತ್ರ ಬಿಡುಗಡೆಯಾಗಿದೆ.
ಗೆಲಕ್ಸಿಗಳ ತೆಗೆದ ಮೊದಲ ಚಿತ್ರಗಳನ್ನು ಜೇಮ್ಸ್ ವೆಬ್ ಅವರು ಬಾಹ್ಯಾಕಾಶ ದೂರ ದರ್ಶಕದಿಂದ ಸೆರೆಹಿಡಿಯಲಾಗಿದೆ. ಈಗ ಇದನ್ನು ನಾಸಾ ಬಿಡುಗಡೆ ಮಾಡಿದೆ. ಈ ಚಿಕ್ಕ ಚುಕ್ಕೆಗಳಲ್ಲಿ ಒಂದರ ಮೇಲೆ ನೀವು ನೋಡುತ್ತಿರುವ ಬೆಳಕು 13 ಶತಕೋಟಿ ವರ್ಷಗಳಿಂದ ಪ್ರಯಾಣಿಸುತ್ತಿದೆ. ಇದು ಬಿಗ್ ಬ್ಯಾಂಗ್‌ಗಿಂತ ಕೇವಲ 800 ಮಿಲಿಯನ್ ವರ್ಷಗಳಷ್ಟು ಕಿರಿಯವಾಗಿದೆ.
ಚಿತ್ರ ಬಿಡುಗಡೆ ಮಾಡಿದ ಯುಎಸ್ ಅಧ್ಯಕ್ಷ ಜೋ ಬಿಡೆನ್, ಇಂದು ಐತಿಹಾಸಿಕ ದಿನ. ಇದು ಅಮೆರಿಕಾ ಮತ್ತು ಎಲ್ಲಾ ಮಾನವೀಯತೆಗೆ ಐತಿಹಾಸಿಕ ಕ್ಷಣವಾಗಿದೆ ಎಂದರು.
ಚಿತ್ರಗಳ ಬಿಡುಗಡೆ ಸಂದರ್ಭದಲ್ಲಿ ಅಮೆರಿಕ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್, ಇದು ನಮಗೆಲ್ಲರಿಗೂ ಬಹಳ ರೋಮಾಂಚನಕಾರಿ ಕ್ಷಣವಾಗಿದೆ ಎಂದು ಅವರು ಹೇಳಿದರು. ಇದು ನಮ್ಮ ಮಿಷನ್‌ನ ಪ್ರಮುಖ ವಿಜ್ಞಾನ ವಿಷಯಗಳನ್ನು ಅನ್ವೇಷಿಸುವುದನ್ನು ಮುಂದುವರಿಸುತ್ತದೆ ಎಂದು ಚಿತ್ರಗಳ ಬಗ್ಗೆ ನಾಸಾ ಹೇಳಿದೆ.
10 ಶತಕೋಟಿ ಡಾಲರ್‌ನ ಜೇಮ್ಸ್ ವೆಬ್ ಟೆಲಿಸ್ಕೋಪ್‌ನ ಚಿತ್ರಗಳು ವೀಕ್ಷಣಾಲಯದ ವಿವಿಧ ಘಟಕಗಳನ್ನು ದೂರದಿಂದಲೇ ಬಿಚ್ಚಿಡುವ ಆರು ತಿಂಗಳ ಸತತ ಪ್ರಯತ್ನದ ನಂತರ ಬಿಡುಗಡೆ ಮಾಡಲಾಗುತ್ತಿದ್ದು, ಖಗೋಳ ಸಂಶೋಧನೆಯ ಕ್ರಾಂತಿಕಾರಿ ಯುಗಕ್ಕೆ ನಾಂದಿ ಹಾಡಿದೆ.
ಜೇಮ್ಸ್ ವೆಬ್ ಬಾಹ್ಯಾಕಾಶ ದೂರದರ್ಶಕ ಮಿಷನ್ ಡಿಸೆಂಬರ್ 2021ರಲ್ಲಿ ಬಾಹ್ಯಾಕಾಶಕ್ಕೆ ಉಡಾವಣೆಯಾಯಿತು. ಇದನ್ನು ಮೂಲತಃ 10 ವರ್ಷಗಳವರೆಗೆ ಇರುತ್ತದೆ ಎಂದು ನಿರೀಕ್ಷಿಸಲಾಗಿತ್ತು.
