ವಿಶ್ವವ್ಯಾಪಿ
ಡಾ.ಎ.ಜಯಕುಮಾರ ಶೆಟ್ಟಿ
ajkshettysdmcujire.in
ಯುಎಸ್ ಮತ್ತು ಚೀನಾ ನಡುವಿನ ವ್ಯಾಪಾರ ಯುದ್ಧದ ಉಲ್ಬಣವು ಬೀಜಿಂಗ್ ಅನ್ನು ಭಾರತೀಯ ಮಾರುಕಟ್ಟೆಗಳಲ್ಲಿ ಸರಕುಗಳನ್ನು ಡಂಪ್ ಮಾಡಲು ತಳ್ಳಬಹುದು ಎಂದು ಆರ್ಥಿಕ ಚಿಂತಕರ ಟ್ಯಾಂಕ್ ಗ್ಲೋಬಲ್ ಟ್ರೇಡ್ ರಿಸರ್ಚ್ ಇನಿಶಿಯೇಟಿವ್ ಹೇಳಿದೆ. ಅಮೆರಿಕ ಸುಂಕ ಹೇರಿದ ಉತ್ಪನ್ನಗಳಲ್ಲಿ ಮಿತಿಮೀರಿದ ಉತ್ಪಾದನಾ ಸಾಮರ್ಥ್ಯ ಹೊಂದಿದ ಚೀನಾ ಸಹಜವಾಗಿ ನೆರೆಯ ಭಾರತದಲ್ಲಿ ಡಂಪಿಂಗ್ ಮಾಡುವ ಸಾಧ್ಯತೆಯನ್ನು ತಳ್ಳಿಹಾಕಲಾಗದು.
ಜಗತ್ತಿನ ಎರಡು ದೊಡ್ಡ ಆರ್ಥಿಕತೆಗಳಾದ ಅಮೆರಿಕ ಮತ್ತು ಚೀನಾ ನಡುವಿನ ಸುಂಕ ಸಮರವು ಆರಂಭವಾಗಿದೆ. ಕಳೆದ ಮಂಗಳವಾರ ಅಮೆರಿಕ
ಅಧ್ಯಕ್ಷ ಜೋ ಬಿಡೆನ್ ೧೮ ಬಿಲಿಯನ್ ಮೌಲ್ಯದ ವಿವಿಧ ಚೀನೀ ಸರಕುಗಳ ಆಮದಿನ ಮೇಲೆ ಸುಂಕ ಹೆಚ್ಚಳವನ್ನು ಘೋಷಿಸಿದ್ದಾರೆ. ಅಮೆರಿಕ ಮತ್ತು ಅದರ ಅತಿದೊಡ್ಡ ವ್ಯಾಪಾರ ಪಾಲು ದಾರ ಚೀನಾ ನಡುವಿನ ಇತ್ತೀಚಿನ ಸುತ್ತಿನ ಸುಂಕದ ಯುದ್ಧವು ಭಾರತಕ್ಕೆ ಮಹತ್ವದ ಅವಕಾಶವನ್ನು ನೀಡಲು ಸಿದ್ಧವಾಗಿದೆ.
ಸುಂಕ ಸಮರ
ದೇಶೀಯ ಕೈಗಾರಿಕೆಗಳನ್ನು ರಕ್ಷಿಸಲು ಮತ್ತು ಅನ್ಯಾಯದ ವ್ಯಾಪಾರ ಅಭ್ಯಾಸಗಳನ್ನು ಪರಿಹರಿಸುವ ಕ್ರಮದಲ್ಲಿ ಚೀನೀ ಎಲೆಕ್ಟ್ರಿಕ್ ವಾಹನಗಳ ಮೇಲಿನ ಸುಂಕಗಳನ್ನು ನಾಲ್ಕು ಪಟ್ಟು ಮತ್ತು ಇತರ ಹಸಿರು ತಂತ್ರeನದ ಮೇಲೆ ಸುಂಕಗಳ ಹೆಚ್ಚಳ ವನ್ನು ಘೋಷಿಸುವ ಮೂಲಕ ಅಮೆರಿಕ ಚೀನಾದೊಂದಿಗೆ
ವ್ಯಾಪಾರ ಯುದ್ಧವನ್ನು ಕಳೆದ ಮಂಗಳವಾರ ಪುನರುಜ್ಜೀವನಗೊಳಿಸಿತು. ೨೦೧೮-೨೦೨೦ ರ ಅವಧಿಯಲ್ಲಿ ಯುಎಸ್ ಮತ್ತು ಚೀನಾ ಪರಸ್ಪರ ಆಮದು ಗಳ ಮೇಲೆ ಟಿಟ-ಫಾರ್-ಟ್ಯಾಟ್ ಸುಂಕಗಳನ್ನು ವಿಧಿಸುವ ಮೂಲಕ ಸುಂಕ ಸಮರಕ್ಕೆ ನಾಂದಿ ಹಾಡಿದವು. ಪರಿಣಾಮವಾಗಿ ಅಮೆರಿಕದಲ್ಲಿ ಬೆಲೆಗಳು ಏರಿದವು, ಉದ್ಯೋಗಗಳು ಕಳೆದುಹೋದವು ಮತ್ತು ಕಾರ್ಪೊರೇಟ್ ಲಾಭಗಳು ಕುಸಿಯಿತು. ಎರಡೂ ದೇಶಗಳಲ್ಲಿ ಆರ್ಥಿಕ ಬೆಳವಣಿಗೆ ಕುಂಠಿತ ಗೊಂಡಿತು. ೨೦೨೦ ರಲ್ಲಿ ಉಭಯ ದೇಶಗಳು ಹೆಚ್ಚುವರಿ ವ್ಯಾಪಾರ ಸುಂಕಗಳ ಯೋಜನೆಗಳನ್ನು ತಟಸ್ಥಗೊಳಿಸಲು ಒಪ್ಪಿಕೊಂಡಾಗ ವ್ಯಾಪಾರದ ಉದ್ವಿಗ್ನತೆ ಕಡಿಮೆಯಾಯಿತು.
ವ್ಯಾಪಾರ ಅಸಮತೋಲನ
ಎರಡು ದೇಶಗಳ ಆಮದು-ರಫ್ತುಗಳನ್ನು ಹೋಲಿಸಿ ನೋಡಿದರೆ, ಚೀನಾ ಮುಂಚೂಣಿಯಲ್ಲಿದೆ. ಅಮೆರಿಕದಿಂದ ಚೀನಾ ಆಮದು ಮಾಡಿಕೊಳ್ಳುವು ದಕ್ಕಿಂತ ಸುಮಾರು ಮೂರು ಪಟ್ಟು ಹೆಚ್ಚು ಮೌಲ್ಯದ ವಸ್ತುಗಳನ್ನು ರಫ್ತು ಮಾಡುತ್ತಿದೆ. ಅಮೆರಿಕದ ಸೆನ್ಸಸ್ ಬ್ಯೂರೋ ಪ್ರಕಾರ ೨೦೨೩ ರಲ್ಲಿ ಅಮೆರಿಕವು ಚೀನಾದಿಂದ ೪೨೭ ಬಿಲಿಯನ್ ಡಾಲರ್ ಮೌಲ್ಯದ ಸರಕುಗಳನ್ನು ಆಮದು ಮಾಡಿಕೊಂಡಿತು. ಅದಕ್ಕೆ ಪ್ರತಿಯಾಗಿ ಕೇವಲ ೧೪೮ ಬಿಲಿಯನ್ ಡಾಲರ್ ಮೌಲ್ಯದ ಸರಕುಗಳನ್ನು ಚೀನಾಕ್ಕೆ ರಫ್ತು ಮಾಡಲಾಗಿದೆ. ಪರಿಣಾಮವಾಗಿ ೨೦೨೩ ರಲ್ಲಿ ಚೀನಾದಿಂದ ಅಮೆರಿಕದ ಆಮದುಗಳ ಮೌಲ್ಯವು ರಪ್ತುಗಳ ಮೌಲ್ಯಕ್ಕಿಂತ ೨೭೯.೪ ಬಿಲಿಯನ್ ಡಾಲರುಗಳಷ್ಟು ಹೆಚ್ಚಿತ್ತು.
ಚೀನಾದೊಂದಿಗಿನ ಅಮೆರಿಕ ಸರಕುಗಳ ವ್ಯಾಪಾರ ಕೊರತೆಯು ೨೦೨೧ ಕ್ಕಿಂತ ೮.೩ ಶೇಕಡಾ ಹೆಚ್ಚಳ (೨೯.೪ ಬಿಲಿಯನ್)ವಾಗಿ ೨೦೨೨ ರಲ್ಲಿ ೩೮೨.೩ ಬಿಲಿಯನ್ ಆಗಿತ್ತು. ತಮ್ಮ ಆಮದುಗಳ ಮೌಲ್ಯವು ತಮ್ಮ ರಫ್ತುಗಳ ಮೌಲ್ಯವನ್ನು ಮೀರಿದಾಗ ದೇಶಗಳು ವ್ಯಾಪಾರ ಕೊರತೆಯನ್ನು ಎದುರಿಸುತ್ತವೆ. ಪ್ಯೂ ರಿಸರ್ಚ್ ಸೆಂಟರ್‌ನ ಇತ್ತೀಚಿನ ಸಮೀಕ್ಷೆಯ ಪ್ರಕಾರ, ಹತ್ತು ಅಮೆರಿಕನ್ನರಲ್ಲಿ ನಾಲ್ಕು ಜನರು ಚೀನಾದೊಂದಿಗಿನ ಅಮೆರಿಕ ವ್ಯಾಪಾರ ಕೊರತೆಯನ್ನು ಬಹಳ ಗಂಭೀರ ಸಮಸ್ಯೆಯಾಗಿ ನೋಡುತ್ತಾರೆ. ಚೀನಾದ ಈ ಬೆಳವಣಿಗೆ ಅಮೆರಿಕದ ಉದ್ಯೋಗ ಹಾಗೂ ಉತ್ಪಾದನೆ ಮೇಲೆ ಋಣಾತ್ಮಕ ಪರಿಣಾಮ ಬೀರಿದೆ.
ಚೀನಾದ ವಾಣಿಜ್ಯ ನೀತಿಗಳ ಬಗ್ಗೆ ತನಿಖೆ ನಡೆಸಲು ಅಮೆರಿಕ ಅಧ್ಯಕ್ಷ ಡೊನಾಲ್ಡ ಟ್ರಂಪ್ ೨೦೧೭ ರಲ್ಲಿ ನೇಮಿಸಿದ್ದ ಸಮಿತಿಯು ಆದರ್ಶ ವ್ಯಾಪಾರ ವಹಿವಾಟಿನ ರೀತಿನೀತಿಗಳನ್ನು ಚೀನಾ ಉಲ್ಲಂಘಿಸಿದೆ ಎಂದು ರುಜುವಾತು ಮಾಡಿತು. ಆಮೇರಿಕಾ ಈ ನಿಟ್ಟಿನಲ್ಲಿ ಚೀನಾದಿಂದ ಆಮದಾಗುವ ಹಲವು ಸರಕುಗಳ ಮೇಲೆ ಹಲವು ಶತಕೋಟಿ ಡಾಲರುಗಳಷ್ಟು ಮೌಲ್ಯದ ಸುಂಕವನ್ನು ವಿಧಿಸಿತ್ತು. ಚೀನಾದ ನ್ಯಾಯಪರವಲ್ಲದ ವ್ಯಾಪಾರದ ಆಚರಣೆಗಳು ಮತ್ತು ಆಮೇರಿಕಾದ ಬೌದ್ಧಿಕ ಆಸ್ತಿಯ ಕಳ್ಳತನ ಈ ಒತ್ತಡಕ್ಕೆ ಕಾರಣ ಎಂದು ಆಮೆರಿಕದ ವಾದ. ಸ್ವಹಿತ ರಕ್ಷಣೆಗಾಗಿ ಅಮೆರಿಕವು ೨೦೧೭ ರಲ್ಲಿ ಸುಂಕ ಹೆಚ್ಚಿಸುವ ಕಠಿಣ ನಿರ್ಧಾರಕ್ಕೆ ಬಂದಿತ್ತು.
ಅಮದು ಸುಂಕ ಹೆಚ್ಚಳ
ಈಗ ಏರುಗತಿಯಲ್ಲಿರುವ ವ್ಯಾಪಾರ ಅಸಮತೋಲನವನ್ನು ಕಡಿಮೆ ಮಾಡಲು ರಕ್ಷಣಾ ಕ್ರಮವಾಗಿ ಅಮೆರಿಕ ಅಧ್ಯಕ್ಷ ಜೋ ಬಿಡೆನ್, ಬ್ಯಾಟರಿಗಳು, ವಿದ್ಯುತ್ ವಾಹನಗಳು, ಉಕ್ಕು, ಸೌರ ಕೋಶಗಳು ಮತ್ತು ಅಲ್ಯೂಮಿನಿಯಂ ಸೇರಿದಂತೆ ಚೀನೀ ಉತ್ಪನ್ನಗಳ ಮೇಲೆ ಭಾರೀ ಸುಂಕಗಳನ್ನು ವಿಽಸಿzರೆ. ಸುಂಕಗಳಲ್ಲಿ ಎಲೆಕ್ಟ್ರಿಕ್ ವಾಹನಗಳ ಮೇಲೆ ೧೦೦ ಪ್ರತಿಶತ ಸುಂಕ, ಸೆಮಿಕಂಡಕ್ಟರ್‌ಗಳ ಮೇಲೆ ೫೦ ಪ್ರತಿಶತ ಸುಂಕ ಮತ್ತು ಚೀನಾ ದಿಂದ ಆಮದು ಮಾಡಿಕೊಳ್ಳುವ ಎಲೆಕ್ಟ್ರಿಕ್ ವಾಹನ ಬ್ಯಾಟರಿಗಳ ಮೇಲೆ ೨೫ ಪ್ರತಿಶತ ಸುಂಕ ಸೇರಿವೆ. ಹೆಚ್ಚಿದ ಸುಂಕಗಳಿಗೆ ಒಳಪಡುವ ಇತರ ವಸ್ತುಗಳು ವೈದ್ಯಕೀಯ ಕೈಗವಸುಗಳು, ಸಿರಿಂಜ್ಗಳು, ಸೂಜಿಗಳು, ಕೆಲವು ನಿರ್ಣಾಯಕ ಖನಿಜಗಳು ಮತ್ತು ಸೌರ ಕೋಶಗಳನ್ನು ಒಳಗೊಂಡಿವೆ.
ನ್ಯಾಯಸಮ್ಮತವಲ್ಲದ ವ್ಯಾಪಾರದ ವಿರುದ್ಧ ಕ್ರಮ ಪ್ರಸ್ತಾವಿತ ಸುಂಕ ಹೆಚ್ಚಳವು ಚೀನಾದ ನ್ಯಾಯಸಮ್ಮತವಲ್ಲದ ವ್ಯಾಪಾರ ಅಭ್ಯಾಸಗಳನ್ನು ಎದುರಿಸಲು ಆಮೆರಿಕ ಕೈಗೊಂಡ ದೊಡ್ಡ ಕಾರ್ಯತಂತ್ರದ ಭಾಗವಾಗಿದೆ. ಯುಎಸ್ ವ್ಯಾಪಾರ ಪ್ರತಿನಿಧಿ ಕ್ಯಾಥರೀನ್ ತೈ ಅವರ ಪ್ರಕಾರ ಜಾಗತಿಕ ಮಾರುಕಟ್ಟೆಯಲ್ಲಿ ಕಡಿಮೆ ಬೆಲೆಯ ಚೈನೀಸ್ ಸರಕುಗಳ ಉಲ್ಬಣವನ್ನು ಎದುರಿಸಲು ಈ ಕ್ರಮಗಳು ಅಗತ್ಯ ಎಂದು ಅಭಿಪ್ರಾಯಪಡುತ್ತಾರೆ.
ಸುಂಕ ಹೆಚ್ಚಳವು ೧೯೭೪ ರ ವ್ಯಾಪಾರ ಕಾಯಿದೆಯ ಸೆಕ್ಷನ್ ೩೦೧ ರ ಅಡಿಯಲ್ಲಿ ಅಮೆರಿಕದ ವಿಶಾಲವಾದ ಕಾರ್ಯತಂತ್ರದ ಒಂದು ಭಾಗವಾಗಿದೆ. ಇದು ಚೀನಾದಿಂದ ಅನ್ಯಾಯದ ವ್ಯಾಪಾರ ಅಭ್ಯಾಸಗಳು ಎಂದು ಭಾವಿಸುವುದನ್ನು ಎದುರಿಸುವ ಗುರಿಯನ್ನು ಹೊಂದಿದೆ ಮತ್ತು ಇದು ತಂತ್ರeನ ವರ್ಗಾವಣೆ,
ಸೈಬರ್ ಒಳನುಗ್ಗುವಿಕೆಗೆ ಸಂಬಂಽಸಿದ ಸಮಸ್ಯೆಗಳನ್ನು ಒಳಗೊಂಡಿದೆ.
ಪ್ರಸ್ತಾವಿತ ಸುಂಕದ ಹೆಚ್ಚಳವು ವಿಶ್ವ ವ್ಯಾಪರ ಸಂಘಟನೆ (WTO) ಯಲ್ಲಿ ಅಮೆರಿಕದ ಬೌಂಡ್ ಡ್ಯೂಟಿ ಬದ್ಧತೆಗಳನ್ನು ಮೀರುತ್ತದೆ ಹಾಗೂ USu ನಿಬಂಧನೆ ಗಳನ್ನು ಸಂಭಾವ್ಯವಾಗಿ ಉಲ್ಲಂಘಿಸುತ್ತದೆ. ಅಪರೂಪವಾಗಿ ಬಳಸಲಾಗುವ ರಾಷ್ಟ್ರೀಯ ಭದ್ರತಾ ಷರತ್ತಿನ ಅಡಿಯಲ್ಲಿ ಅಮೆರಿಕ ಈ ಹೆಚ್ಚಳ ವನ್ನು ಹೆಚ್ಚು ಸಮರ್ಥಿಸಿದೆ.
ಜಟ್ಟಿಗಳಿಬ್ಬರ ಕಾಳಗ: ಅವಕಾಶಗಳ ಆಗರ ಭಾರತವು ಫೇಸ್ ಮಾಸ್ಕ್‌ಗಳು, ಪಿಪಿಇ, ಸಿರಿಂಜ್ಗಳು ಮತ್ತು ಸೂಜಿಗಳು, ವೈದ್ಯಕೀಯ ಕೈಗವಸುಗಳು, ಅಲ್ಯೂಮಿನಿಯಂ, ಕಬ್ಬಿಣ ಮತ್ತು ಉಕ್ಕಿನಂತಹ ಉತ್ಪನ್ನಗಳಲ್ಲಿ ಅವಕಾಶಗಳನ್ನು ಹೊಂದಿದೆ.ಇವುಗಳ ಮೇಲಿನ ಹೆಚ್ಚಿನ ಸುಂಕಗಳು ಭಾರತಕ್ಕೆ
ಮಹತ್ವದ ಅವಕಾಶವನ್ನು ನೀಡುತ್ತವೆ. ಬೇಡಿಕೆಯಲ್ಲಿರುವ ಈ ಉತ್ಪನ್ನಗಳ ಉತ್ಪಾದನೆ ಮತ್ತು ರಫ್ತು ಗಳನ್ನು ಹೆಚ್ಚಿಸುವ ಮೂಲಕ, ಭಾರತವು ಅಮೆರಿಕ ಮಾರುಕಟ್ಟೆಯಲ್ಲಿ ತನ್ನ ವ್ಯಾಪಾರದ ಹೆಜ್ಜೆಗುರುತನ್ನು ವಿಸ್ತರಿಸಬಹುದು.
ಎಲೆಕ್ಟ್ರಿಕ್ ಕಾರುಗಳು ಮತ್ತು ಸೆಮಿಕಂಡಕ್ಟರ್‌ಗಳಂತಹ ಉಳಿದ ಉತ್ಪನ್ನಗಳ ನಿವ್ವಳ ಆಮದುದಾರನಾಗಿರುವುದರಿಂದ ಭಾರತವು ಯಾವುದೇ ರ- ಪ್ರಯೋಜನವನ್ನು ಪಡೆಯದಿರಬಹುದು. ಆದರೆ ದೀರ್ಘಾವಽಯಲ್ಲಿ ಪ್ರಮುಖ ಸ್ಥಾನ ಪಡೆಯಲಿದೆ. ಭಾರತವು ೨೦೨೫ ರಿಂದ ತನ್ನ ಸೆಮಿಕಂಡಕ್ಟರ್
ಉತ್ಪಾದನೆಯನ್ನು ಹೆಚ್ಚಿಸುವುದರಿಂದ, ಅಮೆರಿಕ ಮತ್ತು ಯುರೋಪಿನ ದೇಶಗಳಿಗೆ ಸೆಮಿಕಂಡಕ್ಟರ್‌ಗಳ ರಫ್ತುದಾರನಾಗುವ ಸಾಧ್ಯತೆಯಿದೆ. ಭಾರತವು ಪ್ರಸ್ತುತ ನಾಲ್ಕು ಅರೆವಾಹಕ ಸ್ಥಾವರಗಳನ್ನು ಸ್ಥಾಪಿಸಲು ಕೆಲಸ ಮಾಡುತ್ತಿದೆ.
ಭಾರತೀಯ ಎಲೆಕ್ಟ್ರಿಕ್ ವಾಹನ ಪರಿಸರ ವ್ಯವಸ್ಥೆಯು ಪ್ರಸ್ತುತ ಅಭಿವೃದ್ಧಿಯ ಆರಂಭಿಕ ಹಂತದಲ್ಲಿದ್ದರೂ ಬಹಳ ವೇಗವಾಗಿ ಬೆಳೆಯುತ್ತಿದೆ. ಹಲವಾರು ಆಟೋಮೊಬೈಲ್ ಕಂಪನಿಗಳು ಭಾರತದಲ್ಲಿ ವಿದ್ಯುತ್ ವಾಹನಗಳನ್ನು ತಯಾರಿಸುತ್ತಿವ ಹಾಗೂ ದೇಶೀಯ ಮಾರುಕಟ್ಟೆ ಮತ್ತು ರ- ಎರಡನ್ನೂ ಪೂರೈಸುತ್ತಿವೆ. ಆರ್ಥಿಕ-ತಾಂತಿಕ ವಿಶ್ವ ಪಾರಮ್ಯಕ್ಕಾಗಿ ಟ್ರೇಡ್‌ವಾರ್!
ಜಾಗತೀಕರಣದ ಬಳಿಕ ಪ್ರಪಂಚದ ರಾಷ್ಟ್ರಗಳ ನಡುವೆ ವ್ಯಾಪರ-ವಹಿವಾಟು, ತಂತ್ರeನ, ಶಸಾಸ ಅಭಿವೃದ್ಧಿ ಸಹಿತ ಹಲವಾರು ವಿಷಯಗಳ ಬಗ್ಗೆ ಪೈಪೋಟಿ ನಡೆಯುತ್ತಲೇ ಬಂದಿದೆ. ಈ ಮೊದಲು ಶಸಾಸ ತಯಾರಿ ಹಾಗೂ ಖರೀದಿಯ ಬಗ್ಗೆ ಶತ್ರು ರಾಷ್ಟ್ರಗಳು ಪರಸ್ಪರ ಪೈಪೋಟಿಗಿಳಿದಿದ್ದವು, ಈಗ
ಅದು ವ್ಯಾಪಾರದ ಕಡೆ ಹೊರಳಿದೆ. ಒಂದು ದೇಶವು ತನ್ನ ದೇಶೀಯ ಉದ್ಯಮಗಳನ್ನು ಸಂರಕ್ಷಿಸಲು ತನ್ನ ಆಮದುಗಳ ಮೇಲಿನ ತೆರಿಗೆಯನ್ನು
ಹೆಚ್ಚಿಸುತ್ತದೆ. ಇದಕ್ಕೆ ಪ್ರತೀಕಾರವಾಗಿ ಇನ್ನೊಂದು ದೇಶ ಆ ದೇಶದ ಆಮದುಗಳ ಮೇಲೆ ಸುಂಕವನ್ನು ಹೆಚ್ಚಿಸಿದಾಗ ವ್ಯಾಪಾರ ಯುದ್ಧದ ಆತಂಕದ ಸನ್ನಿವೇಶ ಸೃಷ್ಠಿಯಾಗುತ್ತದೆ.
ಆಮದು ಮೇಲಿನ ಸುಂಕ, ವಿದೇಶಿ ವಸ್ತುಗಳನ್ನು ದುಬಾರಿಯನ್ನಾಗಿಸುತ್ತದೆ. ವಿದೇಶಿ ವಸ್ತುಗಳ ಆಕರ್ಷಣೆ ಕಡಿಮೆಯಾಗಿ, ಸ್ಥಳೀಯ ವಸ್ತುಗಳ ಬೇಡಿಕೆ ಯನ್ನು ಹೆಚ್ಚಿಸುತ್ತದೆ. ಆ ಮೂಲಕ ಸ್ಥಳೀಯ ಉದ್ಯೋಗಗಳನ್ನು ಮತ್ತು ಕೈಗಾರಿಕೆಗಳನ್ನು ರಕ್ಷಿಸುತ್ತದೆ. ಚೀನಾ ಮತ್ತು ಅಮೆರಿಕ ನಡುವೆ ಇಂದು ನಡೆಯುತ್ತಿರುವ ಹೋಲಿಕೆ ಮತ್ತು ವ್ಯಾಪಾರ ಸಮರ ಎರಡು ದೊಡ್ಡ ಆರ್ಥಿಕತೆಗಳ ನಡುವೆ ಅನಿವಾರ್ಯವೂ ಹೌದು. ತಮ್ಮ ಆರ್ಥಿಕ ರಕ್ಷಣೆಗಾಗಿ ರಾಷ್ಟ್ರಗಳ ನಡುವೆ ನಡೆಯುವ ಈ ರೀತಿಯ ಸೇರಿಗೆ ಸವ್ವಾ-ಸೇರು ಪ್ರಕ್ರಿಯೆ ಆರ್ಥಿಕತೆಯನ್ನು ದುರ್ಬಲಗೊಳಿಸುತ್ತದೆ. ಇದರ ಹಿಂದೆ ಯಾವುದೇ ರಾಜಕೀಯ ಪ್ರೇರಿತ ಉದ್ದೇಶಗಳಿದ್ದರೂ ಅಂತಿಮವಾಗಿ ಪ್ರತಿಯೊಬ್ಬರೂ ಆರ್ಥಿಕವಾಗಿ ಬಾಧಿಸಲ್ಪಡುತ್ತಾರೆ.
ಈಗ ನಡೆಯುತ್ತಿರುವ ಚೀನಾ ಮತ್ತು ಅಮೆರಿಕ ನಡುವಿನ ವ್ಯಾಪಾರ ಯುದ್ಧ ವ್ಯಾಪಾರದ ಬಗ್ಗೆ ಅಲ್ಲ. ಇದು ಎರಡು ದೊಡ್ಡ ದೇಶಗಳಲ್ಲಿ ಏಕಕಾಲದಲ್ಲಿ ನಡೆಯುವ ಪ್ರಮುಖ ದೀರ್ಘಾವಧಿ ಬೆಳವಣಿಗೆಗಳು- ವಿಶ್ವದ ಆರ್ಥಿಕ ಮತ್ತು ತಾಂತ್ರಿಕ ಪಾರಮ್ಯಕ್ಕಾಗಿ ನಡೆಯುವ ಸ್ಪರ್ಧೆ. ವ್ಯಾಪಾರ ಯುದ್ಧದಿಂದ ಉಂಟಾಗುವ ಹಣದುಬ್ಬರ ಮತ್ತು ಕುಂಠಿತ ಬೆಳವಣಿಗೆಗಳು ಜಾಗತಿಕ ಮತ್ತು ದೇಶೀಯ ಸವಾಲುಗಳಿಗೆ ಕಾರಣವಾಗಲಿದೆ.
ಡಂಪಿಂಗ್ ಬಗ್ಗೆ ಎಚ್ಚರಿಕೆ ಅಗತ್ಯ
ಚೀನಾ ಅಮೆರಿಕ ವ್ಯಾಪಾರ ಯುದ್ಧ ಪ್ರಭಲವಾಗುವ ಲಕ್ಷಣಗಳು ಗೋಚರಿಸುತ್ತಿದ್ದು, ಜಾಗತಿಕವಾಗಿ ಅದರಲ್ಲೂ ಮುಖ್ಯವಾಗಿ ಭಾರತದ ಆರ್ಥಿಕತೆಯ ಮೇಲೆ ಪ್ರಭಾವ ಬೀರುವ ಸಾಧ್ಯತೆ ಇದೆ. ಹಲವು ರಾಷ್ಟ್ರಗಳು ಚೀನಾ ಉತ್ಪಾದನಾ ಅತಿಕ್ರಮಣದ ಫಲವಾಗಿ ನಲುಗುತ್ತಿವೆ. ಚೀನಾದ ವ್ಯಾಪಾರ ನೀತಿಯ ಬಗ್ಗೆ ಹಲವು ರಾಷ್ಟ್ರಗಳು ಅಕ್ಷೇಪ ವ್ಯಕ್ತಪಡಿಸಿದರೂ ಅದರ ಉತ್ಪಾದನಾ ಪ್ರಮಾಣ ಕುಸಿದಿಲ್ಲ. ಸುಂಕ ಪ್ರತಿಸುಂಕದ ಸಮರವು ಮಾರುಕಟ್ಟೆಯಲ್ಲಿ ಅತಂತ್ರ ಪರಿಸ್ಥಿತಿ ನಿರ್ಮಾಣ ಮಾಡಬಹುದು.
ಯುಎಸ್ ಮತ್ತು ಚೀನಾ ನಡುವಿನ ವ್ಯಾಪಾರ ಯುದ್ಧದ ಉಲ್ಬಣವು ಬೀಜಿಂಗ್ ಅನ್ನು ಭಾರತೀಯ ಮಾರುಕಟ್ಟೆಗಳಲ್ಲಿ ಸರಕುಗಳನ್ನು ಡಂಪ್ ಮಾಡಲು ತಳ್ಳಬಹುದು ಎಂದು ಆರ್ಥಿಕ ಚಿಂತಕರ ಟ್ಯಾಂಕ್ ಗ್ಲೋಬಲ್ ಟ್ರೇಡ್ ರಿಸರ್ಚ್ ಇನಿಶಿಯೇಟಿವ್ (GTRI) ಹೇಳಿದೆ. ಅಮೆರಿಕ ಸುಂಕ ಹೇರಿದ ಉತ್ಪನ್ನಗಳಲ್ಲಿ ಮಿತಿಮೀರಿದ ಉತ್ಪಾದನಾ ಸಾಮರ್ಥ್ಯ ಹೊಂದಿದ ಚೀನಾ ಸಹಜವಾಗಿ ನೆರೆಯ ಭಾರತದಲ್ಲಿ ಡಂಪಿಂಗ್ ಮಾಡುವ ಸಾಧ್ಯತೆಯನ್ನು ತಳ್ಳಿಹಾಕ ಲಾಗದು. ಒಂದು ದೇಶ ಅಥವಾ ಕಂಪನಿಯು ರಫ್ತುದಾರರ ದೇಶೀಯ ಮಾರುಕಟ್ಟೆಯಲ್ಲಿನ ಬೆಲೆಗಿಂತ ವಿದೇಶಿ ಆಮದು ಮಾರುಕಟ್ಟೆಯಲ್ಲಿ ಕಡಿಮೆ ಬೆಲೆಗೆ ಉತ್ಪನ್ನವನ್ನು ರಫ್ತು ಮಾಡಿದಾಗ ಡಂಪಿಂಗ್ ಸಂಭವಿಸುತ್ತದೆ.
ಡಂಪಿಂಗ್ ಎನ್ನುವುದು ಅನ್ಯಾಯದ ಸ್ಪರ್ಧೆಯ ಒಂದು ರೂಪವಾಗಿದೆ ಏಕೆಂದರೆ ಉತ್ಪನ್ನಗಳನ್ನು ಅವುಗಳ ಬೆಲೆಯನ್ನು ನಿಖರವಾಗಿ ಪ್ರತಿಬಿಂಬಿಸದ ಬೆಲೆಗೆ ಮಾರಾಟ ಮಾಡಲಾಗುತ್ತಿದೆ. ವಿದೇಶಿ ಮಾರುಕಟ್ಟೆಯನ್ನು ಅಸಮ್ಮತವಾದ ಡಂಪಿಂಗ್ ವಿಧಾನದಿಂದ ಕಬಳಿಸುವ ಹುನ್ನಾರದ ಬಗ್ಗೆ ಎಚ್ಚರ ವಾಗಿರಬೇಕು. ಪ್ರಸ್ತುತ ಅನಿಶ್ಚಿತ ಪರಿಸ್ಥಿಯಲ್ಲಿ ವ್ಯವಹಾರ ಪರಿಸರವನ್ನು ಸ್ಥಿರವಾಗಿಡುವಲ್ಲಿ ಭಾರತೀಯ ಉದ್ಯಮಿಗಳ ಪಾತ್ರ ಪ್ರಮುಖವಾಗಿದೆ. ಭಾರತ ತನ್ನ ಪ್ರಮುಖ ವ್ಯಾಪಾರ ಸಂಬಂಧ ಆದ್ಯತೆಗಳನ್ನು ಕಳೆದುಕೊಳ್ಳದೆ ಜಾಗರೂಕತೆಯಿಂದ ಚಲಿಸಬೇಕು ಹಾಗೂ ಅವಕಾಶಗಳನ್ನು ಸದುಪಯೋಗಿಸಿಕೊಳ್ಳಬೇಕು.
(ಲೇಖಕರು: ನಿವೃತ್ತ ಪ್ರಾಂಶುಪಾಲರು ಹಾಗೂ ಅರ್ಥಶಾಸ್ತ್ರ ಪ್ರಾಧ್ಯಾಪಕರು)
